رواية وقعني ظبوطه الجزء الثاني الفصل الخامس 5 بقلم منار مجدي
رواية وقعني ظبوطه الجزء الثاني الجزء الخامس
رواية وقعني ظبوطه الجزء الثاني البارت الخامس
رواية وقعني ظبوطه الجزء الثاني الحلقة الخامسة
أسيل بدأت تحضر الفطار لكل العيله
اسراء دخلت:عواطف الفطار اتأخر ليه ماما عماله تسأل ايه ده أسيل امال عواطف فين
أسيل:اجازه
اسراء:امال مين هيعمل الفطار
أسيل:انا وقربت اخلص
أسراء:مين قالك
أسيل:سلوى هانم قالتلى بس اوعى يا إسراء تقولى حاجه لهارون
اسراء:انتى مجنونه اكيد لازم هارون يعرف عشان ..
أسيل قاطعتها:لا مش لازم وبعدين انا حاسه انى هعرف اوصل لقلبها بالطريقه ديه ارجوكى ساعدينى فى ده اوعى هارون يعرف حاجه.
أسراء اتنهدت:خلاص هساعدك
أسيل ابتسمت
سلوى:إسراء بتعملى ايه عندك انا مش قولتلك تستعجليها وتيجى
أسيل:روحى يا إسراء انا خلاص خلصت مش محتاجه مساعده شكرا
إسراء:متاكده
أسيل:ميه الميه روحى يالا
إسراء راحت مع سلوى
سلوى:اياكى تساعديها فى اى حاجه انتى مش خدامه هنا
إسراء:وله هى
سلوى ابتسمت
مليكه:مش خدامه بس هى مرات هارون ومن واجباتها أنها تعمل كده لعيله جوزها
إسراء:لا من واجبنا احنا اننا نحسسها انها فى بيتها من حقها تحس بالحب مع عيله جوزها مش المعامله ديه ابدا وكأنها خدامه هنا.
سلوى:انتى مالك هى قابله
إسراء:قابله عشان فاكره انها بالطريقه دي هتوصل لقلبك إلى كرهها قبل حتى ما يعرفها
مليكه:هى تستحق ده انتى مشوفتهاش ديه بقيت بتخلى هارون يقف فى وش مامته لدرجه هددها يسيب البيت
إسراء:واعتقد أن أسيل إلى اقنعته يقعد مش كده هو ده امتنانك ليها يا ماما مش انتى إلى كنتى بتدعمى فكره الحب مش انتى إلى دعمتينى لما قررت اسيب جوزى الله يرحمه لانى مش بحبه
سلوى:انا امكم انا اعرف مصلحتكم اكتر منكم
إسراء:ده مجرد عذر اخترعتيه عشان ترضى نفسك عن أذنك يا ماما
مشيت إسراء وسلوى بتفكر
مليكه:طول عمرها إسراء قلبها طيب وبتشوف الناس كلهم كويسين لكن الحقيقه ان أسيل حيه بترسم على الكل عشان يحبها لكن احنا كشفنها صح يا سوسو.
سلوى:اه صح معاكى حق
مليكه:ديه لسه بدايه الخطه لسه ياما هتشوف.
أسيل كانت بتجهز السفره ومتحمسه اوى
اسراء:أسيل انتى مش مضطره
أسيل: عارفه انا حابه اعمل كده عشان عيلتى مش انتو عيلتى برضو
أسراء ابتسمت ليها بطيبه
دخلت سلوى ومليكه وراها
سلوى:ها خلصتى
أسيل بابتسامه:اه شوفتى ايه رأيك
سلوى:اممم هنشوف
مليكه بقر’ف:ايه الريحه ديه
أسيل:ريحه ايه
مليكه:ايه ده ديه ريحه الاكل ده منتهى الصلاحيه مش كده بايظ يعنى.
أسيل:لا انا راجعت على الصلاحيه وكله تمام
إسراء:احسن روحى اكشفى على حاسه الشم عندك عشان شكلها هى إلى باظت عشان انا مش شامه غير ريحه الاكل التحفه ده
أسيل ابتسمت
دخل مدحت
مدحت بإعجاب وهو ماسك الجورنال:ايه الريحه الحلوه ديه
إسراء:ديه ريحه اكل أسيل يابابا دوق هيعجبك اوى
مدحت:امممم.
