رواية من قال أنتي عانس الفصل العاشر 10 بقلم أسو أحمد
رواية من قال أنتي عانس الجزء العاشر
رواية من قال أنتي عانس البارت العاشر
رواية من قال أنتي عانس الحلقة العاشرة
مرت الايام بسرعه وجاء اليوم الموعود يوم قدوم العريس او ” تنفيذ الحكم ”
ساره
طب حطى روج حتى ياوعد ، هتقبليهم كده يعنى
بس يا ساره علشان انا على آخر بدل اقسم بالله اغير هدومى وشوفى مين بقي مايشوف عريس الندامه اللي جاي ده
كفايه انى سمعت كلامك وحطيت كحل ماتخلنيش اغير رايي، انا على آخر اساساً
ساره
وعلى ايه ادينى سكت خالص بس لما تيجى ماما ابقي قوليلها الكلام ده ، انا عملت اللي عليا اهو
وعد
اوووووف خلاص زهقنا من ام الجمله دى وكفايه اوى لحد كده واعملو حسابكم حتى لو قعدت معاه مرفوض اكيد ، فاهمه
ساره
طب لو ارتحتيلو وطلع شاب كويس وابن ناس ؟! ايه النظام سعتها
وعد
قراري عمره ماهيتغير يا ساره لان مش مسالة ارتاح او لا دى مسألة انه مش اد المسؤوليه.
تنهدت وقالت وهى تعلم ردت الفعل التى سوف تلقها بعد جملتها..
حتى لو ارتحت يا ساره عمري ماكنت هبقي سعيده معاه حتى لو فرشلي الأرض بدل الورد دهب فى الاخر اهلو إللى هيعيشوه ويهيشونى انا كمان ، انا مش عايزه بعد الجواز اكون انسانه تعيسه علشان كلام الناس
كلامهم عمره ما هيضحكنى او يفرحنى لما اكون مع راجل يعيشنى مزلوله زي..
ساره بالم
سكتى ليه ياوعد ماتكملى
زيي صح ؟؟
انتى اكتر واحده عارفه اللي مريت بيه واكتر واحد حاسه بيا وعارفه يعنى ايه كلام الناس بيوجع واللي بيوجع اكتر انك لا لاقيه مكان تستخبي فيه ، نزلت دموع هاربه من مقلتيها لتضيف تعرفي انا ساعات كتير اوى بفكر فى الانتحار بس اسيب بنتى لمين ل جوزى اللي مش طايقها ولا طايقنى علشان جات بنت وهو كان نفسه فى ولد ولا لامى علشان يكون مصيرها زيي..
ساعات بفكر اخد بنتى معايا ونهرب في اي مكان بعيد عن ماما وبابا وجوزى وحماتى اي مكان بس المهم يكون بعيد عنهم بس ارجع واحط غلبي فى بطنى واقعد علشان مافيش ماكن لينا ولا حتى معايا فلوس اجيب شقه حتى لو اوضه وحمام اهى تتوينا وخلاص ارحم من الذل ده بس منين انا دهبي كله خده محمد منه لله خدهم يسد بيهم ديونه..
الله يسامحك ياماما لا اتجوزت جوازه عدله ولا لاقيه مكان اروح فيه انا وبنتى ، حتى دراستى حرمتني منها كان زمانى شغاله دلوقتى بيها ومعايا قرش اتسند بيه ، ربنا يسامحها على المر اللي عايشه فيه ده
وعد
ساره انا اسفه ماقصدش والله انا بس فى ساعة غضب ماحستش بنفسي ولا دريانه باللى بقوله ، اسفه سامحينى معدتش هعمل كده تانى
ماتزعليش منى
حضنتها وعد بشده وهي تعتذر لها عن زلت لسانها لتسامحها ساره وتنصحها بأن تعيد نظرها للموضوع مره اخره لعله يكن خير لها..
وصل العريس المنتظر اخيرا بعربيه آخر موديل بمجرد أن هبط منها لترتفع الهمسات التى تطل من الشبابيك والبلكونات يحسدونها عليه ..
