رواية نجاح الفاشلين الفصل الثالث 3 بقلم رحاب القاضي

رواية نجاح الفاشلين الجزء الثالث

رواية نجاح الفاشلين البارت الثالث

رواية نجاح الفاشلين الحلقة الثالثة

نجاح الفاشلين..
الحلقه الثالثه
ــــــــــــــــــــــــــــــــــــــــــــــ
اساامه كان عارف انه هيلقيها في البرنده دخل عليها لقاها بتعيط قرب منها واخدها في حضنه وبنبرة خفيفة تتجوزيني
رفعت سما عيونها ليه ومتكلمت، فقرب منها اكتر وقال..
اسامه اول ما هنخرج من هنا انا همسك الشركه اكيد و..
وقفت سما وقالت بعصبيه _
برضو انت عمرك ما هتتغير، برضو فاكر انك هتخرج من هنا كسبان وانا الخسرانه، انت ايه الانانيه دي..
اسامه بعصبيه مسك ايدها جامد وقال _
انا مش اناني انا بس بفكر في مستقبلي بشكل صح..
سما ببكاء _
الشكل الصح ده كسرني، خلاني لحد النهارده مسخره قدام صحابي وقرايبي، انا كنت زماان اكتر يوم بستنااه هو يوم اللي قولتلي فيه بحبك، دلوقتي بقيت اكتر يوم ممش بنسااه يوم ما سيبتني يوم خطوبتي عارف ليه..
بص ليها بدموع، فكملت هي كلامها وقالت _
عشان اكرهك ايوه لسه مش كرهتك بس وحياة الحب اللي حبيته ليك يا اسامه هكرهك..
_قبل ما يرد عليها سمعو صوت زعيق ناني، فطلعو هما الاتنين لبره وكمان خالد وملك ولقيو ناني بتزعق في عمار وقالت ليه..
ناني _
انت كداااب يا عماار عارف ليه، عشان استسهلت الوصول ليا واختارت طريق ستهل، بس الحق مش عليك انا اللي غلطاانه اني وثقت فيك وسلمتلك نفسي بحتت ورقه ما لهاش اي تلاتين لازمه..
مسك عمار ايدها وقال بعصبيه _
مش هنتكلم هنا تعالي هنتكلم جوه..
شدت ايدها منه وقالت بزعيق _
ابعد ايدك عني احنا مستحيل يتقفل علينا باب تاني..
اتعصب عمار وقال بحده _
مش بمزاجك يا ناني..
كان لسه هيقرب منها بس لقي اسامه وخالد قدامه، وقال خالد بحده..
خالد _
انت ايه متتهد بقي هي مش عايزه تتكلم معاك..
عمار بغيظ_
وانت مالك انت ما تخليك في حالك، ودي مراتي وانا حر فيها..
ذقه اسامه بعيد وقال بحده _
لا يا حبيبي مش مراتك وناني انت مش هتقرب منها ولا حتي تكلمها غير بمزاجها ولو فكرت تدايقها انا وخالد ننقف ليك..
ضحك عمار بسخريه وقال _
ااه انتو بقي هتتصالحو علي قفايا انا، انتو نسيتو اللي بينكم زمان..
ملك بحده _
ايه يا عمار اللي بتقوله ده، عيب كده احنا مهما كان صحااب..
عمار بسخريه رد عليها وقال _
اممم اصلا السبب في البعد بين اسامه وخالد انتي، لما كنتي عارفه ان خالد بيحبك وروحتي حبيتي اسامه، لا انتي قررتي كده من نفسك عشان تغيظي بس سما اللي ديما اجمل منك ولافته النظر عنك.
_خلص عمار كلامه ونزل خالد بايده علي وش عمار وقال بعصبيه..
خالد _
انت بجد انسان لا يطااق،..
وبعدين بص خالد لناني وقال ليها _
انتي ازاي قدرتي تثقي في واحد زي ده؟..
رد عليه عمار وقال لناني بحده _
معااه حق ما انا الشرير بتاعكم دلوقتي وانتو الملايكه صح، وانتي يا ست ناني خليكي معاهم..
_دخل اوضته وقفل الباب جامد، وناني دموعنا نزلت ودخلت اوضتها عي كمان وكل واحد رجع اوضه..
_علي الناحيه التانيه قفل وليد الكاميرات وبص لماته اللي كانت قاعده جنبيه وقال بدموع..
وليد _
ما فيش فايده انا اكيد هفشل اني ارجع علاقتنا زي زمان..
ام وليد _
لا ياوحبيبي مش هتفشل هما هيرجعو زي زمان والله، بس دي لسه البدايه..
وليد بضيق قال _
ازاي بس يا ماما دول بيتخانقو وبيعاتبو بعض اكتر ما بيتكلمو..
