رواية هجر الروح الفصل الأول 1 بقلم هاجر المهدي

رواية هجر الروح الجزء الأول

رواية هجر الروح البارت الأول

رواية هجر الروح الحلقة الأولى

تبدأ الروايه بتاعتنا بالبطله وهى داخله الشركه بتعتها
( نتعرف دى هاجر احمد صاحبة شركات الفهد للمعمار وخريجة كلية هندسه … تتميز بأنها قليلة الكلام وصارمه فى تعاملاتها مع الناس …. والموظفين يروها متكبره وغير قابله للنقاش…. ترتدي دائما الدريسات والخمارات )
ثم دخلت الاسانسير ولاكن كان هناك بنت فيه
البنت بتكبر = ايه ده هاجر
هاجر = اه انت بتعملى ايه هنا
البنت = انا جايه الانترفيو … انت بقا ايه اللى جابك
هاجر = انا جايه برضك للانترفيو
البنت بتكبر = اكيد مش هتتقبلى انت نسيتى انت مين
الاسانسير فتح
البنت = هتبسط اوى لما اشوفك وهما بيرموكى بره الشركه
* طلعت البنت من الاسانسير وهاجر راحت للسكرتيره مروه
هاجر = مروه انا مش عيزاكى تقولى انى المديره وهتندهى عليا بأسمى عادى وهتقوليلى خشى الانترفيو فهمتى
مروه = تمام
* راحت هاجر قعدت فى الاستقبال … و بعد خمس دقايق
مروه = هاجر احمد
هاجر = نعم
مروه= اتفضلى على الانترفيو
* دخلت مروه هاجر للمكتب وبعد نص ساعه ندهت على البنت علشان تدخلها
البنت = اومال اللى جوه مطلعتش ليه
مروه = لا هى طلعت بس من الباب التانى
* دخلت البنت المكتب ولقت الكرسى حد قاعد عليه بس بظهره
البنت = هاى
* لفت هاجر الكرسى
هاجر = ازيك يا ياسمين
ياسمين وهى بتبلع ريقها بالعافيه من الخاضه = هاجر ازاى
هاجر بحده = احب اعرفك بنفسي انا هاجر احمد صاحبة سلاسل شركات الفهد للمعمار
ياسمين = ان…
هاجر قطعت كلامها = انا اقدر دلوقتى ارميكى بره شركتى بس عارفه انا مش هعمل كده لانى مش زيكم وتربيتى احسن منكم أنا هعملك الانترفيو وانت وشطارتك … اقعدى
* قعدت ياسمين وهاجر قعدت تسالها علشان الانترفيو
هاجر = انا خلصت اسالتى هتستنى بره والسكرتيره هتقولك لو اتقبلتى ولا لا
* طلعت ياسمين من المكتب وراحت اتصلت على حد
ياسمين = الو يا ماما الحقينى
مامت ياسمين = فى ايه
ياسمين = انا روحت الانترفيو وطلعت هاجر هى صاحبة الشركه
مامت ياسمين = ازاى
ياسمين = انا خايفه اوى يا ماما وعايزه امشي
مامت ياسمين = اوعى تعملى حاجه زى دى واستنى انا هخطط وبعدها هقولك تعملى ايه واوعى تمشى من عندك فاهمه
ياسمين = تمام
* قفلت يا سمين المكالمه وبعد مرور ساعه وياسمين بره مستنيه
مروه السكرتيرة = استاذه ياسمين انت اتقبلتى فى الشركه وهتستلمى الشغل من بكره الساعه ٩
ياسمين = تمام
* مشيت ياسمين من الشركه وفى مكتب هاجر جاتها مكالمه من صديقتها نادين
نادين = افرحى يا هاجر كسبنا المناقصة ورسيت علينا
هاجر بصوت مخنوق = تمام
نادين باستغراب = ايه تمام دى انت كويسه
هاجر = لا انا عايزه اشوفك
نادين = خلاص انا جايه الشركه
هاجر = لا انا هجيلك نقعد عند البحر
نادين = ماشى
*نزلت هاجر وركبت العربيه ووراها البودى جارد بتوعها فى العربيه ولما وصلت المكان اللى متعوده هى نادين يقعدوا فيه
هاجر = خليكم هنا
* دخلت هاجر واول ما شافت نادين اترمت فى حضنها وقعدت تعيط
نادين بخضه = مالك يا هاجر فى ايه
هاجر = بعياط جات النهارده
نادين باستغراب = هى مين دى اللى جت
هاجر وهى بتعيط = ي..يا…ياس..ياسمين جت النهارده فكرتنى بحجات كتير بحاول مفتكرهاش فكرتنى بأسوأ ايام حياتى
نادين = انا مش فاهمه حاجه براحه ومن غير عياط احكيلى فى ايه
* هاجر حكت نادين كل حاجه
نادين = انت ازاى مرمتهاش بره الشركه
هاجر = عايزه انتقم
نادين = كفياكى تعب فى قلبك انت تعبتى كتير ارتاحي شويه
هاجر = مش هرتاح هما دمرونى يا نادين … انا لما شوفتها شوفت كسرتي شوفت قد ايه انا كنت ضعيفه
نادين = طيب هتعملى ايه
هاجر = مش عارفه
*هدت نادين هاجر لان دى هى الشخص الوحيد اللى فاهم هاجر و بتعرف تطلعها من الحاله اللى فيها
