رواية موعد مع القدر (تحدي الإعاقة) الفصل الرابع 4 بقلم لبنى دراز

رواية موعد مع القدر (تحدي الإعاقة) الجزء الرابع

رواية موعد مع القدر (تحدي الإعاقة) البارت الرابع

رواية موعد مع القدر (تحدي الإعاقة) الحلقة الرابعة

من صبر على المحنة و رضي بتدبير الله سبحانه ، كشف له عن منفعتها حتى يقف على المستور عنه من مصلحتها
🌸🌹🌸🌹🌸🌹🌸🌹
الهي قلوبنا بين يديك ، امنحها صبراً لا ينتهي. – محمد متولي الشعراوي
بقلمى✍️_________________لبنى دراز
بيت محمود المنياوى.
منى:: ف نفسها ..يا ستار ..مش عارفة قلبى واجعنى ومقبوض ليه ربنا يستر حاسة فى حاجة هتحصل..لما اتصل ع محمود والولاد واطمن عليهم
محمود:: ف مكتبه ف البنك.. رن الفون ..وشاف المتصل منايا .. رد ..السلام عليكم ورحمة الله..منايا ومنى عينى
منى:: بتسرع..حبيبى عامل ايه انت كويس؟
محمود:: استغرب سؤالها بالطريقة دى من قبل ما ترد السلام ..مالك يا روحى فيكى ايه؟ طمنينى عنك قلقتينى عليكى من الصبح حاسس فيكى حاجة قوليلى لو تعبانة اجيلك نروح للدكتور بس طمنينى..
منى:: بقلق متدارى ..ابدا ياحبيبى انا بس بطمن عليك.. وماتقلقش عليا انا كويسة وزى الفل ..المهم انت تكون بخير ياقلبى
محمود:: حبيبتى انا كويس جدا والامن مستتب ياستى ..ههههههههههه ومافيش غير عميل رخم شويتين عايز قرض بمبلغ كبير جدا ومش معاه الضمانات الكافية ومصمم انى اوافق ع القرض باى طريقة ..وانا رفضت واتصلت بالبنك المركزى وأكدوا على رفضى للقرض..وبس ياستى خارج بقى يبرطم ويهلل ويقول كلام فاضى زيه.. بس ده كل اللى حصل النهاردة..
منى:: طيب ياحبيبى هو مش ممكن يأذيك ولا حاجة ..طمنى بالله عليك لو سمحت..
محمود:: ابتسم ع خوفها عليه …حبيبتى ماتقلقيش يا منى عينى ماعندوش حاجة يعملها. متخافيش جوزك اسد ويقدر يسد قصاد اى حد ههههههههههههه
منى:: ابتسمت.. بس لسة قلقانة.. خلاص ياحبيبى الحمدلله اطمنت عليك..مش هعطلك عن شغلك.
محمود:: انتى بس الوحيدة ياروحى اللى مسموح لها تعطلنى ..مع ذلك حاضر هقفل علشان اخلص شغلى وارجعلك بسرعة..
منى:: قفلت الخط ..بس برضوا لسة قلقانة ..اتصلت ع التوأم المشاكس واطمنت عليهم وبرضوا الحمدلله كويسين ومبسوطين ..وجات تتصل ع منة ..الهاتف الذى طلبته غير متاح .ربما يكون مغلقا او خارج نطاق الخدمة ..قلقت وقلبها انقبض ..يا ستار يارب خير ..وبعدها افتكرت ان منة بتقفل الفون وهى ف الدرس والتمرين ..وطمنت نفسها بأن بنتها كلمتها بين الدرس والتمرين ورجعت قفلت فونها تانى..
