رواية نبضات في السحاب الفصل الرابع عشر 14 بقلم حنين الماضي

رواية نبضات في السحاب الجزء الرابع عشر

رواية نبضات في السحاب البارت الرابع عشر

رواية نبضات في السحاب الحلقة الرابعة عشر

فريد رجع البيت وهو فرحان جدا وحاسس ان الدنيا رجعت تضحكلة تانى واول لما شاف ياسمين وابتسم ليها ، هى افتكرت أنه هيقولها معلش معرفتش ابيع العربيه واصبرى وكلام من هذا النوع
ياسمين : فريد أنا عاوزة اقولك حاجة
فريد : قولى براحتك
ياسمين : أنا مبقتش طيقاك
فريد اتصدم : 😳
ياسمين : انت مستغرب ليه ، انا زهقت من العيشه معاك وبقيت كارهه اقعد معاك
فريد : انتى زعلانه منى علشان كده بتقولى الكلام ده
ياسمين بصوت حاد : اووووف بطل بقى اسلوب النحنحة ده واسترجل بقه
فريد بغضب : 😡 استرجل!!
ياسمين : لعلمك الراجل النحنوح اوى ده بنقول عليه عندنا كستات أنه راجل مسهووك ومايل على ست فبلاش اسلوبك ده
فريد : ها وايه كمان قولى
ياسمين : اوووف حتى الكلام معاك بقه ممل أنا بفكر نبعد عن بعض شهر كده اعصابنا تستريح وبعده نقرر إذا كنا نكمل ولا لا
فريد : وفين كلامك بتاع مقدرش ابعد عنك وانت كل حاجة فى حياتى و…و…
ياسمين : أنا حتى مش طايقه نفسى لما بفتكر انى قولتلك كده
فريد : 🙂 والشهر ده هنقعد فين
ياسمين : انت ممكن تعيش مع مامتك الفترة دى وانا هقعد هنا علشان مش عاوزة حد من اهلى يحس بحاجة لحد ما ناخد القرار
فريد : كده هتستريحى
ياسمين : اة وجدا
فريد : طيب هتصرفى منين
ياسمين : أنا واحدة صاحبتى قالتلى على شغل وخلاص شوفته النهاردة وهستلم من بكرة
فريد باستغراب : شغل !!
ياسمين : ايووووه عندك مانع ولا مستنينى اصرف عليك كمان ههه
فريد : ليه هو أنا مديت ايدى ليكى من ساعه ما اتجوزنا!!!
ياسمين : لا أنا بقولك بس علشان متعملش حسابك عليا فى مليم
فريد : لا متخافيش أنا إذا كنت فى نظرك نحنوح لكن استحاله أمد ايدى واخد فلوس من ست حتى لو مراتى ..سلام أنا نازل ومش هتشوفينى قبل شهر زى ما طلبتى وربنا يوفقك فى شغلك
ياسمين : سلام
_______
اول ما فريد خد شنطتة ونزل ، ياسمين حست انها بقت حره وتقدر تعمل ال عاوزاه من غير ما تعمل حساب فريد ف حاجة وقالت تنزل بقى تشترى لبس وتروق على نفسها بفلوس محمود
___________
بعد اسبوع
___________
محمود : ازيك يا ايمن عامل ايه
ايمن : الحمدلله يا مليونير ههه
محمود : هههه عقبالك
ايمن : دعواتك معانا
محمود : اقفل باب المكتب وتعالى
ايمن : ماشى ، فى ايه
محمود : هات المصحف ده واحلف عليه الكلام ال هقوله لو طلع لأى حد يبقه خسرتنى مدى الحياة
ايمن : عيب عليك مش هيطلع بس فى ايه قلقتنى
محمود : وعد رجاله
ايمن : وعد رجالة
محمود : انت مش كنت عاوز تعرف ليه انا كنت رافض ياسمين لفريد ؟
ايمن : اة
