رواية نبضات في السحاب الفصل الأول 1 بقلم حنين الماضي

رواية نبضات في السحاب الجزء الأول

رواية نبضات في السحاب البارت الأول

رواية نبضات في السحاب الحلقة الأولى

فريد : لا يا ايمن انا خلاص قررت اسافر انا ماليش مكان هنا وتعبت من كل شوية اتصدم فى حد وكأن كلة اتسلط عليا يكون ضدى
ايمن : اهدا يا فريد بلاش تقفلها كدة
فريد : اهدااا!!!! انت مش شايف ولا بتهون عليا وفاكرنى بكلمتين ممكن اهدا !!!؟ عارف يا ايمن اكتر حاجة بتوجع ايه ؟ أن وجعك مهما كان اللى بتحكيلة محدش هيحس بيك غير نفسك هى الوحيدة اللى هتشيلك
ايمن : كدة بردو يا فريد ،يعنى عاوزنى اقولك ايه يا عم !! خلاص روح ا. نتحر مبسوط كدة !!
فريد : لا يا عم انا هسافر وابعد خالص يمكن اقدر انسى واكيد لازم انسى
ايمن : تفتكر هتنسى يا فريد !!؟ دى قاعدة ومتربعة جواك
فريد : انااا مش فاهمك انت بتهون عليا ولا بتكمل عليا يا اخى ، انا حاسس انى مبقاش عندى كرامة قدام اى حد ولا حتى اهلى ،بص انا كااااره نفسى جدا ومخنوووق ولو سمحت انا همشى مع نفسى شوية ومحتاج اكون لوحدى ولو احتاجت حاجة اكيد هكلمك سلام
ايمن : سلام يا صاحبى
_________
فريد وهو بيتمشى ع الكورنيش بالليل ولسعة برد خفيفة موجودة وبأنفاس عميقة :
( ياااااخسارة انا اللى عملت كدة فى نفسى وانا اللى هدمت نفسى بعد ما كنت محترم وسط الناس لكن خلاص هقفل على نفسى اى باب بعد كدة واستحالة صنف البنات دة يدخل قلبى تانى لأن كلهم شبه بعض ومافيش واحدة هشوفها الا وهتبقى فى عينى زى ياسمين ، ازاى مصدقتش كل الكلام اللى بيتقال ازاى كنت معمى كدة ، انا لازم ابعد واسافر وتبقى كل حياتى شغل ، عشان يوم ما ارجع لازم كل اللى بيتفرجوا عليا دلوقتى يكونوا اول ناس تتمنى تسلم عليا )
______________
فى بيت ايمن
____________
امل : اتأخرت ليه يا ايمن
ايمن : معلش ما انا قولتلك هتأخر شوية مع فريد
امل : طيب هو عامل ايه دلوقتى
ايمن : مصمم عالسفر بردو
امل : ما تسيبة يسافر يمكن حالة يتصلح بدل العك اللى كان عايش فيه
ايمن : لو هتتكلمى بالاسلوب دة يبقى نقفل الكلام احسن ، عشان ميقلبش خناقة زى كل مرة
امل : هو انت كدة مبتقبلش كلمة على فريد دة منى ولا كأنة هو اللى مراتك وانا اللى صاحبك
ايمن : ايوااااا اهو نفس الموال هيبتدى زى كل مرة انا عاوز اتعشا ممكن؟
امل : الاكل على ترابيزة المطبخ انا داخلة أنام
ايمن : هو يا كدة يا كدة ، عقلك مش هيكبر ابدا ولا ايه
امل : اة عقلى هيفضل كدة
ايمن وهو بيغمس لامل : بس بيعجبنى بردو وهو انا موقعنى فيكى الا عقلك دة
امل : يا سلام ما انت من شوية مكنش عجبك
ايمن : هو انا اقدر يا معلم انا بنكشك عشان اصالحك ههههه
امل : بتحب تشوفنى زعلانة أنا عارفة
ايمن : لا مقدرش بس بحب اكل وانتى قاعدة معايا عشان نفسى تتفتح
امل : أيوة كدة اتعدل
ايمن : هههه حاضر يا معلم ممكن كوباية شاى حلوة زيك كدة اشربها مع الاكل لحسن دماغى خلاص
امل : طيب اقعد اتعشا على ما اعملها وعلى فكرة فريد دة سيبة يسافر يمكن خير ليه
ايمن : ههههه حاضر هسيبة
امل : خد الشاى اهو
ايمن : شوفتى بقى لما تكونى هادية بتكونى حلوة ازاى
امل : بجد يا ايمن
ايمن : بجد والله
امل : 😍
______________________
منى : خلاص يا ماما لو سمحتى بطلى عياط بقى انتى عارفة انا مبحبش اشوفك كدة
الام ببكاء: انا معرفش ليه حظك كدة يا بنتى
منى : الحمدلله يا ماما ،يمكن ربنا كاتبلى الخير فى مكان تانى
الام : اللهم لا اعتراض بس هو لازم الغربة عشان الخير يجى
منى : كل حاجة ليها ضريبة يا ماما لأن هى دى الدنيا
الام : يعنى خلاص مصممة عالسفر
