رواية نسمة حائرة الفصل التاسع 9 بقلم سحر السحرتي

رواية نسمة حائرة الجزء التاسع

رواية نسمة حائرة البارت التاسع

رواية نسمة حائرة الحلقة التاسعة

*ذهب فارس بنسمة الى مطعم على النيل وكان لديهم جلسة خاصة بداخل النيل حجزها فارس لنسمة كي تهدئ اعصابها وتستطيع التحدث بكل حرية دون اي ضغط … قام بمساعدة نسمة سندها حتى تستطيع المشي لرفضها ان يحملها لخجلها امام الناس واخبرته
: انت بدات تستهبل زيادة عن اللزوم( صعب لسانها يسكت عن اللي بتفكر فيه)
*ضحك عليها فضربته بقبضة يدها في كتفه فضحك اكثر ومثل انها المته
: رخم قوى على فكرة
: ما انت ايدك تقيلة
: اخف بس وهوريك التقيلة بتبقى عملة ازاي
: اهون عليك
*بخجل ودلع : اكيد لا
: اموت في اللي مكسوف وخدوده طماطم
: طب ينفع نتكلم جد شوية
: نفطر الاول عشان هموت من الجوع وشكلك راسمة انك تسدي نفسي
: هو فعلا كلام يسد النفس وانا كمان جعانة
*انتهت من الفطار جلس فارس ووضع ذراعه على كتف نسمة وحاوطها
: انا كده مش هعرف اتكلم
: انا عايز اهديكي واطمنك عشان تعرفي تتكلمي وتقولي اللي عندك
: انت عارف اني اوقات بحسك بتقرأ افكاري وبتعرف انا محتاجة ايه انت هكر للافكار ههههه
:وانت محتاجة دلوقت لحضن وعايزة تحكي ومش عايزة
: عرفت ازاي بالظبط كدة كمان لو بصيت لعنيك مش هعرف اتكلم
: طب ما تعتبري نفسك اتكلمتي وانا موافق من غير ما اعرف حاجة ونجري نكتب الكتاب عشان هموت واخد بوسة مشبك هههههه
:انت قليل الادب قوم فز اقعد قدامي خليني اتنيل اقول الكلمتين و اشيل الهم من على قلبي
: اتنيل بتقلبي متحولة اتفضلي اتنيلي
: بغض النظر عن شتيمتك دي فاسمع بقى يا سيدي حكايتي مع الزمان … بابا كان ولد على بنتين وكان مدلع شوية وحب مراته الاولى وزن على اهله انه يتجوزها وكان صغير عنده ١٧ سنة وخلف بدري بدري ابيه مروان وابيه عمر ….. طبعا حسوا انهم اتسرعوا على الجواز فاطلقوا وهما اصدقاء بعدها بكام سنة بابا اتخرج واشتغل واتعرف على الست اللى ولدتني ….. ( اخذت نفس عميق بحزن) كانت جارته ومتجوزة راجل حبها حب كبير لدرجة انه كل يوم يصبحها بعلقة ويمسيها بعلقة … بقوا اصحاب وكانت بتفضفض معاه وكان عندها ابن وفي خلاف من اياهم جوزها طلقها واخد ابنها ومشي وكانت الطلقة الثالثة …. بابا لما قرب منها حبها جدا وصعبت عليه قوي واحتواها واتجوزها بعد عدتها … قعدوا مدة مش كبيرة بس هو اتعلق بيها وهي ما قصرتش معاه بستطته قوي برغم من انها كانت وخداه سلمة عشان يبقى محلل وتقدر ترجع لطليقها …. ولان بابا طيب ومعاملته كويسه ما قدرتش تصارحه انها عايزة ترجع للذل والاهانة واللي عاملها باحترام وتقدير بقى كخة وفي يوم اغمى عليها واكتشفت انها حامل بالرغم من انها عاملة