رواية من نظرة حب الفصل الرابع 4 بقلم الكاتبة الصغيرة
رواية من نظرة حب الجزء الرابع
رواية من نظرة حب البارت الرابع
رواية من نظرة حب الحلقة الرابعة
في القصر
كان الكل مجتمع علي السفرة وهما بيتكلموا في مختلف الامور
انس ابن حمزة : عمو زين انت هتوديني النهاردة الحضانة
حمزة : ايوة والله فكرة خده انت وروح
زين : اخد مين ي عم انا مالي هو انا كنت خلفته ونسيته انت ابوه توديه
انس : يعني انت مش هتوديني انت مش بتحبني
زين : ي خبر انت هتعيط واللا ايه هوديك وامري لله
انس وهو بيسفق بفرحة : هييي
مكة : اشمعنا ي اخويا بتحب عمو زين اكتر واحد
انس : عشان هو بيجيب ليا شكولاته وحاجات حلوة
زين : اسكت فضحتني
حمزة : احنا مش قولنا ان ممنوع الشكولاته عشان بتوجع السنان
زين : دا هي مرة وحدة بس صح ي انس
شافه انس وهو بيغمز : اه صح هي مرة وحدة
مالك : يلا ي حمزة لو كنت خلصت عشان منتاخرش عن الشركة
حمزة : اه خلصت يلا
قاموا وسابوا الباقي بص زين لانس لقاه فرحان
زين : مش يلا بقي ي نوسة هنتاخر
انس وهو بياخد شنطته : يلا انا عاوز اوريك الميس بتاعتي حلوة اوي وطيبة انا بحبها
زين : يلا ونشوفها مش هنخسر حاجة
مكة لثريا : انا همشي بقي ي ماما عشان الجامعة عاوزة حاجة
ثريا : عاوزة سلامتك ي حبيبتي
خرجت مكة وكانت لسه هتركب عربيتها لكن وصلت لها رسالة
(خلي بالك من نفسك ي حبيبتي وبلاش السواقة المتهورة بتاعتك)
مكة : هو عرف ازاي اني طلعت انا متاكدة انه بيراقبني
جاتلها رسالة تانية (متتعبيش نفسك في التفكير انا بشوفك ازاي)
ردت مكة : بقولك ايه ي مجنون انت انت تبعد عني وهعملك بلوك تاني دا انت غريب
الرسالة (اعملي براحتك فيها ايه هعرف اكلمك زي ما بكلمك دلوقت وانتي كنتي عملالي بلوك)
مكة : لا دا انت واحد فاضي بقي بقولك ايه انا اصلا هطق من غير حاجة ومش نقصاك
الرسالة (بعد الشر عليكي ي روحي من الطققان)
مكة : اللهم طولك ي روح ي عم انت مش لاقي شغلانة واللا ايه موركش غيري تروح تقرفه
الرسالة (لا ورايا حاجات كتير بس انتي اهم حاجة عندي)
مكة : انا مش ناقصة عبط علي الصبح
حظرته ومشيت وهي متعصبة من البني ادم اللي يعرف كل تحركاتها زي ما يكون بيراقبها
🥀🥀🥀🥀🥀🥀🥀🥀🥀🥀🥀🥀🥀🥀🥀
في الشركة
وصل حمزة ومالك الشركة وكل واحد دخل المكتب بتاعه بدا مالك يشتغل علي مشروع قدامه لحد ما دخل حد عليه المكتب من غير استئذان
مالك : انت مين وازاي تدخل كدة
الراجل : انا في عرضك ي بيه
دخلت السكرتيرة بسرعة وراه وهي خايفة من رد فعل مالك
السكرتيرة : انا اسفة ي فندم هو اللي دخل غصب ومقدرتش امنعه
مالك : تمام اتفضلي انتي
طلعت السكرتيرة والراجل كان واقف وباين عليه التوتر والخوف من حاجة
اتكلم مالك : في ايه مالك ايه اللي حصل وانت مين