شوف ياختى البايره جايلها واحد آخر شياكه ازاى مش زي بنتى الخايبه
اخري
تعالى ياماما بسرعه شوفي عريس وعد نازل من حتت عربيه آخر موديل انما ايه ، تجنن
لا وهو يهبل ياماما
اخري
شوف يختى داخل عليهم بورد وجاتو وشكولاته من الغاليه ازاى ، إلا ما كلب من جواز بناتى دخل بيهم
اخري
ادى العرسان إللى تشرح القلب ولا بلاش
اخري
روحى يابت ظبطى نفسك هو كده كده هيطفش زي اللي قبليه خليه يشوف الجمال اللي عندك ده ويجيلك
يارب ياماما يارب ، ده لو جالى هطير من الفرحه وربنا
ده ممكن يغما عليا اوى يحصلي حاجه
يارب يابنتى يبقي من حدك ونصيبك يااااارب
فى الصالون
الاب
روحى ياحجه شوفي وعد اتأخرت ليه
الام
حاضر ياحج
خرجت الام بسرعه لتصل إلى غرفت ابنتها لتقول فى لهفه
الام
حتت واد انما ايه سكر والله يابت ياوعد ، أدب ايه وأخلاق ايه
يارب يبقي من حدك ونصيبك ياوعد يابنتى
يلا كملى مكياجك علشان ابوكى بيستعجلك وهما عايزين يمشوا بقالهم كتير مستنينك بره
وعد
انا خلصت من بدري ، اهو جايه واركى اهو
الام
جهزتى فين ده وشك زي ماهو ، اللي مافيه حتت احمر او بودره هتدخلي تشوفيهم كده ، خليهم يطفشو أن مكنوش هيطفشو يعنى
ساره
شوفتى ، انا قولت كده برضه بس مارضيتش
وعد
هو ده اللي عندى لو مش عاجبكم بلاها خالص
الام بغضب مكتوم
تعالى ياختى ابوكى مستنيكى
ذهبت وعد لهم وسلم عليهم كلهم ، ودار حوار بين ام العريس والأب والأم لتضيف
ام العريس
استاذنك يا ابو وعد وعد تقعد هى وطارق فى جنب بعض يتعرفو على بعض
نظرت وعد إلى ابيها لكى يرفض ولكن امها اجابت بسرعه
وايه يعنى ، روحى يا وعد يابنتى اقعدى جنب طارق اتعرفو على بعض شويه
نهضت وعد وهى تثب وتلعن على هذا الطارق وامه وجلست فى خجل من نظراته الجريئه إليها
طارق
اهلا
وعد وهى ناكسه رأسها للأسفل فى خجل وصوت خافض
اهلا
طارق
اسمك وعد صح
وعد فى داخلها
ايه العبط ده ما قالو اسمى ميت مره هو أطرش ولا ايه
اكتفت بهز رأسها
ليكمل طارق
وانا طارق ياستى ومخلص دبلوم صنايع وانتى
وعد
كليه هندسه وبحضر الماجستير بس فى ظروف منعتنى اكمل
طارق
نبقي تكملى بعد الجواز مافيش مشكله
صلي استخاره وخير أن شاء الله
وعد
أن شاء الله
الام
ده طارق عنده شقه متشطبه من مجميعو وفرشها على زوقه تجنن هنستناكم تشوفوها وتقولو رايكم ايه
طارق
ولو عايزه وعد تغير حاجه انا تحت أمرها طبعا ، وان شاء الله يجي الحج من السفر ولينا قاعده تانى معاكم قالها وهو ينظر إلى وعد مبتسم ولا ايه رايك
ابتسم وعد مجامله لهو
يجى بالسلامه
وعد
ممكن تطفي السجاره بتعب من ريحت الدخان
طارق
اه تمام ، اطفئها ليضيف بس بعد كده خدى لازم تتعودى علشان مابعرفش اعيش من غيرها
وعد بداخلها
مستفز اوى ، مين قال اصلا انى هوافق على واحد مستهتر زيك لا وكمان محشش
أستغفر الله العظيم ياربي
نهضت لتقول
طب بعد ازنكم لتنظر إلى ابيها بأن يخرج خلفها وهى على اخرها وسوف تنفجر من كثرة الغضب
الاب
طب بعد ازنكم يا جماعه، البيت بيتكم
طارق
تسلم يا عمى
الاب بعد خروجه
خير ياوعد
ايه رايك فى طارق شاب محترم وكويس وابن ناس ، ادخل اقولهم موافقه ولا ايه
خرجت الام لتقول بسرعه
ادخل انت ياجح وانا هشوف رايها ، حريم زي بعض اكيد هتتكسف تقولك
الاب
حاضر
لتقول وعد بغضب وقليل من العصبيه
…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من قال أنتي عانس)
