رواية نسمة حائرة الفصل الخامس 5 بقلم سحر السحرتي

رواية نسمة حائرة الجزء الخامس

رواية نسمة حائرة البارت الخامس

رواية نسمة حائرة الحلقة الخامسة

محسن : صباح الخير ممكن اتكلم معاك
نسمة : صباح النور طبعا بما انك بداتها بصباح الخير
: عايز اشكرك واعتذر في نفس الوقت
*لتستعجب وتفتح فمها : هاه خبطتين في الراس شكر واعتذار
*ليضحكوا سويا
: عرفت من واحد صاحبي حجم المصيية اللي وقعت نفسي فيها وجاي اشكرك انك انقذتي المصنع واعتذر عن اللى حصل مني واتمنى تسامحيني ونبدا صفحة جديدة و نكون اصدقاء
*ومد يده يسلم عليها فرحبت وسلمت عليه
: مسمحاك بس ما تجيش على العمال الغلابة ان يكون معاك انسان مخلص وجاهل افضل من خاين متعلم الجاهل هتقدر تعلمه وهتاخد منه اكثر ما هتديله فهمت وعشان تتاكد اني سامحتك
*ضغطت زرار في اللاب : ادي موبايلك رجع
: انا ما كنتش جاي عشان كده انت عارفه اني اقدر اشتري ١٠ بس جيت اصلح غلطي
: عارفة عايز تصلح غلطك ادى العمال الغلابة مكافاة هيدعولك وهتشوف الانتاج هيحصل فيه ايه وكل ما تديهم هتلاقي
: متشكر قوي يا نسمة واتمنى نبقى اصحاب انت انسانة رائعة
بقلمي سحر السحرتي
*هم بمصافحتها بحرارة في هذه اللحظة دخل فارس وحاول السيطرة على غضبه عندما وجد محسن يصافح نسمة بحرارة اشعلته من الداخل
:محسن بيه خير على الصبح منورنا السيستم شغال
: اه تمام انا كنت جاي لنسمة
: بشمهندسة نسمة قصرت في حاجة عند حضرتك
: لا كنت جاي اشكرها
: احنا شكرناها بالنيابة عن حضرتك وياريت اي تعامل مع مهندسين الشركة يكون عن طريقي
*نسمة شافت النار مشتعلة في عيون فارس كالعادة ارادت ان تزيدها
: خلاص يا محسن قصدي يا استاذ محسن لو احتجت حاجة معاك رقمي
*ليرمقها فارس بنظرة تكاد تنسفها من على الارض
: تمام يا بشمهندسة اشوفك على خير
*ليمسكها فارس من ذراعها بقوة
:كان بيعمل ايه هنا
*لتتالم من قوة يديه وتشدها بقوة اكبر
: اااه ايه ده مش من حقك تمسكني كدة ما اسمحلكش عميل وجاي يشكرني فيها ايه
*ليزفر هواء ساخن ويتافف بحدة :ولما هو جاي يشكرك بتقوليله ليه (مع تقليد صوتها بسرسعة) خلاص يا محسن قصدى يا استاذ محسن معاك تليفوني
*لتسقط من الضحك على طريقته : انا صوتي مسرسع كدة دى كل الناس بتقول صوتي احلى من شكلي ههههههههه …الا صحيح يا مستر فارس حضرتك كنت جاي ليه
: انت خليتي فيها حضرتك جاي اقولك طفحتي ولة لسة
*لتكتمت ضحكاتها : لا لسة ما طفحتش ومش عايزة بشكلك ده هتسمم مش هطفح يا عم خلي لغة البيئة دي ليا انما واحد زيك متعلم بارة يقول كدة بتقعد مع مين غير اخلاقك
: بقعد معاك اترزعي هنا ما تتحركيش هجيب الاكل واجي
*وهي منتظرة تتفاجأ بمن يمسكها من رقبتها وتبدأ بالصراخ
: ما بحبش حد يمسكني كدة وكادت ان تصفعه
:بتعملي ايه هنا وفرحي بكرة