بس هى دى الام وده قلبها اللى دايما حاسس بكل حاجة قبل ماتحصل
منى:: رغم انها اتصلت ع جوزها و ولادها بس قلبها لسة مشغول ..وفجأة فونها رن واتخضت ..بسم الله ..وردت من غير ماتشوف مين
منى:: السلام عليكم ورحمة الله
سلوى:: وعليكم السلام ورحمة الله ..منى حبيبتى عاملة ايه ..بقى كدا يا وحشة ماتسأليش
منى:: معلش يا سلوى غصب عنى والله انتى عارفة مشاكل الولاد ومشاكستهم مش بتخلص ابدا.. اعذرينى بالله عليكى
سلوى:: ربنا يبارك لك فيهم يارب ياحبيبتى ..بقولك ايه بقى..ايه رأيك تيجى تقعدى معايا شوية ونتصل ع هدير ومنة ييجوا ع عندنا ونسهر مع بعض النهاردة ..والبنات يذاكروا سوا..اصل انا واخدة أجازة من المستشفى يومين وفكرت اننا بقالنا زمان ما اتجمعناش قولت نرجع نتجمع تانى.
منى:: معلش يا سلوى انا مش قادرة والله ..مش عارفة مالى من الصبح متوترة وقلقانة وكل شوية حاجة تحصلى وقلبى مشغول جدا ..مش عارفة ليه
سلوى:: خير يا منى ..اكيد بس عشان الامتحانات قربت وانتى قلقانة ع منة .
منى:: مش عارفة والله يا سلوى .. اقولك تعالى انتى ..ونبقى نتصل ع هدير نعرفها عشان منة بتقفل فونها وممكن تنساه مقفول لغاية ماترجع البيت..
سلوى:: بتضحك ههههههههههه هى لسة فيها العادة دى
منى:: اه والله وتعبت معاها يا سلوى علشان تبطل تقفل فونها تضحك وتقول. ..يا مامتى ياحبيبتى انا بعرفك خط سيرى من قبل ما اخرج من البيت غير ف ال break بين الدرس والتانى بفتح اطمنك وبعد الدروس وانا رايحة التمرين بطمنك تقلقى ليه بقى
بنت شقية ومجننانى بجد مش عارفة اعمل معاها ايه
سلوى: ربنا يحميهالك يارب يا حبيبتى ..خلاص ياستى.. هرن ع عادل اقوله ونيجى احنا نسهر معاكم الليلة وقفلت الخط ..
بقلمى✍️______________لبنى دراز
ف بيت أيمن الهوارى.
الباب خبط وأم أيمن :: حاضر ياللى ع الباب انا جاية اهو
راحت تفتح وكانت الست أحلام جارتها
أم ايمن:: مرحبة بجارتها ..اهلا اهلا يا أحلام نورتينى ..اتفضلى يا حبيبتى
أحلام:: يزيد فضلك يا أم أيمن ياختى ..عاملة ايه وحشتينى
أم أيمن:: الحمدلله يا أحلام بخير ..انتى عاملة ايه..وفينك كدا مستخبية..
أحلام:: ابدا والله كنت بعافية شوية ..وبعدين ايه بقى لاقيت نفسى كويسة قولت اجى اقعد معاكى شوية لغاية مايجى بسلامته اسم الله عليه أيمن من شغله وارجع بيتى
أم أيمن:: تنورينى يا حبيبتى واهو نتونس سوا .. استنى انا عاملة صينية كيك تستاهل بوقك ..هقوم اعمل كوبيتين شاى واجيب كيك واجي ..
أستوووب نعرف بقى الست أحلام جارة أم ايمن قريبة منها ف السن أرملة ومش عندها اولاد وبتتونس بأم أيمن ع طول
أحلام:: طول عمرك شاطرة يا أم أيمن ف عمايل الحلويات والفطير المشلتت ..انا كنت لسة بقول لـ أختى من يومين ع الكيك بتاعك والبسبوسة ولا الفطييير بقى من ايدك حاجة تانية..
أم أيمن:: ههههههههههه بس كدا من عينيا اعملك احلى فطير و اجيبه لغاية عندك والله يا أحلام ..
___________________
فـ بيت محمود المنياوى
بعد كام ساعة كدا
جرس الباب رن ..
محمود:: افتح يا مييدو الباب شوف مين يمكن يكون عمك عادل وطنط سلوى
محمد:: يوووه بقى هو مافيش غيرى..شغالكم بواب انا ولا ايه
محمود:: ولد وبعدين كل ماقولك شوف الباب تقول نفس الكلام ده
محمد:: الله وانا مالى يا ليمبى… شوفلك بواب غيرى يابا الحاج ..
