رواية مملكة الطوبجي الفصل الثالث 3 بقلم أميرة أسامة
رواية مملكة الطوبجي الجزء الثالث
رواية مملكة الطوبجي البارت الثالث
رواية مملكة الطوبجي الحلقة الثالثة
بعد يوم شاق ومتعب رجع الشباب
كلهم الى القصر.
سالم….مساء الفل على أحلى روح في الدنيا.
روح…مساء السكر على أحلى بكاش في الدنيا.
سالم….والله ما بكش انتي مش عارفه أنك أحلى ست في الدنيا.
روح…بحب أنا حلوه عشان انتوا حواليا يا حبيبي.
قاسم….بحب باس راسها اخبارك ايه يا حبيبتي.
روح….بأبتسامه حب بخير طول ما انت و اخواتك بخير يا أبن قلبي.♥️
قرب باقي ولادها سلموا عليها بحب.
و قرب قاسم من زهره باسها من خدها وحضن جنه.
جنه…وحشتني أوي يا بابي اتأخرتوا ليه انهارده.
قاسم…اتأخرنا ايه بس دي الساعه لسه 8 كويس اننا خلصنا بسرعه كان في شغل كتير.
جنه….بردو إتأخرت🤨 ده جدو راجع من ساعتين.
قاسم….يبقى إتأخرت وعندي انا التأخير ده يا حبيبه بابي
زهره….حمد الله على سلامتك وكملت بصوت هامس وحشتني♥️
قاسم…بحب انتي وحشتيني اكتر قولولي بقى عاملين أكل ايه انا واقع من الجوع.
ياسين….اه والنبي يا روح انا كمان مش قادر.
روح….اطلعوا طيب غيروا هدومكم يكون الاكل خلص.
يوسف …اكل أيه يا طفس انت أحنا مش أتفقنا نرجع نغير وبعدين نروح نسهر.
ياسين…يا عم اي تصبيره بس جعان.
روح…أيه ده انتوا خارجين؟
سالم….أه يا حبيبتي هنسهر بره انهارده هريحك من العيال دي عشان يخلالك الجو مع الباشا يا قمر.
روح…بأبتسامه اتربى يا ولد وبعدين مين قالك اني عايزه أرتاح منكم انا مببقاش مبسوطه غير وانتوا حواليا متجمعين
يوسف….معلش بقى سماح يا روح
روح…امممم ماشي يا سيدي مين بقى اللي خارج.
سالم….انا ويوسف وياسين وامير وجلال ونادر طبعاً قاسم وأيمن دول المحترمين اللي دخلوا القفص برجلهم وداوود مش راضي يجي معانا.
داوود…ملكش دعوه بداوود انا خلصان مليش في خروجاتكم دي يا صيع🤨
زهره….بضحك طيب يارب يا سي سالم أشوفك انت وهما داخلين القفص برجلكم و بتقولوا ياريت اللي جري ما كان.
سالم…اعوذ بالله.
نادر…بضحك مين ده احنا 😂
ياسين….والله أك.سر القفص من الوقت.😏
يوسف….هو في أحلى من العذوبيه جواز أيه و بتاع ايه انا عارف عملوا في نفسهم كده ليه.
زهره….وماله الجواز يا سي يوسف انت كمان.🤨
قاسم…بضحك سيبك منه يا قلبي بكره لما يقع وقلبه يطب ويلاقي حد زيك يقول ياريتني اتجوزت من زمان هو وباقي الصيع على رأي داوود.
يوسف…طيب انا موافق هاتيلي عروسه زيك يا زهره وانا هوافق وبعدين هو احنا نقدر نستغني عنك طيب دي الحسنه الوحيده اللي قاسم عملها انه اتجوزك و جابلنا اخت قمر زيك.
زهره….بأبتسامه ضحك عليا بكلمتين😂😂
روح….أفضلو ناقروا في بعض كده يعني من الاخر كده هتتعشوا بره.
قاسم….انا قاعد معاكي يا حبيبتي
داوود….وانا كمان مش خارج.
أيمن….ولا انا يا حبيبتي
روح….طيب وانت يا حبيبي خارج مع الفشله دول ولا قاعد.
زيد…بأبتسامه انا لا خارج مع الفشله دول ولا قاعد معلش يا حبيبتي انا هقابل منذر بعد شويه اتفق معايا اننا نتقابل عشان مشفتهوش من ساعت ما سافرت
نادر….ياعم ما تكبر لمنذر انهارده واخرج معانا.
