رواية من نظرة حب الفصل الأول 1 بقلم الكاتبة الصغيرة

رواية من نظرة حب الجزء الأول

رواية من نظرة حب البارت الأول

رواية من نظرة حب الحلقة الأولى

_ ي ابني بقي انت مش ناوي تتجوز دا انت قربت تعنس
رد عليه بصدمة : اعنس انا هعنس دا انا عندي 26 سنة الدور والباقي عليك ي اخويا
_طب وفيها ايه ما انا لسة ملقتش نصيبي
= ي سلام يعني انا هعنس وانت لسة ملقتش نصيبك
_طبعا
= طب قوم من وشي احسنلك وروح شوف شغلك بدال ما اقوملك ووقتها مش هتنفع في حاجة بعد كدة
_ وعلي ايه الطيب احسن بس صحيح مدحت بتاع شركة الادوية هييجي النهاردة عشان الشحنة الجديدة
= يخربيت اليوم اللي صاحبتك فيه علي اليوم اللي شاركتك فيه الشغل غور يلا
_ ما تهدي كدة بس بقولك عجبتك السكرتيرة الجديدة دا زوقي
= اهو انت قولتها زوقك انت يبقي اكيد مش هيعجبني المهم فين الواد حمزة خلع النهاردة من الشغل وسابه فوق دماغنا
_ تلاقيه في المقابر انت ناسي ان النهاردة الذكري الثانوية لها
= نفسي انه ينسي دا عدي عليها 3 سنين لازم ينسي وميعملش في نفسه كدة لو مش علشانه يبقي عشان زين اللي محتاجه جمبه وخصوصا انه لسة صغير
_ احنا اتكلمنا معاه كتير وهو مش هيتغير فسيبه لحد ما يلاقي اللي قلبه يرتاح معاها
= انا عن نفسي لو اتجوزت لازم اتجوز وحدة هادية صوتها واطي كدة مبتعملش مشاكل
_ ودي مين دي ان شاء الله
🥀🥀🥀🥀🥀🥀🥀🥀🥀🥀🥀🥀🥀🥀🥀🥀
في مكان تاني خالص في حارة شعبية
كانت واقفة بتتشاكل مع الناس
_ بقولك ايه ي ولية منك ليها انتو هتتلموا والا المكم بنفسي
= جري ايه ي نسمة هو حد داسلك علي طرف
نسمة بشرشحة : ليه بتبلي عليكم والا بتبلي عليكم بقولك ايه انتي وهي انتو تتعدلوا معايا والا قسما بربي العزة لاكون دافناكم هنا اه دا انا وديكم البحر ورجعكم عطشانين
= خلاص ي نسمة حقك عليا انا وانتي ي ولية انتي وهي مالكم بيها انتو هتتجمعوا عليها
نسمة : وانتي مال اهلك بتتدخلي ليه
= دا انا معاكي ي نسمة وبساندك
نسمة : وبتسانديني ليه ان شاء الله مليش لسان اقدر ارد انا والا اكونش مبعرفش اتكلم لا ي اختي منك ليها دا انا اقدرلكم كلكم ولالف زيكم انا صحيح اهلي ماتوا بس خلفوا بنت بميت راجل
= طب معلش احنا اسفين اتفضلي روحي
نسمة : حارة عرة ربنا يتوب علي الواحد من شوفت اشكالكم
مشيت نسمة ودخلت بيتها اللي يبان عليه اد ايه حالتها وحشة ومع كدة مبتسمحش ان حد يقول عنها كلمة هي وبنت خالتها واللي عايشة معاها في نفس البيت
نسمة : بت ي ملك
طلعت ملك من المطبخ : في ايه ي بت….من شكلك يبقي اكيد كنتي بتتخانقي
نسمة : وانا اعملهم ايه هما اللي ناس مبيختشوش
ملك وهي بتحط الاكل علي السفرة المتهاكلة : تملوا ايه تاني
نسمة : هما مفكرين بما اننا بنتين عايشين لوحدهم يكلونا
ملك : انتي هتفضلي كدة ي نسمة انتي ليه عاملة في نفسك كدة انتي نسيتي انك بنت لسة في اول حياتها ولازم تتمتع بيها
