رواية وقعت أسيرة الشيطان الفصل التاسع 9 بقلم لؤلؤة محمد
رواية وقعت أسيرة الشيطان البارت التاسع
رواية وقعت أسيرة الشيطان الجزء التاسع
رواية وقعت أسيرة الشيطان الحلقة التاسعة
#بقلمي_لؤلؤه_محمد
سماح / اصحي يلا يا جليليو ورانا شغل كتير مش فاضيين للنوم ده
جليله بنوم / خلاص خلاص صحيت ياموحه
سماح / طب قومي يلا خدي شاور والبسي الطقم اللي على السرير ده على أما أحضرلك الفطار
جليله وهي بتتحرك من على السرير / كل الدلع والنشاط من على وش الصبح ده عشان مصلحتك بس يا حقيره
سماح بغمزه / مصلحه بس على هوايا
جليله وهي داخله الحمام / شكلك هتجبينا الأرض بخططك انتي والمحروس بتاعك
سماح بصوت عالي عشان جليله تسمعها / سماح اسم على مسمى ياختي
جليله بسخريه / سماح اسم مش على مسمى خالص الإسم سماح والفعل س’م
سماح / سمعتك يا جزمه
________________________
كريمه بتخبط على باب المكتب / ايه يا جماعه اجتماع الفتره الصباحيه خلص نفطر والا ايه
عثمان بضحك / ما انتي عارفه اللي فيها يا كريمه
بتيجي أحلام من وراها / ربنا يعينهم ويقويهم يا كوكي سيبيهم يمكن يكون فيهم أمل
رجب وهو بيحط ايده على كتف منال مراته / تعالي انتي يا هاديه يا راسيه أما نروح نفطر
راجح / شوف الراجل بيعاندنا بمراته الهاديه
أحلام / مش فاهمه قصدك يا أبو هاله
راجح بتمثيل الخوف / قصدي كل خير طبعاً يا أم العيال
الكل ضحك واتوجهوا للفطار
على السفره بعد الفطار الشباب قاموا عشان شغلهم والبنات كمان كل واحده قامت تشوف وراها ايه وفضل الجد وأولاده ومراتاتهم
الجد وهو بصلهم / مش مرتاحلكم انتوا وطلباتكم وكمان مش فاهم ازاي أقنعتوا سماح وجليله يرجعوا ياخدوا حق أبوهم
عثمان بارتباك / ايه يا حاج انت زعلان والا ايه
الجد بضحكة خبث / بالعكس ده أنا مبسوط وفرحان انكم بتجمعوا شمل العيله من تاني بس وانتوا بتجمعوا الشمل متنسوش بناتكم افهموا هما عاوزين ايه وابدأوا الخطط صح
وسابهم وقام يقعد في حديقة القصر
راجح / عييييب الحاج مش ساهل برضه
______________________
مالك وهو ماشي والحرس وراه وعمران جنبه / عرفتلي مكانه
عمران / للأسف مقدرناش نوصله لكن وصلنا لدراعه اليمين وعرفتنا كمان مكان أخوه وحالياً هما في المخزن عندنا
مالك / تمام يتظبطوا على أما ابقى أروحلهم
عمران / أمرك يا مالك بيه
مالك / أمنت المكان اللي هنستلم فيه البضاعه
عمران / أيوه يا فندم كل اللي حضرتك قولت عليه اتنفذ وكله تمام
مالك بضحكة خبث / تماااااااام أوي كده اللعبه بدأت
________________________
مروان كان في الشركه قاعد في مكتبه بيخلص ملفات وفجأه سمع صوت عالي بره قلع نضارته حطها على المكتب وقام فتح الباب / ايه اللي بيحصل هنا ده
جليله بتكبر / فيه اني جايه أشوف شركتي والحيوانات دول بيمنعوني
مروان حس بضيق بس برضه مهما كان بنت عمه وشكلهم قدام الموظفين فغصب عنه اتكلم بكل هدوء / احنا طبعاً أسفين لحضرتك يا أنسه جليله واتكلم بصوت عالي في الشركه / أحب أعرفكم الأنسه جليله راضي الأنصاري بنت عمي وشريكه معانا هنا في الشركه هي وأختها الأنسه سماح والخطأ اللي حصل انهارده ياريت ميتكررش اتفضلي معايا يا أنسه جليله
مشيت جليله بكل تكبر أما مروان بصلها بضيق من تكبرها وضغط على ايده جامد وهمس / جيتي لقدرك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وقعت أسيرة الشيطان)
