رواية وقعت أسيرة الشيطان الفصل الرابع 4 بقلم لؤلؤة محمد

رواية وقعت أسيرة الشيطان البارت الرابع

رواية وقعت أسيرة الشيطان الجزء الرابع

رواية وقعت أسيرة الشيطان الحلقة الرابعة

وصلت الطائرة التي تحمل بداخلها الشيطان الذي سيكون كالبركان يحرق ويدمر كل شيء أمامه وها هو يقف على سلالم الطائره ينظر للمكان من حوله بسخريه كبيره من هذه البلدة من الأعلى لا يعلم أن بداخلها شياطين ولكنه لم يعد مالك الصغير الملاك الذين يتلاعبون به الشياطين كما يريدون فهو أصبح كبيرهم الذين يركعون له ويخافونه
خرج مالك من المطار وكان فيه عربية ليموزين خلفها عربيات حراسه فهو الشيطان الذي يهابه الجميع
بقصر الحاج سعيد الأنصاري كان مليان بالحركه في كل مكان فها هو ابن هذا المنزل يعود بعد غياب طال كان لمدة 14عام
عودة مالك الأنصاري أو الملقب بالشيطان ابن عامر الأنصاري ومرام عزام الذين توفوا بأحداث غامضه وتولى رعايته عثمان الأنصاري وكريمه عزام خالته والذين اعتبروه ابن لهم وأكثر
الحاج سعيد بفرحه كبيره / يااااااه والله حاسس إن روحي بدأت ترجعلي من جديد يا ولاد نفسي شمل العيله يرجع يتلم من جديد
عثمان بفرحه / مالك كان واحشني أوي يا حاج مش عارف انت قدرت تقنعه ازاي
كريمه / نضفتي جناح أخوكي يا خديجه
خديجه / أيوه يا ماما نضفته أنا وهاله
أحلام مرات راجح ووالدة هاله وعائشه وروضة وياسمين / والأكل كمان جاهز يا كريمه
جت منال مرات رجب ووالدة شعيب وهاني ورامي / وأنا بقى كنت مسؤوله عن الحلويات وبقت جاهزة كمان ياست كريمه كله فدا مالك ربنا يرجعه لينا بالسلامه يارب
أمن الكل على دعاءها
________________________
جليله كانت هتتهبل على أختها اللي اختفت فجأه كان فيه ستات قاعدين حواليها وهي بتبكي وتنوح / اااااااه ياختي ياقلب أختك يا غاليه روحتي فين وجيتي منين ياحبيبة أختك ياترا جرالك ايه ياحبيبتي
أما عند سماح كانت في مكان غريب مربوطه في كرسي ومحطوط شريطه على عيونها ومغمى عليها
__________________________
خديجه نازله من فوق جري بفرحه كبيره / مالك وصل مالك وصل
الكل بيتحرك من مكانه بحركه سريعه يستقبلوه عند باب القصر
بيدخل من البوابه الكبيره أربع عربيات كبيره قدام وأربعه زيهم ورا وعربيه ليموزين في النص وكل العربيات باللون الإسود بتبدأ العربيات تتفرق كل عربيه في مكان داخل حدود القصر أما الليموزين بتقف قدامهم وبينزل واحد من الكرسي اللي قدام بسرعه يفتح الباب اللي ورا وبينزل مالك وهو لابس نضاره شمس سودا وبدلة سودا بيبدأ يبص على القصر من حواليه ويبص للكل بنظره شامله بتجري كريمه عليه بسرعه تاخده في حضنها وهي بتبكي فراق 14سنه وهو رفع ايديه باشتياق يضم الست اللي كانت بالنسباله أم وأكتر من أم وبدأ عثمان بالبكاء على ابن أخاه وابنه سجين الماضي وقسوته لدرجة أن قسوة هذا الماضي تطبعت بها طباع هذا الشيطان لا ليس شيطان هما يبالغون كثيراً هذا ابني وملاكي الصغير
بصله مالك بنظرة اشتياق كبيره وقرب عليه بسرعه وحضنوا بعض وبعد عنه وراح عند جده وباس ايديه وراسه وحضنه وسلم على كل العيله
أحلام / أنا بقى عملتلك صينية مكرونه بشاميل يا مالك هتاكل صوابعك وراها
مالك / تسلم ايدك يامرات عمي
وبعدين بص لجده بثبات وهدوء / أنا عارف يا جدي انك بتدور على عمي راضي
الجد / أنا قولت محدش هيعرف يلاقيه غيرك
مالك بهدوء / عمي راضي ومراته تعيش انت يا جدي
بصله الجد بصدمه وحزن واهتز في وقته لدرجة كان هيقع كلهم جريوا عليه بخضه سندوه وقعدوه على أقرب كرسي
الجد بدموع / مات ؟ ابني وضنايا مات وهو بعيد عني مات وهو زعلان مني مات من غير مايسامحني
مالك بهدوء / بس سابلك بناته يا حاج سعيد
الجد بصله وعيونه كلها دموع / بناته ؟
مالك / أيوه ساب بنتين سماح وجليله وأنا دلوقتي هروح أجيبهم
كريمه / مش تاكل الأول يابني
مالك وهو بيقف ويتكلم ببرود / بعدين أنا مش جعان
ويتحرك من غير كلمه تانيه
عثمان وهو بيطبطب على كريمه / متزعليش انتي عارفه إن اللي حصل غيره
كريمه بدموع / اتغير أوي يا عثمان
راجح بحزن / ادعوله ربنا يهديه
_________________________
عند سماح بدأت تفوق وبدأت تتحرك / ااااه أنا فين ايه الاسود اللي على عيونه ده فيه
* انتي عندي يا حلوه
سماح بصدمه / انت ؟ انت عايز مني ايه
*………..؟