رواية نجاح الفاشلين الفصل الثاني 2 بقلم رحاب القاضي
رواية نجاح الفاشلين الجزء الثاني
رواية نجاح الفاشلين البارت الثاني
رواية نجاح الفاشلين الحلقة الثانية
ــــــــــــــــــــــــــــ
وليد_
اللي مش هيعمل اللي قلتله عليه دا اللي هيحصله وكل مدا العقاب بيكبر يلاه وروني شطارتكم المكان فيه مطبخين كل فريق يتقسم في مطبخ
عمار ببرطمه_
والله علي اخر الزمن اعمالك بيض ببسطرما
كل فريق اتجمع في مطبخ خاص بيه
سما _
هوووف اي القرف دا بقي انا مش بحب البيض
عمار باستفزاز _
عيشي عيشة اهلك يختي واخلصي
سما بعصبيه _
هو انا وجهتيلك كلام ي زفت انت
عمار بغضب_
سما بقولك اي الزمي حدودك معايا والا وقسما بالله ما هراعي انك بنت
ملك بهدوء _
الفريق التاني خلص واحنا عملين نتخانق اخلصوا
سما بغيظ_
لما يبقي المتخلف ده يحترم نفسه معايا هنبقي نعرف نشتغل
عمار قرب منها بغضب وهي رجعت لورا من خوفها منه وبصوت حاد_
بقولك اي ي سما م تتقي شري بدل اقسم بالله ما ندمك وانتي عرفاني مبقولش كلام في الهوا
وتعالي نخلص عشان نمشي من ام المكان ده ومشفش خلقتك تاني
سما بلعت ريقها بخوف وملك قربت من عمار وبعدته وبجديه
مينفعش اللي بتعملوه ده كل واحد يركن كرهو لتاني ونشتغل فريق لو عوزين نخلص.. وبصت لعمار واظن انت عمار لازم تكبر دماغك وتفكر في اللي جاي لو مسكت ادراة الشركه هتقدر تتجوز ناني وتعمل كل اللي مأجله
في المطبخ التاني كانت ناني شغاله بهدوء بس اتنفست بغضب من مناكفة اسامه وخالد
اسامه بغيظ_
اي يا متخلف اللي عملته ده بوظتلي هدومي
خالد بحده_
بقولك اي اتكلم عدل بدل م اعدلك انا مش فايقلك
اسامه بعصبيه _
تصدق انك عيل وقبل ما يكمل الكلمة كانت ناني بتزعق فيهم
مش وقته خناق احنا في ولا في اي وانت يا استاذ اسامه مش عاوز تمشي من هنا يبقي نشتغل كفريق ونركن المشاكل في جمب عشان نخلص
بص خالد لأسامه بكره وقابله خالد بنفس البصة
وبعدها بدأو في الشغل وكل واحد عمل البيض بالبسطرمة
ونفس الكلام مع الفريق التاني
وليد _
برافوا عليكوو يشباب دلوقتي هتحطو البيض علي الطرابيزة وهي هتتفتح الكتروني وهيوصلنا البيض
وعملو زي ما سمعوا وبعد دقايق
وليد_
اممم دلوقتي هقول مين اللي كسب في اول تحدي….وفريق عمار كسب في التحدي الاول
اتنهد عمار بهدوء وبص لناني اللي مش طيقاه ولا راضيه تبصله
وليد_
ودلوقتي نقول عقاب فريق ناني بسبب خسارتهم
فتحت الترابيزه وطلع منها فلفل حار وليد عارف ان اسامه وخالد وناني مش بيستحملوا الشطة
=وبخبث كل واحد هياكل قرن الفلفل في قضمه واحده وممنوع شرب المايه او اي سوائل
اسامه بغضب _
انت اتجننت ي وليد م انت عارف اننا التلاته بنتعب من الشطة وقبل ما ينتهي اسامه من كلامه اخد لكمه وقعته علي الارض صرخت سما وجريت عليه وسندته وبدموع انت كويس
اسامه بغضب اومأ لها
وليد بجمود _