أسيل تليفونها رن :عن أذنكم.
اخدت تليفونها وخرجت الجنينه
أسيل:هارون
هارون:قلب هارون بتعملى ايه
أسيل:ها وله حاجه
هارون: لو حد ضايقك تعالى هنا
أسيل بضحك:ليه هقدم شكوه
هارون ضحك:ايوه وانا هجيبلك حقك احسن انا بيقولو عنى ضابط نزيه شايف شغله كويس اوى
أسيل:اه انت هتقولى
هارون:وحشتينى.
أسيل:وانت اكتر انت كويس
هارون:انا اتصلت عشان اطمن عليكى متقلقيش انا كويس
أسيل:لا متقلقش عليا
هارون:صحيح فى مفاجأة ليكى اممم كمان ساعتين وله حاجه وهتلقيها جمبك هتصل بيكى واقولك تخرجى ماشى
أسيل:ماسى
هارون ضحك:باى يا حبيبتى
أسيل:باى يا حياتى
رحيم:اوعدنا يا رب
أسيل اتخضيت وبصيت وراها
رحيم ضحك:هو الجواز حلو كده
أسيل ابتسمت: بس لما تتجوز إلى بتحبه
رحيم:بس الواحد يعمل ايه عشان إلى بيحبه يحس بيه
أسيل:ميستسلمش
رحيم:بس
أسيل:بس
رحيم:طيب تعالى يالا عشان نفطر
أسيل:لا انت روح انا فطرت مع هارون
رحيم:ماشى يا عم الله يسهله
أسيل ضحكت ورحيم دخل
بعد فتره
كانت أسيل قاعده فى الجنينه بتفتكر أيامها مع هارون وكل مواقفهم الجميله بس فاقت على صوت.
سلوى:أسييييييييييل
أسيل قامت ودخلت بسرعه ليها فى المطبخ.
سلوى:ايه مين هينضف المطبخ مكانك يعنى
أسيل:ها
سلوى:ايه مش بتعرفى تنضفى
أسيل:لا بعرف
سلوى:يبقا تنضفى المطبخ وبقيت الفيلا طبعا عارفه عواطف أجازه .
سابتها ومشيت.
أسيل حسيت بالاهانه.
أسيل:لا لا يا أسيل ده بيتك مش كل حاجه تبقى حساسه حاولى تتعاملى حاولى مش يمكن تحبك وتتقبل وجودك يالا اتشجعى.
وفعلا أسيل بدأت تنضف المطبخ وخرجت وبقيت تنضف الاوض كلها وحقيقة تعبت اوى فى حين أن تليفونها مبطلش رن بس هى مكنتش سامعاه خالص لأنها كانت مشغوله جامد
بعد فتره كبيره قعدت أسيل على السلم فى الفيلا تاخد نفسها
سلوى:أسيييييييل
أسيل قام ودخلت المطبخ ليها.
سلوى:اعملى الغدا بسرعه صحابى جايين
أسيل:ها
سلوى:واعملى كذا صنف ونوع مش عايزه ضيوفى يتريقو على مرات ابنى وله ايه
أسيل ابتسمت:حاضر.
سلوى سابتها وخرجت
أسيل طلعت تليفونها:ها يا جوجل ارشدنى ارجوك
بدأت تعمل زى ما جوجل بيقول
أسراء ورحيم بيبصو عليها من بعيد.
رحيم:ماما بهدلتها اوى
اسراء:الهبله فاكره انها كده هتقنعها
رحيم:وليه منقولش لهارون وهو يتصرف
إسراء:مش هينفع أسيل هتضايق اوى مننا..
سما دخلت البيت:أسييييييل
أسيل سابت إلى فى ايديها بفرحه وجريت على بره
أسيل:سمااااا
جريت عليها وحضنتها
أسيل:وحشتينى اوى
سما:ليه مش بتردى على هارون ده قلقان عليكى اوى.
