رواية وقعت أسيرة الشيطان الفصل الثاني 2 بقلم لؤلؤة محمد
رواية وقعت أسيرة الشيطان البارت الثاني
رواية وقعت أسيرة الشيطان الجزء الثاني
رواية وقعت أسيرة الشيطان الحلقة الثانية
سماح بتدخل البيت وهي منهارة من العياط وبتدخل على أوضتها على طول وترمي نفسها على سريرها وتدفن وشها في المخده وتعيط بحرقة العالم كله
بتدخل أختها تلاقيها على الحال ده تقرب منها بشفقه وحزن / ايه ياحبيبة أختك هتفضلي على الحال ده لإمتى
سماح بحزن / مش عارفه حبيته ازاي يا جليله والله ما عارفه
جليله / انسيه يا سماح ده شيطان ومتنسيش أن أبوه كان سبب في موت أبوكي بحصرته ومن بعده أمك يابنت راضي
سماح بحزن / القلب ملناش عليه سلطان يا جليلة لو بإيدي أخلع قلبي من مكانه وأدوس عليه وانسى حمزه لكن مش بإيدي والله ما بإيدي
وتنهار في العياط الذي يفطر قلب أختها الحبيبه
___________________________
عند حمزه دخل السرايا وهو حزن الدنيا كلها مسيطر عليه وطلع للجناح بتاعه قعد على السرير وسند بإيده على رجله وحط راسه على ايده وفضل كلام سماح يتكرر في ودنه
انت عبيط …… أتجوز شيطان ظالم ……. عمرنا ماننضم للظلم والفساد
قام من مكانه وراح عند المرايه وبص لنفسه / معقوله يا حمزه بقيت من نسخه من أبوك اللي كنت بتكره تصرفاته يااااااه حتى البنت اللي بتحبها بتكرهك من ظلمك وافتراك
غمض عيونه بألم وفتحها فجأه وظهرت عيونه الحمرا زي الدم وبص لنفسه في المرايا / ايه يا ابن جبران عايز الناس تدوس عليك والا ايه
وجه في ودنه صوت والده لما كان صغير ( لازم تدوس على الناس قبل ماتدوس هي عليك يا حمزه …….. عارف يا ولدي الناس كلها قاسيه وظالمه لو مكنتش أقسى منهم هتتاخد في الرجلين ياولدي ……. الدنيا دي غداره يا حمزه ياتغدر بيها الأول ياهترميك تحت لما توصل لسابع أرض ……….. هي الناس كده ياولدي لازم تتغدا بيهم قبل مايتعشوا هما بيك )
رجع حمزه لنفسه / لا مش هنداس تحت الرجلين يابا أما سماح بص للمرايا وملامحه زادت حده وقسوة / هتكون ليا بالزوق أو بالعافيه
_______________________
في القاهرة وفي قصر جميل جدا يشبه المتاحف من كثرة الزخرفه والأحجار والتماثيل الموجوده فيه وفي غرفه في الدور الأول نجد الجميع مجتمع حول سرير نائم عليه رجل مريض
* أنا عاوز ابني يا عثمان
عثمان / يا والدي والله احنا مش ساكتين وكلنا بندور عليه في القاهرة واسكندريه
الأب سعيد / نفسي أشوف راضي قبل ما أموت يابني ظلمته كتير وكان دايما ساكت ومستحمل وختمتها بطرده وحرمانه من الورث رجع أخوك يابني أمنيتي أشوفه قبل ما أموت
شعيب / ياجدي والله احنا مش ساكتين وبندور على عمي في كل مكان وقالبين القاهرة واسكندريه عليه مش لاقيينله أي أثر
الجد سعيد بلهفة / دوروا في الصعيد يابني هو طول عمره كان نفسه ننقل الصعيد ويعيش هناك دوروا عليه
عثمان ورجب وراجح بيبصوا لبعض ولوالدهم
رجب / هو راضي كان معاه فلوس يعني يا والدي يروح بيها الصعيد
سعيد / انتوا فاكريني تايه يا ولاد سعيد الأنصاري عن اللي بيحصل من حواليا أنا عارف إن كل واحد فيكم ادى لراضي ٥ آلاف جنيه وهو ماشي
راجح بابتسامه / يا حاج ده أخونا الصغير وكان واجع قلوبنا كلنا لما طردته عشان اتجوز نعمه بنت فكري الزيان وكنا عارفين أن هيجي اليوم اللي تسامحه فيه وترجعه
سعيد بابتسامه / وقتها قولت الحاجه خديجه الله يرحمها عرفت تربي
مروان بمرح / ياجدو يا شقي لسه بتحب تيته
سعيد / ستك خديجه دي كانت ملاك من الملايكه اللي ربنا خلقها كنت بخبيها عن عيون الناس ستات قبل رجاله ورجاله قبل ستات عشان محدش يحبها غيري أصلها كان كل اللي يشوفها يحبها كأن مكتوب على وشها حبوني
خديجه بابتسامه / الله عليك ياجدو ياحبيب
الباب خبط ودخلت مرات راجح / الغدا يا جماعه
مروان وشعيب ومصعب وفادي وهاني ورامي قاموا من مكانهم بسرعه عشان يساعدوا جدهم يقوم
الجد وهو بيشاور بعصايته / ارجع يالا انت وهو ورا مش عاوز منكم مساعدة عيال جامده تسد النفس
وبص للبنات بابتسامه ومرح / تعالوا انتوا يا بطابيط سندوني
قربت هاله وخديجه وعائشه وروضة وياسمين يسندوا جدهم بضحك
وضحكوا الرجال على جدهم المرح برغم عمره
الجد بمرح / شايفين الحلويات دي هي اللي بتنور الدنيا صدق رسول الله عندما قال ( إنهن المؤنسات الغاليات )
الكل بصوت واحد صل الله عليه وسلم
وخرجوا للأكل وقعدوا على السفره ياكلوا وسط مرح وضحك بينهم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وقعت أسيرة الشيطان)
