رواية وحوش الأرض الفصل العاشر 10 بقلم منة ضياء
رواية وحوش الأرض الجزء العاشر
رواية وحوش الأرض البارت العاشر
رواية وحوش الأرض الحلقة العاشرة
بسم الله..
ياسين استغرب تصرف وعد انها تخرج بسرعه و شكل وشها اللي اتخطف فاجاه..
ياسين : هو ف اي ي وعد؟!
وعد : مفيش حاجه.. هيكون ف اي يعني اهو مفيش يلا نروح علشان تعبت وعايزه انام.
ياسين هز راسه بعدم تصديق و ساق العربية واتحركوا ع الفيلا..
ف المطعم..
ايهاب قعد و كان معاه اخته مروة.
مروة : انا بقا اللي هاكلك ع مزاجي..
ايهاب : اي ده مش هما كانوا بيقولوا هاكلك ع حسابي.. امتى بقت ع مزاجي..
مروة : لا انا اختار الاكل اللي هناكله و انت اللي تدفع يابا بلاش تتهرب من مسئولياتك كاخ كبير..
ابهاب : اتهرب اي و مسئوليات اي؟!! بت بلاش كلام كتير شوفي هناكل اي ف ام اليوم ده..
مروة بعد تفكير و حيرة و كان ايهاب بدا يحس بالملل.. اخيرا اختارت الاكل وايهاب طلبه و قعدوا يتكلموا مع بعض..
مروة : قولي بقا حوار اي اللي عايزني فيه ياسطا..
ايهاب بلع ريقه : طب ناكل بس و بعدين اقولك كل حاجه..
مروة : تمام.. الويتر حط الاكل قدامهم و بداو ياكلوا..
مروة كانت بتاكل بسرعه و ايهاب كان بياكل ببطء و هو سرحان..
مروة عملت قدام عينيه اشارة علشان يفوق..
مروة : اي ي عم انت سرحان ف اي.. ورجعت تاكل تاني..
ايهاب حب يتوه ف الكلام : انتي بتاكلي بسرعه علشان تدخلي ع اكلي.. بقولك اي كفاية طفاسه انا مستحملك ف البيت بالعافيه..
مروة بضحك: الله عليك وانت فاهمني..
ايهاب بياكل : طب اللي يحصلني يكسرني…
مروة ضحكت وخلصوا اكل..
مروة : هاا قول بقا فضولي هيقت.لني..
ايهاب : لا مش هنا تعالي ننزل نتمشي ع النيل..
مروة اخدت نفس عميق : اممممم.. حاسه ان الحكايه فيها مزه..
ايهاب : امشي ي بت قدامي..
نزلوا هما الاتنين و راحوا ع النيل..
مروة: الله بجد الجو جميل 😍
ايهاب : فعلا الجو حلو اوي..
مروة سكته و مستنيه ايهاب يتكلم و يقول اللي عنده..
ايهاب اخد نفس طويل و خرجه ببطء و بدا يتكلم : تعرفي.. انا بجد حبيتها..
مروة بدهشه : ايهاب انت بجد بتحب؟!!
ايهاب : مش عارف.. بس انا متعلق بيها اوي مشوفتهاش بقالي يومين وحاسس ان ف حاجه كبيره اوي نقصاني.. مجرد ما بشوفها بحس اني كامل.
مروة بصت ف عيونه : وانت صارحتها..
ايهاب : ايوه.. بجد ده كان تصرف غبي مني..
مروة : ليه؟! دي خطوه كويسه..
ايهاب قعد ع استراحه قدام النيل و مروة قعدة جنبه..
ايهاب: لا ي مروة انا اتسرعت وهي مصدقتنيش و فكرتني بضحك عليها او بستغلها..
مروة : خلاص اثبتلها حبك..
ايهاب : قولتلها بس هي رفضت ده..
مروة : ايهاب اوعى تقول انك هتبعد عنها من اول مطب.. اللي بيبقا عايز حاجه مش بيتخلى عنها بالسهوله دي… انت لازم تحارب و تقع مره و اتنين و تلاته و تقوم تاني.. وهي كل مره هتشوف حبك. ليها بس مش تستسلم بالسهوله دي.. ده لو انت بتحبها بجد مش مجرد انبهار..