ام وليد ردت عليه بجديه وقالت _
خليك فاكر يا وليد يا حبيبي ان اول طريق للقلوب عشان تصفي هو العتاب واللوم، لما كل واحد يطلع اللي جواه ويبقي انت وانا عارفين اللي جوانا لبعض الدوا هيكون ساهل، انت عمرك شوفت دكتور بيكتب علاج لمريض من غير ما يفهم هو بيتألم من ايه…
ابتسم ليها وليد وقال _
انتي اكتر حد بيديني امل اكمل واجمع اخواتي وصحابي تاني شله واحده، اتمني انجح في ده..
ــــــــــــــــــــــــــــــــــــــــــــــ
_وتاني يوم الصبح نزلت ناني تفطر ولقيت اسامه بيفطر فقربت منه وقالت..
ناني بهدوء_
شكرا يا اسامه علي وقفتك جنبي امبارح..
ابتسم اسامه ليها وقال _
عيب والله تقولي كده، انتي اختي نسيتي سندوتشاتي اللي كنتي بتاكليها واحنا صغيرين وانا كنت اقعد جعان..
ضحكت ناني وقالت ليه بهدو_
لا طبعا فاكره معلش هعوضها ليك دلوقتي لما اعملك الفطار بدل القهوه دي..
اسامه ساب القهوه وقال _
اديني ياا ستي سيبت القهوه اما نشوف الفطار بتاعك هيكون ازاي..
ناني بخبث _
طيب ممكن طلب صغنن بقي..
اسامه بهدوء _
اتفضلي..
ناني _
صحي خالد ونفطر احنا التلاته بما اننا تيم واحد وكده..
اتنهد اسامه بضيق، فقربت منه ناني وقالت _
غشان خاطري والنبي وحياة السندوتشات اللي كنت باخدها منك واحنا صغيرين..
اسامه ابتسم ليها وقال _
هروح اندهله بس عشان انتي هتكوني ميسوطه، اصلا انتي الوحيده اللي لسه بطيقك في الشله دي..
ضحكت ناني وقالت _
ههههه وسما دي ايه..
رد عليها وقال بجدبه _
لا دي حاجه تاني، وبعدين ما تخليكي في الفطار بتاعك..
_قام اسامه وطلع خبط علي اوضة خالد بس بعيدين افتكر ان خالد نومه تقيل، فا فتح الباب ودخل لقر خالد نايم قرب منه وصحاه واول ما غنح خالد عيونه قال بضيق..
خالد _
اعوذ بالله من الشيطان الرجيم حتي في الاحلام ناططلي..
ضحك اسامه غصب عنه وقال _
هههه لا وحياتك ده الواقع، تعالي انزل افطر معانا..
خالد بسخريه _
ده ايه الحنيه دي يالاا..
اسامه وهو طالع من الاوضه _
مش انا اللي جاي من نفسي ناني اللي بعتاني، عايزه تشكرنا علي وقفتنا جنبها امبارح..
_طلع من عند خالد وفي الوقت ده ساف سماوطالعه من اوصتها وكمان عمار اللي اول ما شافهم قال بسخريه..
عمار _
ايه الاصطباحه دي الخبث والخبائث في وشي..
سما بغيظ _
ما تلم نفسك ده انت بني ادم قليل الذوق بجد..
عمار بحده _
لو انا قليل ذوق حضرتك تبقي ايه..
_سابتهم سما ونزلت، واسامه بص لعمار بحده، فقال عمار بعصبيه..
عمار _
ايه انت كمان بتبص ليا كده ليه تعالي اديني قلمين يمكن وشي مش عاجبك كده..
رد عليه اسامه بحده وقال _
لا اديك ولا تديني انا اصلا ما ليش كلام مع واحد زيك صاحي يتخانق مع دباان وشه..
_نزل اسامه وكلهم نزلو وكانت ناني وملك بيجهزو الفطار، وبصت ناني لسما وقالت…
ناني._
ممكن الفاشونستا بتاعتنا تتكرم علينا وتيجي تجهز معانا الفطار…
ابتسمت ليها سما وقالت _
حاضر يا ناني عشانك انتي بس..
_نزل عمار ولقيهم كلهم قاعدين يفطرو وكانو كلهم مدايقين منه وما حدش قال ليه يجي باكل فا سابهم وطلع الجنينه، واتملت عيون ناني دموع وقامت قعدت لوحدها..
ــــــــــــــــــــــــــــــــــــــــــــــ
_وبعد شويه اتجمعو هما التلاته قدام الشاشه وظهر وليد وقال ليهم بهدوء..
وليد _
يا صباح الفل علي احلي متنافسين..
عمار بحده _
اخلص يا وليد وقول ايه الزفت اللي هنتنيل نعملو النهارده..
_وفجاه لقيو كلهم عمار وقع علي الارض، والمل ضحك علي شكله حتي ناني، وقال وليد بخبث..