اي حد هعترض علي عقاب او تحدي ده اللي هيحصله وكل مره اشد ومفيش حاجه هتخلص غير لما اللي بقول عليه يتعمل
عمار بحده _
وليد بلاش نحط البنات في العقاب لانهم مش هيتحملوا وهيتعبو مننا
وليد بتفكير _
خلاص يبقي اللي يرشح نفسه يتعاقب مكان بنت… هيتعاقب مكانها
عمار بجمود_
مسك الفلفل واكله في قضمه واحده غمض عينة وضغط علي ايده من صعوبة الشطه ولما فتحها كانت عينه حمرا
اسامه وخالد بصوا لبعض بخوف وبعدها اكلوا الفلفل
وليد_
ودلوقتي هنقول التحدي والمرا دي هتشتركو والفريق اللي هيعرف اكتر عن طباع وشخصية الفريق التاني هو اللي هيفوز
خالد بتساؤل_
ازاي
وليد بابتسامه
إنت وملك كل واحد فيكم هيكتب عن التاني بيحب اي وبيكره اي ونفسه يوصل لإية وكان حلمه اي وهو صغير واكلته الفضلة وسنه وذكري. ميلاده وهوايته المفضلة
اسامه وسما نفس الكلام
وعمار وناني
جت ملك تعترض مسك خالد بإيدها بسرعه يسكتها وبهدوء بلاش تعترضي عشان ميعملش فيكي زي ما عمل في عمار واسامه
سكتت ملك بغيظ وكل واحد طلعلة قلم ودفتر
وليد_
كل دفتر مكتوب عليه اسماءكم وبعد ما تخلصو هتحطوهم تاني مكانهم وهيوصلولي وبعدها هنقول كل واحد كتب اي واللي كتب في التاني وطلع اللي كتبه صح هيطلعلكم زرار اخضر واحمر
هيضغط علي الاخضر واللي مكتبش صح هيضغط علي الاحمر اما بقي اللي اجابته نقصه مش هيضغط علي حاجه
اخد كل واحد القلم والدفتر الخاص بيه وانتشرو في المكان وقعد كل واحد يكتب اللي يعرفه عن التاني
وبعد مده من الوقت خلصوا التحدي
وحطوا الدفاتر زي ما وليد طلب
وليد بهدوء دلوقتي هقرأ كل دفتر ونقول مكتوب فيه اي
دفتر خالد قال فيه اكتر حاجه ملك بتحبها هي الفرجه علي المسلسلات التركيه واكتر حاجه بتكرها لما حد يحسسها انها مذنبه والأكله المفضله عندها البيتزا وسنها 25 وذكري ميلادها……. وحلمها وهي صغيره كانت تبقي ممثلة اما بقي هويتها المفضلة الرسم
في الوقت ده ملك بصت لخالد بصدمه مستغربه ازاي عرف دا كله عنها اتنهدت بضيق وضغطت على الأخضر
وليد _
دلوقتي هنشوف مالك
قالت ان خالد اكتر حاجه بيحبها ركوب الخيل واكتر حاجه بيكرها الغلط ومبيسكتش عن الحق
والأكله المفضلة عنده الكشري ومعرفتش الباقي غير سنه وذكري ميلاده
ابتسم خالد لمجرد انها عرفه عنه شوية حاجات بس غلطت لما قالت اكتر حاجه بيحبها ركوب الخيل عشان هي اكتر حاجه بيحبها
وليد_
دلوقتي هنشوف ناني وعمار
ناني كاتبه ان عمار بيحب الكوره جدا واكتر حاجه بيكرها ان حد يطلعه غلطان والأكله المفضله عنده مكرونه بشاميل وسنه 25 وذكري ميلاده…… وحلمه وهو صغير كان انه يبقي لعيب كوره وهوايته المفضله الكوره
ضغط عمار علي الاخضر وبصلها بحب لكن هي مرفعتش عيونها ليه
وليد_
عمار كاتب ان اكتر حاجه ناني بتحبها الفرجه علي النجوم واكتر حاجه بتكرها لما م تتقدرش والأكله المفضلة عندها الشورما وتكون متغرقة بالتوميه
وسنها 25 وذكري ميلادها…….