محمود : هقولك كل حاجة من الاول ، أنا أول مرة شوفتها كان من كام سنه وعجبتنى ومنكرش اتشديت ليها وبعد كده حبتها ومره بعد مره لقيتها منفتحة جدا وحصل بينا معاشر رة زى اى زوج وزوجه اكتر من مره وبدأت احس انى مقرف جدا وفى عز ما أنا كرهت علاقتى بيها وكرهت نفسى انى عملت العلاقه دى ، لقيتها جايه تقولى أنها حامل وطبعا اتجننت مبقتش عارف هى حامل منى ولا ممكن من حد تانى ورفضت تنزل ال فى بطنها وساعتها سافرت قررت اعمل عمره يمكن ربنا يدلنى على الصح ويغفرلى وان ميكونش ليا بنت من واحدة زى ياسمين ولما رجعت لقيتها مصممه ان البنت بنتى ، عرضت عليها مبلغ مقابل أنها تبعد وتتجوز حد تانى لكن رفضت وبقت بتبعد وقت ما اديها فلوس وف يوم فكرت ازاى اخلص من حوار البنت دى خصوصا انها ولدت فعلا وطالبتنى اكتب البنت بأسمى وطبعا ده كان مستحيل وفكرت أن فى واحد قريبها كل ب فلوس ، كنت شوفته قبل كده عندهم وخدت رقمه ، اتصلت بيه وقولتلة انت عارف كويس انى على علاقة بياسمين قريبتك قالى اه بس عادى يا باشا قشطة مدام مروق عليها ، قولتلة وايه رأيك لو روقتك انت كمان ؟ قالى ازاى ؟ قولتلة تاخد منى ٥٠٠ الف وتكتب البنت بأسمك وتسافر بره بقى مع نفسك وهى تربيها وليها عندى فلوسها كل شهر قالى موافق طبعا وفعلا قابلته اديته الفلوس والبنت اتسجلت بس بعد ما كل اهلها خدو فلوس طبعا وكتبتلها مبلغ وقولتلها مشوفش وشك تااانى ، لكن اتفاجئت أنها رجعت ظهرت ودخلت على فريد متعمدة وانا كل محاولاتى معاها أنها تبعد عن فريد لكن للأسف هى شيطااانه وقدرت توقع فريد وتخلينا نخسر بعض للأبد
ايمن بصدمه : أنا مش قادر اصدق انت يطلع منك كل ده !!!
محمود : سيبنى اكمل ، المهم طبعا بعد ال حصل بينى وبين فريد اخر مره انا قطعت خالص لكن اتفاجئت من اسبوع أنها جاتلى البيت ودخلت وغلطت فى فريد جامد وقولت اهاودها لحد ما اشوف هى عاوزه ايه وعقلى قالى انت خلاص خسرت فريد بس على الاقل خليه يكسب نفسه
ايمن : يعنى عملت ايه
محمود شرح كل حاجة حصلت بالظبط بينه وبين ياسمين وفالاخر قاله أنا عارف ان فريد عاملى بلوك بس انا بردو بعتله التسجيل علشان يتسجل أنا بعته أمته بالتاريخ والساعة وهبعتلك دلوقتى نفس التسجيل
ايمن : ايه ال خلاك تعمل كده كنت طردتها
محمود : مكنتش هستفيد حاجة وكنت عاوز أبعدها عن فريد ، خصوصا لما قالتلى أنه مبقاش معاه مليم وأنه بيدور على حد يشترى عربيته
ايمن : للدرجادى فريد بقه ده حاله ، بكلمه بس عمره ما لمحلى خالص
محمود : فريد طول عمره نفسه عزيزة وميحبش يحسس حد أنه عاجز عن حاجة ، بس انا بسرعه اتصرفت وخليت حد اتصل بيه ينزله شغل بمرتب كويس جدا وكمان حليت ازمه عربيته ووعدت صاحبى أن أنا ال هدفع فرق المرتب كل شهر وان دى خدمه سر بينى وبينه ولعلمك هى قبل ما تنزل خدت منى ٥٠٠٠ وقالتلى هتخبيهم عن فريد
ايمن : مش قااادرة اصدق ال بسمعه ، أنا مش صعبان عليا غير فريد دلوقتى ، أنا لازم أقابله
محمود : ايمن ايمن انت حلفت ووعدتنى
ايمن : على الأقل يلاقى حد معاه واستحاله هجيب سيره بس هو مينفعش يعيش معاها وانت غلطاااان كنت من الاول مدام حسيت أنه بيقرب منها كنت تقوله الحقيقة مش تستخبى علشان خايف على شكلك 😡