: ابيه عمر وحشتني موت
*تقوم باحتضانه بشدة وتقبل وجهه في لحظة دخول فارس الذي كاد ان يضربهم
: مين عمر
: فارس انت بتعمل ايه هنا
: هو حضرتك تعرفه يا ابيه ده مستر فارس مديري
: هو ده اخوك عمر مش تقولي عمر مكاوي
: طب ما انا نسمة مكاوي طبيعي يبقى هو عمر مكاوي اقول ايه
*فارس وعمر سلموا وحضنوا بعض واتضح انهم زمايل دراسة بارة مع بعض وكانوا اصحاب قوي بس فارس رجع عشان يشتغل في مصر وعمر كمل شغل بارة
: هاه يا عمر هتعمل ايه بعد الجواز
: العروسه عايزه تستقر هنا فبفكر ارجع واساعد بابا لانه محتاجني ومروان مش راضي يرجع
: كويس عشان نرجع اصحاب زي زمان
: اه واسحب منك القردة دي تشتغل معايا ومسكها من رقبتها
: مفيناش من كدة احنا ما نقدرش نستغنى عنها خليك بارة احسن
: هههه والله وانا ماليش رأي بتحدفوني لبعض …. لا يا ابيه بابا حاول كتير اشتغل معاه وانا مش عايزة
: اسمعي الكلام هديلك مرتب اكثر من هنا
: اذا كان كدة افكر هههههه
: مادية قوي بعتينا في منت
: صحيح بمناسبة المادية فين المكافاة الحالة ضنك واديك شايف عروض الشغل اهيه زي الرز
: مين دي يا فارس فين اختي الكيوت
: والله احنا واخدنها كدة شوية كيوت وشوية تقلب على عبده موته عيب تقفيل باين ههههههه
: فارس هستناك بقى بالليل الشباب عاملين حفلة لي هبعتلك اللوكيشن ومتأخرش القردة دى عشان بنات عماتها مستنينها سلام
*بعد أن انصرف قالت بتوسل
: شوف اخرني على قد ما تقدر انا بايته هنا انهارده
: تدفعي كام
: هات يا عم الاكل انا على فطار امبارح قال ادفع قال انا لاقية اكل
بقلمي سحر السحرتي
……………………….
عند سليم في البيت
سليم : هاه يا عمر ما جبتهاش معاك ليه
عمر : عندها شغل ولما هتخلص هتيجي عشان ما يتخصم عليها بتقول كفايه اجازه بكرة
: دماغها ناشفة قوي
: هي صحيح يا بابا مش عايزة تشتغل معاك ليه وايه حكاية ما يتخصمش منها هو انت مش بتديها مصروف
: نسمة من ساعة ما كانت عايزة تسافر تكمل دراستها بارة وسمعت مروان وهو بيقول لا كفاية الفلوس اللي امها لهفتها منك عشان ترميها وهي بتعتمد على نفسها من زمان مش بترضى تاخد مني فلوس الا للضرورة وبترجعها تاني ولما كلمتها في موضوع الشغل قالت هيفكروا اني باخد مرتب ومش بشتغل خليني اثبت نفسي الاول
: وازاي مروان يقول كدة انت مش حارمنا من حاجة
: اكيد زن والدتك وهي اللي عرفته ان امها اخدت منى فلوس ما هو محدش يعرف الموضوع ده غيرها كنت بعتبرها صديقتي وبفضفض معاها
: في حد يعتبر طليقته صديقة برضة
: اه احنا كنا ومازلنا اصدقاء احنا اطلقنا بس لسة بنحترم بعض هي كأم حست ان الفلوس دي حقكم فغلطت لما حكت لمروان وهو كان لسة شاب وطايش قال الكلمتين واختك سمعته ومارضيتش تسافر ودرست هنا وكانت بتشتغل جمب الدراسة وتصرف على نفسها