زيد….اخرج معاكم فين يالا 🤨 مليش انا في خروجاتكم دي.
سالم….سيبك منه هو اللي خسران يلا انا طالع اخد شاور و هلبس انجزوا.
روح….ياسين راجح قاللي ان ملك جات عملت معاها أيه.
ياسين….يعني قالك يا روح انها جات ومقالكيش عملت ايه
روح….عايزه اسمع منك عشان بصراحه بقلق منك شويه
ياسين…..لا ياستي اطمني عملت معاها الأنترڤيو و هتستلم الشغل من بكره.
روح….ماشي يا حبيبي ربنا ما يحرمني منك بصراحه كنت خا.يفه تكسفني.
ياسين…بحب ما عاش ولا كان اللي يكسف روح هانم أطمني يا حبيبتي.
روح….ربنا يخليك ليا♥️
طلعوا عشان يغيروا كلهم وراء سالم
قربت روح من زيد واتكلمت معاه بصوت واطي
روح….زيد يا حبيبي مقابلتك لمنذر دي بخصوص فيروز بصراحه انا مش عيزاك تتكلم معاه في حاجه يا حبيبي انت عارف منذر حقاني وممكن يروح يتعصب على حسام ولا على مامته وتبقى مشكله خليهم يحلوا مشاكلهم لوحدهم يا حبيبي انا فهمت فيروز تعمل ايه.
زيد…..اطمني يا روح انا هقابل منذر عشان اقعد معاه فعلاً بس بردو لازم تعرفي لو سمعت ان فيروز اشتكت تاني من الست دي مش هسكت.
روح….ماشي يا حبيبي بس وحياتي عندك بلاش تتكلم المرادي .
زيد….حاضر يا حبيبتي متقلقيش
انا هطلع بقي عشان اخد شاور و أغير بسرعه عشان متأخرش عليه
روح …يلا يا حبيبي أطلع♥️
………….
في عربيه منذر..
خد منذر فيروز وركبها العربيه و أتحرك من الڤيلا.
كانت قاعده جمبه دموعها نازله في صمت.
منذر….بهدوء فيروز تحبي نروح نقعد في مكان ولا حابه نلف بالعربيه شويه لحد ما تهدى
فيروز….لا مش عايزه يا منذر من فضلك وديني عند بابي🥺
منذر….لأ يا فيروز مش هوديكي ومش هتسيبي بيتك
فيروز….بس ده مش بيتي وانا مش عايزه أرجع تاني
منذر…مينفعش يا فيروز انا خدتك وخرجت بيكي عشان انا عارف ان بعد اللي حصل ده أكيد محتاجه تهدى شويه بس بيتك مش هتسيبيه يا فيروز
فيروز….بدموع عشان خاطري يا منذر وديني لبابى و مامي انا لو رجعت هيجرالى حاجه بجد وجودي في البيت ده بقى يخن.قني
مش عارفه أحس انه بيتي أصلاً أنا حاسه اني شخص مش مرغوب فيه.
منذر…مين اللي قال كده يا فيروز ده بيتك ومكانك وحسام بيحبك
فيروز….كنت فاكره انه بيحبنى بس للأسف شكلى كنت بضحك على نفسي أنا بجد تعبت اوي جوايا كلام كتير حاسه انه كاتم نفسي نفسي اطلعه بس مش عارفه كل مره باجي على نفسي و أسكت عشانه لأني عارفه أني لو أتكلمت بابي وأخواتي مش هيخلوني على ذمته دقيقه واحده وهو مش مقدر ده وجودي في البيت ده يا منذر كل يوم بيخلينى أخسر نفسي.💔🥺
منذر….طيب ممكن تهدي شويه عشان خاطري وتبطلى عياط بصي بقى أنا مكلتش حاجه من الصبح وانا بشتغل في الشركه وانتي كمان أكيد مكلتيش و كنتى مستنيه نرجع وناكل سوا كلنا
أنا هَوديكى مكان هَيعجبك اوي بيعمل أكل تحفه و بعد ما تَاكلى اتكلمى يا فيروز وقولي كل اللي جواكي وانا هسمعك
فيروز…..معلش يا منذر انا مليش نفس خالص بجد.
منذر….بس أنا جعان و مبعرفش أكل لوحدي يرضيكي يعني بعد تعب اليوم ده ده كله ما كلش حاجه🤨
فيروز….بس انا..
منذر…مفيش بس هناكل سوا وهنتكلم كمان ماشي
فيروز….حاضر
………..
في قصر الطوبجى.