نسمة وعيونها اتملت دموع : اتمتع منين ي ملك انتي اكتر وحدة عارفة ان انا بعمل كل دا عشانا عشان بحافظ علي عرضنا ومسمحش لحد انه يؤذينا
ملك حضنتها وبتهديها : اهدي ي حبيبتي انا مش متعودة عليكي كدة انا اعرفك وانتي بتشاكلي وانتي بتشرشحي لكن وانتي بتعيطي لا
نسمة : وانا اعمل ايه يعني انتي مش فاكرة ابراهيم اللي سابني عشان وحدة اغني والا علي اللي ضحك علينا
ملك : ي بنتي بيقولوا اعتزل ما يؤذيك
نسمة : ي سلام ياختي وانا اي يخليني اعتزل ما يؤذيني، مانا أؤذيه هو وأهله هو انا مكسحه ولا ايه
ضحكت ملك علي كلامها وقالت : ايوة كدة ارجعي نسمة اللي انا عارفاها
نسمة : بس انا لازم الاقي شغل تاني غير الشغل اللي انا سيبته
ملك : انا كدة كدة بشتغل
نسمة : وهو انا هخليكي تصرفي عليا ان شاء الله ما تتعدلي ي بت
ملك : طب قولي ي اختي هتشتغلي ايه
نسمة : كانت الولية ام زينات قالتلي ان في بيت ناس اكابر طالبين شغالة هشوفها كدة
ملك : شغالة ي نسمة اخرتها كدة
نسمة : وهي فيها ايه ي بت هي مش شغلانة زي اي شغلانة واهي علي الاقل شغلانة شريفة مش زي الشغلنات التانية اللي كانوا بيجيبوهالي
ملك : ربنا يخليكي ي نسمة
نسمة حضنتها وهي بتطبطب عليها وملك كانت بتفكر في اللي عملته نسمة لها من وقت ما كانت صغيرة هي اللي ربتها واشتغلت وصرفت عليها مع انها اكبر منها بسنتين بس ومكملتش تعليمها عشان هي تقدر تتعلم لحد ما هي كبرت وبقت مدرسة وبتشتغل مع كدة مش عاوزة ترتاح نسمة عندها 25 سنة بس هي اشتالت الهم من بدري
نسمة : بتفكر ي في ايه ي بت
مكة : لا ابدا مفيش يلا بقي نفطر وامشي عشان الحق شغلي
نسمة : يلا عشان انا كمان اروح لام زينات واستفسر عن الشغلانة دي
🥀🥀🥀🥀🥀🥀🥀🥀🥀🥀🥀🥀🥀🥀🥀🥀
في قصر كبير كانت شابة في العشرينات نايمة في اوضة بيضة يغلب عليها اللون الوردي دخلت الشغالة
الشغالة : مكة هانم مكة هانم قومي اتاخرتي عن الجامعة
اتكلمت بتافاف : سيبيني خمس دقايق بس ي دادا بدرية
بدرية : الساعة بقت تمانية اتاخرتي والست ثريا قالتلي متسيبيهاش غير لما تصحي
مكة : خلاص قايمة اهو قوليلها اني صحيت هو ابيه هنا واللا مشي
بدرية : لا الاستاذ مالك مشي الاستاذ زين جيه اخده وراحو الشركة من بدري
مكة : تمام تقدري تتفضلي انتي ي بدرية
طلعت وسابتها قامت اتوضت وادت فرضها وبعدها لبست دريس وردي وعليه طرحة بيضة وكوتش ابيض ونزلت
مكة : صباح الخير ي احلي ام في الدنيا
ثريا بضحك : اه ي بكاشة انتي اتاخرتي ليه النهاردة في الصحيان
مكة : ما انتي عارفة بقي فضلت صاحية اقرا فر الرواية ومرتحتش الا لما خلصتها
ثريا : والنبي ما انا عارفة ايه اخرتك مع الروايات اللي اخدت عقلك دي
مكة : ما انتي عارفة ي حبيبتي اني هفضل اقرا فيهم لحد ما الاقي اميري اللي هيجيلي علي حصانه الابيض
ثريا : وانتي ييجي دا هو اتاخر كدة ليه
مكة : ايه دا ي ماما انتي عاوزة تخلصي مني
ثريا : وهو انا اقدر علي بعادك ي بنتي
مكة : يلا بقي مع السلامة اصل انا اتاخرت علي الجامعة اوي
ثريا : ربنا معاكي ي بنتي