حسابها كويس جدا من غير ما يعرف من حسن اخلاقها …. طبعا انهارت واتعصبت وطلعت كل اللي جواها ما خبتش حاجه عليه وانه مجرد سلمة لرجوعها للبلطجي طليقها وانها عايزة تسقط الحمل لانه هيعطلها …. بابا اتصدم بس اتفق معاها انها تحافظ على الطفل وهيطلقها قبل الولادة تقدر ترجع لطليقها لان عدتها تنتهي بالولادة هي طبعا رفضت …. بس قال انه ده حقه عليها لانه عمره ما ظلمها وانه مش هيضايقها ولا هتحس او تعرف حاجة عن الطفل كانه مش موجود …. طبعا استغلت الوضع وحبه للجنين فاشترتطت انها مش عايزة تعرف نوعه او اسمه ويجيب لها شقة تمليك باسمها ويحط مبلغ محترم لها في البنك يأمن مستقبلها عشان لو طليقها غدر بيها مرة تانية ورماها تقدر تعيش
…. بابا كان طيب قوي ومتمسك بيا لدرجة كبيرة فوافق فكر انه كدة بيفتح باب انها ممكن تحن وترجع له او كدة اتهيقله هههههه …. بس هي ما رجعتش ولا فكرت مرة تشوفني ولا حتى عرفت هي جابت ايه ورجعت لطليقها وسافرت معاه وما اعرفش عنها حاجة ولا عايزة اعرف ….
: ههههههههه هي دي كل الحكاية
: انت بتضحك على ايه انت بتستهزء من احزاني
: انا فكرت مامتك راقصة ولة فتاة ليل طب انت ذمبك ايه في كل ده وايه اللي ممكن يخليني اسيبك معقول انت عيشتي نفسك في الاوهام دي سنين بجد مش قادر اصدق
: انت مستهون ان عمتي وطليقة بابا قد ايه ذلوني واهانوني باللي حصل ان امي باعتني كام مرة عمتي تقول اكفي القدرة على فمها غير حرقها وتعذيبها عشان كنت طفلة بسال على امي كام مرة في المدرسة يجي عيد الام كل الامهات موجودة مع اطفالهم الا انا ومش مكتوب في خانة الام متوفية ….كام مرة كنت بستنى وابص على باب المدرسة يمكن تيجي تشوفني واتخيلها بتستخبى وتشوفني في السر
:يا حبيبة قلبي لو كان بابا طلق ماما ومشي وسابكم وما عرفش عنكم حاجة كنت هتعملي كل ده
: لا طبعا مفيش حاجه تفرق ام عن اولادها الا الموت مش تبيعني وتقبض الثمن
: معاك حق وكل قعدة ولها شواذ بس ده مش معناه انك تعذبي نفسك السنين دي كلها بشئ خارج عن ارادتك
بقلمي سحر السحرتي
: وكلام عمتي وطليقة بابا
: زي ما كان لك عمة وحشة كان في عمة كويسة وطليقة باباك مش معقولة هتحبك وانت من ست ثانية اللي عملته ده غيرة على باباك حتى لو بقوا اصحاب
: مش ممكن فعلا اطلع زي عمتي ما قالت اكفي القدرة وابيع عيالي
: يعني معقول عمو سليم الراجل الجميل ده هو اللي رباك وتعب عليك هتطلعي لامك اللي عمرك ما شفتيها ولا تعرفي عنها حاجة
*نظرت له باندهاش واستغراب من ردة فعله التي كانت عكس ما توقعت
: يعني انت مفيش عندك مشكله مع اللى حكيته
: الصراحة انت طبعا عيزاني اصارحك من غير زعل
: اكيد عايزة الصراحة
*كان قلبها يدق بشدة في انتظار اجابته