محمود : اتحرجت منكم بس انا فعلا ندمان وغلطان
ايمن : كاااارثه لو حملت منه
محمود : لا متقلقش هى قالتلى مش عاوزه عيال منه
ايمن : هى ال مش عاوزه ههههه أما صحيح فاجررررره
محمود : أنا قولتلك علشان تكون شاهد انى معملتش علاقه معاها لأنها مراته بس مكنش عندى حل غير كده علشان فريد يبعد عنها ويختار حد يستاهله
ايمن : أنا عقلى واقف مش عارف اتصرف ازاى ولا اعمل ايه والمشكلة أنه بيحبها جدا
محمود : هى حيه بتعرف تخلى ال قدامها يقع ازاى
ايمن : لا ما أنا مش هقعد اتفرج عليه كده
محمود : اهدا واكيد أنا كمان مش هسيبه وانا عارف انى خسرته وهى هتطلب الطلاق ، المشكله أنه يتمسك بيها اكتر ويرفض يطلقها
ايمن : والحل
محمود : ساعتها هتصرف بشكل تانى ولازم ساعتها يعرف هى بتخونه من امتى وانت معاك التسجيل
ايمن : الموقف صعب صعب مش بالسهوله ديه ، اروح أقوله اييييه أقوله مراتك مع صاحبك محمود وهو كان معاها م الاول وخاف على شكله وسابك تدبس لااا وايييه مراتك راحتله والاتنين كانوا مع بعض وانت عمال تلف تشوف هتحل دنيتك ازاااى ، ياااااااه على الحقااااره حتى الكلام طالع كأنه سممم بيكووووى من جوووه ، الله يعينك يا فريد يا ابن الناس المحترمين يا ابن الاصول يا جدع
محمود بندم : أنا آسف يا ايمن
ايمن : اسف هههه ياريت الأسف هيصلح حاجه ياااااريت ..انا هقوم ومحتاج اجازه لآخر الاسبوع معلش سامحنى مش قادر اضغط على نفسى اكتر من كده
محمود : 🙂
_________________
فى الفندق
_______
عمر : ازيك يا نورهان عامله ايه
نورهان : الحمدلله شيف عمر اخبارك انت ايه
عمر : بخير الحمدلله بقولك مش معاكى رقم دارين اكلمها بقالى كتير مشوفتهاش
نورهان : اة معايا اهو
عمر : ماشى شكرا هتصل بيها دلوقتى اسلم عليها
دارين : الو
عمر : تفتكرى مين بيكلمك يسلم عليكى
دارين : الصوت مش غريب عليا
عمر : أنا الشيف عمر
دارين : عمررر مش ممكن عامل ايه انت فينك
عمر : أنا موجود انتى المختفيه وبقالى فتره كبيره مش بشوفك خالص
دارين : مقضياها هههه
عمر : هههه ماشى يا ستى ، بس كنت عاوز اشوفك اتكلم معاكى فى حاجه كده لو مناسب ليكى اشوفك كمان ساعتين فى on the run
دارين : اة مناسب بس خير
عمر : اه خير متقلقيش
دارين : ماشى على معادنا باى
________
فى الكافيه
_________
عمر : دارين أنا هنا اهو تعالى
دارين : هههه شيف عمر مش ممكن عامل ايه
عمر : الحمدلله طمنينى عليكى اخبارك
دارين : ماشى الحال بس أطلقت تانى وواضح أن شغلى فى الفندق هيفضل عقبه قدامى ههههه
عمر : انتى بطلى جنان بس والدنيا هتبقى تمام ومش كل حاجة تقولى سببها الشغل هههه
دارين : هههه هحاول اعقل
عمر : هههه اتمنى ، بصى أنا فى حاجة سمعتها كده عن حد من زمايلنا وقولت علشان اتأكد مافيش غير اختى الصغيرة دارين ، لانك مش فتانه وجدعه ومش زى باقى البنات فى الفندق يقعدوا ينقلوا كلام
دارين : لا طبعا عمرى ما اعمل كده بس فى ايه