ايهاب : طب اعمل اي.. وتفتكري هي هتتقبل اني اعمل حاجه..
مروة رجعت شعرها ورا ودنها : بص انا هقولك بالرغم من ان انت اكبر مني ب 6 دقائق بحالهم بس دي حاجات عايزه خبره مش سن..
ايهاب وقف وسابها ومشى : ابو غرورك ي شيخه اتهلي انا اصلا اللي غلطان علشان اجيت اتكلم معاكِ
مروة : استنى ي بوب متبقاش قفوش اوي كده ي اخي.. استنى بقا..
ايهاب مشى سريع و مروة كانت بتجري وراه : ي ايهاب استنى بقااااا..
ايهاب وقف: هتتكلمي عدل ولا اخد عربيتي وامشي وانتي تيجي بمعرفتك ي حلوة..
مروة : استنى بس والله هقولك ع فكرة جامده..
ايهاب : قولي..
مروة : بص ي سيدي…..
____________
بقلمي /منة ضياء..
وعد و ياسين رجعوا الفيلا..
هالة : حمدلله ع السلامة ي ولاد.. طمنيني ي وعد يومك كان عامل ازاي..
وعد ابتسمت بعمليه : حلو كان يومي حلو..
هالة : طب الحمدلله ربنا يحلي ايامك كلها يارب.. استنوا هقول لسعاد تجهز الاكل..
ياسين : لا ي امي احنا اكلنا قبل ما نيجي الوقتي..
هالة : تمام.. اطلعوا ارتاحوا لان باين عليكم فصلين.
وعد : هي فين ياسمين..
هالة : ياسمين فوق ف اوضتها..
وعد : تمام انا هطلع انا بعد اذنك..
هالة : اتفضلي ي بنتي..
ياسين : وانا هطلع انا بقا انام شوية مش عايزه حاجه ي ست الكل..
هالة : عايزاك بخير ي حبيبي..
وعد طلعت وقعدة ع السرير بتعب..
ياسمين : مالك ي وعد..
وعد : مش عارفه راسي بتوجعني اوي..
ياسمين : ده انتي لسه اول يوم ف الشغل لحقتي تشتكي..
وعد افتكرت كلام ايهاب ليها وان كل شوية بيتصل عليها : هو اكيد انا حاسه بتعب علشان هو اول يوم بعد كده هيبقا عادي وسهل..
ياسمين : ماشي ارتاحي شوية بقا..
وعد قامت تغير هدومها : ماشي..
وعد غيرت هدومها و دخلت تغسل وشها وبصت لنفسها ف المرايا : ف اي ي وعد ما كفاية تفكير بقا.. ما هو مفيش حد بيحب حد بالسرعه دي و بعدين ما هو عايش حياته اهو و كان معاه بنت يعني مش واقف عليكِ.. فوقي ي وعد تلاقيه عايز يخدك فترة حلوه ف حياته و بس فوقي.. غسلت و شها و خرجت نامت ع السرير و نامت لحد تاني يوم..
قامت وعد من النوم كالعادة فطرت و نزلت الشركه و عدى اسبوعين ع نفس الوضع..
ف الاسبوعين دول ايهاب كان مستمر ف الاتصال ع وعد بدون ملل..
و عصام اتعد.م و الباقي اخده حبس بس..
وعد اصرت انها ترجع الفيلا بتاعتها علشان تستقر ف حياتها و هتشتغل مع ياسين عادي.. الكل وافق ع قرارها لان ده حقها.
وعد و ياسين اخدوا ع بعض اكتر بقا ف كلام و هزار كتير بينهم..
ف الوقت الحالي..
وعد واقفه ف المطبخ بتجهز فطار سريع و حطته ع تربيزة المطبخ و بدات تاكل و شافت فونها رن و كان ايهاب.. وعد اتنهدت بحيرة واخدت الفون وردت : الوو..
ايهاب : اي ي وعد كل ده اكتر من اسبوعين بتصل عليكِ لو كنت اعرف عنوانك كنت اجيت لحد عندك من غير تفكير..
وعد : خير؟!
ايهاب : وعد انتي ممكن تسبيلي فرصة اثبتلك حبي..
