رواية هو الخائن الفصل الثاني 2 بقلم أميرة محمد
رواية هو الخائن البارت الثاني
رواية هو الخائن الجزء الثاني
رواية هو الخائن الحلقة الثانية
تامر بأبتسامه : ها قلت اي يا محسن لينظر الجميع بصدمه لوالد تلك الفتاه ليبتسم الاخر بتوتر وهو يقول : رايي فأي يا تامر مش فاهم
تامر بأبتسامه وهو يقترب من الفتاتين : قصدي واضح عايز اخطب هديل لابني امير قلت اي
لينظر الجميع لهديل بعضهم بفرحه والآخر بصدمه لتتجمد ليان وهي تنظر لهم بعدم فهم
ليقاطعه صوت محسن وهو يقول بسعاده : ودي معقول يا تامر بتسألني عن بنتك مهي بنت اخوك يا راجل وانت اللي مربيها ومش هلاقي ليها احسن من أمير
لتنظر هديل بصدمه لأمير وهي لا تستوعب ما يقال ليغمز لها الاخر بمشاكسه لتبتسم بعدم تصديق وهي تظن انها تحلم هل ما تراه وتسمعه حقيقي حلم طفولتها يتحقق أمامها هل سيصبح حبيبها لها فعلا
ليقطع تفكيرها شخص يحتضنها بشده وهو بضحك بعدم تصديق ليقول : مش مصدقه معقول انتي وأمير هتتخطبوا ايي ده أصدقاء الطفوله هيبقوا لبعض الف مبروك يرووحييي
هديل وهي تحتضن ليان بشده لتقول بدموع : الله يبارك فيكي يا ليو عقبالك يارب انا بجد مش مصدقه
ليقترب محسن وهو يحتضن ابنته بشده ليقول بسعاده : مبروك يا بنتي الف مبروك فعلا يوم سعاده لينا جميعا شكل عيد ميلاد ليان فاتحه خير ولا اي
ليان بأبتسامه وسعاده : شكل كده يعمو لالا كده الهدايا لازم تكون مضاعفه هو كل يوم هتجوزوهم ولا اي
لتشعر بضربه خلف راسها وصوت أمير يقول بمرح : استغلاليه اوي وبعدين نتجوز اي ده لسه مقراناش فاتحه حتي ليأتي الجميع لهم وهو يباركوا لهم بشده تحت سعادتهم بهم
ليقاطعهم عامر وهو يأكل قطعه جاتوه بنهم : ايوه يعني دلوقتي هتأكلونا ولا نمشي وبطننا فاضيه المفروض بعد الخبر ده تعملولنا وليمه
ليأتي ياسين وهو يأكل معه من نفس الطبق : ايوه والله يواد يا عامر بعدين الناس دي شكلها بخيله الا ما عزموا علينا بكبايه ميه من ساعه مجينا
ليشعر بضربه قويه علي كتفه وصوت ليان يصدح بتعجب : معزمناش علي مين امال مين اللي كل كل الاكل اللي جوه ده طب بلاش ده اي اللي فأيديكوا ده
عامر بتعجب وهو يرفع الطبق ببساطه : اي اول مره تشوفيه ولا اي كيكه
ليان بصدمه : ايوه منا عارفه انها كيكه جبتوها منين الكيكه دي
ليرفع الاخر كتفه ببساطه وهو يقول: الااااااه ذكيه اوي يواد يا ياسين هكون جبتها منين يعني من الكيكه الكبيره اللي هناك دي شفت ان محدش قربلها وقاعده زعلانه قلت اواسيها
ياسين بأبتسامه وهو يكمل طعامه : جدع والله يا واد يا عامر الواحد هفتان ومحتاج يحلي ويصبر نفسه شويه علي ما العشا يجهز
لتمسك بهم ليان من ثيابهم وهي تقول بصدمه : عشا اي اللي يجهز انتو كلتوا كيكه عيد ميلادي اللي لسه محتفلتش بيه لا وقطعتوها وانا اللي كنت هموت وادوقها بنفسي مقربتش منها انتو اييي
عامر وهو يأكل بضيق : خلي بالك كده غيب برستيجي يا ناس منكوا لله انتو جايبينا تهزقونا هنا ولا اي
ياسين بضيق مماثل وهو يقتطع قطعه من الطبق ويأكلها : عيب عيب اوي اللي بيحصل ده يا عم محمد فبيتك وساكت لبنتك كده ولا كأنها بتهزقنا لالا مكنش العشم
محمد ببرود : وانا مالي مش كلتوا كيكه عيد ميلادها يبقوا استحملوا بقي دي حاجه ترجعلها