عمر : هقولك ، بصى فى معانا زميل لينا اسمه سامح عارفاه طبعا
دارين : الله سامح طبعا عارفاااه ماهو جه فتره عمل فيها محترم وراجل وحب يلف عليا بكلمتين بس ساعتها قولتلة لاااا أنا مبرتبطش قبل ما اتأكد أن ال قدامى راجل قد المسئوليه ، لقيته بقه ساعتها بيقولى اتجوزك وتغسليلى وتحضريلى الحمام ومرتبط معايا وحاجات كده متاكلش معايا خالص ، قولتله متلزمنيش يا عنيا خليك قاعد جنب الست الوالدة تغسلك وتحضرلك الرضعه كمان ههههه
عمر : ههههه ناصحه والله
دارين : اااه جاى يعيش عليا دور سى السيد قولتلة انت واقع من ايام بين القصرين وانا من هوانم جاردن سيتى ، فى فرق فى السيناريو يا معلم ههههه
عمر : ههههه حلوه بين القصرين دى كمان هههه، طيب قوليلى معرفتيش حاجة عن أهله
دارين : حاجة زى ايه
عمر : اصل سمعت أنه مالوش اخوات وحتى أهله قاطع معاهم
دارين : ااااه هقولك بقه هههه أصله جه حكالى قصه كده قال يعنى هيصعب عليا بس سيبته حكاها وفالاخر اديته صابونه ، بص بقى قالى ايه ، قالى أبوه وأمه مطلقين من زمان وان كل واحد فيهم اتجوز من غير ما يدوروا عليه وبقه شويه يعيش مع مامته وشويه مع باباه ولا جوز مامته كان بيحبه ولا مرات أبوه كمان وحتى اخواته الغير شققا مالوش علاقه بيهم وشيفينه أقل منهم ، وفالاخر أمه اتطلقت وهو كان فرحان ساعتها بس قالى أنه محبهاش بسبب جوازها ولا حب أبوه كمان ، وبقه يقولى ليه واحد وواحده يتجوزوا باختيارهم ويجيبوا طفل وهما مش عارفين هيكملو ولا لا وبعدين يطلقو من غير ما يفكروا فيه وبعدين يتجوزو بردو من غير اى حساب لابنهم ويفضل الابن ده طول عمره ف حياه مش مستقره ، نفسه حد يقوله هدومك نضيفه وجاهزه أو تعالى الغدا اتحضر أو انزل اخرج وفك عن نفسك أو خد فلوس اهى هات واصرف زى ما انت عاوز ، بقه يقول دى حاجات عاديه بس بالنسباله الحاجات دى عنده حرمان منها ونفسه يلاقيها ولو فكر يتجوز مش هيخلف ابداا لانه سهل يختلف فى اى وقت وهو مش عاوز ابنه يعيش نفس تجربته خصوصا أنه مقتنع ان تربيته عقدته وسابت حاجات مش كويسه جواه وغصب عنه هينقلها لابنه لو جه وهيحس بتعب الضمير لانه هيغير من ابنه وممكن يكرهه كمان ولقيت كلامه غريب علشان كده قولتلة باى باى متلزمنيش هو أنا ناقصه عقد ههههه
عمر : هههه عندك حق ربنا يهديه بس هو مش بيتعاطى حاجة لانه بيعمل الشهاده الصحيه كل سنه ودى حاجه مفيهاش تزوير
دارين : لالا ده جبان جدا ويخاف اصلا هههه
عمر : ههههه المهم قوليلى ناويه على ايه بعد الطلاق
دارين : لسه هفكر وهبقى اقولك ههه
عمر : هههه دماغ انتى بردو …ماشى هقوم أنا بقه عشان عندى مشوار وابقى كلمينى بلاش نداله
دارين : هههه ماشى سلام
_______________________________________
عمر قدر يعرف ايه سبب عقده سامح وكان ده الحل الوحيد علشان يساعد منى وفهم من كلام دارين أنه شخص معقد وصعب يتعدل أو يتصرف صح معاها وبكده لازم يشرح الموقف كامل ل منى والقرار يكون ليها وينصحها بالطلاق لو فعلا نفسها تكون أم .