:كان ممكن يبقى عندي مشكله فعلا لو كانت امك ست سيئة السمعة رغم أنه كمان مش ذمبك انما مشكلتي دلوقت ازاي انت عبقرية في شغلك ودماغك صغيرة قوي كدة كنت موقفة حياتك على سبب تافه شكلك بتحبي النكد ههههههه
*ضربته جامد في كتفه
: انت متفه مشكله حياتي كدة ليه
: يا بنتي معروف الستات ملكات الدراما احنا كرجالة دماغنا كبيرة ومش بتقف على المشاكل الصغيرة دى ارحميني بقى وقولي هاخد المشبك امتى ( وغمز بعينه)
: هههههه تصدق الدكتورة النفسية دي كانت بتشتغلني انت حليت المشكلة في جلسة هي معايا من سنين مش عارفة تعالجني ما شاء الله ولة انت بتشتغلني و بتاخدني على قد عقلي
: حبيبتى يا بيئة الستات ناقصات عقل لو كنت روحتي عند دكتور راجل كان حلها في دقيقه وهشتغلك ليه بعقلك الصغنن ده كلامي منطقي ولة لا
: منطقي بشكل لا يصدق مشكلة و عايشة مأساة بقالي سنين وانت في لحظة بتحلها
: شفتي تخيلي لو كانت ولدت ولد ما كانش عمل كل ده ليه
: ليه
: عشان الستات بتحب النكد يا قلبي واحنا بعد الجواز تدخلي البيت برجلك اليمين وخرجي النكد من حياتنا برجلك الشمال احسن هتطلقي من اول دقيقة اصل انا راجل فرفوش واحب الفرفشة
: ازاي يعني مش فاهمة
:تغنيلي زي ما غنيتي في فرح اخوك ترقصيلي برضة زي ما حييت الفرح والباقي هبقى اقولك عليه في السر بيني وبينك
: شكلي مش هوافق على الجواز بسبب قلة ادبك دي
: دى احلى حاجة فيا هي قلة ادبي وانت حبتيني الا عشان كدة
*تحركت قدميها من السعادة وقامت من مقعدها وحضنته بقوة وقبلته في خده
: انا بحبك قوي ما تسبنيش
: انا بحبك اكثر يا مجنونة عمري ما هسيبك مهما حاولتي كان نفسي اعذبك زي ما عذبتيني بس عشان خاطر البوسة والحضن دول سامحتك خلاص
*انتبهت لما فعلته بلا وعي فدفعته بعيدا عنها وخجلت منه بشدة وانقلب وجهها الى الاحمرار الشديد
: مش بقول مجنونة انت اللي حضنتيني بالعافية وما كنتش عايز انت خطر انا اخاف على نفسي منك
: يا شيخ اتلهي
: خلاص اخدت غرضك مني ورمتيني ايهي ايهي ايهي والعيل اللي بنا اوديه فين
*ضحكت من قلبها
: انت مشكلة
: قومي يلا عشان نحدد معاد كتب الكتاب
: ايه هو سلق بيض مش لما اتعرف عليك الاول يمكن اخلاقك ما تعجبنيش
: براحتك بس خلي بالك ممكن اطير من ايدك
: انت تقدر
: اكيد لا بس بسرعة احسن ما بقتش قادر ابعد عنك يلا بقى
بقلمي سحر السحرتي
*امسك يدها وقبلها وجذبها منها ليوصلها للمنزل وطلب مقابلة والدها كي يتحدث معه في التفاصيل
: هاه يا عمي الاسبوع الجاي شبكة وكتب كتاب
: انت مستعجل قوي وبعدين ازاي تبقى فاسخ خطوبتك وبعدها باسبوعين هتخطب الناس هتقول ايه
: انا ما يهمنيش الناس انا بحب نسمة ومش قادر ابعد عنها اكثر من كدة وبعدين بنتك مجنونة ومزاجها متقلب وممكن تغير رأيها فانا عاوز ادبسها وبعدين عشان اقدر اسافر معاها تعمل العملية
