رواية نور القلب الفصل الثاني 2 بقلم إيمان السيد
رواية نور القلب الجزء الثاني
رواية نور القلب البارت الثاني
رواية نور القلب الحلقة الثانية
-انا كنت في أول يوم ليا في الجامعة وقابلت تقي واتعرفنا وطلعت بنت لطيفة جدا المهم بقينا صحاب وحسيتها بقت اختي وجت في مرة أصرت جامد أنها تعزمني عندهم في البيت وطبعاً رفضت جدا بس هى زعلت وأصرت المهم استأذنت أهلي وروحتلها
-تقي : نوري أخيرا جيتي بقالي كتير مستنياكي
-نور : يا بنتي الله يخربيتك اسكتي انا اصلا كنت بقدم رجل واخر رجل واكتر من مرة كنت هرجع
-تقي : والله كنت هزعل منك جدا دا ماما اصلا مستنية تشوفك بفارغ الصبر من كتر ما بحكيلها عنك
-نور : طيب ربنا يستر
-تقي : ايه يا زفته هو انا هاكلك
-نور : يا بت انا بس قلقانة بس سيبك من كل ده اللهم بارك بيتكم حلو جدا ما شاء الله تبارك الرحمن
-تقي : عجبك
-نور : أوى
-تقي : احنا لسة ناقلين فيه جديد احمد اخويا هو اللي صممه
-نور : اللهم بارك باين عليه بيرفكت في التصاميم وكدة
-تقي : طبعاً مش اخويا لازم يكون كدة
-نور : أين التواضع انا لا اراه ابحثوا معي يا اصدقاء😂
-هادية : احم احم اسفة لو كنت طبيت عليكوا كدة بس فضولى هيقتلني بصراحة وأشوف نور من كتر ما تقي بتحكي عنك شوقتني اشوفك بصراحه
-نور : والله يا طنط شرف ليا بس تقي مأفورة بس أنا إنسانة عادية جدا بس هي عشان بتحبني فشيفاني كدة
-هادية : والله أنا معرفكيش كويس بس من الحبة دول حبيتك زي تقي ويمكن اكتر
-تقي : أيوه بقااا هتاكلي الجو مني هو من لقي أصحابه نسي احبابة يا ست ماما وقعدنا نضحك كلنا
-بعد شوية نور بتقول لتقي:
-نور : تقي ممكن ادخل الحمام
-تقي : اكيد يا بنتي هو بصي في حمامين روحي اللي موجود في الدور اللي احنا فيه بدل ما تنزلى وتطلعي وتوهي بقاا
-نور : اوك
-تقي : اخرجي من الاوضة امشي شوية هتلاقيه
-نور : ماشي، وخرجت نور ومشت شوية لقت باب كدة
-نور في نفسها أما الأغنية دول عليهم تقاليع فاضية وبتسمع نور صوت مياه نور في نفسها: شكل في حد هنا انا هنزل اللي تحت وهشوف اى واحدة من اللي بيشتغلوا هنا واسألهم
-ونزلت نور وسألت واحدة قالتلها في اخر الطرقة
-نور : د كان يوم اسود ومنيل يوم ما قررت ادخل الحمام ومشت نور لحد اخر الطرقة وهي معدية من علي المطبخ لقت واحد واقف بيبصلها بصدمة كده وراح جاي موقفها
-احمد : انتي مين
-نور : نور
-احمد : كدة انا المفروض عرفتك
-نور بلغبطة : اسفة والله بس كنت عايزة ادخل الحمام وتقي وفوق فنزلت
-احمد : ايه يا بنتي خلاص أهدى
-نور : آسفة مرة تانية ورجعت بسرعة وقلبها بيدق جامد من الاحراج طلعت لتقي
-الله يخربيتك يا تقي الكلب حسبي الله فيكي على الإحراج ده
-تقي : ليه بس فيه ايه
-نور : وحكتلها تقي وهي ميته من الضحك خلاص اهدي انتي وشك احمر اوى ليه كده
-نور : انا ماشية بقا يلا سلام
-تقي : يا بنتي ملحقناش نقعد
-نور: مرة كمان تتعوض إن شاء الله
-تقي : خلاص ماشي اللي يريحك
-ونزلت تقي مع نور لقوا احمد قاعد في الصالة احمد وهو بيبص لنور وبيفتكر فراح مبتسم نور اتحرجت زيادة
-فتقي حبت تخفف من حدة الموقف
-تقي : دى نور صحبتي يا احمد وده احمد اخويا يا نور
-احمد وهو مبتسم : تشرفت يا آنسة نور
-نور هزت راسها ومردتش عليه من إحراجها
-وخرجت نور وتقي فـ نور ودعتها ومشيت
-دخلت تقي : احمد اخوها بيقولها مميزة نور دي يا تقي
-تقي : طبعاً مش صحبتي
-احمد : يا ولااا يا جاامد انت على وضعك
-تقي وهي بتضحك: ثكرا ثكرا لا داعي للتصفيق
-احمد : أمشي يا بت انتي هتعيشيها ولا ايه
– تقي : طيب اخلع انا بقا
-وبعد كام يوم:
-تقي راحت تقعد جمب أحمد وبتقوله: حمودي مش انا اختك حبيبتك
-احمد : انجزى ولخصي عايزة ايه بدل المقدمة الطويلة العريضة اللي حفظتها دى
-تقي : تيجي تاخدنا بكرة انا ونور وتوصلنا لشقة واحدة صاحبتنا عشان ولدت جديد وهنروح نباركلها عشان المكان جديد ومش عارفين نركب المواصلات بتاعته وكدة
-احمد: حد قالك اني سواق الهانم
-تقي : عشان خاطري عشان خاطري عشان خاطري وحياتي عندك بالله بالله بالله عليك
-احمد : خلاص انتي هتشحتي خلاص اجي امتي يا زفته
-تقي: بكرة إن شاء الله الساعة ٢
-احمد لنفسه فكرة كويسة وبالمرة اشوف نور اللي مش راضيه تطلع من تفكيري دي : خلاص اوك
-تقي : حبيبي وعهد الله انت شق الشقايق
-احمد : ايه ياما ايه روح السرسجية اللي حضرت فجأة دى اتلمي يابت بدل ألعب في وشك البخت
-تقي : نأسف للازعاج يا باشا اعتبرني مقولتش حاجه يلا انا طالعة اوضتي عايز حاجه
-احمد : لا سلامتك يا حبيبتي
-احمد : قعد حبة يفكر في نور وشكلها وأنه حاسس انها مميزة كتير عن اي بنت شافها قبل كدة وبعدين فاق لنفسه وقال جرا ايه يا عم احمد دى اول مرة تشوفها وبعدين انت مالك بيها مميزة ولا لا ايه العبط ده اسد يلا فيه ايه…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نور القلب)
2 تعليقات