جهز الأكل و أترص على السفره الكبيره دقايق كان نازل راجح وداوود وبعدهم نزل قاسم وزهره وجنه وفرح و وراهم صبا وأيمن.
قعدوا كلهم وبدأوا أكل في الوقت ده نزل الشباب وهما لابسين ومستعدين للخروج.
روح….خلاص ماشيين
سالم….ماتيجي معانا ياروح طب والله هسهرك حتت سهره تحلفي بيها.
نادر….اه ياروح طب والله لو جربتي سهره واحده معانا ما هتسهري غير معانا
راجح….🤨 يلا ياصايع منك ليه خدوا بعض واتكلوا على الله ملكوش دعوه بروح
ضحكوا كلهم على غيره راجح
ياسين…..وفيها أيه يا باشا بس
راجح….قولت يلا يا صايع منك ليه مبقاش غيركم اللي تسهر معاهم روح.
يوسف….بضحك الله وفيها ايه بس ياراجح باشا وبعدين أحنا مالنا مش فاهم ده احنا ولاد الطوبجي يعني باشوات مصر
راجح….لا وأنت الصادق صيع مصر
داوود….بضحك مش هترتاحوا غير لو قام دور فيكم الضر.ب.
راجح….هما حرين هيجيبوا لنفسهم اسمع يا صايع منك ليه تخرجوا تسهروا تعملوا اللي انتوا عايزينه لكن لحد روح وتعملوا فرمله.
نادر…..امو.ت انا في الحب ده.
جلال…بضحك قومي ياروح تعالي معانا ده مش عارف مصلحتك😂
روح…بضحك والله مش هترتاحو غير لو عمل فيكم زي ما داوود قال ومش هحوشه عنكم.
سالم…بقى كده يا روح الحق علينا يعني عايزين نبسطك.
فرح….طيب ماتخليكوا حلوين وابسطوني انا وخدوني معاكم😭
سالم….كان نفسي والله يا فروحه بس خروجتنا دي متنفعش معاكي انتي لسه صغيره😂😂
راجح…..فرح مينفعش وروح تنفع صح والله وعرفت تربي يا راجح يا طوبجي🤨
يوسف…هنرجعهالك عامله دماغ عاليه وهيعود عليك يا باشا الحق علينا عاملين على مصلحتك😉
راجح…عامله دماغ عايز أمك تعمل دماغ وعموما لا يا خويا وفر جمايلك لروحك انت والصيع اللي معاك واتكلوا على الله يلا.
ياسين….طب مفيش اي تصبيره كده من الاكل الحلو ده.
روح…تعالى يا حبيبي اعملك طبق
راجح….تعملي لمين طبق يا روح يلا يالا أنت وهو مفيش أكل
ياسين…بضحك اهون عليك يا باشا اخرج جعان
راجح …اه عشان تبقوا تقلوا ادبكم خدهم من قدامي يا زيد
زيد…بضحك انا مش فاهم أنت ساكتلهم ليه يا باشا انا لو منك اقوم بالحزام وأحلف عليهم ما يخرجوا.
قاسم…بضحك ماهو لو قلب عليهم انت كمان مش هتخرج
زيد….انا مالي انا رايح لمنذر الدور والباقي على شله الأنس
سالم…الله ما تخليك محضر خير
زيد…بقول ايه يا باشا أعمل حسابك أن بوظان جلال هيبقى على ايدهم ان شاء الله
جلال…الله ليه كده يا زيزو بس ده انا حبيبك بقول أيه انا هسبقكم على بره
امير….خدني معاك أحسن يفتكروني
زيد….لا انت كده كده بايظ أن مكانش من ولاد عمك يبقى من ابوك🤨
أيمن….بضحك ربنا ما يحكم عليك ظالم يا زيد😂
زيد….نعم يا سي ايمن انت كمان في حاجه
أيمن…ياعم انا نطقت😂
زيد….بحسب🤨
قاسم…بضحك والله سعات بحس ان زيد هو اخوكم الكبير وبتخافوا منه اكتر مني.
سالم…بضحك طب ده قلبه جاحد انما انت الحنيه كلها وبعدين السهر والقاعده الحلوه دي بتاعتك انت فاكر زمان كنت خاربها
زهره….نهار مش فايت مين ده اللي كان خاربها.😠
قاسم…الله يخربيتك يا سالم الكلب 😂😂
داوود…اهو وداك في داهيه
زيد…احسن عشان يبقى ياخد صفهم اوي😒 بقولك ايه يا زهره خلي بالك من جوزك شكله حن لأيام زمان
قاسم….يلا يا زيد اتكل على الله
زهره….بضحك انا بقول تمشي يا زيد عشان هنقوم نمسك في بعض كلنا بسببك😂😂
زيد…بضحك لا وعلى أيه انا ماشي يلا سلام يا باشا سلام يا روح.
