رواية نصيب الورد الفصل الرابع 4 بقلم الكاتبة تانيا محسن
رواية نصيب الورد البارت الرابع
رواية نصيب الورد الجزء الرابع
رواية نصيب الورد الحلقة الرابعة
٤- أول خطوة.
بعد مرور إسبوع من موت ‘عبد الصبور’ والد ‘توليب’ راحت ‘حنان’ بيت ‘توليب’ علشان تزورها و تفتح معاها موضوع جوازها من ‘عبد الحميد’ ..
فتحت لها ‘توليب’ الباب و إنبسطت بزيارة صديقتها ..
‘توليب’ – بفرحة – : – أهلاً ‘حنان’ كويس أنتي جيتي في وقتك !!
يلا خشي و افطري معايا !!
‘حنان’ – بغرور – : – اه طبعاً ما أنا دايما أتواجد في الأوقات المناسبة !!
دخلت ‘حنان’ الصالة مع ‘توليب’ و قعدوا على السفرة و بدأو يفطروا و بعد مرور دقائق قليلة التفتت ‘حنان’ ناحية ‘توليب’ وهي مشغوله بالأكل ..
‘حنان’ : – ‘توليب’ !!
‘توليب’ : – هممم !!!
‘حنان’ : – هو ‘عبد الله’ إبن أخوكي المرحوم ‘زياد’ لسه موجود معاكي هنا !!
‘توليب’ : – آه لسه موجود بس هو دلوقتي نايم في أوضة أخويا الله يرحمه و يمكن يرجع الإسكندرية بعد بكرة بإذن الله علشان يقدر يلحق دوام مدرسته !!
تركت ‘توليب’ الأكل و سرحت تفكر بكلام ‘عبد الله’ معاها ..
‘توليب’ : – مسكين ‘عبد الله’ خايف عليا إني هعيش لوحدي بعد موت أبويا فعرض عليا إني أسافر معاه الإسكندرية علشان يقدر يأخذ باله مني !!
‘حنان’ : – و إنتي عايزه تسافري معاه !!
‘توليب’ – بضجر – : – هه !!
هو أنتي فاكره إن مرات أخويا هتوافق إني أسكن عتدهم !!
دي هي أصلاً مابطقنيش و لا أنا كمان بطيقها !!
و ‘عبد الله’ مش هيعرف يسكني فين لو أنا وافقته و سافرت معاه !!
‘حنان’ : – خلاص طمني نفسك إنتي مش هتسافري لأي مكان !!
علشان أنا لقيت لك عريس !!
رفعت ‘توليب’ رأسها و التفتت ل ‘حنان’ ..
‘توليب’ – بدهشة مع مزح – : – عريس !!!
مين هو !!!
يعني جوزك موافق !!
‘حنان’ – بفزع – : – إيه يا أختي حرام كده ليه الكل حاطط عينه عليه هو أنتي بتفكري تاخذيه مني !!
نزلت ‘توليب’ رأسها تكمل فطورها ..
‘توليب’ : – أصلاً إزاي هتقدري تلاقي لي عريس بالسرعة دي غير جوزك الحلو !!
‘حنان’ : – لاااا سيبي جوزي في حاله دا هو مسكين مش بتاع جواز مرة ثانية !!
افتكرت ‘توليب’ والدها ..
‘توليب’ – بحزن – : – إسمعي يا ‘حنان’ إنتي عارفه إني عايشه دلوقتي فترة حداد على أبويا فمش عايزه أسمع سيرة جواز و لا طلاق في الفترة دي !!
‘حنان’ : – طلاق !!!
فال الله و لا فالك و الحداد خلاص إنتهى من أيام و انتي هتتجوزي الليلة !!
توليب’ – بإستغراب – : – الليلة !!
‘حنان’ : – إيوه الليلة زي ما سمعتيني !!
عمي ‘عبد الصبور’ هيفرح إنك خلاص لقيتي الإنسان اللي هيقدر يأخذ باله منك !!
‘توليب’ : – يعني أنتي بتتكلمي جد !!
‘حنان’ : – آه بتكلم جد الجد و الليلة هتتجوزي واحد لقطه حليوه !!
‘توليب’ : – مين هو !!!
