رواية جوهرة القصر المهجور الفصل العاشر 10 بقلم منال عباس

رواية جوهرة القصر المهجور الجزء العاشر

رواية جوهرة القصر المهجور البارت العاشر

رواية جوهرة القصر المهجور الحلقة العاشرة

البارت العاشر
بعد أن هيأت جوهرة نفسها لانتظار زوجها …انتظرته طويلا فلم تشعر بالوقت حتى نامت لتستيقظ على يد تتحرك بانسيابيه على جسدها النحيل …
لتقوم من النوم بفزع
جوهرة : مين ؟ ؟؟؟؟
لترد لين انا يا مامى انخضيتى ليه
جوهرة : معلش حبيبتى اصل كنت نمت …ونظرت حولها فلم تجد جاسر …
لين : اخخخخ نسيت اقولك نانو اط هتيجى النهارده
جوهرة : نانو مين ؟
لين : نانو ميمى مامت بابي
جوهرة : اهلا وسهلا بيها ونظرت إلى الساعه وجدتها السابعه صباحا
جوهرة : ايه دا احنا بقينا الصبح !!
اومال بابي فين
لين : بابي تحت فى مكتبه ما هو اللى قالى أن نانو جايه من السفر النهارده
شعرت بالحزن ..فهو لم يصعد إلى الأعلى ولم تراه منذ الأمس …شعرت بالاحراج من نفسها …وقررت أن تستبدل ثيابها
جوهرة : طيب يا لين اسبقينى على تحت وانا شويه كدا وجاية وراكى …علشان اعملك الفطار ..
لين : حاضر يا مامى
نزلت لين ليقابلها جاسر على السلم
جاسر : حبيبتى هى مامى صحيت من النوم ..بقلم منال عباس
لين : ايوا يا بابي وقالت هتنزل ورايا
جاسر : طيب انزلى واحنا شويه كدا وهنيجى وراكى ….
لين فى نفسها : شويه كدا شويه كدا …هما بيقولوا زى بعض ..وتنزل لتبحث عن الخادمه …بين
وصعد إلى حجرة النوم ليتفاجئ ب جوهرة بهذه الملابس ..كانت تقف أمام الدولاب لتستخرج ملابس اخرى
جوهرة دون أن تستدير …
لين حبيبتى انتى رجعتى …طب اقعدى هغير هدومى بسرعه وانزل معاكى لتتفاجئ بصوت كانت فى انتظاره …وان قولت ليكى خليكى كدا شويه …لتلتفت بسرعه لتجده جاسر لتجرى عليه وتحتضنه بشوق …
جاسر وهو يحتضنها هو الآخر : آسف حبيبتي ….حصل مشكلة كبيرة فى الشغل واضطريت اروح الشركه
جوهرة : يعنى انت مش زعلان منى
جاسر : ازعل منك ليه ..
جوهرة : علشان كلام سهر ..ودفاعى عن خالد …والله مفيش حاجه بينى وبينه ..
جاسر : عارف
جوهرة باستغراب : عارف ازاى ؟
جاسر : تفتكرى يعنى من وقت ما بقيتى مدام جاسر النجار وانا اعرف عنك كل حاجه …وعارف أن كل كلام سهر بنت عمك هى واللى اسمه شهاب دا وراه سر .. وخصوصا لما جابت اسم خالد دا بالاخص …دى قصه طويله …
هحكيها ليكى بعدين …ممكن بقي تتركينى اشوف الجمال دا براحتى واشبع منه
جوهرة بخجل ..انا انتظرتك كتير ..
جاسر : وانا عايز فرصه اعوضك عن التأخير ليحملها بين يديه ويضعها على سريره ليعيشا سويا اول لحظه حب حقيقيه كزوجين……بقلم منال عباس
عند سيف
سيف : تعبتك معايا يا خالد …لولا وجودك كان زمان شركه جاسر خسرت كتير وماكناش هنعرف ايه اللى بيحصل
خالد : احنا اخوات ما تقولش كدا …والحقيقه انا اتشرفت بمعرفه جاسر بيه …وفرحت جدا لما عرفت أنه تزوج من مدام جوهرة …وانقذها من عمها وأسرته …
سيف : واضح انك تعرفهم كويس
خالد : عز المعرفه …للاسف والد جوهرة كان راجل محترم جدا ودوغرى فى كل معاملاته …واتعلمت على أيديه حاجات كتير دا قبل ما انقل من الباجور إلى دمياط …ولما عمل الشراكه بينه وبين اخوه انتقلت هنا فى دمياط وبقيت اتابع الشغل لحد ما عرفت أن عصام بيشتغل فى الممنوعات وكل الصفقات اللى بتيجى باسم محمد الباجورى بتكون متهرب فيها شحنات مخد*ر*ات ولما عرف وطلب يفض الشراكه بينهم …مفيش فترة صغيرة وقريت خبر الحادثه
سيف : تفتكر عصام ليه دخل فى الحادثه دى
خالد : للاسف ما عنديش دليل مع أن كل الاحتمالات بتأكد أن عصام ليه علاقه بالحادثه ..
سيف : هو جاسر يعرف اى حاجه عن الكلام دا …
