رواية نبضات في السحاب الفصل السابع 7 بقلم حنين الماضي

رواية نبضات في السحاب الجزء السابع

رواية نبضات في السحاب البارت السابع

رواية نبضات في السحاب الحلقة السابعة

منى بصدمة : 🙄 قصبة رجل
سامح: اة رجليها حلوة وهى عشان عارفة كدة مهتمة بالشرابات اللى بتلبسها هههههه لعيبة
منى : وانت بقى بتقعد تبص مش كدة
سامح : هههههه هو انا لوحدى اللى ببص ،دة الفندق كله بيتفرج ههههه وبعدين ماهى عاملة كدة عشان كلنا نتفرج وانا بحب اتفرج والفرجة ببلاش
منى : مممم
سامح : انتى بتغيرى ولا ايه
منى : ااانا لا لا عادى
سامح : طيب هقوم واكلمك بالليل سلام
منى : سلام
________
منى قعدت شوية فالكافتيريا بعد سامح لما قام تفكر فى اللى بيحصل لكن فى ثانية افتكرت أنه قالها عاوز يكلمها وبقت فرحانة جدا ومستنية الشفت يخلص عشان تجرى ع البيت وتتكلم معاة
عمر : انتى لسه قاعدة
منى بتوتر : لا انا قايمة اهو عندى شغل كتير باى
عمر مستغرب هروب منى كل ما يكلمها وصمم يسألها
عمر : منى هو فى ايه!؟ ليه كل ما اكلمك تهربى هو انا زعلتك فى حاجة ؟
منى : لالا ليه بتقول كدة انا بس مزاجى مش رايق الفترة دى وحابه اكون مع نفسى
عمر : انا شايف أن دا بيحصل معايا انا بس ومش نفس الموقف مع سامح خالص ولا يكون حذرك منى
منى : عمر متزعلش منى انت زى اخويا بس غصب عنى قلبى متعلق بيه ومش عارفة أخرج الموضوع دة من دماغى وهو بيغيير جدا لما بيشوفنى واقفة معاك
عمر بدهشة : اااة قولى كدة بقى وانا اللى عمال افكر وخايف اكون زعلتك ف حاجة فى كلامى ، طيب وانتى يا منى واضح انك موافقة على كلامة ومش عاوزانى اكلمك
منى : متزعلش منى عشان خاطرى بس انا من جوايا خايفة اعمل حاجة وتزعلة منى ويبعد وانا م صدقت انة قرب
عمر : يا خسارة يا منى هتسيبية يتحكم فيكى وصدقينى النوعية دى عمرها ما تحب ابدا وهيدمرك
منى : عمرررر انت مش حابه أنا عارفة بس بلاش تتكلم عليه كدة قدامى عشان فعلا بضايق
عمر بغيظ : كمان لا وعلى ايه حلال عليكى يا بنت الناس بس لما ترجعى تعيطى متقوليش انت يا عمر سمعت كلامى وبعدت ليه لان اى حد لازم يكون عندة كرامة لكن يوم ما انتى اللى تحتاجينى هتلاقينى واتمنالك التوفيق وربنا يخيب ظنى ويطلع حد كويس ومن هنا ورايح انتى زميلة عادية ومش هحطك فى موقف تانى عشان تهربى منى لأن انا مقبلش على نفسى كدة .. سلام
منى باحراج : سلام
________
فى المقطم
_______
فريد : 😊 مش مصدق اى حاجة
ياسمين : هههههه ولا انا والسرعة دى
فريد : عارفة دة معاناة ايه
ياسمين : ايه
فريد : أن كل واحد فينا عارف مواصفات شريك حياتة بس كان مستنى يدور عليها لكن كل واحد فينا من جواة كان مستنى لحظة الانطلاق
ياسمين : انت بتعرف تعبر حلو اوووى