وعد : استاذ ايهاب انت لو بتتصل علشان تقول كلام ملهوش لازمه عندي فانا بعتذر هضطر اقفل..
ايهاب : وعد انتي لازم تسمعيني.
وعد : سلام وقفلت.
وعد قامت بشرود حطت الاكل ف مكانه و اخدت فونها و شنطتها وراحت ع الشركه..
وعد خبطت ع باب مكتب ياسين.
ياسين : تعالي ادخلي.
وعد : اي ده هو انا اتاخرت..
ياسين : لا انا اللي اجيت بدري انهاردة..
وعد : اممم..
ياسين : اقعدي هنا بقا.. نخلص الشغل ده بسرعه علشان عندي مشوار ضروري..
وعد : انت هتمشي وانا هكمل بقيت اليوم هنا..
ياسين: لا لا انتي كمان هتمشي..
وعد : تمام و بدات تشتغل.
وبعد وقت وعد خلصت : اهو كده بقا تمام.. اتفضل.
ياسين : كويس جدا.. كل حاجه ماشيه تمام اوي…
وعد : طب الحمدلله لسه حاجه تانيه..
ياسين : لا كده تمام.. بس معلش تودي ده عند حاتم
ف المكتب و بعدها امشي ع طول..
وعد : تمام..
ياسين مشى.. و وعد وصلت الملف لحاتم و بعدها مشيت هي كمان..
وصلت وعد الفيلا.. اجى عليها واحد من الحرس اللي واقفين ع بوابة الفيلا اللي معينهم ياسين : اتفضلي ي ست هانم.. اجى واحد بلغني اني اسلمك ده ف ايدك..
وعد اخدت الظرف : تمام شكرا..
وعد مسكه الظرف و مستغربه اي ده.. فتحته و لقت مكتوب فيها عنوان و ف الضهر مكتوب.. اجهزي والساعه 6 تروحي ف المكان ده.. البسي اشيك حاجه عندك.
وعد قلقت بس العنوان ده بيبقا دايما مكان حفلات هادية و سهرات رومانسيه.. وعد استغربت و كانت هتكلم ياسين تقوله بس فكرت هو ممكن يكون اصلا هو اللي سايب الورقه دي ايوه هو مشى قبلي و قال عنده مشوار ضروري.. وعد ابتسمت و شافت الساعه و كانت 5 طلعت بسرعه تلبس و كان قلبها بيدق..
بعد ما خلصت لبس نزلت بسرعه و كانت 6:14.. راحت ركبت عربيتها و راحت ع العنوان..
ف الطريق ياسين رن عليها وهي ردت بتوتر..
ياسين : وعد انتي فين انا..
وعد قطعته من توترها : انا راحه ع ** قالت ع العنوان.
ياسين : طب هو حد معاكِ
وعد : حد مين لا مفيش..
ياسين : تمام نص ساعه و هكون عندك..
وعد ابتسمت بفرحة : احم… ماشي.
وعد وصلت المكان و كان كله زينه و ورد و المكان ع البحر و كان المنظر تحفه.
وعد بتبص حواليها بانبهار و قالت بعدم تصديق : مستحيل ده كله يطلع من العصبي ده.. هههه بس مش مهم بجد المنظر تحفه
______
بقلمي /منة ضياء.
وعد عيونها ع البحر بسعادة و دقة قلب هي مش عارفه سببها..
اجى من وراها : اي ي روحي المفاجاه عجبتك..
بصت وراها و شافت ايهاب و معاه بوكيه ورد..
وعد بصدمه : ايهاب؟!!
ايهاب : اي يا روحي انت كنت متوقعه حد تاني ولا اي..
وعد بعصبيه : انتي اي اللي جابك هنا.
ايهاب ضحك : اي اللي جابني؟! يا حبيبتي انا اللي جايبك هنا..
وعد بصدمه : يعني انت اللي باعت الورقه بتاعت العنوان.. طب وصلت لعنواني ازاي؟! انت لسه قايل الصبح انك متعرفش عنواني..
ايهاب : وعد اللي عايز يوصل لحاجه هيوصلها.. و زي ما وصلت لعنوانك هوصل لقلبك.. وقرب مسك ايدها و هي تحت تاثير الصدمه..
وصل ياسين و..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وحوش الأرض)