‘حنان’ – بفخر – : – أخويا !!
‘توليب’ : – مين أخوكي !!
‘حنان’ : – و من غيره ‘عبد الحميد ‘ !!
سمعت ‘توليب’ إسم ‘عبد الحميد’ و حست بالغضب ..
‘توليب’ – بحده – : – و هو ليه فكر دلوقتي يتجوزني خلاص هو شبع من جوازته من حبيبة القلب !!
انا عايزاكي تقولي له أني مش موافقة عليه !!
‘حنان’ : – اطمني و لا هو كمان موافق عليكي !!
‘توليب’ : – نعم !!!
‘حنان’ : – ماتفرحيش و تفكري إنه غارق في حبه ليكي ما إنتي عارفه لا هو بعرفك و لا جيتي في باله في يوم إنه يشوفك !!
‘توليب’ : – نعم !!!
‘حنان’ : – دي الحقيقة !!!
‘توليب’ : – أومال إيه السبب اللي هيخليه يتنازل و يتجوزني انا !!
‘حنان’ : – اسمعي كويس يا حبيبتي الحكاية من أولها !!
اخويا بقى قرفان من دلع مراته و قبل أسبوع جه لبيتي زارني و طلب مني أدور له على عروسة كدا هبله توافق تتجوزه من غير ما تتجوزه !!
‘توليب’ : – تتجوزه من غير ما تتجوزه !!!
هو إيه ده اللغز العجيب إيه الكلام اللي إنتي بتقوليه !!
و إفتكرت ‘توليب’ إنها سمعت من ‘حنان’ كلمة هبلة ..
‘توليب’ : – و إنتي قصدك إني أنا هي الهبلة !!
‘حنان’ – بمزاح – : – إنتي مش هبلا قوي أنا بس فكرت تكوني إنتي العروسة لإني عارفه إزاي إنتي بتحبي ‘عبد الحميد’ من أيام ما كنا بندرس مع بعض في الجامعة !!
قامت ‘توليب’ من فوق السفرة بعصبيه ..
‘توليب’ : – إيه الكلام اللي إنتي بتقوليه و إنتي عارفه إني أنا و لا عمري شفته علشان أحبه زي ما إنتي بتفكري !!!
‘حنان’ : – هو إنتي فاكره إني هبلا زيك مش هقدر أكشف حبك لأخويا !!!
دا أنا كنت بشوفك و أنتي غرقانه في الحب و بتبصي بهيام و انتي بتبصي على صور أخويا في أوضتي !!!
و ده غير إنك سرقتي ثلاث الصور ل ‘عبد الحميد’ من ألبوم صور عيلتي فاكره !!
‘توليب’ : – انتي ..!!
‘حنان’ : – أيوا كنت عارفه و شفتك كمان إزاي إنهارت نفسيتك يوم ما سمعتي إنه خطب ‘نرجس’ !!
و أعصابك أتدمرت على الآخر يوم ما إتجوز ‘عبد الحميد’ و قلتي إنك تعبانه علشان مش فاكره قولتي كدا موت إبن بنت عم مرات أخوكي !!!
هو دا كلام يدخل العقل !!!
مافيش داعي يا ‘توليب’ للإنكار إنتي دايما مشاعرك واضحة على وشك زي الشمس !!
و دلوقتي أقعدي و خليني أكمل كلامي للآخر علشان نتفاهم !!
قعدت ‘توليب’ جنب ‘حنان’ بخجل ..
‘حنان’ : – إسمعي أول حاجة كلامي كله و بعدين فكري و خذي قرارك لكن بسرعة !!
‘توليب’ : – حاضر كملي !!
‘حنان’ : – انا هتكلم من غير مقدمات إنتي عارفه إن اخويا إتجوز الست ‘نرجس’ !!
و يمكن صح اخويا يكون وقع في حبها و ده لانه حاسس انه بيحمل لها جميل لانها ساعدته بفلوس والدها يطلع لفوق !!
و بعدين اخويا يمكن حبها أكثر لما خلفت له الولد و البنت التوأم !!
‘توليب’ – مقاطعه – : – أنتي دلوقتي بتقولي إيه !!
عايزه توضحي لي و لا عايزه تقتليني !!!