منى : خلاص يا ماما عدا الوقت للتراجع وبكرة لما تشوفينى مبسوطة هتعرفى ساعتها أن معايا حق
الام : ربنا يسامحك يا سامح مش مسمحاك ابدا على كل حاجة عملتها ف بنتى 😭
منى : ماما لو سمحتى لو سمحتى قولتلك مش عاوزة اسمع اسمة تانى ولا كأنة دخل حياتنا اصلا
الام : حقك عليا بس قلبى وجعنى انك هتبعدى بسببة
منى : لاااااا يا ماما مش بسببة لأن انا اللى عاوزة كدة يا ماما ولو سمحتى بلاش الكلام دة
الام : 😭 حاضر يا بنتى هسكت
منى : ايه رأيك بقى نخرج مع بعض شوية ويالا بقى هعزمك على العشا كمان ههههه
الام : 😭😭😭
____________
فريد فى بيتة
____________
عبير : كنت فين يا فريد كل دة
فريد بتنهيدة : فالدنيا
عبير : انا مش عارفة انت هتفضل عامل كدة ف نفسك لحد امتى وهى اصلا متستاهلش
فريد بعصبية : يووووووة مش ممكن كل اللى يبص فى وشى يقعد يقولى كدة انا بجد تعبت
عبير : طيب خلاص خلاص انا بس مضايقة عشانك وانت اخويا اللى ماليش غيرة بعد بابا الله يرحمه وماما طول اليوم وهى قاعدة شايلة الهم عشانك وخايفين عليك ونفسنا نطمن وبعد ما قولت موضوع السفر دة ، واحنا قلقنا اكتر عليك
فريد : عبير ممكن لو بتحبى اخوكى تهدى ماما عشان انا مش هقدر اتحمل ضغوط اكتر من كدة ،مممممكن
عبير : حاضر ،بس خد بالك انت شاب وسيم ومتنساش أن اصحابى كانوا دايما يشاوروا عليك ويقولولى معقولة دة اخوكى ، ولما جاتلك كلية الهندسة كنت فخورة بيك اوى اوى ولما اتخرجت واشتغلت فى أكبر الشركات كنت فخورة بيك ويوم بعد يوم لما اثبت نفسك فالشركة وخدت ترقيات بقت كل البنات عينها عليك وانت كنت شايف دة وكنت بتضحك فاكر هههه فاكر لما العبيطة نسرين وقفت بحجة أنها مستنيانى عشان نروح المحاضرة ولما شافتك عملت نفسها تعبانة مرة واحدة ههههه
فريد بابتسامة : اهو تخيلى يبقى فى ناس تتمنى منك كلمة وانتى بكل غباء تسيبى اللى شاريكى ومش مكسوف يظهر دة وتروحى لاكتر عذاب وقلة كرامة تخيلى فى غباء كدة
عبير : هى اللى خسرانة بس اهم حاجة انك كسبت نفسك وبكرة هى هتندم جامد بس بعد فوات الاوان صدقنى وأحمد ربنا أن محصلش خلفة وان الموضوع خلص لحد كدة والا كنا كلنا اتبهدلنا
فريد : معلش يا عبير انا فاهم كل كلمة جواكى بس انا عاوز أنام
عبير : ماشى يا فريد انا هسيبك تنام بس يارب تنام فعلا ،تصبح على خير
فريد : اطفى النور واقفلى الباب معلش
عبير بتنهيدة : حاضر
__________________________
منى : الجو محتار مش عارف يبقى شتا ولا يكمل صيف ههههه
الام :
منى : مالك يا ماما هتفضلى ساكتة كدة
الام : مش عاوزاكى تسافرى يا منى خليكى معايا
منى : كفاية يا ماما تضييع فرص ، انا ضيعت فرص كتير ولو دى كمان ضاعت منى مش هعرف اعمل اى حاجة لنفسى ، كل اصحابى اللى اتخرجوا من سياحة وفنادق كلهم اشتغلوا في أماكن حلوة جدا الا انا
الام : يا بنتى ما انتى كنتى شغالة فى فندق جميل لولا اللى حصل معاكى كنتى زمانك أعلى من اصحابك دوول
منى : اهو انتى بتقولى اهو انة حصل معايا حاجة وقفتنى ومش هينفع اكمل يا ماما ولو سمحتى بلاش تضغطى عليا اكتر من كدة وليكى عليا كل يوم هكلمك فيديو كول لحد ما تزهقى منى ولو ينفع كنت خدتك معايا بس غصب عنى والله
الام : لا يا بنتى انا معرفش اعيش برة مكانى ومش عاوزة اقف فى طريقك يمكن ربنا كاتبلك خير فيها وساعتها قلبى يطمن عليكى
منى : ان شاء الله يا ماما ادعيلى بس
الام : بدعيلك يا حبيبتى دايما
___________________
فى صباح اليوم التالى فى بيت فريد
___________________
عبير : فريد فريد
فريد : مممم