سالم… يلا احنا كمان سلام داوود مش هتغير رأيك.
داوود….لا يا سيدي شكراً😂😂
في الخارج..
جلال….يا لهوي زيد خارج خبيني😂😂
أمير….ياعم مش لما أخبي نفسي.
زيد…😒😒 أفضلوا داروا في نفسكم كأني مش شايفكم
جلال….الله ما تفك يا زيزو بقى😂😂
زيد….تقعوا تحت أيدي انتوا الاتنين بس مش هرحمكم😒
جلال….أطمن حتى لو وقعنا هتلاقينا صاغ سليم تربيتك يا زيزو
زيد….تربيه زباله😠
وقف امير وجلال يضحكوا وراح زيد ركب العربيه و أتحرك قدامهم
ووراه عربيه الجارد الخاصه بيه
وثواني كان خرج الشباب وراه و وراهم الجارد بتوعهم
…………
عند منذر وفيروز بدأ الويتر ينزل الاكل.
فيروز كانت باصه جمبها وسرحانه
وعيونها كلها دموع.
منذر…يلا يا فيروز كلي
فيروز….بحزن مش قادره يا منذر صدقني
منذر…عشان خاطري كلي حاجه بسيطه طيب مش هضغط عليكي والله.
هزت فيروز راسها بحزن مسكت في ايدها الشوكه وبدأت تاكل حجات بسيطه
اما منذر فا بدأ ياكل هو كمان وعينه عليها مرت عليهم دقايق في صمت لمح منذر دموع فيروز بتنزل بهدوء
ساب منذر من ايده الشوكه والسك.ينه وبصلها
منذر….فيروز تحبي نقوم من هنا
فيروز…🥺 ياريت يا منذر
أبتسم منذر ليها بهدوء وطلب الحساب و دقايق كان خرج بيها من المكان وركبوا العربيه
مشي منذر بيها شويه ووقف العربيه في مكان هادئ نوعاً ما قدام النيل.
منذر….تحبي ننزل شويه
هزت فيروز راسها ونزلت معاه راحوا قعدوا على مقعد خشب قدام النيل.
فضلت فيروز ساكته و باصه للنيل
طلع منذر سيجاره ولعها وخد نفس وبصلها بحزن.
رن تليفونه في الوقت ده كان زيد.
منذر…أووووف ده زيد أخوكى كنت متفق معاه نتقابل ونسيت خالص .
فتح منذر الخط….ألووو
زيد….أيوه يا منذر انت فين
منذر….حقك عليا يا صاحبي جالي مكالمه شغل ضروريه و نسيت أكلمك خالص حقك عليا.
زيد….اللي واخد عقلك
منذر…بأبتسامه ديماً ظالمني كده
زيد….وانا اللي فضلت أقول للعيال مش هسهر معاكم و هروح لمنذر و سمعتهم شويه كلام عن الالتزام والاحترام تخلي بيا
منذر…بضحك أمسحها فيا انا يا صاحبي وبعدين كان لازم تتسحب من لسانك كنت قدمت السبت
😂😂😂
زيد….لا بقى فيها سبت ولا حد خلاص
منذر….خلاص روحلهم شويه أسهر معاهم وخلاص ولو خلصت بدري هعدي عليكم
زيد…بضحك انا لو روحتلهم هيطلعوني عالمسرح والحفله هتبقى عليا
منذر….بضحك أبقى أعمل نفسك من بنها😂😂
زيد…..شكلي كده 😂😂 خلاص ابقى شوف فاضي امته عشان أشوفك
منذر…خلاص هظبط وأقولك عشان انت واحشني اوي
زيد…انت كمان واحشني وعايز اتكلم معاك كتير اوي
منذر…وانا كمان محتاجك يا صاحبي عموما هظبط وأقولك
زيد…خلاص هستناك.
منذر…ان شاء الله سلملي على الشباب.
زيد…بضحك ده لو أدونى فرصه أتكلم 😂😂
منذر….بضحك في دي عندك حق أنت انهارده هيتحفل عليك
زيد….ماشي يا سيدي هسيبك تشوف شغلك
منذر…ماشي يا صاحبي يلا سلام
زيد…سلام.