اي دي حبها حبها !!!
‘حنان’ : – صبرك عليا خليني أكمل كلامي !!
‘توليب’ : – اووف أمري لله كملي !!
‘حنان’ : – بس أنا متأكده إن أخويا عمره ما حب ‘نرجس’ !!
هو بس حامل لها الجميل على خدماتها !!
‘توليب’ : – طيب و بعدين يعني إيه المطلوب مني دلوقتي !!!
‘حنان’ : – ولا قبلين إنتي بس هتتجوزيه الليلة !!
‘توليب’ : – إنتي مجنونه صح !!
و عندك حق أنا فعلاً هبله لإني ماعرفتش بجنانك غير النهارده بس !!
‘حنان’ : – أسكتي !!!
أول حاجة أفهمي كلامي كويس !!
أخويا طلب عروسة يتجوزها علشان بس يقهر ‘نرجس’ و شرط عليا انها لازم تكون بشعة !!
‘توليب’ – بذهول – : – بشعة !!!
تقصدي إنك شيفاني بشعة كمان !!
تجاهلت ‘حنان’ كلام ‘توليب’ و كملت كلامها ..
‘حنان’ : – بصي أنا أخترتك لسبيين !!
السبب الأول هو إنك بتحبي اخويا و الأرواح جنود مجنده فما تعارف منها أئتلف يعني اللي بتحب بتتلاقى و تتآلف مع بعضها زي ما قال لنا رسولنا الكريم عليه أفضل الصلاة والسلام و أخويا بإذن الله هيجي مصيره و يحبك !!
و السبب الثاني و الأهم هو إني اشوف ‘نرجس’ قدام عنيا و هي بتموت لأن أخويا نفذ تهديده و بقى راجل قدر يوقف قصاد غرورها !!
‘توليب’ : – طيب و أنا ازاي هتجوزه و أبويا لسه ميت من اسبوع بس !!
إسمعي أنا بقول ماينفعش إتجوز الجوازه ديه و اللي أنا مش فاهماها !!
‘حنان’ : – قولت لك يا بنتي أيام الحداد خلاص إنتهت و هي ثلاثة أيام بس و عمي ربنا يرحمه برحمته هيفضل عايش في قلوبنا ومش هننساه من دعائنا و احنا خلاص بقينا في اليوم الثامن و دي فرصة علشانك نعمل لك كتب كتاب من غير حفلة لانه مافيش عريس يشوفوه !!
و كمان الناس هتبقى تحترمك لأنك بقيتي في عصمة راجل غني و مشهور و كدا محدش هيقدر يجيب في سيرتك لأنك عايشة لوحدك من بعد وفاة والدك !!
‘توليب’ : – طب و اخوكي بيفكر يعيشني مع مراته في بيت واحد و لا هياخذني على بيت ثاني أسكن فيه لوحدي !!
‘حنان’ – بتردد – : – ما أنا نسيت ما أقول لك على شرط أخويا الثاني !!
‘توليب’ : – و هو لسه باقي شرط غير ما تكون عروسته بشعة !!
ما تقولي على كل شروطه مرة وحدة علشان اعرف أخذ قراري !!
‘حنان’ : – هو الباقي شرط واحد بس إنتي ماسبتنيش أكمل كلامي في الأول !!
‘توليب’ : – إيه يمكن عايز ابعد عن خلقته !!
‘حنان’ : – عبقرية إزاي عرفتيها لوحدك !!
‘توليب’ : – إيه !!!
لاااا دي مابقتش جوازه و لا جنازة دي بقت إهانه لإبعد حد !!
‘حنان’ : – صبرك مافيش إهانة و لا حاجة إنتي بس هتعيشي في بيت أبوكي !!
‘توليب’ : – الله عليكوا يعني أنتوا عايزيني أتجوز و أقعد في بيت أبويا !!
‘حنان’ : – لااا أنا مش هسمح أنك تسكني في بيت والدك أسمعي فكرتي أنا جهزت خطة جهنميه هنقدر نلعب بيها على اخويا !!
اومال إزاي إحنا هنقدر ننقذه من أنياب ‘نرجس’ !!