: انا كنت عامل لك مفاجأة لما اتجوز هسافر شهر العسل وهرجع استقر هنا وان شاء الله هخليها تشتغل معانا
: بتكلم جد يا عمر ياريت يا حبيبي انا محتاج حد يشيل عني ويساعدني وأخوك مش عايز يرجع واختك رافضة الشغل معايا
: خلاص يا بابا ما تقلقش كله هيبقى خير وهعوضها عن كل حاجة
*يوم الفرح استيقظ الجميع فرحين وبدأوا في الاستعداد كانت سوسن تيقظ البنات وتعد الطعام مع الخادمة وكانت ثريا تشرف على الجميع وتأمرهم لكن سوسن تحاول تهدئة الاجواء
ثريا: يلا يا نسمة عشان تروحي مع بناتي تجهزي نفسك يمكن حد يشوفك ويرضى يتجوزك ونخلص منك
سوسن: ما يصحش كدة يا ثريا كويس ان سليم ما سمعكيش كان زعل قوي منك حاولي تلمي الدنيا النهاردة احنا ما صدقنا اتصالحتوا وعشان فرح عمر يعدي على خير
ثريا: هو انا غلطت اللي عيزاها تتجوز
سوسن : لمي الدنيا يا ثريا مش هدخل تاني بينكم
نسمة : صباح الخير يا سوسو صباح الخير يا عمتو ( مع ضحكة صفراء لثريا)
سوسن : صباح الخير يا حبيبتي مش يلا عشان تروحي مع البنات
نسمة : لا يا حبيبتي لين هتعدي على وهتجيب معاها واحدة تظبط لنا المكياج عشان طالعة على القاعة دلوقتي اظبط كام حاجة هناك قبل الفرح واصلا ابيه عمر حجزلي اوضة هناك البس فيها فبقول اخودهم ونروح على طول
ثريا : امال ما حجزش ليه لبنات عماته
نسمة : حجز وكنت لسة هقول لسوسو بس انت دايما مستعجلة وبتفرمي اللي قدامك
*وجريت قبل ما ثريا تمسك فيها وسوسن بتضحك عليهم
*جاء المساء وجميع البنات كانوا اجمل ما يكون اما عن نسمة كان جمالها في رقتها وبساطتها كانت تلبس فستان باللون الفيروزي المجسم بطريقة رقيقة ورافعة جانبي الشعر بسلاسة وانسياب لباقي الشعر مع مكياج ناعم ليس به مبالغة تكاد تكون قطعة من القمر لم تكن تخطط ان تكون مميزة عن باقي الفتيات ولكنها كانت فعلا مميزة
*حضر جميع الضيوف وبدأت زفة العروسين حضر فارس وكانت عيناه تبحث عن نسمة فلم يجدها ولكن اتي صوت من خلفه
:تبقى صديق العريس وتيجي دلوقت عيب حتى عندك تاخير نص ساعة
*ليلتفت ويعجز عن الكلام من الجمال الذي اطل عليه لتشير بيدها امام عينيه
: فارس هاي سامعني
: افندم مين حضرتك
*لتضحك بقوة ورقة
: لا حضرتك انا واحدة من المعازيم جاية احضر البوفيه ههههههه
: انت حلوة قوي انت كنت مخبية الجمال ده ليه
*يتحول وجهها الى طماطم شديدة الاحمرار ولا تستطيع الرد
*يتم اعلان رقصة الثنائي مع العروسين ليخطفها فارس دون استئذان ويرقص معها
: على فكرة انا محجوزة الرقصة دي وما وافقتش ارقص معاك
: وانا ماسالتكيش وماتبوظيش اللحظة كالعادة
*لتصمت وتستمتع باللحظة حتى اتى صوت من خلفهم
: ممكن اخود خطيبي منك شويه
*ليتفاجأ فارس بمنال وبما فعلته
: قوي قوي اتفضلي ميرسي يا مستر فارس
*وتذهب نسمة ترقص مع والدها