قفل منذر مع زيد وبص لفيروز
وهو مبتسم نسيت اخوكي خالص
فيروز….انا اسفه يا منذر بوظتلك اليوم بتاعك.
منذر….بأبتسامه ياستي بوظي اللي أنتي عيزاه وبعدين ده زيد مش غريب يعني.
سكتت فيروز والحزن باين على ملامحها كأنها مطفيه و شايفها بتحاول تسيطر على دموعها🥺
منذر…أتكلمي يا فيروز قولي كل اللي جواكي وانا سامعك أتكلمي عشان ترتاحي.
فضلت فيروز باصه على النيل ودموعها نازله.
فيروز….لما أتجوزت أنا وحسام كنت طايره من الفرحه كنت شايفه أن أحلى حاجه في الدنيا أنك ترتبط بالشخص اللي حبيته
كنت شايفه ان نهايه أي علاقه سعيده لازم تنتهي بالجواز بس مكنتش عارفه ان الجواز هو نهايه كل حاجه حلوه 💔
منذر…ليه بتقولي كده يا فيروز
بصتله فيروز وهي دموعها بتنزل بغزاره عشان من يوم ما اتجوزت أخوك يا منذر وانا أخر ساعدتي معاه كانت مدتها شهر واحد بعد الجواز وبعد الشهر ده كل حاجه أتغيرت حياتي أتقلبت حرفياً كل حاجه حلوه كنت عايشه فيها أتحولت لج.حيم وعذ.اب مامتك من بعد أول شهر وهي مفيش حاجه في حياتها غير موضوع الحمل بعد ما كنت متفقه انا وحسام أننا نأجل الخطوه دي على الأقل سنتين إتفاجئت ان مامتك مش ساكته و إتفاجئت أكتر بحسام اللي غير أتفاقه معايا وبقى كل همه يرضي مامته وبس سكت وقولت مش مهم و صدقني عملت كل حاجه اقدر عليها عشان أحمل و روحت لدكاتره كتير كلهم قالوا اننا كويسين ونقدر نجيب بيبي بس المسأله مسأله وقت ومع ذلك كانت بتعاملني أسوأ معامله ولما ربنا كرمني وحملت كنت مبسوطه حتى هي طريقتها أتغيرت معايا جداً فرحت وقتها وقولت أخيراً الدنيا هترجع زي ما كانت قبل الجواز بس فرحتي دي مكملتش أسبوعين بالظبط والحمل نزل وبعدها شوفت أسوأ فتره عشتها في حياتي مامتك حولت حياتي لج.حيم حسام د.مرني نفسياً من كتر ما كان بيجي عليا مامتك مكانتش بتسيب لحظه غير لما تسمعني كلام وأسلوب و معامله محدش يقدر يتحملها بتتعمد تهينني قدام طنط كاميليا وسما كل ما يجوا وانا بسكت وبعدي كل مره كنت بتمني ان حسام يقف معايا يحميني من كلامها اللي بيو.جع
لكن كان بيجي عليا قدامهم زي ما شوفت انهارده مفيش حد في البيت ده بيقف معايا غيرك يا منذر أي ست في الدنيا بتتمني ان الراجل اللي بتحبه و متجوزاه يكون هو أمانها و سندها يكون بيحافظ على كرامتها و ميتحملش عليها أي كلمه تجر.حها بس حسام مش كده يا منذر حسام أهم حاجه عنده هي مامته وبس كل مره يحصل بينا مشكله حظي بيخليه يسمعني انا وانا بدافع عن نفسي بس عارف يا منذر حتى لو حسام سمع كلامها بودنه هيقف معاها بردوا زي ما عمل انهارده ده مقدرش يوقف سما عند حدها هي وطنط كاميليا مع انه سمعها بنفسه بتكلمني أزاي محدش دافع عني غيرك عارف يا منذر كل مره بقرر فيها اني همشي ومش هرجع البيت ده تاني وحسام بيحس اني مصممه بيرجع تاني حسام اللى كنت اعرفه بحس إنه متمسك بيا بجد ومش قادر يتحمل فكره إنى أبعد عنه عارفه إن حسام بيحبنى
بس للأسف حبه بالنسبالى مش حب كامل الحب عمره ما كان بطريقه حسام أنا تعبت يا منذر بجد تعبت أوى من كل حاجه حاسه ان حياتى إتحولت لكا.بوس مر.عب مش قادره أصحى منه🥺
أنهارت فيروز في اللحظه دي
ومحسش منذر بنفسه وهو بياخدها في حضنه💔
فضلت فيروز تعيط كتير وهو مش لاقى حاجه يقولها
سابها لحد ما هديت خالص سحبت نفسها بهدوء من حضنه
مسحت دموعها بهدوء و بصت قدامها وفضلوا ساكتين شويه
بصتله فيروز…شكراً يا منذر
منذر….على أيه يا فيروز.