ركزي معايا إبن خالي ‘عماد’ هيتجوز بعد أسبوعين و أخويا حلف على خالي ‘فرحان’ تقديراً منه لانه وقف جنبه في دراسته و ساعد في تربيتنا إن العيلة كلها لازم تتجمع في القرية و نقضي أسبوع أو أكثر نحتفل مع بعض بجوازة ابن خالي !!
‘توليب’ : – و انا طبعا ممنوع عليا أحضر مع العيلة عبشان أخوكي مش عايز يشوفني !!!
‘حنان’ : – اسمعي بس بقية الخطة إنتي هتسافري معانا كأنك ممرضة لخالتي ‘زهراء’ ما إنتي تعرفيها ست كبيرة في السن و عايشه لوحدها و إنتي هتكوني مرافقة ليها و هتسكني في نفس البيت اللي هتسكن فيه خالتي في القرية !!
‘توليب’ : – و خالتك ‘زهراء’ هتوافق إني أسكن معاها !!!
‘حنان’ : – قلت لك يا بنتي أنا خلاص جهزت كل حاجة و تفاهمت معاها و هي انبسطت انك تكوني ممرضة و مرافقة هتقعد معاها ببلاش !!
‘توليب’ – لنفسها – … ” ‘حنان’ فعلاً بتحبني وتعبت كثير علشان خطتها و أنا مش هخسر حاجه لو اتجوزت ‘عبد الحميد’ بالعكس دا هيتحقق حلمي انه يرتبط إسمي بأسمه في ورقة واحدة !!
و لو ماحصلش ليا نصيب معاه في الدنيا !!
إن شاء الله يبقى نصيبي في الآخرة !! ” …
‘حنان’ : – هاه سرحتي في إيه !!
التفتت ‘توليب’ ل ‘حنان’ و هي مبسوطة من خطة ‘الأخيرة ..
‘توليب’ : – وااو أنتي طلعتي بجد خطيرة قوي !!
‘حنان’ : – طبعاً المهم أنتي تجهزي نفسك مع ‘عبد الله’ الليلة و استنونا هنا و أنا و ‘فادي’ هنجي و نجيب المأذون معانا و نكتب كتابك على اخويا إن شاء الله !!
‘توليب’ : – إن شاء ألله طب لحظة و لو أخوكي عرف بالخطة مش يمكن يطلقني و أنا هعمل إيه !!!
‘حنان’ : – اخويا عارف إنك إنتي اللي هتتجوزيه و إنتي و شطارتك تخليه يوقع في حبك خلال أسبوع واحد فترة فرح إبن خالي !!
‘توليب’ : – و لو ماقدرتش أخليه يحبني أعمل إيه !!!
‘حنان’ : – ماتخافيش انتي هتبقي في ذمة أخويا لنهاية عمرك بس أهم حاجة ماتخليهوش يشوف وشك و يعرف إنك اللي كنتي مرافقه لخالتي ‘زهراء’ !!
‘توليب’ – بفزع – : – يا خبر أبيض يعني إزاي هقدر أخبي نفسي منه لنهاية عمري !!!
هو إنتي حاسه إنه هيزعل لو إكتشف الحقيقة !!
‘حنان’ : – أكيد هيزعل هو أنتي فاكرة انه هيفرح و يصفق لنا لخداعنا ليه لما يكتشف لعبتنا !!
‘توليب’ : – يا لهوي !!!
‘حنان’ : – أنسي ماتفكريش دلوقتي إيه اللي هيحصل في المستقبل خلينا نعمل أول حاجة الخطوة الاولى !!
‘توليب’ : – حاضر !!!
‘حنان’ : – و دلوقتي قومي و روحي لإبن أخوكي ‘عبد الله’ علشان تقنعيه بجوازتك الليلة و طمنيه إنك خلاص بقيتي في أمان و انتي على ذمة أخويا ‘عبد الحميد’ !!
فكرت ‘توليب’ بعرض ‘حنان’ و إفتكرت الأيام الصعبة اللي مرت عليها و اللي ماكنش يصبرها و يهون عليها الأحزان غير التفكير في ‘عبد الحميد’ ..
و صور ‘عبد الحميد’ ..
# * # * # * # * #
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نصيب الورد)
