رواية وحوش الأرض الفصل السادس عشر 16 بقلم منة ضياء
رواية وحوش الأرض الجزء السادس عشر
رواية وحوش الأرض البارت السادس عشر
رواية وحوش الأرض الحلقة السادسة عشر
بسم الله..
ف الوقت الحالي..
وعد حضنت ياسمين : انا همشي انا بقا ي حبيبتي مش عايزه حاجه.
ياسمين: متحرمش منك ي وعد..
وعد ابتسمت : و لا منك ي حبيبتي..
وراحت لجاسر : انا ماشيه ي عمو عايز حاجه..
جاسر : عايز سلامتك.. ربنا يكرمك ي بنتي.
وعد : يارب..
شافت ياسين نازل ع السلم.. ياسين رفع عيونه بصلها و بسرعه شال عيونه عنها و بص بعيد.
ياسين خرج ع جنينة الفيلا ع طول.. وعد اخدت شنطتها و خرجت علشان تمشي.. كانت باصه ف الارض و ماشيه بسرعه و لكن وقفت ع صوته..
ياسين : وعــــــــد..
وعد بصتله : نعم
ياسين : احم.. شكرا ع وقفتك معانا و مع ياسمين بالاخص.
وعد : معملتش حاجه تستاهل الشكر.. انتم عملتوا معايا كتير جدا و غير كده ياسمين اختي.. و ماما هالة الله يرحمها كانت غالية ع قلبي جدا.
ياسين هز راسه..
وعد : استاذن انا بقا همشي علشان الساعه بقت داخله ع 7..
ياسين : وعــــــــد.. هو انتي تعرفي ايهاب ازاي و اي اللي بينكم.
وعد اتجمدت مكانها و قالت لنفسها : يوم ما كان شافنا مع بعض ع البحر كنت ببرر موقفي و اقوله ان مفيش بينا حاجه و انه فاهم غلط لكن دلوقتي؟!! حقيقي الوقتي غير.. الوقتي انا هثبتله كلامه و تفكيره.. اقوله انه كان هيبقا خطيبي لولا الظروف اللي اتحطينا فيها منعتنا؟!! اقوله اي..
وعد معرفتش تقول اي اخدت نفس طويل واتكلمت : ياسين.. اظن ان ده مش وقت كلام.. و غير كده انا مش مضطره اقولك حاجه انت اجيت شوفتنا مع بعض صورت موقفنا ع مزاجك و غير كده شككت فيا و قولت كل اللي ف قلبك من غير ما تراعي اذا كان الكلام ده جارح و لا لا.. و حست بخناقه و كملت كلامها : بالرغم من انك عارف كويس اني كنت بضايق من تصرفات عصام انت بردو عايرتني بيها.. رغم انك عارف ان لوحدي و اختارت اكون لوحدي علشان ابعد عن الظلم بس انت بردو صورت موقفنا ع مزاجك.. بس انا هقولك حاجه الفكرة اللي انت اخدتها خليك عندها بقا و بلعت ريقها : انا و ايهاب قريب اوي هنتجوز و اهو انت اول المعزومين..
مستنتش منه اي كلمة و لا حتى رد فعل لفت ضهرها ليه و غمضت عيونها جامد و مشيت ركبت عربيتها ع طول..
ياسين فضلت عيونه عليها لحد ما خرجت من البوابه خالص كان واقف مش قادر يتكلم.. وافتكر لما ايهاب كان ماسك ايدها.. و لما كانوا ف المستشفى كان قريب منها اوي و هو بيكلمها اول ما وصل.. و هو كان مهتم بيها جدا و كان بيهون عليها طول الوقت.. فاق من تفكيره و دخل الفيلا..
ياسمين كانت قعده ع السرير و حضنه صورة امها بحزن..
________
عند احلام…
كانت قعدة همس مرات مالك و شايله ابنها الصغير معاذ.. و مالك قاعد جنبها و هاني و مليكه و عماد و احلام..
همس : خلاص يا ماما متقلقيش هنروح بكرا كلنا عند ياسمين و نحاول نخرجها من اللي هي فيه.
احلام بحزن : ياريت و الله ي بنتي ده انا قلبي واكلني عليها اوي..
همس : ان شاء الله فتره و هتعدي و احنا كلنا معاهم..
مليكه : مامي انتي بقالك يومين مروحتيش هناك تعالي نروح كلنا بكرا اهو انتي كمان تخرجي من اللي انتي فيه ده انتي مبطلتيش عياط..
احلام : لا لا روحوا انتم.. انا مش قادرة بجد
عماد : كلامك مظبوط ي مليكه و انا كمان هروح اقعد مع اخويا جاسر.. وانت يا هاني انت و مالك هتقعدوا مع ياسين و اهو يوم و يعدي..
الكل وافق ع طول..