: ممكن اعرف ايه اللي عملتيه ده ومن اين جبتي كلمة خطيبي دي
: معزومين احنا كمان على الفرح وبابا قالي روحي ارقصي مع خطيبك اضطريت أوافق لما نخلص اللي اتفقنا عليه
: كنت ندهتي على مش تقولي لها خطيبي
: اعمل ايه اللي حصل بقى ما عرفتش اتصرف بس ايه رأيك في الفستان
: ماله فستان زي باقي الفساتين
*ونظر باتجاه نسمة وهي لا تراه او تنظر له
بقلمي سحر السحرتي
*تنتهي الرقصة ويتم تشغيل فيديو هدية من اخت العريس تعرض فيه صور شقيقها من الطفولة للشباب مدمج مع صورة عروسته مصمم بطريقة خاصة اعجبت وادهشت كل الحضور واخذت المايك من منسق الحفل
: السلام عليكم انا نسمة مكاوي اخت العريس اتمنى تكون الهدية عجبتكم واهم حاجة طبعا تكون عجبت العرسان ولسة في مفاجأت احلى واعترف واعتذر
*ظهرت صورة لها وهي طفلة ووجهها ملطخ بالشوكولاته
: دي صورتي بابا قفشني وانا باكل شوكلاتة ابيه عمر فبعتذر ليه لان بابا كان دايما بيذلني انه هيقوله فحبيت اخلص من الذل قصدي الذمب انك كنت بتدور عليها وهي كانت في بقي والمسامح كريم
*يضحك جميع الحضور المفاجأة التانيه تبدا الموسيقى وتغني نسمة اغنية جنات ملهوفة عليك
&اسمع كلامي وصدقه انت اللي روحي بتعشقه كان حلمي نفسي احققه اني ابقى ليك
& قربني منك ضمني قد اما احبك حبني من غيرك انت يهمني دى انا روحي فيك
&ملهوفة عليك ومسلمة تقدر تقول مستسلمة حاسة اني طايرة في السما اخدني الشوق
&متحيرة ومتغيرة وكاني لسة صغيرة لو بحلم انا من الحلم ده مش عايزة افوق
*كانت ترقص مع والدها وهي تكمل الاغنية وعينيها تبحث عن فارس دون ان يلاحظها احد والدموع تتراقص في عينيها
*يرقص الجميع معا على صوتها العذب تنتهي الاغنية تقوم باحتضان والدها ثم عمر تحت تصفيق حار من الحضور
*تستمر فقرات الحفل وتتنقل بين الطاولات لتجامل المدعوين
*تقوم باحتضان ليلى التي تلاحظ عليها الحزن وكانت تجلس في نفس الطاولة مع ثريا وسوسن ونهلة والدة عمر
ثريا : كان نفسي اقولك عقبالك بس مفيش حد عايز يتجوزك لو جه هنقوله امك فين هيطفش اول ما يعرف هيفكر انك زيها اكفي القدرة على فمها
نهلة : كل البنات امهاتهم معاهم حتى شوفي العروسة امها مش سيباها انا برضة لو كنت جبت بنت ماكنتش سبتها عموما ممكن ابقى اجي اقف معاك انت برضة اخت عمر
*ليلى ما قدرتش تتكلم لكن سوسن ردت عليهم
: نهلة ثريا هتقولوا كلام كويس اقعدوا مفيش قوموا بدل ما تبوظوا الليلة لاني مش هسكت وهقول لسليم
*ردت عليهم ببرود حتى لا يظنوا أنهم أثروا فيها
نسمة: ما تشيلوني من دماغكم شاغلة تفكيركم قوي رغم اني حاجة صغيرة جدا امال لو كبرت شوية هعمل فيكم ايه ….. لولي انا رايحة الحمام اظبط الميك اب ومش راجعة على الطرابيزة دي تاني اصل الهواء هنا يخنق