:عملية ايه هي تعبانة
: عملية تجميل انا لو عليا راضي بس عارف انها كل شوية هتقلبها نكد وانت بتشفق على فلازم ابطل حجتها
: هههههه انت فهمتها بسرعة كدة ازاي
: يا عمي كل الستات كدة النكد بيجري في دمهم
: هههههه على رأيك فعلا
: نكد مين ان شاء الله واضح انك انت اللي هتجيبه لنفسك
: ابدا يا حبيبتى دى الستات هو انت ستات
: اه بحسب انت قلت ايه
*وتعالت ضحكاتهم ووافقت نسمة على كتب الكتاب بعد اسبوع كما اراد فارس ولكن اشترطت على والدها ان يتقدم لليلي والدة لين ويكتب الكتاب معها في نفس اليوم حاول والدها الرفض لكنها اصرت لانها تريد من ليلى ان تكون بجوارها كأمها ولن تستطيع الا وهي زوجته ولانها ستتركه بعد الزواج فلا تريده ان يظل وحيدا واقنعته ان ليلى ستعوضه عن كل الزيجات الفاشلة السابقة فوافق
*ذهبت سريعا لتتصل بلين وتبلغها الاخبار السعيدة وتطلب منها تحديد موعد مع والدتها ليتقدم والدها لها وسرت الفتاتان لهذا الخبر فقد تمنوا ذلك منذ زمن
*دخلت لين لتبلغ ليلى
:ماما عمو سليم عايز يجي يتكلم مع حضرتك شوية
: خير نسمة فيها حاجة مش خفت وخرجت من المستشفى
: اقولك عشان تبقي مستعدة نفسيا ولة اخليها مفاجاة
: ما تقولي هي فزورة
: بصي عمو سليم طالب القرب
:انت يا بنتي مش مخطوبه
: هو انا لومش مخطوبة سنه هينفعني اكيد عشانك وانت بتفهميها وهي طايرة يا ست الكل
:بس يا لين انا من ساعة ما انفصلت عن باباك وانا مش بفكر في الجواز بسبب معاشرته الزفت
: عشان انا كنت صغيرة دلوقت انا هتجوز ونسمة كمان وانتم هتقعدوا لوحدكم مش يمكن ده العوض ليكم …وبعدين بابا مش هيقدر ياخدني منك لاني كبرت وما بيسالش فيا من زمان وانا محتاجة اب في فرحي ونسمة محتاجة ام فكري هتلاقيها جت في وقتها ….انت عارفة عمو سليم حنين قد ايه ومحترم
:بس ده اتجوز كتير قبل كدة انا مش عايزة ابقى مطلقة للمرة الثانية في السن ده
: هو كان بيطلق لما بيحس انهم مش بيحبوا نسمة وانت بتموتي فيها ونسمة كمان هتتجوز يعني خلاص لازم تستقروا فكري ارجوك
: خلاص هفكر اوعدك
: بس بسرعة عشان هتكتبوا كتابكم مع نسمة وفارس الاسبوع الجاي
:ايه السرعة دي مش معقول هو سلق بيض
: ياماما نسمة مضطرة تسافر مع فارس هتعمل عملية تجميل للتشوهات وخايفة تسيب عمو سليم لوحده وبعدين معاك وقت كام ساعة على ما يجي بالليل تكوني فكرتي
: انت بتستهبلي كام ساعة ويجي بالليل ده فعلا سلق بيض
: يا لولي طول عمرك بتعتبري نسمة بنتك هنمشيها رسمي وبعدين انا كنت بسمع ان عمو سليم محترم قوي مع اي ست بيتجوزها انت وشطارتك بقى معاه خلاص بقى انا هروح اجهز نفسي والفساتين اللي هنلبسها واكلم مهاب يحضر الاتفاق اهو راجل يبقى معانا