وليد _
لا يا حبيبي انا لا اسامه ولا خالد هتغلط هنفخك..
كمل كلامه وقال _
المهم بقي التحدي الجديد بقي هو ا..
خالد بسخريه _
ما تنطق يا وليد انت هتنقطنا..
عمار بغيظ قال _
ايه ده بقي ليه ما اتعملش فيه زيي..
رد عليه وليد وقال _
بحب خالد انا ومش بطيق وشك..
بص عمار لناني بحزن وقال _
وهو مين بيطيقني اصلا..
وليد بحده _
اخرس بقي يا عمار انا مش عارف اتكلم منك، المهم التحدي الجديد الجنينه بره اتقسمت نصين وفي عندكم هدوم كتير مش نضيفه وغسلات عاديه شوفو شغلكم واعملو حسابكم في وقت معين للمسابقه بتاعت النهارده….
اسامه بغيظ _
انت هتستهبل يا وليد انت بتختبرنا عشان نمسك ادارة الشركه ولا عشان نبقي ستات بيوت..
قال عمار هو كمان بسخريه _
انا عارف ده ناقص المره الجايه يجيب لينا عيال ويقول لينا رضعوهم..
_ضحكو كلهم وفجاه وقع عمار من علي الكنبه علي الارض، والكل بقي يضحك جامد عليه، فقام وقف وقال بعصبيه…
عمار _
انت كده بتعاند معايا وليد ما كلهم بيتكلمو اشمعنا انا اللي اتعاقب…
وليد ببرود رد عليه وقال _
يعني اللي عملتي في ناني حبيبت قلبي امبارح ده كان كويس، ده انت لسه اما اشوفك هطلعهم عليك..
فرحت ناني وقالت لوليد _
حبيبي يا ليدووو…
زعق فيها عمار وقال _
ما تتلمي يا ماما قال حبيبي قال..
وليد بجديه _
يلااا بقي كل واحد علي شغله…
_طلعو كلهم واتصدمو من كميات الهدوم اللي مش نضيفه وبداو يغسلو فيها، اسامه كان بيحط الهدوم في الغساله وخالد كان بيطلعها ويحطها لناني اللي كانت بتغسلها في الطشت تاني..
_والناحيه التانيه كانت سما بتحط الهدوم في الغساله وملك بتطلعها وقعدو عمار علي الطشت..
عمار وهو بيغسل في الهدوم _
فاانش بخمسه انسي البقع لو تغسلي بيييييه..
ضحكت سما وقالت _
اقسم بالله شكلك يفطس من الضحك…
عمار بحده _
اتلمي يا سما بدل ما احطك قدامي وامرشك مع الهدوم دي…
رمت ملك قدامه الهدوم وقالت _
اتنيل اغسل وانت ساكت ونضف كويس، عايزين نكسب…
عنار بغيظ _
والله اللي مش عاجبها غسيلي تيجي تترزع مكاااني وتوريني شطارتها..
_بعد شويه كلهم خلصو وكانو قاعدين تعبانين، واسامه قاعد مسك رجليه وقال…
اسامه._
يالهوي دي الستات دي طلعت بتتعب بشكل..
عماار بغيظ _
انا خلاص هجيب الغساله لامي اللي هي عايزاها انا عرفت هي بتتعب ازاي..
وليد بهدوء قال ليهم _
تمام يا شباب الغسيل بتاعكم اتحول للحجه ماما هي اللي هتطلع النتيجه..
خالد _
النتيجه دي هتطلع امتي بقي؟..
وليد _
الحجه لسه نايمه بتصحي علي الساعه اربعه العصر، بقولكم ايه انا طلبت ليكم بيتزاا عشان تعرفو اني مدلعكم ازااي..
ناني بتعب _
لا انا طالعه انام مش جعانه..
عمار قال بسرعه _
لازم تاكلي علي فكره انتي ما فطرتيش كويس..
قالت سما _
انت ما فطرتش انت كمان وما حدش كلمك خليك في حالك..
عمار بحده _
هو انتي يا ستي لو طلعتي مناخيرك من حياتي هتخسري حاجه..
ملك بسخريه _
دي عايزه دكتور تجميل عشان يشيل مناخيرها من حياة الناس ويحطها في وشها..
_ضحكو كلهم وسما ادايقت وطلعت فوق، فا قالت ناني لملك بحزن..
ناني _
انتي ليه تقولي ليها كده، طيب عمار معندوش احساس انما انتي..
عمار بغيظ _
لا والله يا ناني، بقي انا ما عنديش احساس..
خالد بسخريه _
هي مش بتغلط فيك دي بتوصفك..
_بعد شويه اتجمعو كلهم تاني قدام وليد وقال وليد ليهم بخبث…
وليد _
الفريق اللي فايز هوو؟؟
_نتقابل الحلقه الجايه..
ــــــــــــــــــــــــــــ