وقال انه مش عارف حلمها وهي صغيره بس هويتها المفضله القرأه
وليد_
دلوقتي هنقراء دفاتر سما واسامه
اسامه كتب ان اكتر حاجه سما بتحبها هو. ضحكوا كلهم علي كلمته فكمل وليد القراه وقال ان اكتر حاجه بتكرها انها بتحبه ومعلقه قلبها وحياتها بيه وشايفه اني مستهلش والأكلة المفضلة عندها المكرونة وسنها 25 وذكري ميلادها………. وحلمها وهي صغيره انها تطلع فاشون اما هويتها المفضلة السباحة
اتملت عيون سما بدموع وضغطت علي الاخضر وحاولت تتماسك
وليد_
سما كاتبه ان اكتر حاجه اسامه بيحبها شغله واكتر حاجه بيكرها انه يخسر صفقه واكلته المفضلة البامية باللحمة وسنه 26 لأنه كان داخل المدرسة كبير سنه وحلمه وهوا صغير كان يطلع طيار وهوايته المفضلة سباق السيارات
ضغط اسامه علي الزرار الأحمر
فبصتلة سما بدموع
اسامه بحب_
اكتر حاجه بحبها هي انتي ي سما واكتر حاجه بكرها لما احس انك هتبعدي عني وهويتي المفضلة اني افضل باصص في عيونك اللي بعشقهم وعمري ما مليت منهم
سما بدموع ولما انت بتحبني ليه مشيت
اسامه بتنهيده غصب عني كنت داخل صفقة كبيرة وكسبتها وهددوني بيكي فعملت كده عشان اكدلهم انك مش مهمه عندي ومش هيلوي دراعي بيكي وفضلت بعيد عشان يتأكدوا من الكلام ده كنت خايف لاني مش هستحمل اي وجع يجي من نحيتك
وليد_
اللي كسب في التحدي فريق ناني
وبكده عقاب فريق عمار هيكون عباره عن
انهم هيعملو كل الاصناف اللي بيحبها الفريق التاني ويقدوموها ليهم
كان الكل قاعد صامت فيهم الموجوع وفيهم اللي شاغل تفكيره الطرف التاني وفيهم المصدوم
اسامه كان بيبص لسما بندم اما سما كانت دموعها نزله غصب عنها
وعمار كان ندمان وزعلان علي زعلها واتمني الزمن يرجع بيه تاني وعمره ماكان اتجوزها عرفي وكان هيطلبها ويتجوزها مهما حصل بس مكنتش تبقي مقهوره منه كده
اما خالد ساب القاعده ومشي لانه مش متحمل لغايت امته مش هتفهم هو قد اي بيحبها لغايت امته هيتحمل نظرتها لاسامه
وملك كانت عماله تفكر ومتلغبطه ومش فاهمه حاجه وحسة بشعور غريب جواها عمرها ما حست ان حد واخد باله من حياتها ومن التفصيل الصغيرة دي بصت علي خالد لما مشي وفضلت تفكر كتير
وبعدها قاموا ونفذوا العقاب
وليد بهدوء_
اليوم كده خلص واجهزو لبكره لسه في تحديات كتيره انتهي من كلامه والشاشه اتقفلت وكل واحد راح اوضته
الا ملك اللي شافت خالد نايم في الحديقه علي النجيله وباصص لسما قربت منه وقعدت جمبه بص خالد نحيتها وبعدين بص لسما تاني
ملك بهدوء_
طول عمرك بتنام النومه دي وبتفضل تتفرج علي النجوم لما تكون زعلان
خالد بتنهيده_
كويس انك لسا فكره حاجه عني
ملك _
انا منستش اي حاجه عنكم كلكم ولا نسيت زكريتنا ولعبنا مع بعض وخروجتنا انتم اللي نستوني
خالد بحده_
انتي اللي عايشه في وهم ي مالك معيشة نفسك طول عمرك في وهم وبتبصي للجانب الوحش وعمرك ما اخدتي بالك من الحلو او اللي هيريحك
حتي اسامه عارفه ومتاكده انه بيحب سما وعمره ما حبك ولا انتي حبتيه وبعتبرك صحبته واخته بس حولتي تخليه يحبك عشان توجعي سما وتثقي في نفسك اكتر
سما متكلمتش عليكي ي ملك ولا جابت سيرتك في اي حاجه ولا عمرها كرهتك انتي اللي صدقتي الكلام اللي وصلك من صحبتك من قبل ما تتاكدي وكذبتي صحبت عمرك وفكرتي ازاي توجعيها ولما اسامه سابها يوم خطوبتهم قلتي ان دي فرصتك
ملك غصب عنها عيطت لأن كلام خالد كله صح وقامت عشان تمشي لكن خالد مسك ايدها
خالد بهدوء_
انا اسف ي ملك مقصدش ازعلك بس انتي لازم تفوقي.. ملك عيطت وخالد ضمها ليه وفضل يهديها وهيا مسكت فيه جامد وعياطها زاد
في غرفة ناني كان قاعده ودموعها نزله غصب هي حبت عمار اوي ووثقت فيه بس هو معملش اي حاجه قصاد الحب ده ولا قدملها خطوه بس ديما هي اللي بتقدم في الوقت ده دخل عمار واتوجع لما شاف دموعها
ناني رفعت عيونها ليه واتكلمت بغضب انت اي جيبك اوضتي اطلع بره
عمار بهدوء قرب منها وخده في حضنه من اغير كلمه حاولت تبعده بس مقدرتش
عمار بحب_
اهدي ي ناني انا اسف والله العظيم ندمان ووعد هعمل الصح لما نطلع من هنا واول حاجه هعملها اني هجيب اهلي و هاجي اتقدملك رسمي انا حياتي كلها عباره عنك ي ناني وعمرها ما هتكمل غير بيكي
عند اسامه كان عارف انه هيلقيها في البرنده دخل عليها لقاها بتعيط قرب منها واخدها في حضنه وبنبرة خفيفة تتجوزيني
رفعت سما عيونها ليه ومتكلمتش؟..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية نجاح الفاشلين)
