رواية وكأنه لا يوجد مهرب منك إلا إليك الفصل الثالث 3 بقلم هبة غنيم
رواية وكأنه لا يوجد مهرب منك إلا إليك الجزء الثالث
رواية وكأنه لا يوجد مهرب منك إلا إليك البارت الثالث
رواية وكأنه لا يوجد مهرب منك إلا إليك الحلقة الثالثة
وصلت البيت اخدت شاور وسخنت الاكل واكلت اخيرا حسه أني كدا تمام عملت كوبايه شاي وقعدت في البلكونه من غير م اعمل اي حاجه كنت في date مع القمر والنجوم بنبص ل بعض بلا هدف مره واحده حسيت بصوت جنبي
_لسه بتعدي نفس القاعده دي ؟ متاكده انك فعلا اتغيرتي ؟
_عايزني اقوم ؟
_لا خليكي انا بس كان وحشني فكرة انك بتبقي جمبي كل يوم في البلكونه بقالي سنين ملقتكيش جنبي كنت مفتقدك
_سنين! انت عايز اي مني يا يوسف ؟
_عايزك انتِ
_يوسف !!
_اديني فرصه ،فرصه واحده بس اعوض بيها اي حاجه
_انت شايف انك تستحق فرصه ! امشي يا يوسف متضحكنيش
_وليه مستحقش ؟ كل انسان في الدنيا من حقه فرصه تانيه غير أن في حجات انت متعرفيهاش يا بتول
_لو كل الناس تستحق معنديش مشكله بس انا عن نفسي مش مستعده ولا هقبل اصلا اني ادي اي حد فرصه تانيه واولهم انت ،ثانيا مش عايزه اعرف حاجه شايفه أن ال انا عارفاه يكفيني ف متتعبش نفسك . هتدخل انت ولا ادخل انا ؟ اقولك خليك مش ديما انت ال بتسيب حد في مكانه وتمشي خليني اسيب مره اشمعنا انت بقا
قولتها بضحكه ساذجه وسبته ودخلت وقفلت باب البلكونه
***
هي فكره أنها كدا بتجرحني بكلامها ودا فعلا حقيقي بس ال هي مش واخده بالها منه أنها بتجرح نفسها قبلي ومصممه برده علي العناد وأنها متتكلمش بس انا وراها وراها ومش هسيبها ،
صحيت تاني يوم علي تليفون من المستشفى وان في حاله ضروروي جدا ولازم نكون موجودين انا وبتول ف قومت بسرعه لبست وكنت متاكد انهم اتصلوا بيها كمان وانا بفتح الباب لقيتها هي كمان بتفتح
_رنوا عليكي ؟
_ايوا
_طيب تعالي معايا العربيه تحت
_تاني ؟
_امفيش وقت يا بتول ومش هتلحقي توصلي بتاكسي حتي يلا
معارضتنيش وركبت معايا العربيه وطلعنا علي المستشفي بسرعه غيرنا ودخلنا علطول نشوف الحاله وكان عنده جرح كبير جدا في منطقه خطيره ولازم عمليه ودخلنا العمليات انا وبتول واخدت حوالي ساعتين كاملين واخيرا خلصنا وخرجنا
_ااه الحمدلله لحقناها
_ايوا ، اشتغلتي كويس جدا جوا بصراحه
_دا شغلي
_انا نازل الكافتيريا تحت هتيجي ؟
_اه انا كمان نازله
***
_اتنين قهوه مظبوط بعد اذنك
_اتنين ليه ؟
_واحده ليا وواحده ليك
_بس انت مش بتحب القهو…
_ايه دا ايه دا م انتي فاكره اهو ؟
_ا…ا.. مش قصدي يعني انا…
_خلاص خلاص ولا يهمك انا فهمت
_فهمت ايه ؟
_لا عادي ولا حاجه خدي قهوتك يلا
اخدت القهوه وانا بشتمني وبشتمه في سري
_انت رايحه فين ؟
_طالعه فوق في اي ؟
_تعالي نخرج بره الجو حلو في هواء نشرب القهوه ونطلع وقبل م تعترضي مش هفتح في مواضيع قديمه متقلقيش
هزيت راسي بمعني موافقه ومشيت معاه بره
_الجو فعلا تحفه بارد كدا راحه بجد
_ملحظتيش حاجه كدا ؟
_لا في ايه؟
_اتنين بالطو وسماعتين جو بارد في نسمه هوا جميله بتطير خصلات شعرك مع كوبايتين قهوه …