_____
عند وعد..
وعد دخلت الفيلا و طلعت ع اوضتها ع طول حطت شنطتها ع السرير و راحت قدام المرايا و كلمت نفسها بعتاب : اي اللي انتي قولتيه ده ي وعد.. واخدت نفس عميق.. عادي يعني انا قولت اي غلط مانا كنت عايزه اعزمه ع الخطوبه اصلا و كان اكيد هيعرف حصل اي جديد يعني او مش متوقع.. راحت غيرت هدومها و نامت ع طول..
________
عند ايهاب..
ايهاب رجع من الشركه و طلع يطمن ع مروة..
ايهاب خبط ع الباب..
مروة : تعالى يا ايهاب.
ايهاب بابتسامه : عامله ايه
مروة : الحمدلله كويسه.. بس حقيقي حاسه اني هطق من قعدتي ف السرير كده.. حاسه اني بقيت انا و السرير واحد
ايهاب : معلش كلها كام اسبوع و تفكي الجبس و اهو ممكن تخفي شوية من الحركه لما تفكيه.. ده انتي لو طفل عنده فرط حركه مش هيقا كده..
مروة : افك الجبس ده بس و انا هجري و الف براحتي.
ايهاب جاب الشاش و القطن علشان يغيرلها ع الجرح اللي ف راسها : طب اثبتي و بطلي كلام ي لمضه..
مروة : حاضر.. حاضر ي دكتور.
ايهاب بدا يحط القطن
مروة : ياسين هو انت روحت لصاحبك انهارده..
ايهاب : لا انا لسه راجع من الشركه و مقدرتش اعدي عليه بس بكرا هروح قبل الشركه.. لاني كده كده نازل الشركه متاخر ف هستغل الوقت ده و هروح فيه..
مروة : اممم.. هو انا ممكن اطلب طلب صغنون
ايهاب : استر يارب.. اطلبي يختي
مروة : بص طبعا انت عارف ان اختك الغلبانه التعبانه و الشقيانه و.
قطعها ايهاب اخلصي انت بتشحتي انت كمان شوية هتقولي بجري ع ولايا و جوزي متجوز عليا و رميني ف الشارع..
مروة ضربته ف دراعه و هي بتضحك : رخم.. خلاص مش عايزه منك حاجه..
ايهاب : يا ستي اخلصي قولي..
مروة : بصراحه كده و من غير لف و دوران انا عايزه اخرج من البيت و انت بتروح الشركه و مفيش وقت معين ترجع فيه.. وانا مش ضامنه انك تقولي هخرجك و لما ترجع تعطيني ع قفايا و متخرجنيش.. اه ما هو الحق حق بردو ميزعلش..
ايهاب : انا مش بخرجك 😒
مروة : العفو يا كبيرنا انت بتخرجني بس انا زهقت من البيت بجد 🥹..
ايهاب : طب قولي انتي عايزاه اي بالظبط.
مروة : بص انا كنت بفكر يعني انك تاخدني معاك وانت رايح لياسين هقعد مع اخته اصلها صعبانه عليا هقعد معاها و بعدين هاجي معاك الشركه هقعد معاك و مش هعمل صوت خالص🥹
ايهاب بحيره : بس هتيجي معايا ازاي.
مروة بزعل بصت ع ايديها و رجليها : اه صح معاك حق هروح ازاي ..
ايهاب : مروة انا مقصدش كده انت عارفه ان انا عندي استعداد اشتالك طول الطريق من اخدك ف العربيه.. انا اقصد هتيجي ازاي و اقول لياسين اي.
مروة : لو ع ياسين.. فهو باين عليه ابن ناس و مش هيقولي امشي يعني.
ايهاب : خلاص ارتاحي الوقتي و بكرا ي ستي هاخدك معايا..
مروة ضحكت بفرحه : ماشي.. تصبح ع خير.
ايهاب راح ناحيه الباب : وانتي من اهل الخير.
ايهاب خرج و راح ع اوضته اخد شاور و قعد يفكر ف وعد و تاجيل خطوبتهم و فكر انه يقولها انهم يعملوا كتب كتاب مع الخطوبه..
بقلمي منة ضياء ♡
____________
تاني يوم..
قام ايهاب من النوم جهز نفسه و قال لواحده من الشغالين تطلع تساعد مروة ف اللبس..
و فعلا طلعت و جهزتها بس شعرها لا.. لان الشاش كان ملفوف ع راسها و الخياطه..
ايهاب دخل عليها و شافها زعلانه : مالك..
مروة : مش عارفه اسرح شعري علشان الخياطه..
ايهاب قرب منها : يعني كل البوز ده علشان كده.. انا هحاول اظبطه ع قد ما اقدر و هتجنب الخياطه.. و فعلا حاول و نجح و شعرها بقا شكله حلو..