الراجل : انا حامد بتاع البوفيه هنا
مالك : طب وعاوز ايه ي عم حامد
حامد : انا في عرضك مش عاوز اسيب الشغل انا معملتش حاجة عشان اتطرد
مالك : وهو مين اللي هيطردك بس
حامد : الاستاذ شريف هو اللي طردني
مالك : وطردك ليه اكيد في سبب
حامد : في سبب بس انا خايف منه هيؤذيني ي بيه
مالك : انت واقف قدام صاحب الشركة تتكلم من غير خوف وشريف زيه زيك بيشتغل هنا
حامد : ااانا سمعته بيتكلم في التليفون وبيتفق مع واحد انه يسرق المشروع اللي حضرتكم بتجهزوه ولما عرف اني سمعته طردني عشان مقولش ليك
مالك اتعصب من اللي بيسمعه وان ازاي شريف اللي كان بيامنله طلع خاين
مالك : اه ي شريف الكلب اما وريتك وبص لحامد وقال انا هتصرف معاه اتفضل انت
حامد : والنبي ي بيه انا مليش مصدر رزق غير هنا
مالك : انت تقدر ترجع لشغلك وشريف سيبهولي
حامد وهو بيمد علي ايد مالك عشان يبوسها لكن حامد سحب ايده بسرعة
مالك : انت بتعمل ايه انت قد ابويا ميصحش اتفضل انت علي شغلك ومتخفش من حد
حامد : ربنا يخليك ي بيه ويبعد عنك ولاد الحرام
طلع حامد من المكتب ومالك طلب من السكرتيرة انها تبعتله حمزة
🥀🥀🥀🥀🥀🥀🥀🥀🥀🥀🥀🥀🥀🥀🥀
في الحضانة
كان انس وزين واقفين قدام الحضانة لحد ما تفتح وفي نفس الوقت كانت ملك داخلة الحضانة بس انس جري عليها بسرعة
انس : مس ملك
ملك حضنته : ازيك ي نوسة انت جاي لوحدك النهاردة بابا مجبكاش
انس : لا عمو زين هو اللي جابني تعالي اعرفك عليه
اخدها انس لعند العربية اللي كان زين ساند عليها اللي اول ما شافها تنح واتعدل بسرعة
انس : عمو زين دي مس ملك اللي حكتلك عنها
وطت ملك له وقرصته من خدودة بالراحة : وياتري بتقول عليا كلام حلو والا وحش
زين : قطع لسان اللي يقول عليكي كلمة وحشة
قامت ملك بسرعة وهي بتبصله باحراج من كلامه وزين بيبصلها بابتسامة
زين : انا زين ابقي عم انس
ملك : تشرفنا وانا ملك ابقي مدرسة انس
زين : دا انا اللي عاوز حد يدرسلي من جديد
ملك باحراج : طب هدخل انا بقي وهفتح البوابة عشان تدخلوا
مشيت ملك بسرعة من قدامه وهو بيفكر فيها وفي رقتها
زين : اه ي ابن المحظوظة ي انس دي بتدرسلك دا انا مش منقول من هنا والله ما في حد هيجيبك كل يوم هنا غيري
انس : يلا ي عمو زين عشان ندخل
اخده زين ودخلوا لجوه وهو بيفكر في طريقة عشان يقدر يشوفها براحته
🥀🥀🥀🥀🥀🥀🥀🥀🥀🥀🥀🥀🥀🥀🥀
وصلت نسمة للقصر واول ما شافته انصدمت من كبره ومن جماله لقت حراس برة راحت نحيتهم
نسمة : مش دا بيت الست ثريا
الحارس : اه هو انتي عاوزة مين
نسمة : هما كانوا عاوزين شغالة وانا جاية عشان كدة
الحارس : اه طب اتفضلي هتلاقيها جوة
فتحوا لها البوابة وهي دخلت لجوة عشان تشوف هل هتقدر تشتغل في المكان دا واللا لا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من نظرة حب)
