رواية نكهة حب الفصل الرابع 4 بقلم كريمة حمادة
رواية نكهة حب الجزء الرابع
رواية نكهة حب البارت الرابع
رواية نكهة حب الحلقة الرابعة
احلام بهدوء:ياريت اللى كان ما جرى يا سليم…ياريت
هز سليم راسه بهدوء وتعب ، وبعد لحظة جات شفق ومعاها عمار وجريت عليها احلام
احلام بلهفة وصدق:شفق صدقينى والله ما اعرف انه صاحبهم ولا أنه هيجى هنا انا اتصدمت زيك لما شفته
شفق:حقك عليا من عصبيتى قولتلك كدا
احلام حضنتها وعيطت جامد وشفق كانت فاكرة عشان الموقف بس سليم فهم هى عيطت كدا ليه..
____________&
:بس هو دا اللى حصل والله
شفق بسخرية:يعنى لما والدتك ندمت ندمت متأخر ياااه على الصدف
سليم بندم:شفق حقيقى انا فرحان انى لقيتك وفى نفس الوقت زعلان على. اللى حصل بس حطى نفسك مكانى دى امى يا شفق
والد عمار:خلاص يابنتى انسى هو رجعلك اهو وحقك لسة موجود تمام
:مش عايزة فلوس ولا هروح بيت تانى انا هفضل فى بيتى فى الشارع اللى اتربيت فيه وشغلى عربية الكبدة اللى عشت منها وعيلتى هى نفسى واحلام بس. مش عايزة حد تانى فى حياتى
عمار:يؤسفنى اقولك ان عربية الكبدة بح وهتشتغلى هنا
شفق بشر:قصدك ايه بح ها انت عملت ايه فى العربية انطق
عمار ببرود:بعتها
شفق بزعيق:يا حلاااااااوة يا ولاد دا بيقول باعها سورى بقى هو اللى جابها لنفسه ومسكت الفازة اللى على الطرابيزة وكسرتها على دماغه
الكل اتصدم وجريوا على عمار اللى كان بيبصلها بشر..الضربة مكنتش تقيلة اوى عشان كدا مش أغمى عليه
بعد ساعة..كانوا خارجين كلهم من المستشفى بعد ما خيطوا جرح عمار
شفق بتشفى:سلامتك
عمار بنظرة تسلية وخبيثة:الله يسلمك يا…يا شفق
شفق:انا والله ما عارفة ايه اللى حدفكم فى حياتى تاكم بالبلا أما ياخدكم يلا يا احلام معاد المسلسل قرب خلينا نمشى
مازن:احلام ممكن ثانية عايزك على جنب
احلام. مشيت معاه ووقفوا بعيد عنهم شوية وسليم متابعهم وحاسس بالضيق والغيرة اوى
شفق لسليم باستفزاز:يااااه على قصص الحب الجديدة دى. احلام طيبة والله ربنا يعوضها. ولا ايه رايك يا سليم
سليم مردش عليها وركب عربيته ومشى
عمار: سوسة
شفق ببرود:عارفة
عند مازن واحلام
مازن بتوتر:احلام..هو انتى..يعنى..لسة..
احلام فهمته وحبت تريحه:اللى كان بينى وبين سليم هيفضل جوايا طول عمرى ومش هنساه..انت متعرفش اللى بينا يا مازن بس سليم هيفضل جوايا العمر كله حتى لو مرجعتلوش الا لو..
مازن بتحفز:الا لو ايه
احلام هى وماشية علت صوتها وقالت:الا لو قلبى اتفتح تانى يمكن لسة ويمكن قريب محدش عارف
مازن ابتسم بفرحة وحس أن فى امل أنها تبقى ليه
شفق:انتى كويسة
احلام:كويسة متقلقيش خلينا نمشى الوقت اتاخر
عمار:يلا هوصلكم
شفق:تشكر يولا بنعرف نمشى لوحدنا
عمار بضيق:ايه يولا دى شيفانى عيل قدامك
شفق غمزلته بعينها وقالتله:انت ادرى سلام
عمار بصدمة:دى بتغمزلى
مازن بضحك:يولا غمزتلك يبقى قلبها مال
عمار:امشى يلا من قدامى ما هى مجايبك السودة دى ..
______________&
بتعدى الايام وشفق لسة بتشتغل فى المطعم وكل الناس بتشكر فى اكلها وسليم بيحاول يتكلم معاها ويقنعها تاخد فلوسها
وعمار ما زال بيستفزها وينكشها لا دا ابتدى كمان يفكر فيها ويغير عليها من نظرات الإعجاب والاطراء من الزباين
اما مازن فهو حب أن الأيام هى اللى تمشيله حياته ويسيبها على تدابير ربنا وكان دايما بيدعى إن احلام تبقى من نصيبه..
احلام بتعب وهى بتقعد على كرسى:اه يا رجلى يانى تعبت اوى والله
شفق:ومين سمعك دانا همو.ت وارتاح وانام كان مالها عربية الكبدة ياربى بدل الشحططة دى
احلام بضحك:بس لا تحسى بهيية كدا وهما بيطلبوا اكلك مخصوص
شفق بغرور:اكيد يابنتى دانا شفق برضو
:مغرورة اوى
شفق بضيق:هادم اللذات ومفرق الجماعات جيه اهو
عمار باستفزاز:المكان مكانى يا حبيبتى يعنى اقعد فى اى مكان فيه براحتى
شفق:الا قولى يا عمار بيه هو انت شغلانتك ايه بالظبط اكيد يعنى مش مدير وبس هنا
عمار بتكبر:انا مهندس يابنتى ورئيس مجلس إدارة الشركة كمان
شفق:اممممممممم طيب
مازن:عمار معلش امشى انت انا معايا مشوار وهخلصه
عمار:مشوار ايه دا
مازن:هقابل واحدة كانت زميلتى محتجانى فى مساعدة كدا
احلام بضيق واضح:ربنا يخليك للناس الغلابة
مازن بخبث:يارب يا انسة احلام لاحسن كتير بيحتاجنى والله
شفق:روح يا خويا ربنا يستر طريقك يارب
عمار:ايه يابنتى جو الشحاتة دا
:وانت مالك هو انا بكلمك انت ولا هو
_لا حول ولا قوه الا بالله يابت لمى لسانك دا
:ملكش فيه ادام مش وجهتلك كلام يبقى ملكش دعوة
عمار بو.عيد وهو بيجز على سنانه:شفق لمى الدور بدل وربى زى ما حسر.تك على عربية الكبدة احس.رك على رو.حك
شفق بر.دح:وماااالوا يا خويا دانا اوديك ورا كوكب بلوتو.
احلام:ما خلاص بقى الله
مازن:انا ماشى وسيبهالكم
احلام بهمس:اللهى ما تيجى اللى هتقابلها وتفضل ملطوع مستنيها الليل كله ياااارب
شفق:هيا بنا يا فتاة فهذا المكان أشبه ببلاعة السلاحف والمدرب الفار قدامنا اهو
عمار بغيظ:يلا يلا اتكلى واقولك خدى بكرة إجازة متجيش
احلام:وانا يا مستر اخد إجازة زيها بالله عليك
عمار:؟؟؟
شفق:مردش والسكوت علامة الرضا يبقى موافق هلمى يا فتاة
احلام:حسنا هيا بنا إلى بيتنا ..ومشيوا
عمار وهو بيضرب كف بكف: لا اله الا الله ايه قوم قريش دا..
عمار جاته مكالمة
:الو
/…
عمار بصدمة: ايه؟
___________&
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نكهة حب)
