رواية مهرة العز الفصل الحادي والعشرون 21 بقلم مريم
رواية مهرة العز الجزء الحادي والعشرون
رواية مهرة العز البارت الحادي والعشرون
رواية مهرة العز الحلقة الحادية والعشرون
مهرة بصدمه:مهرة…
رفيف بتوتر بعدت عنها وقالت:ها……..اه. انا اسفه بجد مخدتش بالي..معلش سامحيني اصلك شبه مهرة صحبتي بالظبط ف وانتي داخله فكرتك هي مع انها مسافرة برا مصر….بس انتي عارفه بقى لما الواحد بيكون مشتاق لشخص بيشوفه في كل مكان…انا اسفه مرة تانيه…
هديه بابتسامه:لا عادي ولا يهمك ياحبيبتي….بس انتي مين بقى..
اسر:احم احم….دي رفيف بنت خالي ولسه جايه من إيطاليا ومش عندها اصحاب هنا ف جبتها ليكي انتي منى تتصاحبوا عليها بقى…
منى بابتسامه:اكيد طبعا من غير ما تقول…انا حبيتها ودخلت قلبي من ساعه ما شوفتها اصلا
هديه بابتسامه:ايوة صح وانا كمان…
نجوى باستغراب:مش انت لسه قايل يا أسر انها راجعه من المانيا….اومال بتقول دلوقتي إيطاليا لي
أسر بتوتر:ايه…..اها…..
عز أتدخل بسرعه وقال:ألمانيا من إيطاليا مفرقتش حاجه يا ماما ….وانتي عارفه أسر يعني دماغه على قده وجز على سنانه وقال مش كده ولا اي يا أسر..
اسر:اه اه….هههههه….انتي عرفاني….هو انا فاكر انا كلت اي امبارح لما افتكر رفيف جايه منين..
كلوا ضحك عليه……وبعدين نجوى قالت يلا ادخلوا هتفضلوا واقفين على الباب كتير كده…
وبالفعل كلهم دخلوا….وراحوا قعدوا في الصالون
ورفيف ماشالتش عينيها من على مهرة طول ما هما قاعدين….وعز لاحظ ده….وميل على أسر وقاله…
عز بصوت واطي:في اي يا أسر….البت دي شكلها هتفضحنا….دي من ساعه ماقعدنا وهي ما شالتش عينيها من على مهرة….ولو مهرة لاحظت هتبقى مشكله
أسر بنفس الهمس:طب اهدى بس وانا هقولها اهو
منى:مالكوا بتتهامسوا في اي
أسر بضحك:ولا حاجه…..
منى بتضيق عيونها وقالت:والله…..ولا حاجه
عز:كان بيسألني يجيبلك اي بكرة
منى بصوت عالي:نعممم….انت لسه مجبتش ليا هديه…
أسر بضحك:لا والله جبت ده كذاب…وبعدين كمل في سره وقال سامحني يارب…
منى:بتقول حاجه
اسر:لا ولا حاجه ياحبيبتي….
(ملحوظه بس….أسر مربي منى من وهي صغيرة عشان كده بيقولوا حبيبتي وبيتعاملوا عادي لأنها بتعتبره زي عز بالظبط)
رفيف حست انها ولعت لما قال ل منى حبيبتي وبعدين قالت طب وانا مالي يقولها حبيبتي ولا زفته انا مالي
أسر ميل عليها وقالها:بلاش والنبي نظرتك دي…عشان كده هديه هتاخد بالها
رفيف:هديه مين
اسر:قصدي مهرة…….بس احنا مسمينها هديه عشانها فاقدة الذاكرة…..ياريت متقعيش بلسانك تاني…
رفيف بغيظ منه:اممم حاضر…
هديه بابتسامه:كنتي بتدرسي في ألمانيا يا رفيف
رفيف:ايوة….كنت بدرس هناك
هديه:بتدرسي اي بقى
رفيف:بدرس تربيه أطفال
منى باستغراب:يااااه يعني انتي راحه اخر الدنيا عشان تربيه….فكرتك طب ولا هندسه
رفيف:لا الحكايه مش في طب وهندسة….لان الكليات كلها زي بعض وانا جيت لي الفرصه وسافرت…ده غير أن كل حياتي هناك
سلوى:امممم….بس اللي اعرفه ان الفرص دي بتيجي لكليات القمه مش كليات عاديه…
رفيف بغيظ منها:لا على فكرة انامن وجهه نظري ان مفيش حاجه اسمها كليات قمه وكليات عاديه كلو حلو والشاطر اللي بجد هو اللي بيعرف يكبر ويطور من نفسه
سواء كان في كليه عاديه او كليه قمه زي ما انتوا بتقولوا…
سلوى باستهزاء:ده من وجهه نظرك انتي…
هديه اتدخلت وقالت:لا على فكرة وجهه نظرها صح مفيش حاجه اسمها هدخل ابني اوبنتي كليه من كليات القمه…طب ما هو ممكن واحد يدخل طب او هندسه ويبقى فاشل فيها وناجح بالكوسه…ويبقى عاله على المجتمع……في حين ان ممكن واحدتاني يدخل كليه تربيه او حتى حقوق ويحط هدف قدامه انه لازم يبقى حاجه وبالفعل ممكن يبقى دكتور او معيد في الجامعه وليه كلمه….يبقى ايه الأحسن دكتور فاشل ميعرفش حاجه في الطب ولا معيد او دكتور في الجامعه وليه كلمته وكيانه…..وحقق هدفه….