أسيل:ينهار تعالى معايا بسرعه.
دخلت أسيل المطبخ
ومسكت تليفونها
أسيل:ينهار ابيض شكلى هتنفخ انهارده من هارون ده كلمنى اكتر من عشرين مره
سما:طيب كلميه
أسيل اتصلت عليه واول ما رد بعدت التليفون عن ودنها
هارون بزعيق:انتى مش بتردى ليه كل ده انا كنت جايلك فى الطريق.
أسيل:أهدى أهدى انا كويسه
هارون:مردتيش ليه
أسيل:ها كنت كنت
أسراء:معايا
أسيل:اه اه كنت مع إسراء
هارون:ممكن تخلى التليفون جمبك عشان اعرف اطمن عليكى
أسيل ابتسمت:حبيبى انا فى البيت مفيش حاجه هتحصلى طالما مع العيله.
هارون:برضو لازم اطمن عليكى ممكن
أسيل:حاضر.
هارون:هكلمك مره تانيه
أسيل:اوكى باى.
سما:عامله ايه يا أسيل وحشتينى
أسيل:وانتى اكتر يا سما وحشتينى اوى
سما:انا قولت هترجعو البيت الى هناك بس اتفاجأت لما لقيتكم جيتو هنا انتى مرتاحه هنا
أسيل:اه مرتاحه الكل هنا بيعاملنى كويس ايه ده شامه حاجه ينهار الاكل.
راحت عند البوتجاز وانشغلت فى الاكل
سما:انتى إلى بتعملى الاكل
أسيل:اه
سما:امال عواطف فين
أسيل:اجازه
سما:يبقا يطلبو دليفيرى ليه انتى تطبخى لكل العيله
أسيل:عشان انا مبسوطه كده
سما:أسيل ده فوق طاقتك بصى شكلك مرهق ازاى
أسيل:انا كويسه متقلقيش
سما:انا هقول لهارون
أسيل:لا لا لا يا سما متقوليش لهارون حاجه مش عايزه أضايقه ارجوكى اخر مره كان هيسيب البيت عشان بس كلمه بصى سيبينى انا اتصرف لوحدى اكيد هعرف مش انتى واثقه فيا
سما اتنهدت:واثقه فيكى
أسيل:يبقا عايزه حضن بقا
سما حضنتها:لولا أنك لسه متجوزه جديد كنت قولتلك هتنامى فى حضنى انهارده انا خلاص اتعودت أنام فى النور عشانك
أسيل ابتسمت:ليه لا خلاص انهارده انا بتاعتك
سما:بجد
أسيل:اكيد ده انتى وحشتينى اوى
اسراء:أسيل ماما ابتديت تسأل
أسيل:اه انا قربت اخلص اهو
سما:هى ماما سلوى إلى طلبت منها
أسرار:اه
أسيل:حلو اسم ماما سلوى يا رب بس تسمحلى فى يوم اقولها يا ماما سلوى.
أسراء:أن شاء الله يا حبيبتى أن شاء الله
سلوى:ايه التأخير ده كله ايه مش عارفه تعملى شويه اكل
أسيل:انا اسفه يا سلوى هانم بس الاكل على النار
سلوى:استعجلى شويه مليكه جعانه وضيوفى قربو يوصلو قوليلى انتى عملتى التحليه
أسيل:ها.
سلوى:متقوليش انك معملتيش انا قولتلك فى ضيوف اكيد هنحطلهم تحليه
أسيل:هعمل هعمل على طول متقلقيش
مليكه:سوسو الضيوف وصلو اه اهلا سما
سلوى:انا جايه وانتو تعالو ورايا سيبوها لوحدها.
أسيل:اه يالا روحو عشان اعرف اركز
سما:انا هساعدك
سلوى:محدش هيساعدها انتى مسمعتيش يالا ورايا
سما:بس
أسيل:روحى يا سما متقلقيش هعرف اتصرف لوحدى
إسراء:يالا يا سما الاتنين اعند من بعض
خرجو وسابو أسيل بتبص على البوتاجاز وبتشوف الاكل
أسيل:كده جهز هحضر السفره وبعدين اشوف التحليه مش مشكله ممكن اكل بعدين.