بقلمي سحر السحرتي
*في المساء حضر سليم ومعه نسمة وعمر ايضا كان متحمس للفكرة وشجعه … طلبت ليلى الجلوس مع سليم للتحدث احسوا براحة غريبة معا واتفقا في الافكار فقد كان سليم يعرفها منذ زمن بحكم صداقة ابنتيهم كان معجب بقوتها وجديتها وصدق اخلاقها وانها امراءة من النوع النادر لكنه لم يفكر بها ابدا كزوجة نظرا لظروفها كانت فقط ام صديقة ابنته …… عندما تحدث معها تغيرت نظرته لها لانه رائ اشياء يحتاج اليها في المراءة التي ستكمل معه الباقي من عمره وانه الوقت المناسب لهم ….. طلبت ليلى التحدث معه اكثر بشكل يومي حتى تستطيع اتخاذ قرار لانها متخوفة من الجواز في هذه السن والطلاق مجددا فهي في ال ٤٣ من عمرها اما سليم فهو في ٤٩ من عمره ….. وافق سليم على طلبها لانه حقها وهو ايضا يستطيع اخذ قرار لانفصاله منذ ٥ سنوات منذ اخر زواج له وقد لغى فكرة الزواج نهائي من وقتها لولا نسمة
*ذهبوا للمنزل وخلد الجميع للنوم البعض سعيد والبعض الاخر متحير ويفكر ….
#هل ستمر الايام كالحلم لهم ام ستحمل المفاجأت
*في اليوم التالي كان لدى نسمة موعد مع دكتورة نهاد ذهبت وجلست معها تتحدث وتروي كل ماحدث وهي غير مصدقة كيف جرت الاحداث وكيف امتص فارس مخاوفها وسهل مشكلة حياتها التي كانت تعيشها لكنها مازلت متخوفة ولا تريد التخلي عن حذرها
: شوفي يا نسمة فارس قالك كل اللي كنت بقوله بس انت كنت محتاجة تسمعيه من حب حياتك عيشي طبيعية بقى الحياة كلها ابتلاءات للبشر باشكال مختلفة …. شفتي ابتلائك في نظر غيرك حاجة بسيطة وتافهة ممكن انت كمان تشوفي ابتلاء غيرك شئ تافه …. هتسافري امتى عشان العملية
: بعد كتب الكتاب فارس حجز التذاكر وطلب من عمر يمسك مكانه في الشركة بس رغم كدة بيحاول يقنعني انها مش لازم وانه مش شايف حاجة وحشة لانه خايف على رغم انها تجميل بس برضة عملية
: طب ما تفكري وتسمعي كلامه
: خايفة افضل طول عمري حاسة انه بيشفق على او احس انه ممكن يبص لوحدة تانية لمجرد اني ناقصني شئ وهو عارف ده كويس ومقدره
: طب خلاص اعمليها وانسي كل اللي حصل زمان وعيشي حياة جديدة وبداية جديدة
: بس برضة السرعة اللي عايز يكتب فيها ونسافر مخوفاني دخولي حياة جديدة برضة مخوفاني
:هو انت مش بقالك فترة طويلة بتشتغلي معاه
: اه بقالي فترة كويسة
: وكنت مهكرة تليفونه يعني اكيد عرفتيه كويس ولو كان في حاجه مخبيها كنت اكتشفتيها
:ايه يا دكتور اجيب ميكرفون ونذيعه في التليفزيون اه كنت مهكرة وعرفت موضوع خطوبته منه وبعدين هكرت تليفون منال وعرفت اللعبة اللي كانت بتلعبها عليه وبطلت حسيت اني مش مستريحة
: يعني عرفت ان كل اللي كنت بتعمليه غلط وان مفيش انسان كامل….. ويا ترى عرف انك كنت مهكرة تليفونه