منى:صح كلامك كلو صح….المشكله مش في الكليات المشكله بتبقى في دماغنا احنا عايزين نبقى اي..وهنحققه ازاي سواء ب طب او حتى تربيه…
نجوى:صح معاكوا حق….المفروض الاهالي متضغطش على أولادها ويقولوا لهم انتوا لازم تجيبوا حاجه كويسه والأولاد بتبقى في ضغط كبير…كل الكليات حلوة مفيش حاجه وحشه وكل اللي يجيبوا ربنا كويس
سلوى بغيظ منهم:طب هستاذن انا عشان عندي مشوار مهم……..سلام
منى بتريقه:سلام….
عز كان معجب اويي بتفكير هديه وكان قاعد مبتسم طول القعده وهما بيتكلموا….وهديه لاحظت ده واتكسفت منه…..
اسر:مش هتوروني بقى جيبتوا اي
منى:لا لا…..بكرة بقى تبقى مفاجأه
عز:يعني مش هشوف لبسكوا هيبقى نظاموا اي بكرة
هديه:متخافش مفيش حاجه قصيرة ولا عريانه….
رفيف:لي هو في اي بكرة
منى بضحكه:اه صح تصدقي نسيت اعزمك….بكرة عيد ميلادي واكيد هتيجي صح…
رفيف بابتسامه:اكيد طبعا….
عدى شويه وقت ورفيف قامت وقالت طب هستاذن انا
منى:ما تقوم توصل بنت خالك يا أسر
اسر:بنت خالي مين…….عز قرصه
اسر قام بسرعه وقال:اه…..هههه بهزر معاكوا….يلا رفرف
رفيف بصتله بغيظ ومشت….بعد ما خرجوا برا رفيف وقفت وقالتله…
رفيف:ما تخليك عشان منى متزعلش
اسر باستغراب:تزعل…تزعل لي
رفيف:مش هي حبيبتك…واكيد هتغير عليك
اسر بضحك:اهه……بس منمن مش من البنات دي..وكمان هي اللي قالتلي اوصلك….يلا قدامي
رفيف ركبت بغيظ ومتكلمتش خالص….
في الطريق…
اسر:طبعا مش هحرج عليكي ان عمو رؤوف ميعرفش اي حاجه خالص
رفيف بحزن:بس هو صعبان عليا
اسر:تصدقي اني غلطان عشان عرفتك
رفيف بغيظ:خلاص مش هقول حاجه…بس ده طبعا لفترة مؤقته صح
اسر:ايوة صح…
وبعدين سكتوا هما الاتنين طول الطريق…
🦋♡♡♡♡♡♡♡♡🦋
شدوى:اومال مش واقفه مع ابن خالتك ليه ياشمس
شمس بضيق:هو مش عشان ابن خالتي يبقى افضل معاه في كل حته يعني…..انا مش ملزقه زيكوا
نرمين:مين دول اللي ملزقين ياحبيبتي…انتي ناسيه نفسك ولا اي…ده حيالله ابن خالتك يعني مش جوزك
شمس باستفزاز:ايوة انتي قولتيها ابن خالتي يعني طول الوقت مع بعض في البيت وبرا البيت مش محتاجه اعمل عمايلكوا دي عشان بس يبصلي بصه…هه وياريت تريحي نفسك منك ليها لؤي ولا واحدة فيكم في دماغه….هو بيتسلى بيكم بس…….بس وقت ما هيرتبط ويحب بجد مش هيحب بنات ملزقه وبتحدف نفسها عليه…
شدوى بحقد:طب احنا بقى هنوريكي الملزقين دول هيعملوا فيكي اي….
وفجأه كلهم اتلموا عليها وووووو….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهرة العز)