ايهاب قرب منها و شالها..
مروة : تعرف يا ايهاب..
ايهاب : لو عارف هستناكي تقوليلي..
مروة : بما انك مش عارف انا هقولك.. البت وعد دي يبختها بيك اه والله.. هتاخد راجل كده حُنين و مز و حُنين تاني.. والله انا لسه مشوفتهاش بس من كلامك عنها الظاهر انها بنت حلال و تستاهل.
ايهاب خرج من الفيلا و واحد من الجارد اللي واقفين ع بوابة الفيلا فتح باب العربية.. ايهاب قعدها و لف وقعد جنبها من الاتجاه التاني و ساق و راحوا ع فيلا ياسين 😁..
_________
وعد قامت من النوم و اخدت شاور و نزلت كالعادة عملت القهوة بتاعتها و بتشربها فونها رن و كانت ياسمين..
وعد ردت : الوو يا ياسمين.
ياسمين : انتي نايمه و لا اي
وعد : لا ي حبيبتي صاحيه من شويه.. هو ف حاجه ولا اي؟
ياسمين : اصل ياسين قال انه هينزل الشركه انهارده مع مالك ابن خالتوا بس مش عارفه امتى بالظبط.. فكنت عايزاكِ تقعدي معايا مؤقتا بس انا عارفه اني تعباكِ معايا بس لحد ما اتعايش مع قعدتي لوحدي تقدري تعملي اللي انتي عايزاه..
وعد : كلام اي اللي انت بتقوليه ده انا اصلا كنت هجيلك بس كنت ناويه اجي اخر اليوم بس انا هقوم اجهز كده و اجيلك ع طول..
ياسمين : ماشي.. سلام
وعد : سلام..
وعد شربت قهوتها و طلعت جهزت نفسها و نزلت ركبت عربيتها و اتحركت ع فيلا ياسين 😁
_______
عند همس مرات مالك..
همس قامت من النوم جهزت الفطار و راحت صحت مالك من النوم..
همس : مالك قوم يلا علشان توصلني عند ماما احلام
مالك بنوم : ماشي ي همس شوية كده مستعجله ع اي..
همس : مالك الساعه بقت 11..
مالك قام بسرعه : نعم الساعه كام؟!
همس : الساعه 11..
مالك مسح ع وشه بتعب : طيب انا هاخد شاور و اجهز تكوني انتي جهزتيلي القهوة..
همس : ماشي.. صحيح هو انتي هتنزل انهارده الشركه مع ياسين و عمو جاسر صح؟!
مالك : ايوه ان شاء الله هنزل كده اخر اليوم اخد فكرة عن الشغل و بكرا هبدا شغل جد ان شاء الله.. و يلا بقا علشان نلحق نجيب ماما واخواتي و نروح عند عمو جاسر.
همس : ماشي..
همس جهزت القهوة و حطتها ع السفرة و ابنها معاذ عيط (عنده حوالي سنه و شهرين)راحت اكلته و لبسته علشان تكسب وقت..
مالك جهز و فطر هو و همس..
همس قامت لبست و هو شرب القهوة و خرجوا و راحوا عند احلام..
_________
احلام كانت جهزه هي و هاني و عماد لكن مليكه كانت لسه..
و صلوا همس و مالك و سلموا ع الكل..
مالك : هي مليكه فين..
هاني بزهق : يا عم دي بالها طويل اوي.. اول واحده بدات تلبس و لسه مخلصتش.. امال لو مكناش ف الاخر بنحتار فين وشها من قفاها كانت عملت اي.
مالك كتم ضحكته علشان عارف ان هاني هيتهزق..
عماد : انت يالا هتفضل متخلف و لسانك دبش كده لحد امتى.. انا نفسي اشوفك بتقول كلمه عدله..
هاني : حضرتك يا بابا مش ملاحظ ان كل ما نيجي نخرج هي اخر واحده بتخلص..
عماد : ملكش دعوه و لسانك يقصر من ناحيتها شوية.. ولا اقولك يقصر من ناحية البنات كلها مش ترمي الكلام و خلاص.
هاني : حاضر.. حاضر..
مليكه خلصت و نزلت : انا خلصت اهو يلا بينا.
مالك راح عليها اخدها ف حضنه : قمر ي روحي.. وشك بدر منور.. بس نعمل اي ف ناس مش بتشوف.. و ابتسم
هاني حس ان ف نار هتطلع من ودانه و سبقهم و ركب العربية.
مالك اخد مليكه معاه ف العربية هو و همس..
و عماد اخد احلام و هاني..
و معاذ كان شوية يعيط و شوية يضحك و جننهم طول الطريق و وصلوا فيلا ياسين 😁
_________
طبعا ايهاب وصل عند ياسين اول واحد بس مدخلش.. اخد اخته و لف بالعربية شوية و جابوا عصير بس هي منزلتش من العربية بس ايهاب حاول ع قد ما قدر ان يخليها تغير جو..