مصطفى:: ياااعم ماتفتح الباب واخلص انت هترغى والزبون بيرن ههههههههههه وبعدين ماتبصليش كدا انا مشاويرجى يا خويا
محمد :: وهو بيفتح الباب ..اه ما انت ع قلبك زى العسل عشان بتطلع بمصالح م المشاوير اللى بتعملها يا فالح ههههههههههه
عادل:: بيضحك بعلو صوته وانت بقى يا سى ميدو مابتعملش زيه مشاوير لييه ها ..ههههههههههههه
محمد:: ياه ع الكسفة اللى انت فيها يا حازم حازم ههههههههههه عمو عادل حبيبى منور يا برنس والله.. و أنطى سلوى حبيبتى عندنا ..يا هلا.يا هلا..
مصطفى:: نط من فرحته عمووووو دووولة وسلوتى حبيبتى عندنا يا مرحبا يا مرحبا ..
عادل:: بضحكة ..واد انت وهو سلوى حبيبتى انا وبس فاهم ياض منك ليه ههههههههههههه..
محمود :: جابهم من قفاهم الاتنين ..وبعدييين مش تسمحوا لعمو وطنط يدخلوا ولا هتوقفوهم كتير ع الباب كدا ..
عادل :: قولهم يا حودة يا خويا مش كفاية سابونا ملطوعين ع الباب لغاية مايشوفوا انهى بواب هيفتح .. ههههههههههه.
محمود::ههههههههههههه والله يابنى تعبت معاهم مش عارف طالعين لمين ..
منى:: بترحب بـ سلوى وعادل
حبيبتى يا سلوى وحشتينى جدا ..اتفضل يا أبو هدير.. اهلا وسهلا نورتونا يا جماعة
ودخلوا وقعدت سلوى ومنى ف الليڤنج ومعاهم التوأم المشاكس بيعاكسوا ف سلوى كالمعتاد وهى مبسوطة اوى بيهم وبمعاكستهم ..
منى:: بتوتر.. وبعدين بقى انت وهو ماينفعش كدا ..ع اوضتكم يلا
سلوى:: لاحظت توتر منى .. وبصت لهم طيب يا ولاد اسمعوا كلام ماما ويلا ع اوضتكم .. وقاموا التوأم بكل احترام ودخلوا اوضتهم
سلوى:: رجعت سألت منى ..مالك بقى شكلك قلقانة ومتوترة ليه كدا..
منى:: مش عارفة يا سلوى من الصبح قلبى واجعنى وحاسة فى حاجة هتحصل مش مرتاحة ربنا يسترها
سلوى:: تصدقى وانا كمان عندى نفس الاحساس ..بس انا قولت لنفسى طبيعى عشان خلاص كلها شهر ونص و امتحانات الثانوية تبتدى
وقلقانة ع هدير..
منى:: مش عارفة والله يا سلوى جايز برضوا رغم انى عمرى ماقلقت من الامتحانات ابدا
فـ الصالون
قعد محمود وعادل .. يطمنوا ع احوال بعض
محمود:: نورت يا باشا ليك وحشة يا اخى والله من اول امبارح
عادل:: يعنى انت كنت بتسأل يا خويا
محمود:: يا ابنى انت مين اللي كان معاك اول امبارح؟ ..خيالى مثلا
عادل:: بهزار.. بقولك ياض انت فكك مني وشوفلنا الست أم محمد عاملة ايه ع العشاء ولا مش ناويين تعشونا ههههههههههههه
محمود:: ودى تيجى برضوا ..ده لازم وحتما ولابد تتعشى والا هتخرج من هنا تفضحنا ههههههههههههه ونده يا أم محمد يا منى حضرى العشا قبل ما عادل ياكلنا ههههههههههههه
بقلمى✍️________________لبنى دراز
عند أيمن
أيمن:: زعق بصوته كله ..