: لا طبعا بس ممكن يكون حاسس
: طب اعترفيله وخليه يسامحك وابدأوا صفحتكم من غير اخطاء
: هقابله بعد الجلسة عشان نتفرج ونحجز القاعة وهقوله
*خرجت نسمة من العيادة وجدت فارس منتظرها ويجلس على كابوت السيارة فاتح يديه لتجري نسمة وتحتضنه ولكنها دائما تخالف كل التوقعات
: ده من ايه ده بقى ان شاء الله
*جذبها وحضنها بالقوة وقبلها على خدها وركبوا العربية
:من هنا ورايح هتكون بداية اليوم حضن وبوسة وهمشيها على الخد لغاية ما نكتب الكتاب وهبقى اقولك بعدين هتبقى فين هههههه
:طب ما تخلي كله بعد كتب الكتاب عشان سليم ممكن يعلقك وانا مش هقدر احوشه
: مالكيش دعوة بسليم انا هتفاهم معاه لو عيزاني احضنك قدامه انا قدها
: قلبك ميت طب بما اننا بنتفاهم كنت عايزة اعترف لك بحاجة صغننة الدكتورة قالت لي اقولك وانت طبعا مسامحني
:لو حاجة نكد مش عايز اعرف ومسامحك
:غلس قوي لا بجد عشان نفتح صفحة بيضا مع بعض
:مش مستريح لك بس قولي سامعك ومتخافيش
: مش خايفة انت هتخوفني بالعافية
*كور قبضة يده وكاد ان يضربها بوكس وجز على اسنانه
: يا مصبر الوحش ارغي
: لا انت كدة بتوترني وبتخليني معرفش احكي وانا اصلا بتلكك
: انت بتتلككي عشان تسكتي خلاص اسكتي
: اففففف اصل الموضوع تقيل على قلبي وخايفة تزعل منى
:شوفي اللي ممكن ازعل منه لو بتحبي حد غيري
بقلمي سحر السحرتي
*امسكت يده بسرعة وكادت ان تبكي : انا عمري ما حبيت ولا هحب حد غيرك انت الهواء اللي بتنفسه شفت جرالي ايه لما كنت هتخطب واحده غيري انا كان ممكن اموت
: بعد الشر عنك يا قلبي عرفتي بقى اي حاجه هتقوليها هتبقى تافهة جمب حبنا قولي بقى عايزة ايه طلعتي عيني
:بصراحة انا كنت معجبة بك قوي بعد ما اشتغلنا مع بعض فترة وكنت عايزة اعرفك اكثر ف ف فهكرت تليفونك فترة وبطلت
: فترة لحد امتى يعني في حاجة ناقصة في الحكاية كملي مش هتنقطي زي الحنفية
: يعني قبل خطوبتك بشوية ما هو ده اللي عرفني انك قرأت فاتحة واضطريت اهكر تليفون منال برضة وعرفت انها بتلعب عليك وعاوزة تورطك في الخطوبة بس بطلت ومش هعمل كدة تاني
*بعيون ونظرة القطط كانت تنظر له : مسامحني
*بنظرة خبث: لا طبعا زعلان ولازم تصالحيني
: مش فاهمة اصالحك ازاي وبعدين انت مش قلت قبل ما احكي انك مسامحني
: معرفش ان غلطتك كبيرة كدة ولازم اعتذار قوي عشان اقدر انسى واسامحك
: يعنى عايزني اعمل ايه عشان تسامحني انا مقدرش على زعلك
*بدات تبكي بشدة
*امسك يديها ووضع يده على خدها ومسح دموعها
:بتعيطي ليه انا هقولك تصالحيني ازاي بس انت نفذي كل اللي اقولك عليه
: هعمل كل حاجة تقول عليها
*هو بخبث واستغلال للموقف
: كل حاجة كل حاجة
: وعد كل ح ….. انت هتطلب حاجه عيب صح
: انت كمان هتقاوحي طب مش هقولك وهفضل زعلان