ياسين بضيق : يا امير يا اخي العزيز شيل اللزقة دي من عليا انا قربت ازور وانا باكل
أمير ببرود وهو يبتسم له بسماجه : دلوقتي أمير وأخي العزيز لا مش حاسس اني عايز اعمل كده
ياسين بغيظ : صحيح كل اعوانك خانوك يا هتلر وانا اللي كنت همسكلك الشمع ففرحك اخص مش عامل ده وابقوا شوفوا حد يبقالكوا شماعه غيري
ليضربه عامر بغيظ علي كتفه وهو يقول : شماعه اي يا غبي اسمها كده قولي بس مين عرفك عربي ولا مين علمك تتكلمه
ياسين بهدوء وهو يشير لوالده : الحج تموره اللي هناك ده اه والله مش بكذب ياما لسوعني عشان اتعلم ومكنش في فايده
ليومئ له عامر وهو يقول: اهو كده اقتنعت فكده معاك حق لتقول ليان بغيظ : هو ده اللي هاممكوا يلا يا حبيبي منك له نولع الشمع بدل مولع فيكوا يلا
ليتجه الجميع ويلتفوا حول الطاوله بسعاده وخاصا هديل وامير الذين تحققت لهم احلام الطفوله ذلك الحب البرئ الذي سيكلل اخيرا بالحلال ليغنون لها وهي تضحك لهم بسعاده
لينتهوا بعد فتره ويرحل كل منهم بعد فتره لتسحب ليان هديل وهي تحضنها بشده لتقول بأبتسامه : الف مبروك يروحي ربنا يتمملكوا علي خير
هديل بسعاده : الله يبارك فيكي يروحي وعقبالك يا ليو يارب وافرح بيكي لتبتسم لها ليان وهي تقول بهدوء : ان شاء الله يلا روحي وهبقي اكلمك بقي
لتبتسم لها هديل وهي تودعها بسعاده لتغلق ليان الباب وهي تستدير لتذهب لغرفتها لتغلق بابها وهي تتجه ناحيه درج ما
لتخرج صوره وتنظر بها لتنمحي تلك الابتسامه السعيده المزيفه وهي تتلمسها بقوه لتبكي بشده علي أحلامها الضائعه فهي تحبه لا بل تعشقه منذ الطفوله كان لها ذلك الفارس ذو الجواد الأبيض وأكثر لم تتخيل يوما انها قد تفقده مع اعز اصدقائها
لتمسح دموعها وهي تنظر للصوره بقوه لتقول : ليه ليه هي فكرتك هتحبني انا من صغرنا كل افعالك بتقول انك عايزني انا دايما تقولي اني اجمل بنت واني الوحيده اللي بتحب تتكلم معاها حصل اي ليه عملت كده ليييه
لتحطم البرواز أمامها و الذي يجمعهم بصور طفوليه سعيده لتنظر له بحقد وهي تقول : اشمعنا انتي ليه انا بحبه اكتر مستعده أعمل اي حاجه عشانه حاولت وحاولت وفكرت اني لفت انتباهه جاي يقول دلوقتي هيخطبك انتي وامتي فعيد ميلادي انا اللي المفروض يبقي اسعد يوم ليا والمفروض اعمل نفسي الملاك السعيد اللي بيحب الخير واضحي بحلمي الوحيد لا مستحيل
لتمسك بالصوره مجددا وهي تقول بدموع: انا كمان بحبه بحبه اوي ومش هستسلم بسهوله دي عشان مجرد احساس جاله انك احسن مستحيل استسلم ونشوف مين هيكسب فينا يا ست هديل ومسيري انا هكسب وهتشوفي
لتقطع الجزء المخصص لهديل في الصوره وتترك صورتها مع أمير ايام مراهقتهم لتلقي بها في القمامه وهي تنظر أمامها بأصرار
________________________
في صباح اليوم التالي
ياسين بأستغراب وهو ينظر حوله : هو في اي الكل واقف مرصوص كده ليه انتو هتعملوا اعلانات رمضان ولا اي
ليأتي شخص ما وهو يهمس له : اسكت يا غبي المدير الكبير جاي يطمن علي الشغل ولو مظبطناش الدنيا عليه العوض ومنه العوض
ياسين بغباء : ليه هو بياكل بنأدمين ولا اي ليقول الشخص بسخريه : لا بياكل ورقه تعيينك ويرميها في الزباله علي اهون غلطه قوم اقف جمبهم ونظم نفسك بسرعه
لينفي الاخر وهو يقول بعدم اقتناع: لالا انا اقف زي الصنم واعمل زي بتوع اعلانات السمنه كده مستحيل ده لا يمكن