فيروز….على كل حاجه على وقفتك جمبي على دفاعك عني ديماً و وقوفك قدام حسام و طنط كاريمان عشان خاطري على وجودك اللي مخليني لسه موجوده في البيت ده
منذر…متشكرنيش يا فيروز انتي غاليه عندي اوي وطول ما أنا موجود محدش يقدر يجي جمبك
ابتسمت فيروز…ربنا يخليك ليا يا منذر انت كمان غالي عندي اوي وبعيد يعني عن انك اخو حسام فا انا بعتبرك اخويا ليه حق زيد يحبك كل الحب ده.
بصلها منذر بحزن وو.جع💔 وأبتسم إبتسامه بسيطه وخد نفس طويل
منذر….عموما يا فيروز لازم تعرفي اني هفضل جمبك مهما حصل ولو على حسام سيبيه عليا أنا و أنا هعرف أتكلم معاه حسام بيحبك يا فيروز وانتي عارفه كده كويس كمان انا عارف ان أمي مأثره عليه حسام قريب منها جداً ومبيقدرش على زعلها بس متقلقيش انا هعرف أخليها تبعد عن حياتكم خالص بس تمشي من البيت مش هيحصل يا فيروز أتفقنا.
فيروز…بأبتسامه هزت راسها حاضر يا منذر وبجد شكراً على كل حاجه بتعملها معايا
أبتسم منذر قولنا بلاش شكراً دي بقى…. ايه يلا نرجع بقى.
فيروز….بأبتسامه شكرا يلا بينا
……………….
بعد ما قفل زيد مع منذر محبش يرجع القصر وقرر يروح لأخواته
بعد وقت بسيط وصل زيد
ل night club في فندق مشهور و معروف ان ال night club ده مخصص و مش بيروحه غير أصحاب الطبقه الراقيه. وكان بيغني في الفقره دي المطرب الشعبي رضا البحراوي
نزل زيد ووراه الجارد بتاعه بمجرد ما شافه المسؤولين في المكان رحبوا بيه بشده و فضلوا معاه لحد ما دخل جوه كان داخل بكل هيبه ووقار ومكتفى بإِمائه بسيطه مع ابتسامه.
لمح من بعيد التربيزه اللي عليها أخواته وأول ما شافهم رفع حاجبه وجحظت عينه وكان الوضع كالتالي.
اخواته واقفين عالبيست .
وسالم واقف جمب رضا البحراوي وبيغني معاه.
ناس مني ومن د.مي محدش فيهم شال همي محدش كان خيره عليا فين خالي وفين عمي.💃💃
قرب سالم جمب بنت بترقص وبدأ يرقص معاها بطريقه جذابه
لمح زيد جلال واقف في وسط بنات يرقص ومعاه سيجاره و مندمج اخر اندماج😳
يوسف ونادر بيرقصوا مع بعض وكل واحد فيهم جمبه بنت
وأمير مندمج مع الفرقه بيعزف معاهم عالدرامز لأنها موهبته المفضله اللي مبيقدرش يمسك نفسه قدامها 🎶🥁
ياسين حاطط السيجاره بين شفايفه وايده على وسط بنت وبيرقصها🙈
سالم….قول يا بحرااااااوي قول🙈
زيد…😳😳 قول يا بحراوي هي حصلت نهااااار اسود ومنيل ياخيبتك في ولادك ياراجح يا طوبجي.
قرب زيد أكتر من التربيزه بتاعتهم
وبمجرد مالمحه نادر ويوسف كل واحد فيهم بعد البنت اللي معاه بطريقه مضحه كأنهم معملوش حاجه
بص زيد على ياسين وأول ما شافه عمل زي ما نادر ويوسف عملوا وراح عالتربيزه ونادر ويوسف كاتمين ضحكهم على منظر زيد وهو باصص على سالم وجلال وامير
قعد زيد على كرسي وحط رجل على رجل وربع ايده وفضل باصص عليهم
لمحه سالم فضل يضحك من بعيد
واستآذن من البنت وراح عليه
سالم….زيد باشا الطوبجي منور يا راجل ماقولتلك تعالى وسيبك من منذر
زيد….ايه يا راجل الحلاوه دي مقولتش يعني انك شغال نبطشي قبل كده قول يا بحراوي قول ده انت يومك اسود
بص نادر ويوسف وياسين لبعض و مقدروش يمسكوا نفسهم اول ما سمعوا زيد بيقول لسالم انه شغال نبطشي.