فلاش باك
_تعرف يا يوسف ؟
_عرفيني
_احنا واقفين دلوقتي في البلكونه انا ومج القهوه بتاعي وحضرتك مع كوبايه الشاي والجو بارد وتحفه كدا ناقصهم ايه ؟
_ناقص ايه ؟
_اولا حضرتك تشاركني القهوه ال مش بتحبها دي وتشرب زيّ قهوه ثانيا اتنين بالطو وسماعتين وبريك بعد عمليه مرهقه
_انا وانتِ سوا وبس مش كدا ؟
_انا وانتَ سوا بس
_هيحصل اوعدك
باك
افتكرت وعد من الوعود ال وعدهالي في اللحظه دي ، هي وعود الثانوي دي حلوه اوي والله ومش قادره أنكر أنها اتحققت م احنا واقفين اهو فعلا ومتحققه قدامنا بس مش دي الظروف الصح مش دي الطريقه مكنتش بحلم تبقي بالشكل دا
_بتوول روحتي فين ؟
_ها ؟ لا مفيش حاجه
_يبقي روحتي مكان م انا روحت انت منستيش
_البريك خلص ولا ايه ؟ مش يلا ؟
اتنهد ورد عليا بتأفف
_يلا يا بتول يلا
طلعنا كملنا شغل لفينا علي المرضي اتاكدنا انهم كويسين وخلصنا شغلنا الحمدلله بعد يوم مرهق بس كالعاده ممتع خرجت من المستشفى وقابلت رهف اتغدينا سوا بره ولفت معايا شويه جبت حجات ليا وللبيت
_رهف ؟
_امم ؟
_ارجع تاني ؟
_ترجعي فين ؟
_اسافر تاني
_قصدك تهربي تاني
_دا مش هروب علفكره
_لا دا هروب انت بتهربي تاني زي م هربتي اول مره عايزه تكرريها تاني وتقضي حياتك لوحدك تاني ؟
_رهف افهميني انا حكتلك كل ال حصل بينا لحد دلوقتي بس انت مش معايا
_لا انا مش معاك ،بصي يا بتول انا شايفه أنه من حقه تسمحيله أنه يبرر لنفسه وتسمحي لنفسك انك تسمعيله
_واتعامل اكنه عادي محصلش حاجه ولا أن حياتي اتشقلبت بسببه مش كدا؟ قولي كمان
_يا بتول افهمي محدش طلب منك تعملي كدا حياتك متشقلبتش بسببه هو بس ولا بسببك انت بس
اتنهدت وكملت
_انت بتهربي تاني يا بتول من مشاعرك وانت عارفه كويس أنك لسه بتحبي يو..
_اشششش متكمليش مش عايزه اسمع منك حاجه انت عارفه كويس اني نسيته من زمان ومش عايزه افتح في ال فات انا كنت مراهقه وخلاص انا دلوقتي واعيه تماما لكل ال بيحصلي ومش هقع في نفس اخطائي تاني هو كدا كدا ميفرقليش
_طلاما ميفرقلكيش بتفكري تسافري بسببه ليه ها ؟ عايزه تسافري تاني بسببه زي م سافرتي في الاول بسببه برده ؟ مش مستنيه منك رد دلوقتي انت محتاجه تُعدي مع نفسك يا بتول وتفكري صح و يلا نروح الوقت اتاخر
روحت فعلا وانا بفكر في كل ال هي بتقوله غيرت هدومي واخدت دش وعملت كوبايه شاي وسمعت دوشه من ناحية البلكونه ف قولت اشوف في اي
***
*كان يا مكان الحب مالي بيتنا مدفينا الحنان زارنا زمان سرق منا فرحتنا بالراحه والأمان *
_ايه الدوشه دي ؟
قفلت الاغنيه اول م سمعت صوتها
_دوشه ؟ هو الصوت عالي كدا ولا ايه ؟
_مش عالي اوي بس سمعته من جوه يعني علي العموم انا داخله
شغلت الاغنيه قبل م تدخل
*حبيبي كان هنا مالي الدنيا عليا بالحب والهنا حبيبي يا انا يا اغلي من عنيا نسيت مين انا
انا الحب ال كان ال نسيته قوام من قبل القوام*
وقِفت مكانها اول م شغلت الاغنيه وبقيت اغني معاها لفتلي وسندت ايديها علي السور زيّ ودندنت معايا