ليستمع لصوت خلفه وهو ينبهم بحضور المدير ليركض ياسين سريعا وهو يقف بأبتسامه بجانب احدهم ليبتسم الشخص بسخريه عليه وهو يقف بجانبه
لتدخل بعد فتره روجدا وهي تمشي بثقه بجانب شخص اخر يبدوا عليه انه المدير لينظر ياسين بأستغراب فيبدوا انها ذو مكانه كبيره لتمشي بجانبه بتلك الثقه
لتلمحه روجدا وتبتسم بخبث وهي تلحق بالمدير للداخل ليزفر الاخر بهدوء وهو يقول لشخص بجانبه : هي مين دي
ليبتسم الاخر بسخريه وهو يقول : بقي مش عارف مين دي يبن المحظوظة دي اللي عملت معاها مشكله فأول يوم صاحبه الهلمه دي كلها والمديره الاساسيه ووالدها اللي كان ماشي جمبها من شويه بييجي كل فتره يتأكد من الشغل
ياسين وهو يضرب وجنته بنواح : احيه احيه يا ياسين ياللي اتقطع عيشك من قبل ما يبدأ مش تقول يا غبي من الاول وسايبني انيل الدنيا امبارح وبتضحكوا
ليبتسم الاخر وهو يرحل ليقول: هدي نفسك بما انها مطردتكش امبارح يبقي نويالك علي نيه سوده اطمن يا صاحبي
ليومئ ياسين بأقتناع وهو يقول : ايوه اذا كان كده معلش المفروض اني اطمن واحط فبطني بطيخه صيفي امال
ليأتي شخص بعدها وهو يقول له : مش انت ياسين صح روجدا هانم طلباك في مكتبها
ليبتلع الاخر ريقه بصعوبه وهو يقول : ها وخير اللهم اجعله خير روجدا معرفش اي دي عايزاني فأي متعرفش
لينفي الاخر ويرحل ليزفر ياسين بتوتر وهو يذهب لها ليستأذن وهو يدلف للداخل ليجدهم ينظرون له
ليبتسم وهو يقول : متجمعين عند النبي معلش يا جماعه محبتش اقطع عليكوا الجو السعيد ده بس الظروف تحكم امال
لتقول روجدا بهدوء وهي تنظر له بتركيز: تعالي يا ياسين ادخل ليبتسم ياسين وهو يقول : والله يجدعان مكان في داعي يعني تطلبوني وتتعبوا نفسكوا انا كنت كويس فمكاني
لينطق المدير بهدوء: سمعت عنك من روجدا بس الظاهر مغلطتش فأي حاجه قالتها المهم من هنا ورايح هتكون سكرتيرها الخاص
ليشير ياسين لنفسه بغباء وهو يقول : انا يا فندم شكرا علي ثقه حضرتك والله بس انت لو تعرف انا ههبب اي هناك مش هتعمل الغلطه دي ابدا استهدي بالله بس كده
ليضرب الاخر علي المكتب بقوه وهو يقول : اتعدل يا استاذ انت فشركه محترمه بعدين انا قلت كلمه وانت اللي هتنفذها كلامي مفهوم ولالا
ياسين سريعا : بالله مفهوم مفهوم انا اقدر اتكلم بعد كلامك يا راجل طالما قلت ابقي سكرتير هبقي سكرتير امال انا هعرف اكتر منك
_____________________
تجلس الاخري وهي تفكر به وبما حدث ليله امس لتبتسم وهي تخبئ وجهها بسعاده متذكره حديثه
فلاش باك
دلفت لغرفتها وهي تدور بسعاده حول نفسها لتقول بصوت مسموع وهي تضع يديها علي خدها بأحراج: لالا اكيد بحلم مش حقيقي معقول سنين بتمني حاجه وفيوم واحد يحصل بدون مقدمات
لتستمع لصوت خلفها وهو يقول بهدوء: صدقي بقي عشان هو فعلا حصل لتلتفت سريعا بذعر وهي تقول بخوف : امير خضتني قلبي كان هيقف
ليقترب الاخر منها وهو يقول بحب : اسم الله عليكي وعلي قلبك ان شاله اللي يكرهوكي يروحي
لتفتح الاخري فمها وهي تقول ببلاهه : ها قلب مين ليبتسم أمير بخبث وهو يقول : قلبي انا اي مش مصدقه ولا اي
هديل بتوتر : أمير متهزرش انت بتقول اي كده مينفعش ليبتعد الاخر وهو يقول بتسليه : ومينفعش ليه دي حقيقه بعدين انا خطيبك مش كده ولا اي