سالم…بضحك طيب بزمتك أيه رأيك فيا أنفع ولا لأ
زيد….يا فرحه أبوك بيك 🤨 ولا التاني اللي مندمج ومش شايفني لحد الوقت وعامل فيها ڤلانتينو وبيرقص مع البنات
و التاني شغال مع الفرقه يا فرحتك بأبنك يا مراد
لمحه امير من بعيد ساب الدرامز وراح على جلال
امير….ولا يا جلال الله يخربيتك زيد جه هناك
جلال….بفزع هااااار أسود فين أعمل ايه خبيني
أمير…بضحك مش لما أخبي نفسي الاول تعالي هو شفنا خلاص😂
شاورلهم زيد من بعيد بصباعه راحوا عليه بهدوء
جلال….طب تصدق بالله انا بقول المكان نور فجأه
زيد…بأبتسامه بسيطه وهو رافع حاجبه شوف يا اخي سبحان الله وانا خارج من شويه قولتلكم ادعوا متقعوش تحت أيدي وكأن ربنا بيحبكم جابني هنا عشان افرح بيكم
واحد شغال رقاص وواحد شغال نبطشي أفراح والتاني شغال مع الفرقه مطبلاتي طب أيه كده الحفله ناقصه مفيش واحد فيكم بيلم النقطه ليه
نادر…بضحك لا احنا بنقط🙄😂
يوسف…ياعم اسكت هو ناقص تسخين😂😂😂
زيد…و أسخن ليه انتوا ماشاء الله عليكم تشرفوا اي حد
وبص لسالم فجأه تصدق بالله أبوك لو عرف أنك كنت عايز تاخد روح هنا هيعلق جتتك في كل مكان 😒 كنت عايز روح تيجي هنا تعمل ايه يا سالم ترقص🤨
سالم….بضحك يا جدع في أيه فك بقى وبعدين انت عارف انا قدام رضا البحراوي مبعرفش امسك نفسي😂😂
زيد….ورحمه أمي وأمك يا سالم لو خرجت تاني وخدت معاك جلال وأمير لا هيبقى ليا معاك كلام تاني😠
ياسين…بضحك طب وأحنا عادي
زيد…انتوا التلاته صيع زي ما ابوك قال خلاص فقد فيكم الأمل
جلال…بضحك ماتفك يا عم زيد احنا بنفرفش شويه مفيهاش حاجه يعني
زيد….انا هفرفشك يا جلال اوي أتقل عليا انت والمطبلاتي اللي جمبك بس🤨
أمير…🙄🙄😂😂😂ياعم متبقاش قطاع أرزاق انا لسه جايلي عرض ما يتفوتش عايزني أشتغل في الفرقه🙄😂😂
زيد…بضحك وماله وأبوك يجي يشتغل معاكم متعهد حفلات ماهي ظاطت بقى بزمتك يا كبير يا عاقل مش مكسوف من نفسك وانت واقف ترقص انت و اخواتك
نادر…بضحك كبير كبير ايه بقى ده هو اللي معلمنا😂
زيد….هتقولي
يوسف….تصدق بالله يا زيد بعد دخلت المخبرين اللي دخلتها علينا دي خلتني احس ان انت الكبير مش سالم😂😂😂
زيد….ده بني ادم تافه و بتاع نسوان
سالم…وهو بيبص على بنت و بيغمزلها 😉ومالها النسوان بس يا عم زيد هو في أحلى من كده
زيد….قال وانا اللي جاي بقدم رجل وبأخر رجل وعارف أنكم هتعملوا حفله عليا لما تلاقوني جيت مكنتش أعرف ان الحفله معموله من قبل ما اجي.
ياسين….صحيح أنت ايه اللي جابك
زيد….🤨أيه قط.عت عليكم السهره
ياسين…😂لا مقصدش بس قعدت تسخن ابوك وتدينا محاضره وفالاخر جيت وسيبت منذر.
سالم….أكيد عرف مصلحته منذر أيه وبتاع أيه هي ساعت الحظ دي بتتعوض
زيد…بضحك والله هقوم أضر.به كل الحكايه منذر جاله شغل فجأه ومعرفناش نتقابل ومرضتش أرجع قولت اجي اقعد معاكم شويه ونروح مع بعض و يارتني ما جيت فضحتوني منكم لله.