_____________________________________
سامح : ساكته ليه النهارده
منى : مفيش أنا داخله انام
سامح : اقفى هنا واياك تعمليها تانى واكون بكلمك وتمشى
منى : هو ذنب ولا ايه ، قولتلك عاوزه انام
سامح : أنا ملاحظ ان صوتك بدأ يعلى عليا وعلشان كده تستاهلى القلم ده
ومره واحدة سامح ضرب منى بالقلم لدرجة أن القلم جه على نص وشها مع عينيها وودانها صغرت من قوته وانهارت منى فالصريخ والعياط وهو زقها ولبس ونزل وقررت تتصل ب عمر
عمر : الو لسه كنت بفكر اكلمك ازاى
منى : 😭😭😭😭
عمر : فى ايه
منى : ضربنى يا عمر ضربنى بالقلم
عمر : 😡 الحيوااااان بيستقوى عليكى فاكر أنه كده هيبقه راجل ، اسمعى الكلام وحالا روحى بيت مامتك علشان ده حاله مش هيتصلح وانا عرفت كل حاجة عنه خلاص
منى : 😭😭😭 أنا مش مصدقه أنا بكرهه ومش عاوزه اعيش معاه تانى
عمر : تحبى اجى اخدك
منى : اة تعالى أنا خلاص مش هعيش معاه مالوش امان وانا تعبت يا عمر تعبت اوووى 😭😭
عمر : طيب أجهزة أنا جاى حالا فى تاكسى مسافه السكة
منى : هحضر شنطتى وأهرب من السجن ده يشبع بيه 😭😭😭
عمر : أنا بقه هدفعه تمن القلم ده الكلببب
_____________________________________
وفعلا عمر جاب تاكسى وخد منى رجعها لبيت مامتها وعمر طمن منى وقالها متخافيش منه هو واحد معقد من زمان وحكالها على كل ال حصل وال عرفه من زميلتهم دارين وهنا مامت منى قررت الطلاق ومهما سامح حاول يبرر فهو خلاص مالوش مكان بينهم تااانى ولما سامح رجع البيت وملقاش منى سابها اربع شهور ولا سأل فيها ولا حتى بأتصال وده جمد قلبها اكتر وخلاها مقتنعة بقرار الطلاق لكن للأسف ساب جواها كسره نفس وحزن مش بسهولة يروح 🙂 وبعد ما كانت بتحلم بالحب مع حبيبها وبيت وأطفال وحياه طبيعيه ، جالها وقت كرهت كل حاجة وكرهت فكرة الجواز و بقت ندمانه على كل حاجة كانت واضحه قدامها قبل الجواز وكانت رافضه تشوفها وكأن فعلا مرايه الحب عاميه وادخل عمر وكلم سامح يبلغة ان منى طالبه الطلاق وهنا قامت خناقة كبيرة فالشغل وصلت للضرب بين سامح وعمر وسامح اتهم منى بالخيانه مع عمر وطبعا كانت فضيحة كبيره ، وسامح عمل أنه ليه كرامه وطلق منى علنا فى عز الخناقة قدام كل زمايلهم وبسبب الفضيحة دى منى قررت تقدم استقالتها من الفندق لأنها حست ان سيرتها بالظلم بقت على كل لسان وعمر كمان قدم استقالته واشتغل فى فندق تانى والوحيد ال كمل فالفندق سامح ☺️