: لا وحياتي خلاص بس خليك محترم
: كمان بتغلطي فيا هتعملي كل اللي عايزه بالظبط والا خلاص
:طب قول يا رب ما يبقى اللي في بالي
: اولا توعديني انك ما تعمليش كدة تاني
: سهلة دي اوعدك اني مش هعملها الا اذا كنت مضطرة
: انت بتلعبي بالكلام
: خلاص بقى عديها وثانيا
: عايزة بوسة ولك حرية اختيار المكان ومش راسي ولا ايدي
*بسرعة قبلته في كتفه فنظر لها نظرة مرعبة جعلتها تنكمش في مقعدها وتحدث بحدة
:هتستهبلي هوقف وانزلك وهفضل زعلان
: انت بترجع في كلامك مش قلت اختار ومنعت ايدك وراسك
: ما كتفي من ضمن ايدي انت عارفة فين او فين واخلصي عشان زعلي بقى وحش
*خافت واترعبت من شخطته فقبلته بسرعة في خده
: انت بتبوسي ابن اختك بوسة حلوة احسن اخد انا اللي عايزه هاه برقة وحنية وتقولي اسفة يا حبيبي
*وشخط مرة اخرى ارعبتها اكثر
: يلا اخلصي
*فاستجابت لطلبه وقبلته قبلة رقيقة على خده وبمنتهى الدلع اللي دوبه
: اسفة يا حبيبي حقك عليا مش هعمل كدة تاني
*فرمل السيارة بجانب الطريق ودون ان يشعر اخذها بداخل حضنه
:انا عمري ما ازعل منك يا قلبي
: عايزك تتاكدي انك اغلى حاجة في حياتي ونتفق من غير هكر اللي تفكري فيه اساليني وانا هجاوبك مهما كان وانا كمان المهم تكون الصراحة اساس حياتنا
*ضغطت على حضنه بقوة وكانت تبكي
:انا ربنا بيحبني لانه رزقني بيك
: انا اللي ربنا بيحبني عشان لقيتك وحبيتك
: ممكن تستحملني وانا هتغير لاني مش مصدقة اللي بيحصل ده ولسة عندي مخاوف
: هستحملك بس كل اما ازعل تصالحيني بالرقة دي بس في البيت عشان ما نعملش حادثة هههههه
*وصلوا مكان القاعة وأصر فارس ان يمسك يد نسمة ولا يتركها وهو مشبك لاصابعهم سويا ولا يريد ان يفلتها وهي خجلة
*اتفقوا على كل شئ ونسمة كانت تطلب الاشياء البسيطة وفارس معجب باختيارتها الغير مبالغ فيها على عكس باقي الفتيات وأصر ان يذهب معها لاختيار الفستان
:بس لين هتقابلني هناك عشان نختار الفستان
: مش مشكله هكون معاك عشان ما تلبسيش حاجة خارجة
:وانا من امتى بلبس حاجة خارجة والمفروض ما تشوفنيش بالفستان الا يوم الحفلة
: الكلام ده في الفرح
*اقترب منها جدا وقال لها :ما تيجي نخليها دخلة كمان مع كتب الكتاب اصل مش قادر استنى
*دفعته بقوة كاد ان يسقط وصرخت به
:انت خطر وسليم هيقتلك قريب بلاش كدة عشان خاطري
: اموت في حبتين الطماطم اللي في خدودك اخد قطة واحدة بس
: هو انت من امتى قليل الادب كدة
: من يوم ما حبيتك وجننتيني
*وقام بخطف قبلة منها وجرى بعيدا عنها
:طب يلا بقى عشان ما اتاخرش على لين
*تقابلت مع لين وكلما اختارت فستان كان فارس يعترض
: روح يا فارس انت بتنقي فساتين وحشة قوي
: ما الفساتين الثانية بتخليكي زي القمر وانا بغير عليك