خالد : ايوا ..لما خرجت تجيب بقية الملفات حسيت أنه متضايق من حاجه وكلام بيجيب كلام ودردشنا سوا وحكيت ليه نفس كلامنا دا ..
سيف : كويس أنه عرف علشان يحترس من عصام وأسرته …اما شهاب دا ف انا كنت شاكك فيه من البدايه ..فعلا الطيور على اشكالها تقع …
عند جاسر وجوهرة
بعد أن ارتوى من حبيبته فكم كان مشتاق ..ينام جاسر وهو يأخذ جوهرة
بين أحضانه …فقد كانت جوهرة تدفن رأسها فى صدره من الخجل
جاسر : تعبتك حبيبتى
جوهرة بخجل : لا ..بس ممكن تقوم بقي علشان ادخل الحمام ..بقلم منال عباس
جاسر : طب ما تدخلى
جوهرة. : مش هعرف اقوم وانا كدا ….
فهم جاسر أنها تخجل لكونها عاريه …
جاسر بابتسامه : لسه بتتكسفى منى بالرغم أننا بقينا حاجه واحدة ..
جوهرة : معلش بس انا بجد متفاجئه بكل حاجه ..
جاسر : ماشي يا ستى ..انا هدور وشي وانتى قومى
جوهرة : تمام ..كدا احسن …
وما أن قامت تلك الجوهرة ليقوم ورائها بسرعه ويحملها
جوهرة بشهقه : انت غشاش وكمان قليل الادب
جاسر : ما انا مش هسيبك غير لما تتعودى عليا يا جوهرتى ..ويلا هناخد الشاور سوا …
عند شهاب
احمد : ما قولتش هتكتب كتابك امتى على سهر
شهاب : الحقيقه يا خالو سهر مالهاش امان …وتصرفاتها كلها مريبه ..
احمد : كله من السماويه سلمى …هى اللى ربيتها على كدا ..
شهاب : انا مش فاهم ازاى دا رأيك فى سلمى …وفى نفس الوقت تكون دى ام بنتك …دا لغز ولا ايه
احمد هحكيلك كل حاجه وانت تفهم
فلاش باااااااك
احمد : يعنى ايه عايزة تفركشي الجوازة ..احنا فاضل ايام وتبقي مراتى ..
سلمى : كله لمصلحتنا …
احمد : واضح انك اتجننتى ..مصلحة ايه وانتى رايحه تتجوزى حد غيرى
سلمى : عصام دا كنز وانفتح لينا ..
انت عارف عيلته ليهم مصانع اد ايه فى دمياط هو وأخوه ….ودا لما شافنى وهو أتهوس بيا …وقرر يتزوجنى ويكتب ليا شركه من شركاته
دا غير الفيلا …
احمد : هتبعينى علشان دول
سلمى : ومين قالك انى هبيعك ..احنا هنفضل مع بعض ..وعمرى ما استغنى عنك
احمد بعصبيه : لو صادقه تكونى ليا حالا قبل ما تكونى ليه ..
سلمى : وانا ما عنديش مانع …واتفاجئت أنها سلمت نفسها ليا من غير اى مقاومه ..كنت وقتها شاب طايش مش بيوزن الأمور …ووافقت واندفعت وراء شهوتى ..
معرفش ازاي. قدرت تخدع عصام …وما عرفش حقيقتها …
وبقت من فترة للتانيه تجيلى الشقه …
وفى يوم اختلفنا وشدينا مع بعض
وقعت بلسانها وقالت إنها كانت بتجيلى علشان بس تحمل …لأنها عرفت أن عصام عمره ما هيخلف ..
وبعد كدا اخبارها اختفت وعدى سنين بعدها عرفت انها خلفت بنت ولما واجهتها عرفت أن البنت دى تبقي بنتى..بقلم منال عباس
شهاب : دى حكايه غريبه …وانت ناوى على ايه
احمد: عايزك تتجوز سهر وتبعدها عن الناس دوول
وانا مستعد اعوضك يا شهاب بأى فلوس انت عايزها …المهم بنتى تبعد عن الست دى ..انا عارف انت خطبتها ليه ..علشان ثروة عصام وانا موافق تاخد ثروة عصام ..بعد وفاته ..مقابل انك تتجوز بنتى وما عنديش مانع انك. تطلقها …المهم تخرج من تحت ايدين سلمى واطمن عليها ..لان سهر مريضه قلب وممنوع تتزوج
شهاب باستغراب : مريضه قلب !!
احمد : ايوا يا شهاب ..والخبيثه سلمى
بدل ما تدور على اى علاج تساعد بنتها بيه …دارت على الكل ..ووافقت أن سهر تتجوز …علشان البنت تموت وتبقي هى الوريثه الوحيده ل عصام ..بعد ما اتخلصت بأفكارها الشيطانية من محمد ومراته ..
شهاب بتفكير : وماله يا خالوووو فى أقرب وقت هنفذ اللى طلبته
بس كدا انا مش هقدر اقرب من سهر …كزوجه ..وكدا هيبقي من حقى اتزوج تانى ..
احمد : حقك يا شهاب
شهاب بخبث فى نفسه : والله الدنيا ضحكت ليك يا شهاب …وقربت توصل لطريق ….