*نسيت اسمي كمان نسيت يا سلام علي غدر الإنسان *
_سامع ؟ بتقولك غدر الانسان كنت عايز تلقح عليا بالاغنيه للاسف جات فيك انت
كمِلت وهي رافعه حاجبها وبتبصلي وبتندن…
*نسيت يا سلااام علي غدر الإنسان *
قفلت الاغنيه وبصتلها
_بس انا مش غدار ومغدرتش
_انت كداب
_انا ؟ فين بتول ال كانت بتقولي أن انت اصدق انسان في حياتي فين ؟
_فكرتني ليه بس انت فكرتني بالتروما ال جاتلي بسببك بس متخافش بعالجها من غيرك عن اذنك
_هو انت مش حسه اني بعمل اي حاجه عشانك ؟ خالص بجد مش فكرالي اي حاجه حلوه عملتها حتي قبل كدا تشفعلي دلوقتي ؟
_انت قتلت كل الحلو ال كان جوايا ليك يا يوسف انت غدرت بيا وسبتني ف اكتر وقت كنت محتجاك فيه ، يوسف خلاص انا قولت مش هتكلم في الموضوع دا تاني انا داخله
دخلت وسابتني دخلت وسابتني تاني انا وأفكاري وندمي علي اليوم ال قررت اسيبها فيه ، هو انا مش هيتشفعلي خالص ؟ هو مش كل انسان بيغلط مش من حقي اي فرصه ابدا ؟
زهقت من تفكيري ف قررت ادخل انام احسن ،صحيت تاني يوم بدري ف قولت اقعد في البلكونه شويه عملت قهوه وقولت اصحصح دخلت البلكونه حسيت بيها جنبي استغربت أنها صاحيه بدري كدا ف قولت انكشها
_صباح الخير ايه ال مصحيك بدري كدا
_بدري اي انا صاحيه من الساعه خمسه
_ليه يا بنتي انت من أمتي بتصحي بدري اصلا انت كنت طول عمرك كسوله
_دا كان زمان دا مش قولتلك كل حاجه اتغيرت وانت مصدقتش ؟
_متاكد أن مش كل حاجه انت لسه جواك نفسك القديمه بس مخبياها
_ياعم مش فارقه المهم اني متصالحه مع نفسي الجديده
_يبقي بتضحكي علي نفسك بذمتك من ساعه م شوفتيني هل بطلتي تفكير في ايام زمان ؟ هل بطلتي تفكير فيا انا شخصيا ؟ هل بطلتي تفكير في احلامنا ال كنا هنحققها سوا ؟ بطلتي ؟ لو قولتي بطلتي تبقي بتضحكي علي نفسك والله
_والله يا دكتور يوسف مش عارفه انا المفروض اعمل ايه عشان اثبتلك انك معنتش تفرق معايا ابدا اصلا ممكن الكلمه تدايق بس بالظبط نفس ال انت حسستني بيه اخر مره وهو اني معنتش افرقلك ف انا عيشت من غيرك عادي اهو واديني بحقق كل احلامي بس من غيرك فاهمني ؟ يلا ادخل البس يا دكتور في يوم طويل قدامنا
وبرده كالعاده سابتني ودخلت وانا فضلت واقف طب اعمل ايه عشان اوصلها تاني انا تعبت
دخلت لبست واخدت شنطتي ونزلت وطبعا هي كانت لابسه ف نزلت قبلي وسابقتني نزلت اخدت عربيتي ومشيت وطول الطريق وانا بسوق بفكر في ال هي بتقوله وافكر في طريقه احاول اوصل بيها ل قلبها أو بمعني اصح انبه قلبها تاني ليا لاني متاكد انه لسه بيحبني هي عمرها م حبت حد قدي بفتكر ايام الثانويه بتاعتها كنت انا في السنه الخمسه طب بفتكر الفتره دي اد ايه كانت صعبه في حياتها وفي حياتي انا كمان بفتكر وعودنا ل بعض أننا هنفضل الداعم الأول في حياة بعض وأننا هنفضل سوا ديما بس كل دا اتشقلب مره واحده
غمضت عيني بضيق وانا بتنهد ومره واحده مشوفتش قدامي وآخر حاجه سمعتها صوت إسعاف …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وكأنه لا يوجد مهرب منك إلا إليك)