لتزم هديل شفتيها بضيق : لسه مبقتش وبعدين ازاي متدنيش خبر وتخليني مصدومه بينهم كده افرض مكنش عايزاك اصلا
امير بخبث : اصلا لا متقلقش باين عليكي اوي انك واقعه وانا ملاحظ من زمان وبعدين حبيت اعملهالك مفاجاه
لتبتسم هديل بسعاده وهي تقول : اشمعنا انا طيب مش يمكن متعود عليا عشان متربيين سوا وولاد عم
أمير بلا مبالاه : تبقي غبيه لو فكرتي كده ما ليان متربيه معانا وعمري مشوفتها غير اختي اشمعنا انتي بقي
هديل بخجل : مش عارفه قولي انت ليكمل الاخر بحب : لأني بحبك لاني حسيت بوجودك من اول مره عيني وقعت عليكي فيه كل يوم بتكبري قدامي مكانتك بتزيد فقلبي ومشوفتش غيرك ولا هشوف يا هديل
لتبتسم هديل بخجل وهي تقول : طب يلا امشي قبل ما حد ييجي ويشوفنا يلاااا ليقف الاخر وهو يقول : لالا شويه بس محدش هييجي الاااه
هديل وهي تدفعه بعيدا: يلا يعم اخرج يلااا معرفش كنت ناوي تبقي قرد ولا اي كل شويه تنطلي من بلكونه لبلكونه اتهدوا بقي
لتستيقظ من شرودها علي اتصال من ليان لتجيب سريعا بسعاده : ليو يقلبي فينك
ليان بهدوء: في البيت هكون فين لتقول هديل بسعاده : مش هتصدقي اللي حصل امبارح بعد ما مشينا استني احكيلك
لتقص عليها كل ما حدث لتضغط ليان علي يديها بألم وهي تغمض عينيها بوجع لتبتسم وهي تقول: اه ربنا يسعدكوا يا حبيبتي
هديل وهي تزفر براحه : يارب يا حبيبتي قليلي بقي هنلبس اي ولا نعمل اي في الخطوبه
ليان بدهشه : خطوبه اي لتقول هديل سريعا : ليان مش وقت غبائك خطوبتي انا وأمير
ليان بضيق : انتو لسه محددتوش ده بتفكري فيه من دلوقتي لتقول هديل بسعاده : نسيت اقولك انهم هيتفقوا بليل بإذن الله قالوا بما اننا عارفين بعض ومش محتاجين ناخد وقت
ليان سريعا : يعني اي بليل هو سلق بيض انتو مستعجلين اوي كده ليه هو انتو هتطيروا
هديل بأستغراب : مالك يا ليان هما بس فرحانين فمستعجلين لتقول ليان بتوتر : اكيد مش قصدي يا روحي انا بس مستغربه هنلحق نجهز امتي افرضي ملحقناش
لتبتسم هديل براحه وهي تقول : فهمت لا متقلقيش بإذن الله كل حاجه هتبقي مظبوطه وبعدين جهزي نفسك ويلا بلاش تأخير
ليان بعدم فهم : اجهز نفسي ليه لتقول هديل بضيق : ليان مش وقت غبائك عشان نلاقي حاجه نحضر بيها وبعدين العروسه واختها لازم يبقوا قمر ولا انتي رايك اي
لتبتسم الاخري بحزن وهي تقول : اه طبعا خلاص هقوم اجهز نفسي وانتي كمان لتغلق الخط وهي تغمض عينيها بألم وتمسك جهه قلبها لتضربه برفق
لتنتهي بعد فتره وهي تذهب لهديل سريعا لتجدها تقف اسفل البنايه لتركض هديل لها بحماس وتحتضنها لتقول سريعا وهي تسحبها : يلا بسرعه اتاخرنا اوي لازم نشوف اللبس والميكب وحجات كتير
لتسحب ليان يديها وهي تقول بضيق : براحه يا هديل وجعتيلي ايدي بعدين هنلحق مستعجله علي اي
هديل بأستغراب: هو انا ليه حساكي مش فرحانه لتنظر لها ليان بتوتر سرعان ما ابتسمت لتخفيه وهي تقول بهدوء: ومش هفرحلك ليه احنا اخوات ولا نسيتي بعدين أمير شب مش هتلاقي زيه فرحنالكوا جدا
لتبتسم لها هديل وهي تسحبها لتقول سريعا: قلت كده برده ده انتي صديقه عمري واختي لو مفرحتيش ليا مين يفرحلي
لتشعر الاخري بندم دام لثواني لتنفض أفكارها سريعا وهي تلحق بها
____________________
عامر بأستغراب : اي كل الحجات دي انت هتفتح محل هدوم ولا اي