*اتجهت للتراس بدل الحمام دون ان يشعر بها احد ارادت ان تقف في الهواء الطلق بمفردها بدات تزرف الدموع المحبوسة بها فهي لم تعد تحتمل كتمانها ولكن هناك من كان يراقبها واستمع صدفة للحوار ولكن لم يفهم سوى انهم يجرحونها عمدا
*كانت تبكي بحرقة وتقول : يارب يا رب
*واذا بيد تمسك يدها وتلفها اليه ضمها لصدره وجعلها قريبة جدا منه ومسح دموعها بكلتا يديه امسك بوجهها الصغير وطبع قبلة هادئة على شفتيها
*كانت مابين الصدمة والاستسلام لم تفق الا ويدها تصفعه على وجهه وتدفعه بكلتا يديها في صدره
: انت ازاي تعمل كدة مفكرني ايه قليل الادب
*همت بالذهاب فأمسكها من يدها بقوة فرفعت يدها لاخفاء وجهها ظنا منها انه سيصفعها بدوره
: ولما انت خايفة كدة بتمدي ايدك ليه وعامله ٧ رجالة في بعض انا مش هضربك كنت عايز اعتذر لك انا اسف
:على ايه بالظبط
: على اني اتجرأت وبوستك وكنت عايز اوضح اللي منال عملته
: مش محتاج توضحلي حاجه خطيبتك وطلبت ترقص معاك
*تركته وذهبت جلست مع والدها واثر الدموع في عينيها
: مالك يا حبيبتي في حاجه
*تحدثت بسخرية من نفسها حتى لا يلاحظ والدها
: ابدا كنت بظبط الميك اب بتاعى المسكرة دخلت في عيني شويه كده وهبقى كويسة اصلي مش واخدة على حركات البنات دي هههههه بس ايه رايك في صوتي
: كروان يا قلبي انت سيبي البرمجة وانتجلك اغاني
:تفتكر اجيب فلوس وابقي زي شاكيرا
: واحلى منها كمان هههههههه
: بقولك ما شفتش عروسة لك من الستات الحلوة اللي هنا دول
: مش لاقي احلى منك الصراحة
: ياعم بطل تغني على دى انت كل يوم تدخل على بواحده جديده متجوزها واقول بكره يعقل اهو ننقي مع بعض واحده تعيش بدل اللي انت بتجيبهم سكند هاند
: في واحدة بعينها اكيد بتتكلمي عليها
: احبك وانت فاهمني
: حد اعرفه
: جدا بس العين مش بتشوف اللى قريب منها
: شوقتيني فينها
: قاعدة معاك علي نفس الطرابيزة
: اخص ام عمر
: اخص الف مرة ام عمر مين لولي ام لين
: ام لين ما انا عارفها من زمان
: مش بقولك العين مش بتشوف اللي قريب منها
: واشمعنى دلوقتى
: زمان انت كنت طايش وبتقعد تجدد دلوقت كبرت وعقلت وبقالك كام سنة اعزب ان الاوان تستقر واهي واحدة كويسة وحنينة وزوق اكلمها لك
: اديني فرصه افكر
: اديك فرصه كمان .. طب هي توافق عليك
: هي كمان ممكن ترفض
: ما ترفضش ليه واحد متجوز ٧٠ مرة يعني طايش وهوائي
: سبينا دلوقت نجوز اخوك وبعدين نشوف الموضوع ده
: اعتبره وعد
بقلمي سحر السحرتي
*تغلق الانوار ويظهر المطرب حماقي ويعلن منسق الحفل انه هدية من اخت العريس ويغني اجمل اغنياته ويكتشف الجميع انه مجسم الكتروني مبرمج مثل الحقيقي وكان سبب سعادة الحاضرين وانتهى الحفل
*حاول فارس اكتر من مرة ان يتحدث الى نسمة ولكنها تهربت بكل الوسائل
# كيف ستكون المعاملة بين فارس ونسمة الفترة القادمة