جهزت أسيل السفره ورتبتها بطريقه جميله اوى
ودخلت المطبخ تجهز التحليه
دخلت إسراء وسما
إسراء:أسيل انتى رجعتى ليه مش هتاكلى
أسيل:لا مش جعانه هعمل التحليه واشوف الضيوف وبعدين هبقا اكل لو جوعت
سما بصيت ليها بضيق عين
سما:انتى جعانه يا أسيل
أسيل:محصلش
سما ضحكت بسخرية:أسيل انا سامعه صوت بطنك من هنا
أسيل ضحكت:انتى بكاشه يالا روحو انتو كلو انا مش جعانه صدقونى.
اسراء:ده انتى حتى مفطرتيش
أسيل:لا فطرت مع هارون الصبح
سما:ده اكيد من بدرى اوى
مليكه دخلت:سما سوسو بتنادى عليكى انتى وإسراء
أسيل:بجد مش جعانه روحو
خرجو كلهم
أسيل: دلوقتى مش عارفه اعمل ايه اكيد لازم حاجه تانيه مع الكيكه صح طيب انا هعمل الكيكه وبعدين افكر اعمل حاجه تانيه
وبدأت تحضر كل حاجه ودخلتها الفرن وفجأة حد بيدخل من البوابه الى بين المطبخ و الجنينه
بصيت أسيل لقيت رحيم داخل
رحيم:انا جيت
أسيل:داخل بتتسحب كده ليه
رحيم:عشان اجيبلك دول
أسيل:ايه دول
رحيم:حلويات بسرعه هاتى طبق عشان أرمى العلبه
أسيل:انت جبتها عشانى
رحيم:عشان متتعبيش اكتر من كده
أسيل ابتسمت:رحيم انت بجد طيب اوى
رحيم:اى خدعه يا ستى يالا بسرعه قبل ما حد يدخل هاتى بس طبق وانا هتصرف
أسيل اديته طبق
صوت خطوات بتقرب
نزل رحيم على الأرض يستخبا ورا المطبخ
مليكه:فين رحيم مشوفتهوش
أسيل:ها ل ل لا
مليكه:امممم طيب خلصى بسرعه الضيوف قربو يخلصوا اكل
أسيل:اه حاضر حاضر
خرجت مليكه
رحيم:كنا هنروح بلاش
أسيل: شكرا يا رحيم بس انا بقيت بكدب كتير اوى وانا مضايقه من نفسى اوى.
رحيم:الى بيحصل فيكى مش قليل يا أسيل انتى عارفه فى بره كام فرد اكتر من ٢٠ فرد العيله والضيوف وكله عليكى لوحدك حتى محدش بيساعدك
أسيل:بس يا رب سلوى هانم تقبل بيا
رحيم:مع انى مش مصدق الموضوع بس حاولى مش هتخسرى حاجه انا خلصت هاخد العلبه ديه بقا ارميها بره
أسيل ابتسمت: شكرا يا رحيم
رحيم: العفو يا ستى
خرج رحيم
أسيل:كده مش فاضل حاجه
مليكه دخلت:سوسو بتقولك الضيوف خلصت اكل بسرعه تلمى السفره.
وسابتها وخرجت
أسيل كانت بجد تعبت راحت ولمت السفره ودخلت المطبخ
سلوى:خلصتى يالا بسرعه عايزين الشاى والتحليه
أسيل: حاضر.
كانت أسيل بتتكلم بتعب شديد
صعبت علي سلوى اوى
سلوى:انتى كويسه
أسيل ابتسمت بتعب:اه كويسه شكرا على سؤالك
مليكه:سوسو الضيوف بيسألو عليكى تعالى يالا.
خرجت سلوى مع مليكه وهى عينيها على أسيل
أسيل :على الأقل حاسه انى مهمه ليكى وبتسألى عليا حاسه ان كل تعبى راح بس عشان سألتينى انا كويسه وله لا.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وقعني ظبوطه الجزء الثاني)