_______________________________________
فريد عمال يتصل بياسمين لكن مبتردش عليه وكان وافق على فتره شهر على أساس الدنيا تهدأ ويكون اشتغل ومسك مرتب معاه واتصل كتير علشان يفرحها لكن مفيش اى رد منها وقرر يروح البيت لكن للأسف لقى مفتاحه مش بيفتح واكتشف ان ياسمين غيرت الكالون 😁وفضل قاعد قدام باب الشقه لحد ما تيجى لكن للأسف مجتش لأنها كانت عند محمود
محمود : ياسمين هتطلبى أمته الطلاق من فريد
ياسمين : بص انا غيرت كالون الشقة لانى متوقعه ان ممكن يجى فى اى وقت علشان الشهر ال اتفقت معاه عليه خلص خلاص
محمود بدهشه : غيرتى كالون شقته
ياسمين : دى شقتى أنا
محمود : شقتك ازاى
ياسمين : متشغلش بالك انا عارفه هخدها منه ازاى ، المهم خلينا فى اللحظة الحلوه دى
محمود بخبث : طيب أنا خلاص مش قادر اتحمل ولازم تطلبى الطلاق وسيبيله الشقه وانا هعوضك بس المهم نخلص منه
ياسمين بتفكير عميق : نخلص منه
محمود : اة اطلقى خلينا نخلص
ياسمين : تصدق انت لفت نظرى لحاجة
محمود : حاجه ايه دى
ياسمين : هو أنا أمته تبقى الشقه من حقى قانونى
محمود بانتباه : قصدك ايه يا مجنونه
ياسمين : ههههه بهزر وطبعا هطلب الطلاق واجيلك جرى ، بص انا هقوم بقه دلوقتى وهبقه اكلمك
_________
فريد اخر ما زهق عرف أن خلاص الحياه بينه وبين ياسمين انتهت لكن قلبه لسه متعلق بيها وعايش على ذكريات قبل الجواز وكل حاجة شددته ليه بقه بيتمنى يرجع يعشها تانى ومهما أخته قالتله ولفتت انتباهه من تصرفاتها لكن شايف دايما أنه هو الوحيد ال شايفها صح عن اى حد فاهمها غلط
___________
وعدا اسبوعين وراح فريد يتفق على الطلاق مع ياسمين وياخد مفتاح الشقه
فريد بيرن الجرس :
ياسمين : مين
فريد : أنا يا مدام
ياسمين : اهلا خير
فريد : هنتكلم على الباب
ياسمين : جاى ليه
فريد بسخريه : جاى شقتى
ياسمين : اعتقد المفروض تتنازل عنها رسمى ليا وده ابسط تعويض عن الذل ال عيشته معاك
فريد : هههه ذل ها وايه كمان
ياسمين بغيظ : أنا محضرالك الاوراق امضيها وكل واحد يروح لحاله
فريد : انتى بتتكلمى بجد فعلا !!!