فريد : قوليلى حد عندك جبتيلة سيرتى قبل كدة
ياسمين : ماما طبعا هههه
فريد : قولتلها ايه عنى بقه
ياسمين : قولتلها فى راجل وسيم جدا طول بعرض ومهندس هو اللى ساعدنى اشتغل وبسرعة جابلى التعاقد معرفش ازاي. وبعدها يا ماما حسيت انى مرتحالة كأنى حد قريب مننا
فريد : اممم كويس جدا وقالتلك ايه
ياسمين : هههه قالتلى ربنا يجازيه خير على ال عمله
فريد : طيب حد هيعترض لو اتقدمتلك
ياسمين : انت بجد عاوز تجوزنى
فريد : أيوة طبعا وهتكونى انتى وبنتك فى عنيا وهعوضكوا عن كل حاجة فاتت
ياسمين : بحبك بحبك ❤️
فريد بلهفة: اقوم اشيلك دلوقتى والف بيكى ولا أضرب دماغى فالحيط عشان اصدق ال سمعتة دة
ياسمين : ههههه بحبك يا فريد يا ارجل واحد قابلتة ف حياتى
فريد : انتى تحددى ميعاد اجى اقابل أهلك واتقدم رسمى وف اقرب وقت سامعة
ياسمين : نفسى النهاردة قبل بكرة بجد
فريد مسك ايد ياسمين جامد : انتى لغبطى حالى كلة اعمل فيكى ايه
ياسمين : وانا بقيت اروح الشغل عشان اشوفك انت وبسسس
فريد : دة محمود وأيمن هيطيروا من الفرح وكان نفسهم من زمان اقع الوقعة دى هههههه
ياسمين بتوتر : هو ايمن صاحبك من زمان
فريد : دة أنتيمى من ايام الكلية وطلعنا سوا فى كل حاجة
ياسمين : ومحمود
فريد : لا محمود معرفهوش غير لما قدمنا فالشركة بصى هو مش صاحب الشركة هو بحكم أنة اكبر مننا كنا فاكرينة كدة لكن عشان الإدارة اللى فوق معتمدة عليه ف كل حاجة بنعتبرة قريبهم مثلا او حاجة كدة هههه لدرجة ساعات بنقولة انت ماسك ذلة عليهم ولا ايه عشان يسمعوا كلامك فكل حاجة كدة هههههههه
ياسمين : بس انا مستريحتلوش خالص معرفش ليه
فريد : ليه دة وافق على طول اول ما قولتلة عليكى ودة طبعا صعب جدا يتم عندنا لأن كان لازم تعدى على حاجات كتييير الأول
ياسمين : يعنى احساس جوايا وحبيت اقولهولك عشان مبحبش أخبى عنك حاجة وليا طلب ممكن يا قلبى
فريد بفرحة : طبعا يا روروح قلبى
ياسمين : مش حابة محمود دة يعرف عننا اى حاجة دلوقتى معلش طاوعنى
فريد : بالرغم انى كنت هقول فعلا لكن حاضر انتى تؤمرى وانا انفذ
ياسمين : انا من الفرحة خايفة يكون دة حلم هههه
فريد : هههه وانا ونفسى الساعة تقف ، أوبا اهو جبنا سيرتة هههه جه رهوووان الوووو
محمود : انت فين
فريد : ههه مالك يا عم قافش كدة ليه
محمود : انت مجتش ليه لحد دلوقتى وسالت ايمن قالى ميعرفش عنك حاجة وكمان بلغونى أن الهانم ال انت خلتنى اوافق على التعاقد بتاعها من غير اى انترفيو مجتش هى كمان
فريد باستغراب : انا طلعتها مأمورية تجيب شيك من عميل
محمود : عميل !؟ وهى لسة فهمت حاجة فالشغل عشان تروح مشاوير زى كدة
فريد باستغراب : مالك يا بشمهندس بتتكلم بطريقة غريبة ومن امتى بتتنرفز كدة عشان مجتش