*نسمة بكل غيظ وتجز على اسنانها : احنا بقالنا ٣ ساعات بنلف وندور وانت معترض عشان الفساتين بتخليني زي القمر روح بدل ما اخد فيك ٦ شهور
: يا حبيبي انت زعلانة عشان بغير عليك
*بكل رقة وحنية اذابت قلبه
:يا فيري دي ليلة في العمر ومعروف ان العروسة لازم تكون احلى واحدة في الحفلة يرضيك الناس تتريق على وتقول العريس احلى من العروسة
: طب عشان فيري دي لو عايزة تيجي من غير هدوم هسمحلك
:عيب يا فيري لين معانا
*بسخرية وغيظ : عيب يا فيري لين معانا ده اللي ربنا قدرك عليه وهو مدوخنا بقالنا ٣ ساعات انا همشي هو بقى يختار معاك
: تعالي يا لين اخص عليك عشان تشتري لون فستانك قريب من لون فستاني زي ما عملنا في خطوبتك معلش ما تزعليش هنمشيه عقابا له
: هتمشي مين ما سمعتش كويس
*بدلع اكثر ووضعت يديها على قميصه واقتربت منه وكلمته بكل حنية
: انت ياحبيبي اللي هتمشي عشان انت من السمك المعطلاطي واحنا ورانا حاجات كتير لسة
*اذابته كلماتها واقترابها وكاد يتلعثم في الكلام
:عجبتني الحركة طب ممكن اقعد مؤدب ومش هعترض على حاجة
:خلاص يا لينو هيقعد ساكت واذا اتكلم هنمشيه
:يقعد عشان خاطرك بس
: انتم الاثنين ريا وسكينة لما بتتلموا على بعض
: هو ده اللي هيسكت ماشي يا نسمة واضح انك مسيطرة قوي هههههه
بقلمي سحر السحرتي
*كانت جمعتهم مرح وتم اختيار فساتين جميلة ورقيقة وكان فارس سعيد بكل خطوة مع نسمة ومعجب بعلاقتها مع لين
:فيري انا جعانة ممكن ناكل
:عيون فيري تحبي تاكلي حاجه معينة
:اه ان طالعة من مرض ولازم اتغذى كدة وانت فاهم
: يعني ايه ادبحلك خروف
: لا خروف ايه هو بيغذي انا عايزه كشري
:كشري اللي هو ازاي ده
:انا نسيت انك كنت عايش بارة بقالك كتير فاكر سندوتشات الكبدة
: وده يوم يتنسي
: هاكلك اكلة تانية تحلف بيها تعالى هوديك محل بيعمل كشري عظمة
:نسمة الحفلة بعد كام يوم انا خايف منك وخايف الاكلة بتاعتك دي بدل ما تدخلني دنيا ادخل على الاخرة
:تعالى بس وهتدعيلي بس كل بالراحة ماتحفش
:متاكدة مش هدعي عليك
:اقولك تعالى واطلب انا وخد منى معلقتين لو عجبك ابقى اطلب قشطه
:قشطه يا بيئة ههههههه
:ذهبوا الى مطعم جيد وطلبت الطعام لها هي ولين
: شوف يا حبيبى انا هحط شويه شطة صغيره عجبك وعايز تزود ابقى زود عشان ما تتعبش زي المرة اللي فاتت من شطة الكبدة
:هاتي يا ستي اما ادوق بس لو جرالي حاجة مش مسامحك
*بعد عدة ملاعق اكلها
: ايه يا قلبي حلو اطلبلك
:لا اطلبي لنفسك ههههه
:طب اجيبلك كمالة انا شايفة ان اكلتك ضعيفة هههههههه
:ايه الكمالة دي عموما هاتي اصل طعمه حلو قوي
*ضحكوا وانبسطوا واكلوا وعادوا الى الى منازلهم كان يوم لا ينسى للجميع
#الاحداث الجاية الحفلة هل هيحصل شئ فيها ام ستمر بسلام