رواية ميرنا الفصل الخامس 5 بقلم ريم محمد
رواية ميرنا الجزء الخامس
رواية ميرنا البارت الخامس
رواية ميرنا الحلقة الخامسة
_ميرنا بعدم استيعاب:يعني ايه مفيش حد بالاسم دا؟؟
_آسر بهدوء:يمكن حلمتِ بشخص زي دا بس مفيش حد بالاسم دا
_ميرنا:أنا كنت مخطوبه لواحد بالاسم دا!
_آسر:أنتِ مش مخطوبة لحد أغمى عليكِ وأنتِ رايحة الشغل
_ميرنا بصدمة:يعني ايه أنا كنت معاه حتى اسأل ماما
_نادية:حمدلله على سلامتك يا حبيبتي
_ميرنا:فين أدريان
_نادية بإستغراب:أدريان مين يا بنتي مفيش حد بالاسم دا
_ميرنا بغضب:لا كدا كتير فين الدبلة بتاعتي أنا مخطوبه لادريان
_نادية:اهدي دا من تأثير البنج بس
^^^^^^^^^^^^^^^^^^^^^^^^^^
*عدت فترة كويسة وأنا مستغربه ازاي أدريان مش موجود!!
ولا حد فاكر حاجه بس ليه أنا فاكرة
مش قادرة اتأقلم ولا أعيش من غيره معقول لدرجة دي، راح فين اختفى وسابني! *
*حاولت أشغل دماغي بحاجة تانيه حتى رقمه اتمسح من عندي
ولا لاقية له أى أثر! *
*كنت بشتغل ولاقيت بنت داخله عليّ، كانت نفس البنت اللي شوفتها فى الكافيه وافتكرت كلام أدريان لما قال الولد من أتباعي*
*رحت اتكلم معاها أكيد هي منهم*
_ميرنا:الشاب اللى كان معاكِ فى الكافيه سبتيه؟
_الفتاة:شاب مين؟
_ميرنا:اللى كنتِ مخطوباله
_الفتاة:أنا مكنتش مخطوبة أصلا
_ميرنا بصدمة:أزاي أنا أدخلت وحاولت افهم اللى حصل بينكم
_الفتاة:أكيد فى سوء تفاهم
_ميرنا:اسم الكافيه ***********
_الفتاة:ايوه قعدت في الكافيه دا بس كنت قاعدة لوحدي، يمكن مفكراني شخص تاني
*كنت هتجنن ليه الكل بينكر أدريان ولا هو مجرد وهم ولا ايه!
قررت هروح المكان اللي كنت قاعدة معاه فيه واعرف الحقيقة*
*لاني بجد تعبت ازاي محدش معترف بوجوده وليه اختفى
هتجنن بجد، كنت هروح البيت بس قررت أروح مكان ما اليخت كان موجود، رحت هناك لاقيت اليخت دا قربت منه حسيت بأحاسيس غريبة *
_أدريان:بتدوري عليّ
_ميرنا بإشتياق:انت جيت، كنت عارفه أنك هتيجي كنت فين يا أدريان
_أدريان:أنا موجود اهو
_ميرنا:مش مصدقة عايزه افهم كل حاجه بقي ليه اختفيت وايه قصتك
_أدريان:هقولك
*لاقيت راجل واقف وبيقول
_الرجل:بتدوري على حد؟
_ميرنا:كنت بتكلم مع خطيبي، أنت مش شايفه
_الرجل:مفيش حد غيري هنا يا بنتي خطيبك مين ولا شكله ايه تقصدي بتكلميه فون؟
_ميرنا:اه فون واندمجت شويه
*طلعت بتخيل أدريان، مشيت وأنا مصدومة وزعلانة ومش في وعي
ليه مشي عايزه افهم كل حاجه
عايزة اعرف ليه عمل كدا*
*روحت البيت، قفلت على نفسي الأوضة وقعدت اعيط، واتفرج على صورنا سوا، وكمان كلامه ليا
مكنتش اعرف اني حبيته كدا
ليه محدش معترف انه موجود! *
^^^^^^^^^^^^^^^^^^^^^^^^^^^
*نسيت أدريان او تناسيت بالمعنى الاصح، وكنت بتفرج على فيلمي المُفضل حورية البحر، حسيت أني مشدودة بطريقة غريبة للفيلم وكمان اتمنيت أكون في الفيلم دا
معرفش ليه الشعور الغريب دا*
*قررت أرسم، واندمجت مع الرسمة
لاقيتني رسمت رسمة غريبه! *
^^^^^^^^^^^^^^^^^^^^^^^^^^^
*عدى شهور، وكان عندي أمل أدريان يظهر، وكمان آسر اتقدملي من واحنا في المستشفى ولحد دلوقتي مستني الرد، حسيت أني عايزه اوافق
معرفش ليه الاحساس الغريب دا*
*وافقت فعلا، وعملنا خطوبة على الضيق، ليه وافقت معرفش
حاولت أدور على أدريان فيه ملقتوش*
_آسر بإبتسامة:أنا عارف شروطك وموافق عليها
_ميرنا بهدوء:تمام، كويس أنك عارفها
^^^^^^^^^^^^^^^^^^^^^^^^^^
*طلعت وقفت قدام البحر، فى وقت البريك، المفجأة لاقيت أدريان قدامي!، مكنتش بتخيل*
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ميرنا)