محمود : انا شايف فى استهتار ومش عاوز حد يقولى اشمعنا فريد بيأجز على هواه
فريد : لا دة كلام جديد ولما اجى بكرة نقعد نتكلم
محمود: كمان بكرة يعنى طبعا مش هتقدر تسيب مشوارك وتيجى
فريد : وانت مين عرفك أنى ف مشوار
محمود : ما انت لو فالبيت كنت زمانك جيت يا بشمهندس
فريد : امم ماشى بكرة نتكلم تكون هديت
محمود: ان شاء الله سلام
فريد : سلام
_________
ياسمين : فى ايه
فريد : معرفش متعصب ليه وطريقتة غريبة وشكلك عندك حق هو مش لازم يعرف بموضوعنا على الاقل دلوقتى لحسن دة شكاك وممكن يفتكر انى مرتبها معاكى عشان تيجى الشغل
ياسمين : قولتلك ، اصل انا بحس بالناس كدة وخصوصا لو نيتهم مش تمام مع حد بحبه زيك
فريد : 😍 انسيه لحسن دة كلمنى ضيع عليا لحظة مستنيها من زمان
ياسمين : هو ضايقك أو جابلك سيرتى
فريد : قولتلة انك مأمورية بس مدخلتش عليه ،سيبك منه انا هتصرف معاه بكرة ، ايمن بيتصل ثوانى ….الو
ايمن : انت فين من الصبح
فريد : هو كل واحد يكلمنى يقولى انت فين ليه
ايمن : محمود شكلة مش طبيعى خالص وشكلة فى مشكلة جديدة
فريد : كلمنى فعلا واتنرفز عليا وبعدين هى أول مرة مجيش الشغل ولا لازم الواحد يبقى حيوووووان يعنى
ايمن: يا ابنى اكيد عندة حوار
فريد : ما يصبر لما اجى هى الدنيا هتتهد
ايمن : طيب انت مجتش ليه
فريد : عندى مشوار يا ايمن اجرررمت يعنى يا اخى
ايمن : اصلك مقولتش
فريد : حاضر بعد كدة هقولك جدول اعمالى مبسوط
ايمن : لا واضح انتوا كلكوا اعصابكوا تعبانة وانا فيا اللى مكفينى وكفايه اللى عندى فالبيت بلا جواز بلا قرررف يا شيخ ،خليك كدة يا فريد بعقلك وحر والله اوعى تت جنن وتعملها ، اوعى تخسر حريتك بأيدك
فريد : ههههه دى مراتك دى نسمة هههه
ايمن: اة نسمة بس دلوقتى عندنا زعابيب امشير تحب تعيش الأجواء معانا ؟
فريد : لا يا عم حلال عليك لوحدك
ايمن : خايف الناس تحسدنى 😁
فريد : هههههه لا بشكلك دة متخافش
ايمن : ههههه بتريق يا عم عارف بس هى طيبة لما بتهدا ههههه
فريد : ههههه انا بقول الطيب احسن وراضيها بكلمتين قبل ما الزعابيب تهب فى وشك ههههه
ايمن : ههههه هعمل كدة طبعا هو انا عبيط هههه هو العمر بعزقة …يالا سلام
فريد : هتروح لمحمود
ايمن : محمود مين دلوقتى انا هشوف الزعابيب يا عم ههههه
فريد : ماشى ههه ربنا معاك
________
سامح : منى منى
منى بفرحة : نعم
سامح : يالا ع البيت بسرعة عشان هكلمك
منى : حاضر
سامح : ساعة بالضبط واتصل بيكى
منى : حاضر باى
منى بسرعة جدا رجعت ع البيت وغيرت هدومها وجابت إزازة مايه جنبها عشان بيجيلها احساس بضربات قلب سريعة لما سامح يعاكسها وريقها بينشف مبتعرفش تتكلم وجهزت كل حاجة وعدت ساعة وسامح متصلش لحد ما عدا ساعتين ونامت منى غصب عنها جنب الموبايل ع السرير واتخضت لما رن