بقووولكم نطوووا من العربية بسررررعة مافيش وقت ..العربية مافيهاش فرااااامل اخلصوااااا قبل ماتنفجر بينا يلاااااا اتحركوووا
هدير:: خافت من صوت ايمن ونطت من غير ماتتردد و وقعت ع رجلها بس كان فى حد قريب منها قدر يلحقها بس مش قادرة من رجلها و بتصرخ جامد بس هى مش حاسة بوجع رجلها و صريخها خوف ع صاحبتها والكابتن بتاعها لانها شافت انهم لسة ف العربية مانطوش منها
أيمن لسة بيزعق لمنة وخلاص مافيش وقت ولازم يتصرف بسرعة ومنة خايفة تنط
منة:: بعياط وشهقاااات.. م م م مش ق ق قااا ادرة يا أيمن ح حـ حـ حاااسة رجلى وقفت مش عارفة انط يا أيمن انا خايفة امووت وماشووفش بابا وماما واخواتى تاااانى يا أيمن
أيمن :: بيزعق بقولك نطى اخللللصى نطططيييي
منة:: مش قادرة ولا عارفة تتحرك من خوفها
أيمن :خلاص لازم يتصرف وبسرعة بص لمنة وقالها سامحينى يا منة ف اللى هعمله وحاول يوصل للباب اللى جنبها وفتحه وزقها منه ونط هو كمان والعربية ماشية وبعد شوية فعلا العربية انفجرت قصاد عينه
منة:: لما أيمن زقها وقعت ع حرف الرصيف ع ضهرها وغابت عن الوعى
___________
فـ بيت محمود المنياوى
لحظة ما أيمن زق منة من العربية
منى:: بصريخ ..بنتى ..بنتى منة فيها حاجة بنتى مش كويسة أبدا..
سلوى :: ف نفس لحظة نط هدير من العربية اتخنقت وقلبها وجعها وصرخت بأسم هدير.
محمود وعادل:: ف نفس واحد
مالكم بتصرخوا لييه
منى:: بنتى مش بخير.. منة مش بخير يا محمود ..منة فيها حاجة قلبى مش مطمن ..عايزة بنتى
سلوى:: قالت نفس الكلام ع هدير..
البنات فيهم حاجة ..بناتنا مش بخير ياااعاااادل ..اتصل ب هدير طمنا عليهم.. أرجوك يا عادل اعمل حاجة طمنا ع البنات أرجوووك
_____________
بيت أيمن نفس اللحظة
أم أيمن مع الست أحلام جارتها
أم أيمن:: مسكت قلبها وقالت يا ساتر يارب ياترى يابنى فيك أيه
أحلام:: خير يا فادية مالك كنتى كويسة دلوقتي فيكى أيه بس لا حول ولا قوة إلا بالله
أم أيمن:: أبنى أيمن فيه حاجة قلبى وجعنى واتخطف ..أبنى مش بخير يا أحلام انا عارفة
أحلام:: وحدى الله يا أم أيمن زمانه جاى دلوقتى بس تلاقيه اتأخر شوية علشان كدا انتى قلقانة عليه
أم أيمن:: لا إله إلا الله سيدنا محمد رسول الله عليه الصلاة والسلام …استرها يارب ..هات العواقب سليمة يارب
بقلمى✍️_____________لبنى دراز
نرجع عند أيمن
أيمن :كان فى ناس كتير واقفين قريبين من أيمن وحاولوا يسعفوه وكان جسمه كله كدمات ودراعه ورجله اتكسروا ولكن ماهتمش بوجع جسمه ولا عربيته اللى انفجرت قصاد عينه قد ماكان كل همه منة وهدير و وقف وبيسأل ع البنات وبيدور بعينيه وقلبه مشغول عليهم وخصوصا روحه اللى مطيرة النوم من عينه وأخيرا لمح هدير جاية عليه ومش قادرة تدوس على رجلها لكن كويسة نوعا ما بس سألها
أيمن:: انتى كويسة طمنينى عليكى فيكى حاجة..
هدير:: بعياط عايزة منة يا أيمن..
أيمن:: دراعه ورجله بيألموه بس هو كمان عايز يطمن ع منة .. قالها هشششش اهدى يا هدير خلاص وتعالى نشو..
وبيلف بعينه شاف منة واقعة ع الارض وجرى عليها هو وهدير
أيمن:: قرب من منة وشافها فاقدة الوعى وضهرها بينزف لانه اتخبط في الرصيف…. أيمن بزعيق: منننة انتي سمعااااني ….ردي عليا يا منة وبرجاء ردى عليا أرجوكى اوعى تسيبينى ..أنا مقدرش اعيش من غيرك ..مش هسامح نفسى لو جرالك حاجة ..رررررردى بقى
منة:: ……….