ياسمين : هقوم اجيبلك قلم علشان تحط توقيعك ونخلص
فريد بحدة : نخلص ميييين هو انتى نسيتى نفسك وشقه ايه التعويض وعن ايه التعويض اصلا ولا انتى هتكدبى الكدبه وتصدقيها
ياسمين بصوت عالى : لاااااا لو فاكر انى بخاف تبقه متعرفيش كويس يا حبيبى ، سيبك من الشويتين السهوكة ال عملتهم معاك فالاول ، ده أنا ال كنت فكرتك حاجة وطلعت حاجة تانيه وطلقنى يا فريد احسلك
فريد : طيب أنا بقه مبطلقش وورينى بقه هتعملى ايه وكرم منى علشان ملكيش أهل يعلموكى الصح من الغلط هدخل اخد هدومى واسيبك تقعدى فالشقه شهر كمان ، عقلتى كان بها معقلتيش يبقه نشوف ساعتها نعمل ايه انا داخل عن اذنك
ياسمين باستفزاز اتغاظت من فريد ومن غير تفكير كانت ااالسكينه فى طبق البرتقال على الترابيزة ، خدتها بسرعة وطلعت جرى ورا فريد وكانت عاوزة تضربه فى ضهرة لكن هو حس بخطوات سريعه وحتى يبص راحت ا لسكينة جايه بجر ح فى كفته وطبعا مسكها منها وصوت عالى جدا فالشقه لدرجة الجيران بقوا يخبطوا عليهم وهى تصرخ جامد وهو يزعق ومحدش فاهم منهم حاجة والجيران طلبوا القسم وكسروا الباب وكان الجرح بتاع فريد باين جداا الددددم وجابولة الإسعاف والتنقل المستشفى وطلع جرح سطحى يتعالج فالبيت ..
خرجت ياسمين من بيت فريد على القسم اتعملها محضر وعلشان تخرج منها ، قالتلهم إنها لحظة شيطان وأنها بتحب فريد جداا والخناقة بسبب غيرته عليها وأنها تعبت من الغيرة وأنه بقه بيسيب البيت كتير ويغيب وقالتلهم لو مش مصدقين اتأكدو من الجيران والبواب وللأسف بعد تأكيد كلام ياسمين للظابط اتعملها إخلاء سبيل وتصالح مع زوجها وقعدوها قبل الصلح مع فريد وقعدت تعيط أنها بتحبه لكن تعبت من قلة الفلوس وللأسف فريد حن ليها ورجعوا لبعض لمدة أسبوعين وبدأت الخناقات من تانى وقرر فريد أنه يخرجها من الشقه ويغير الكالون ويرجع بيت أهله لحد ما يشوف هيعمل ايه …
______________________
بااااااااااااك
__________
ايمن : وبعدين يا فريد قررت اعمل ايه
فريد : هسافر بس مش هطلقها
ايمن : ليييه انت ليه اعمى كده ، دى مش عيشه ولا واحده عاوزه تعيش ومش قادر اصدق انت ولا ال معمولك عمل ، كل ال حصل معاك ده ولسه بتحبها ، انت اضحك عليك
فريد : كفايه انا قررت اسافر وعاوز اتمشى مع نفسى عن اذنك
فريد كل ال جواه شريط بيمشى قدامه من يوم م عرف ياسمين وكل ده مكنش لسه يعرف حاجه عن خيانتها وهنا قرر ايمن يدخل ويتكلم محمود بحده وهدده لو المهزله دى مخلصتش هو مضطر يعترف لفريد بكل حاجة عرفها وان ضربة ياسمين لفريد بالسكينه عدت على خير المرادى لكن محدش عارف ممكن تعمله ايه بعد كده ومحمود وعده أنه هينهى الموقف علشان فريد يطلقها بكامل إرادته من غير ذرة حب واحدة ولا يديها اى مبرر بعد كده وفعلا محمود سلط واحدة تتصل بفريد تديله عنوان وتقوله روح شوف مراتك مع مين وبعد تفكير عميق فريد جرح أيده وكسر كوبايه ونزلوا جرى على المستشفى ورجعوا كلهم وعلى الرغم من إلحاح ام فريد ان محدش يروح فالعنوان ال اتقال لكن فريد كان هيتجنن ويعرف ايه الموضوع علشان يحط نهايه لكل حاجة
_____________