ايهاب طبعا اتاخر فبالتالي وعد هي اللي وصلت اول واحده بس قبل ما تدخل الفيلا اتصلت ع ياسمين و عرفتها انها برا و ياسمين قالتلها ان ياسين جوا لسه.. وعد كان هاين عليها تلف و ترجع تاني بس نزلت و ياسمين قابلتها ع البوابه و اخدتها فوق ع اوضتها ع طول و قعدوا يتكلموا مع بعض و ياسمين كانت بتحكي عن ذكرياتها مع هالة و كانت شوية تضحك و شوية تعيط و كانت وعد بتهون عليها…
شوية و ايهاب وصل قدام الفيلا و اتصل ع ياسين و قاله ان اخته معاه و ياسين رحب جدا..
ايهاب قعد مروة ع الكرسي المتحرك كان جايبه معاه ف شنطة العربيه..
ايهاب دخل بمروة و هي حست بالذنب انها قالتله ياخدها معاه و تفكيرها كله فانها الوقتي مقيدة حركته هو كمان..
ايهاب دخل وشاف ياسين و حضنه..
ايهاب : اخبارك اي الوقتي ي باشا..
ياسين طبطب ع كتفه : تمام يا عم الحمدلله ع كل الحال.. و شاور ع مروة.. هي دي اختك
ايهاب : ايوه.. معلش ي سيدي قالت انها زهقت من النومه ف السرير و عايزه تيجي معايا الشركه تغير جو.. قولت بقا اعدي عليك قبل ما اروح ع الشركه..
ياسين : تيجوا ف اي وقت و هز راسه لمروة بابتسامه رسميه : نورتي يا انسة.
مروة : شكرا..
ياسين : ثانية انا هقول لياسمين تنزل تقعد معاكِ
مروة هزت راسها..
ياسين قال لياسمين تنزل و مبصش ع وعد قصدا..
ياسمين : حاضر.. دقيقه و اكون انا و وعد تحت..
ياسين : تمام..
ياسين نزل : دقيقه و هتنزل اهي.. و بص لايهاب تعالى معايا جوا انا عايز اتكلم معاك ف موضوع.
ايهاب : استر يارب انا مش مرتاحلك.
ياسين : تعالى بس..
مروة كانت لوحدها و كانت مضايقه و ندمت انها خرجت من البيت اصلا..
ف الوقت ده وصلوا احلام و عماد و باقي العيلة..
اول واحد دخل هو هاني و كان داخل و هو مضايق لان طول الطريق عماد كان بيقوله انه لازم يحسن من اسلوبه.. كان داخل متعصب و مش شايف قدامه.. كانت مروة قعدة ع الكرسي بس ضهرها ليه.. و هو داخل زق الكرسي جامد من غير ما يقصد مروة صرخت بسيط لان قلبها اتقبض اصلا.. هاني بسرعه شد الكرسي و لحقها..
مروة حطت ايديها ع قلبها..
هاني : هو ف حد بيقعد ف نص المكان كده..
مروة شافت انه غلطان و كمان متعصب و بيعلي صوته اتكلمت هي كمان بنرفزه : و الله ي استاذ انت اللي ماشي بتشوط ف الخلق و لو شوفت هتلاقيني كنت ف جنب بس انت اللي زقتني..
هاني معرفش يقول اي بس هو دايما ف كلامه مع البنات زي المدب : طب امشي من هنا بقا..
مروة اتكلمت بخنقه و زهق : مانا لو عارفه امشي كنت مشيت من وشك.
هاني سابها و دخل وقال لنفسه : بت لسانها طويل..
_____
نزلت وعد هي و ياسمين و شافوا مروة بتعيط..
وعد جريت عليها : مالك ف اي..
ياسمين : انتي مروة صح.
مروة هزت راسها..
ياسمين : طب بتعيطي ليه؟!
مروة بزعل : مش عارفه واحد اجى كده معرفش مين.. و هو داخل زقني بالكرسي كنت هقع بس هو لحقني و بدل ما يعتذر اتعصب عليا.. انا غلطانه اني خرجت من البيت انا غلطانه..
ف الوقت ده دخلوا همس و الباقي الكل سلم ع ياسمين و وعد اللي الكل عرفها و اخدوا عليها اصلا.. و سلموا ع مروة بحب..
مليكه و وعد و ياسمين و همس و كان معاها معاذ و مروة خرجوا الجنينه مع بعض قعدوا يتكلموا و قدروا يصحكوا مروة و ياسمين بعد معاناة ضحكوا كلهم مع بعض..
..
ايهاب : قصدك اي انت شايف اني مستاهلش وعد؟!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وحوش الأرض)