منى بتوتر : الو الو كل دة
سامح : ههههه انتى قاعدة على الموبايل ولا ايه
منى : انت قولتلى ساعة مش ساعتين
سامح : للدرجادى ظابطة نفسك على عقارب الساعة طب معلش جالى حوار كدة شغلنى واتأخرت
منى : اتأخرت فين مش فاهمة
سامح : فالشغل هكون فين يعنى
منى : مش احنا خلصنا سوا ومشينا
سامح : ماهى نوران كلمتنى طلبوا منى حاجة فاضطريت ارجع عشان لقيتهم لخمة
منى بغيرة : نوران 🙂
سامح: اة قوليلى شكلك كنتى نمتى
منى : لالا صاحية
سامح : واخد بالى أن عمر لما حاول يكلمك صدتيه
منى : 😳 عرفت منين انا مشوفتكش
سامح : ههههه حد قالك أنى قرطاس ، طبعا عارف وشايف كل حاجة
منى : بس هو زعل منى
سامح : يزعل بقى براحتة وانتى يهمك فى ايه ان شاء الله
منى بخوف: ولا حاجة هو اصلا مش هيقف معايا تانى
سامح : احسن بردو ، قوليلى بقى اى حاجة عن نفسك
منى بفرحة : زى ايه يعنى
سامح : منى انتى اكيد فاهمة كويس سبب اهتمامى بيكى صح
منى بفرحة : ممم
سامح: لا عاوزك تردى عليا عشان بحب اللى يكلمنى ممكن
منى : حاضر ..اة بس مش متأكدة
سامح : طيب انا ماليش فالحوارات الكتير وعاوز اخطبك
منى : 😳
سامح : الو انتى رحتى فين
منى بتوتر وعمالة تشرب مايه: اااااا انا معاك
سامح : موافقة ؟
منى بصوت رايح : اااة ماشى
سامح : ههههه طيب اجى البيت امتى ، يعنى خديلى ميعاد اقابل مامتك أو حد من قرايبك خالك أو عمك
منى : هقول لماما وارد عليك
سامح : بكرة الصبح فالشغل تردى عليا بس بقولك محدش يعرف حاجة لغاية الخطوبة ما تتم ماشى وكلامى يتسمع عشان مزعلش منك
منى : حاضر
سامح : يالا اسيبك دلوقتى واشوفك الصبح وخلى بالك من نفسك
منى بفرحة : حاضر وانت كمان باى
______________
فريد : اليوم خلص بسرعة جدا
ياسمين : أيوة وزعلانة 😔
فريد : وانا كمان بس ال مصبرنى انك معايا فالشغل
ياسمين : دى اجمل حاجة حصلت فى حياتى
فريد : حبيبى خدى بالك من نفسك ولو تحبى اعدى اخدك بكرة قبل الشغل
ياسمين : لالا خلينا كدة لحسن حد ياخد بالة ويحسدونا
فريد : ههههه ماااااشى يا حبيبى اشوفك بكرة ان شاء الله على مهلك وانتى نازلة
ياسمين : باى يا قلبى ❤️
فريد : مع السلامة ❤️
_____________
صباح اليوم التالى فى الشركة
______________
ياسمين دخلت مكتبها الاول تحط شنطتها وبعد كدة تروح تشوف فريد وتصبح عليه ومرة واحدة لقت حد وراها بيخبط ع المكتب
ياسمين : 😲😲😲😲 انت !!؟ عااااوز ايييبه منى اااابعد عنى انا بكررررهك أخرج قبل ما حد يشوفك ونتفضح اطلع برررة
________
لمتابعة الرواية الواقعية نبضات فى السحاب لاااااايك وكومنت عشان نعرف مين اللى ياسمين شافتة وايه القصة بالضبط ؟ وكمان ليه سامح مصمم على منى كدة ؟؟؟