هدير بعياط : منة حصلها ايه يا أيمن هي مش بترد عليك ليه .. أرجوك يا أيمن عايزة منة خليها ترد عليك.. و بتصرخ بصوتها كله منننننننننننة
أيمن بخوف وقلق : وزعييق الاسعاااااف بسسسسررررررررعة
بعد شوية جات الاسعاف ونقلوهم ع المستشفى…
بقلمى✍️______________لبنى دراز
ف المستشفى
هدير :: بتعيط من وجع رجلها.
دكتور:: اهدى يا أنسة هو كسر بسيط هنجبس لك رجلك وشوية وهتطلعى
هدير:: بعياط..فين كابتن أيمن ومنة ..الناس اللى كانت معايا
وفين شنطتى ..عايزة فونى
عايزة أكلم بابا ..
الدكتور:: انا معرفش فين اللى كانوا معاكى ماشوفتش حد بس اكيد طالما كانوا معاكى هيبقوا واقفين برة
ثوانى بس هخلص كشف وأجبسلك رجلك واطلعى شوفيهم..
أيمن ف غرفة كشف تانية وبيتعمل له اللازم والدكتور بيجبس له دراعه ورجله وبيعالج جروحه وبيسأل ع البنات اللى كانت معاه.
الدكتور :: قال فى بنت ف الاوضة اللى جنبك واصابتها بسيطة كسر ف رجلها اليمين وعملنا لها اللازم وهى كويسة
ايمن :: بيسأل عن منة.. وقال البنت التانية منة اللى كانت مغمى عليها ف الحادثة
الدكتور:: مش عارف بصراحة ..بس تقريبا كدا البنت التانية فـ العناية المركزة وحالتها حرجة و دكاترة العناية بيعملوا لها فحوصات شاملة وسايبينها تحت الملاحظة
أيمن:: خرج من غرفة الكشف يدور ع هدير ف نفس اللحظة هدير كانت بتدور عليه
أيمن:: شافها واطمن عليها..وقال انتى كويسة فيكى حاجة غير رجلك طمنينى
هدير:: بعياط قالت انا مافيش غير رجلى بس ..انا عايزة اطمن ع منة يا أيمن أرجوك
أيمن:: تعالى نروح عند العناية ونطمن عليها هى اكيد هتكون كويسة ..و راح هو وهدير عند العناية ولكن شاف اللى وقع قلبه دكاترة خارجة ودكاترة داخلة وكل ما يسأل حد مافيش رد وأيمن مش عارف ولا قادر يعمل حاجة غير انه يدعيلها وبس و نفسه يطمن ع عليها ..نفسه يسمع صوتها يعرف اى حاجة تريح قلبه..
هدير:: لاقت شنطتها اللى وقعت منها مع الشخص اللى
انقذها لما نطت ادهالها وكان فونها بيرن وطلعته ترد وكان أبوها
عادل:: انتى فين ياهدير واتاخر…. قطع كلامه صوت عياطها
هدير :: بعياط ..اء .الـ .الحقنى يا باااباااا اء أء احـ احنا عملنا حادثة بعربية كابتن أيمن و ف المستشفى
ومن كتر عياطها ماقدرتش تكمل وقفلت الخط .
عادل :: اتصل تانى ع هدير.
أيمن :: اخد الفون من هدير و رد عليه .. أيوا يا أستاذ عادل..
عادل:: بقلق .. أيمن فى ايه؟ طمنى ..ايه الكلام اللى بتقوله هدير ده..
أيمن:: بوجع وخوف.. العربية فجأة مالاقيتش فيها فرامل وانا جاي ومعايا البنات ومعرفتش اسيطر عليها ومكانش فى حل غير اننا ننط من العربية قبل ماتنفجر او تتقلب بينا واحنا دلوقتى ف مستشفى…..
عادل :: بخوف ظاهر.. طيب طمنى يا أيمن حد منكم جراله حاجة ولا كلكم كويسين ..