عبير : فى واحدة عاوزاك واتصلت اكتر من خمس مرات فى ساعتين وبتقول أنها عمالة تتصل على موبايلك مقفول وجابت تليفون البيت من حد من طرفك
فريد باستغراب : تليفون البيت !!؟ مين دى ؟
عبير : معرفش قوم شوف هى لسة ع التليفون
فريد : انا موبايلى مقفول فعلا
عبير : ما تقوم تشوف مين دى وعاوزة ايه
فريد : ماشى ……الو الو
….: صباح الخير يا فريد
فريد : مين معايا
…..: انت متعرفنيش بس انا اعرف عنك كل حاجة وعرفت بالحالة ال انت فيها وحابه اعرفك حاجة مهمة
فريد : ممممم وبعدين
…..: فاكرة بهزر مش كدة
فريد بتنهيدة : لا هو انا مش فاهم حضرتك يهمك فى ايه حالتى وعاوزة ايه ؟
….: انا اعرف كل حاجة عن ياسمين عماد
فريد بعصبية : ااااااة قولى كدة بقى انك شماااال زيها وتمثيلية جديدة دى مش كدة ،لااااااا فوقى يا ….. انا فريد القاضى وإذا كنت قبل كدة كنت مدى الامان لناس متسواش ، دلوقتى الحقيقة بانت وكلة اتعرف على حقيقتة ،روحى بقى قولى للى سلطتك تلعب اللعبه دى مع حد تانى
…..: انا معاك وضدها بس كنت هديلك عنوان تروح تشوف صدمة عمرك فى اعز الناس ليك بس مدام مش عاوز خلاص
فريد : اعز الناس !!؟ انتى قصدك ايه ؟
…..: خد العنوان وروح هناك الساعة ٧ وانت تعرف
فريد : ما تيجى سكة واتكلمى على طول والا مش عاوز اعرف حاجة
….: العنوان مدينة نصر شارع ….. عمارة ….. جنب الاستوديو الدور التانى ، باااااى
فريد : الوووو الوووو.
عبير : مين دى يا فريد
فريد : معرفش
عبير : طيب عاوزة ايه
فريد : معرفش
عبير : طيب انت فاهم حاجه
فريد : يووووووة هو تحقيق ولا ايه
عبير : طيب خلاص خلاص متضايقش مش عاوزة اعرف
________________
فريد بسرعة اتصل بأيمن يحكيلة اللى حصل ويشوف رأية لكن للأسف ايمن مكنش بيرد خالص عليه ..
قعد فريد يفكر فالكلام وهل دى تمثيلية جديدة من طرف ياسمين ولا فعلا هو هيتصدم فى حد ومين اللى كلمتة على تليفون البيت وهتستفيد ايه لما فريد يروح العنوان !!!؟؟
_______________
عبير : وبعدين يا ماما فى فريد ،هنسيبة كدة
الام : والله ما عارفة اساعدة ازاى منها لله بقى
عبير : ماما بلاش نضحك على بعض ، انتى عارفة أن فريد كان متعمد ميشوفش الحقيقة
الام : انا جوة دماغى نااااار يا بنتى وحاسة أن الناس كلها بتتفرج علينا ومن جوايا نفسى اروح اقعد فى حتة مفيهاش ناس تقعد تتفرج علينا ،بس هعمل ايه بقى هو نصيب
عبير : انا لما عرفت بأول حاجة حصلت كنت خايفة اقولة وخبيت عليه بس قولت يمكن لما اعرفها انى عرفت تخاف لكن للأسف لقيتها عينها جامدة وبجحه وهتعرف توقع بينى وبين اخويا وانتى كمان يا ماما بلعتى تصرفات منها كتير عشان خاطر خوفتى تاخد فريد منك وكنتى بتنامى وانتى بتبكى من جواكى وكنت حاسة بيكى
الام : هو ابنى بردو يا بنتى وبكرة تحسى بشعور الام لما تحس ان بسهولة ممكن تيجى واحدة بعد كل العمر دة تاخد ابنك منك وتغيظك بيه بسهولة وانتى كأم مش قادرة تتفاهمى مع ابنك لانه عميان ومش شايف حد غيرها بس ربنا كبير وظهر كل حاجة الحمدلله
عبير : انا منساش شكلها فالمنظر الزباااالة دة ، انا دعيت ربنا كتير ياخدلنا حقنا منها بس مجاش ابدااا ف خيالى اللى هى عملتة طول السنتين دوول
الام : الحمدلله انه مجابش منها عيال ، كنا زمنا مربوطين بيها العمر كلة وكانت تبقى وصمة عااار علينا
عبير : لالالا دى زى الكابوس واتزاح من على قلبنا
الام : يارب بس اخوكى يخرج من الحالة دى ويرجع زى ما كان وربنا يرزقة ببنت الحلال اللى تصون اسمة
عبير : يارب يا ماما
فريد : عبيررررر عبيررررررر
الام : اخوكى بينادى كدة ليه فى ايه
عبير بتجرى : فى ايه يا فريد 😳😲😲
الام : اااااابنى
_______________