*روحت هاجر الفيلا بتاعتها وهى عايشه لوحده رمت نفسها على السرير وقعدت تعيط افتكرت كل حاجه وحشه حصلتلها وافتكرت ابشع يوم فى حياتها يوم ما امها ولعت فى نفسها بسبب ابوها وعمتها وهما كانو واقفين بيتفرجوا عليها كانت هاجر بتحاول تطفى النار بس مكنتش عارفه ماتت امها قدامها ماتت وموتت حياة هاجر معاها موتت اى فرحه تيجى لهاجر موتت مشاعرها وافتكرت ايام مكان ابوها دايما يضربها هى وامها بدون سبب وعمتها بتتفرج عليهم
* هاجر تعبت جامد وكانت بتاخد نفسها بالعافيه اتصلت نادين (بيت نادين قريب من هاجر )
هاجر = ال…حق…الحقينى…..
نادين بخضه = هاجر يا هاجر فى ايه
*لبست نادين عبايه بسرعه وراحت لهاجر لقتها مغمى عليها اخدتها على المستشفى وفاقت هاجر وكانو مركبنلها محاليل
هاجر = اه
نادين = حمدلله على سلامتك يا روحي … ايه اللى جرالك بس
هاجر بتعب = مش عارفه
نادين = طيب اهدى دلوقتى واعملي حسابك مفيش مرواح للشركه بكره
هاجر = لا انا هبقى كويسه وهروح
*عند ياسمين ومامتها
ياسمين = هاه يا ماما هعمل ايه
مامت ياسمين = انت تخلي عينك عليها ومتمعليش اى حاجه لغيت ما تيجى الفرصه ونمضيها على عقد بيع لكل حاجه لينا هى مين دى اصلا علشان يبقا عندها كل ده …. مش لوكنتى انت يا معدوله كنت اتجوزتى الراجل ده كا زمانك عندك الهيلمان ده كله
ياسمين = نعم يا ماما ده كان قد جدى … استنى انت بس وكل ده هيبقى ملكنا
* عند هاجر نادين فى المستشفى قعدوا لغاية ما المحلول خلص نادين صممت هاجر تروح معاها البيت
مامت نادين = الف سلامه عليكى يا قلبي مالك بس يابنتى
هاجر = الله يسلمك يا طنت مفيش حاجه
نادين = ماما معلش سبيها ترتاح شويه … بصي بقا يا هاجر انا هبقا رخمه وهنام جمبك على السرير نستحمل بعض بقا اشطا
هاجر = ….
نادين= يا هااااااجر
هاجر = هاه
نادين = لا خلاص يا روحى نامى
*نادين عرفت ان هاجر لسه تعبانه وان اللى حصلها لا يمكن تنساه
* تانى يوم على أبطالنا صحيت هاجر الصبح بدرى وقعدت تعمل تمارين تطلع كل طاقتها فيها وصحيت نادين
نادين بخضه : ايه اللى بتعمليه ده يا هاجر حرام عليكى نفسك
هاجر بخنقه : عادى يا نادين بقا
نادين : طيب ايه اللى هيهديكى
هاجر بتغير الموضوع: هنخرج النهارده بعد الشركه
نادين : حاضر ياستى
هاجر : ياختى عسل
وقعدوا يفطروا بس هاجر مكنتش بتاكل اوى
هاجر = نادين هتيجى معايا الشركه
نادين = اه اكيد ثوانى هلبس ويالا بينا
* لبست نادين وهاجر وراحو الشركه …. دخلت هاجر الشركه بكبريائها وكانها لا ترى اى احد تخطو خطوات واثقه من نفسها ولاتنظر لاحد ذهبت هاجر لمروه السكرتيرة
هاجر = مروه فين ياسمين
مروه = لسه مجتش يا فندم
هاجر بهدوء = تمااام اوى لما تيجى الهانم ابقى دخلهالى
*دخلت هاجر المكتب ومعاها نادين
نادين = انا عايزه اعرف انت ناويه على ايه
هاجر = اتقلى وانت هتشوفى
* بعد نص ساعه دخلت ياسمين على مكتب هاجر
هاجر بحده = لسه فاكره تيجى الشركه
ياسمين = انا اسفه يا هاجر
هاجر باستغراب = هاجر … انت اتجننتى ولا نسيتى نفسك انا اسمى المهندسه هاجر وانت موظفه شغاله عندى
ياسمين = انا اسفه
هاجر = التأخير اللى حصل النهارده ده ميتكررش تانى ولو اتكرر انا هشطب اسمك من نقابة المهندسين ومش هخلى اى شركه تاخدك مفهوم….يالا على شغلك
نادين = هاجر انت كويسه
هاجر = ايوه يا نادين متقلقيش
*خبطت مروه السكرتيرة على الباب ودخلت
مروه = مهندسه هاجر فى شخص بره اسمه زين صاحب شركات الجرحى وعايز يقابل حضرتك دخليه
* دخل زين وادهم صديقه (يتميز زين بجموده وكبريائه وهو زو جسد رياضي وايضا ذا قامه طويله ولحيه تجعله مميز وايضا صديقه أدهم اقصر منه قليلا ويتميز بالفكاهه وخفة الدم )
وعند رؤيتهم لبعض نظروا بصدمه لبعضهم
# مين زين ده ويعرفوا منين ؟
# وايه اللى حصل لهاجر قبل كده؟
ومين ياسمين دى وهتعمل مع هاجر ايه ؟