أيمن:: ما تقلقش يا استاذ عادل هدير كويسة مافيش غير كسر فـ رجلها واتجبس الحمدلله وانا كمان دراعى ورجلى كسور بسيطة وبرضوا اتجبست ..بس … وماقدرش يكمل
عادل:: فهم أن فى حاجة كبيرة من سكوت أيمن ..اخد الفون ودخل البلكونة.. سأل أيمن منة حصلها حاجة ؟
أيمن:: اخد نفس بصعوبة ..ف العناية المركزة حالتها حرجة ومافيش دكتور راضى يطمنى..
عادل:: طيب مسافة الطريق وهنكون عندك ..خلى بالك من نفسك ومن البنات لغاية ما نوصل وقفل الخط وطلع بص لـ محمود مش عارف يقول الخبر ازاى
محمود: بص لعادل وفهم ان فى حاجة بس مش عايز يتكلم لانه شايف منى وسلوى منهارين من غير مايعرفوا حاجة
عادل :: لـ محمود هات ام منة و يلا بينا وماتقولش ليها حاجة لغاية ما نعرف فى ايه بالظبط
محمود:: طيب فهمنى الاول..
عادل :: يلا دلوقتى ولما نوصل هنعرف ونفهم كل حاجة..
محمود:: بأستغراب وقلق ظاهر يلا بينا ع فين واجيب وأم منة ليه و ايه اللى مش عايزها تعرفه لغاية ما نوصل ..اتكلم يا عادل ساكت ليييه..
عادل:: أيمن والبنات عملوا حادثة بالعربية وهم راجعين وف المستشفى
محمود:: حصلهم ايه فهمنى يا عادل بالله عليك.. ايه اللى حصل مين كان بيكلمك وقالك ايه..
عادل:: أيمن اللى كان بيكلمنى
ويلا بقى بلاش رغى مش وقته نروح الاول وهناك هنفهم كل حاجة بس ما تقولش لـ أم منة احنا رايحين فين لغاية مانوصل ونزلوا
جريوا كلهم ع المستشفى و اول ماوصلوا سمعوا
بقلمى✍️______________لبنى دراز
ف المستشفى
هدير:: منهارة وقلقانة ع منة
أيمن: بيزعق مافيش حد بيطلع يطمنا لييييه عايز اعرف منة فيها اييييه.. ليه اكتر من ساعتين و لسة ما فااااقتش لييييه
الدكتور:: بيتكلم مع أيمن اهدى يا كابتن احنا حاولنا وعملنا اللى علينا ولكن مش هنقدر نحدد حالتها بالظبط غير لما تفوق و اياً كان وضعها ده أمر الله.. بس اكيد لما تفوق هنعرف نشخص الحالة صح فـ لاحظة دخول
منى:: سمعت كل حاجة وفضلت تصرخ بننننتتتتى منة ياقلب امك يابنتى ..ومسكت ف الدكتور ..ابوس ايدك طمنى ع بنتى اوطى ع رجلك ابوسها بنتى ماليش غيييرهاااا أرجوك قولى منة فيها ايه و انهارت من شدة الانهيار فقدت الوعى
أيمن :……… ساكت
سلوى:: بعياط .. جريت ع هدير و هديت شوية لما شافتها قصادها واقفة قالت.. انتى كويسة يا قلب امك فيكى ايه طمنينى ..و اخدتها ف حضنها
هدير:: بعياط وهى ف حضن امها ..منة حالتها خطيرة يا ماما صاحبتى الوحيدة بتروح منى اختى اللى يومى مش بيكمل غير بيها ..قوليلى هتبقى كويسة طمنينى يا ماما انا قلبى واجعنى اوى خايفة تسيبنى وانا ماليش غيرها
سلوى:: اهدى يا حبيبتي ربنا هينجيها ان شاء الله وترجعلك تانى بس انتى ادعيلها انها تقوم بالسلامة ..و ضمتها ف حضنها اكتر تطمن نفسها ان بنتها بخير وبتدعى لمنة
_________
بعد ساعتين كمان خرج الدكتور وقال كل الفحوصات اكدت ان خبطتها ف الرصيف اثرت ع العمود الفقري وسببت قطع ف الحبل الشوكى وده سبب لها عجز ومش هتقدر تمشى تانى
محمود::…………