أمير بتوتر : لا يعم بس حابب ابقي بشكل يليق بيا قدامهم حتي لو قرايب وولاد عم بس برده ساعدني انت هتفضل واقف عندك
عامر بلا مبالاه : انت لو رحت ببجامه النوم هيوافقوا صحيح هتبقي شكلك عره اوي بس اي الجديد
ليشعر بعدها بشئ يلقي عليه بحده ليصرخ بألم : اي يعم الغباء ده هي ناقصه تشويه البت هتطفش مني
أمير بضيق : ده عشان تلزم غبائك وتريحنا واخلص جهز علي ما سي زفت ياسين ييجي هو كمان كانت ناقصه معاتيه يا ربي
ليتمتم الاخر بضيق وهو يحاول مساعدته في التجهيز
___________________
في المساء
الجميع يجتمع بسعاده حول بعضهم يتبادلون أطراف الحديث لتملئ ضحكاتهم المكان اما في داخل الغرفه تدور الاخري بتوتر وهي لا تشعر بقدميها
ليان بضيق : اتهدي يا هديل خيلتيني رايحه جايه جايه رايحه في اي محسساني انه اول مره يشوفك
لتنظر الاخري في المرأه وهي تقول بتوتر : متوتره اوي شكلي حلو طيب الفستان لايق عليا ولالا والميكب اوفر اي رايك اخففه شويه
لتضغط الاخري علي أسنانها بغيظ وهي تغمض عينيها لتحاول تصنع ابتسامه وهي تقول: كله تمام انتي زي القمر مش محتاجه
هديل وهي تبتسم براحه : الحمد لله طمنتيني شويه مش عارفه اقولك اي يا ليان ربنا يخليكي ليا لتمسك ليان بكأس وهي تقدمه لها
ليان بأبتسامه : اشربي ده هيهديكي طنط لسه جيباه من بره لتومئ لها هديل وهي تشربه دفعه واحده من التوتر تحت نظرات ليان
ليفتح الباب بعد دقائق لتقول والده هديل بسعاده : يلا يا حبيبتي كلهم مستنيين بره اطلعي قدمي العصير واقعدي شويه
هديل بتوتر وهي تنظر لليان : تعالي معايا يا ليان وجودك هيهديني شويه
لتومئ لها الاخري وهي تتبعها لتمسك هديل العصير وهي تدلف بأبتسامه لهم يتبعها نظرات أمير العاشقه والتي أثارت بشده نيران ليان لتغمض الاخري عينيها وهي تتوعدهم بداخلها
تامر بسعاده : تعالي يا حبيبتي اي القمر ده لتبتسم له هديل وهي تقدم العصير لهم لتشعر فجاه بوجع شديد في بطنها لتنزلق الكاسات من يديها ولكن تلحق بهم ليان سريعا
ليان بأبتسامه : براحه يا هديل مش عارفه تمسكي شويه كبايات ليقول أمير بأبتسامه : اكيد متوتره حقها ولا يهمك
هديل بهمس : بطني يا ليان بتتقطع لتهمس ليان لها بخبث : مالك في اي منتي كنتي كويسه من شويه
هديل بألم : مش عارفه بموت مش فاهمه في اي لتقول ليان بهدوء: روحي اقعدي وانا هقدم العصير عنك لتومئ لها هديل سريعا
وتمسك ليان بالكاسات وهي تقدمها بأبتسامه خجوله وكأنها هي العروس وليست صديقه عمرها لتصل لأمير وهي تنظر له بحب ليبادلها الابتسامه وهو يأخذ العصير منها
ليان بهمس : مبروك ليبتسم لها أمير وهو يغمز لها : الله يبارك فيكي يا ليلو عقبالك
لتبتسم له الاخري وهي تقول بداخلها : متقلقش ما انا خلاص بجهز اهه وكلها فتره وتبقالي يا امير وصدقني محدش غيري هيلبس دبلتك
لتستمع لصوت ارتطام بالأرض ليلتفت الجميع ليجدوا هديل غائبه عن الوعي ليسرع الجميع لها وتبتسم ليان بخبث وهي تنظر لها
لتسرع بجانبها وهي تحاول افاقتها او هكذا يبدوا : هديل قومي أمير الحقها معرفش مالها
ليتحرك الاخر بجنون حولها وهو يحاول افاقتها ليقول سريعا : حد يتصل بالاسعاف بسرعه هاتوا دكتور
ليستمع لصراخ حوله وشخص ما يقول : الحقوا بسرعه دي بتنزف
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هو الخائن)
