رواية مملكة دانيال الفصل الثالث 3 بقلم عمرو راشد
رواية مملكة دانيال الجزء الثالث
رواية مملكة دانيال البارت الثالث
رواية مملكة دانيال الحلقة الثالثة
حضرتك جاي عايز ايه
= انا جاي اطلب ايد الانسة داليا
الانسة داليا!! ، انت جاي تطلب ايد مراتي!
= على حد علمي انك مكتبتش الكتاب اصلا ، يعني داليا لسة مش مراتك
” كان بيتكلم ببرود شديد كأنه قاصد يستفزني ، كنت بحاول ادقق في ملامحه كلها عشان الاقي العلامة ، اللي لاحظته ان ملامحه غريبة ، مش طبيعية ، مش ملامح انسان طبيعي ، فوقت على صوت داليا وهي بتقول
عايز ايه يا حسن ، احنا اللي بينا انتهى ومن فضلك متدخلش في حياتي سيبني في حالي لو سمحت
= يا داليا انا بحبك ، صدقيني كل اللي حصل دا مقصود و اساسا مين دا ، أنتي عايزة تنهي علاقتنا بالسرعة دي
زي ما انت روحت و اتجوزت وخلفت كمان
” كنت نسيت ان في طرف تالت معانا ، بس هو قام من مكانه عشان يفكرني انه موجود
هو انت عايز ايه ، هو بالعافية ماهي قالتلك خلاص مش عايزاك ، سيبها بقا
= وانت مالك ، ايه دخلك بيني وبين مراتي
انت لسة مصدق انها مراتك بس معذور ، بكرا هنتجوز انا و داليا وساعتها هتفوق من الصدمة دي بس على صدمة اكبر
= طب بص بقا ، انت هتخرج من الباب دا حالا وتمشي ومشوفش وشك تاني فاهم
ولو معملتش كدا ، هتعمل ايه يعني
” فقدت أعصابي ومسكت فيه
بقولك ايه ، امشي من هنا احسنلك عشان اكتر من كدا ومش هكون عارف انا بعمل ايه
” فجأه وشه قلب أحمر ، أحمر بطريقة غريبة وتخوف كأن في نار هتطلع منه ، عنيه مليانة شر وغضب كبير ، شدني بكل قوته وقال
لسة اللي بينا مخلصش يا جلال
” قالي كدا ومشي ، بصراحة كنت خايف منه ومن شكله ، باين ان الموضوع مش هيعدي على خير ، انتبهت على صوت داليا
مرتاح كدا
= مفيش وقت اشرحلك يا داليا ، الموضوع كبير أوي ، المهم لو الشخص دا ظهرلك تاني اوعي تتكلمي معاه ولا تقابليه عشان خاطري اسمعي كلامي ، الشخص دا عايز يأذيكي
وانت عرفت منين
= بعدين ، بعدين هبقا احكيلك كل حاجة
” مشيت ، كان لازم ارجع البيت بسرعة ، في حاجات كتير محتاج حد يجاوبني عليها ، ومفيش غير واحدة بس هي اللي هتجاوبني ، ماجيدة ، روحت البيت ، دخلت زي المجنون بنادي عليها في كل مكان
ماجيدة ، ماجيدة
أنتي فين
ماجيدة لو سمحتي عايز اتكلم معاكي
#بقلم : #عمرو راشد
” انا بكلم الهوا ، انا بقيت حاسس اني فعلا اتجننت ، بكلم واحدة انا مش عارف هي بشر ولا جن ولا نوعها ايه اصلا
بني ادمة عادية
” الصوت كان جاي من ورايا ، وواضح ان صوتي كان عالي عشان كدا هي سمعتني
أنتي كنتي فين
= انا معاك علطول يا جلال بس مش بملك القدرة اني اظهرلك لفترات طويلة
انا قابلت عزيز
= عارفة
عارفة منين
= مانا قولتلك قبل كدا اني معاك في كل مكان ومش لازم تكون شايفني
هو عايز يأذيني صح
= صح
وهيستفاد ايه من دا
= انك مترجعش المملكة وبكدا هو اللي هيكون الملك بعد ابوك
انا لاحظت حاجة النهاردة ، وشه فجأه كان أحمر ، دا معناه ايه
= الخاتم اللي انا سيبته دا بتاعك يا جلال ، كان لازم تلبسه ، ليه بقا ، لان عزيز نقطة ضعفه المعدن ، وانت بتتخانق معاه الخاتم بتاعك لمسه ف عشان كدا كان غضبان بالشكل دا
طب وايه اللي هيحصل بعد كدا
= لازم ترجع معايا في اسرع وقت ، وجودك هنا خطر
ارجع فين ، واسيب اهلي و داليا ازاي ، اكيد هيأذيهم
= لو رجعت معايا مش هيقربلهم تاني ، لكن طول ما انت موجود هنا ، هيلف عليهم واحد واحد لحد ما يوصلك وساعتها معرفش ممكن يعمل فيك ايه
برضو لا ، انا مش همشي من هنا
= براحتك يا جلال ، بس افتكر كلامي وجودك هنا خطر عليك وعلى الناس اللي بتحبهم
والمفروض اعمل ايه عشان احميهم
= ترجع معايا للمملكة ، ترجع تاني للامير جلال وتنسا حسن نهائي
و لو قولت مش هقدر
= زي ما تحب بس انا مش هقدر اظهرلك كتير بعد كدا ، يعني ممكن اختفي ومرجعش تاني ، فكر كويس ، انا همشي دلوقتي ، وقتي انتهى
خلي بالك من داليا يا جلال ، داليا مش هي داليا ، خلي بالك منها ، مش داليا يا جلال ، مش داليا
” قالت الجملة واختفت ، وفي نفس اللحظة سمعت صوت جرس الباب ، روحت افتح ، كانت داليا ، استغربت لاني لسة كنت معاها ومعتقدش انها ممكن تفكر تجيلي تاني
مالك يا داليا ، أنتي كويسة
= عايزة اتكلم معاك يا حسن
طب اتفضلي
” دخلنا ، قعدت وعدا دقيقة والتانية والتالتة والرابعة ، مفيش كلام ، استغربت أكتر ، حبيت انهي حالة السكوت دي وقولت
تحبي تشربي حاجة
” حركت رأسها ب الموافقة ، قومت عشان اعمل أي حاجة نشربها وانا كل اللي في دماغي كلام ماجيدة ، تقصد ايه باللي قالته ، مفكرتش كتير لإني خلاص جهزت العصير وطالع ل داليا ، خرجت من المطبخ بس المشكلة اني ملقتش داليا ، بدأت انادي عليها
داليا ، داليا أنتي فين
” ماشي بدور عليها ، اختفت خالص من الشقة ، بس وانا بدور في الشقة حصل الاغرب ، النور قطع!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة دانيال)
تعليق واحد