جلال…طب والله كويس انك جيت القاعده كانت نقصاك😂
زيد….بس يا صااايع بتشرب سجاير يا جلال والله لا هعلقك
جلال….ما خلاص بقى يا زيزو امسحها فيا المرادي يلا قول تشرب ايه لازم نعمل معاك احلى واجب😂 اطلب يا جدع المكان بتاعنا
زيد…بضحك هتقولي ده انتوا مسيطرين سالم اخوك شويه شويه وكان هياكل الجو من البحراوي ويغني هو😂😂
نادر…طب يلا قول بجد تشرب ايه
زيد…اشرب ايه انا جعان كنت ناوي اكل انا ومنذر يلا أكلوني
سالم….بضحك أكلوا وأك.سروا عينه عشان مينطقش😂😂
زبد…بضحك تك.سروا عين مين يا صايع بلاش انت يا نبطشى الأفراح😂
ضحكوا كلهم و كملوا سَهرتهم مع بعض.
……………..
في قصر الطوبجي
في أوضه فرح.
فرح….بس يا ستي و قولتله امبارح انه يعلمني السواقه.
جنه…طيب كويس اوي هتبقى فرصه قريبه تقربوا من بعض اكتر
فرح…لو على القرب يا جنه هو قريب مني وأنتي عارفه المهم انا ابقى قريبه منه.
جنه…..تقصدي أيه؟
فرح…مش عارفه يا جنه خا.يفه أوي
جنه….خا.يفه من أيه بس؟
فرح…..خا.يفه أكون بعشم نفسي يا جنه أمير مش شايفني خالص
طول عمري بشوفه قدامي طول الوقت بس عمري ما حسيت انه شايفني أبداً ديماً بيتعامل معايا على اننا ولاد عم وبس ديماً بحس أنه بيعاملني على أني أخته أوقات كتير بحس أني مهما عملت عشان ألفت نظره و أخليه يحس بحبى ليه مش هَيحس أبداً طول ماهو شايفني فرح بنت عمه راجح و أخته الصغيره اللي إتربت معاه
جنه….مش يمكن عشان هو فعلاً ميعرفش
فرح….عارفه أنه ما يعرفش فعلاً خصوصاً أني عمري ما حاولت أقوله عن شعوري ناحيته
جنه…بسيطه خلاص يبقى تعرفيه
فرح…اعرفه أيه أنتي أتجننتي اروح اقوله أني بحبه؟
جنه…وفيها أيه بس يا فرح
فرح…فيها حجات كتير اوي يا جنه الموضوع مش سهل زي ما انتي متخيله كده مش هقولك أخا.ف حد من أخواتي يعرف لأني واثقه انه أكيد مش هيقولهم أي حاجه بس كمان مش عارفه رد فعله هيكون أيه مش عارفه هيشوفني ازاي كمان مقدرش بصراحه أروح أعترفله بحبي
جنه….طيب وبعدين هتعملي أيه
فرح…مش عارفه يا جنه وفنفس الوقت خا.يفه أمير يكون مرتبط
جنه….أميرررر لا طبعاً أمير ملهوش في الكلام ده خالص زي ما أنتي شايفه مقضينها كلهم سهر وخروج مع بعض وباقي الوقت يا اما في الشركه يا في القصر حتي صحابه اللي يعرفهم من أيام الجامعه عمره ما قال انه مرتبط بحد فيهم هما صحابه وبس
فرح….ولما هو كده ليه محسش بيا ليه ماشفش حبي ليه أنا هتجنن يا جنه.
جنه….بقولك أيه أنتي ليه قاعده منكده على نفسك و بتفكري كتير
سيبي كل حاجه تيجي واحده واحده هما كلهم بكره أجازه من الشغل فكريه وزني عليه انه يعلمك السواقه زي ما قالك انه هيعلمك في الاجازه وحاولي تلفتي نظره ليكي بأي طريقه وانا واثقه انه هيحس بيكي و هيحبك زي ما بتحبيه و أكتر
فرح….تفتكري يا جنه
جنه…طبعاً أفتكر هو يطول يحب فرح الطوبجي😍
فرح…بحب ربنا يخليكي ليا يا أحلي جنه في الدنيا.
جنه…ويخليكي ليا يا عمتو😂
فرح…بت انتي بلاش عمتو دي عشان مقلبش عليكي
جنه…الله وانا قولت حاجه غلط ما انتي عمتو فعلاً😂😂
فرح…طب يلا يا بت روحي على اوضتك بدل ما اروح اقول لقاسم أنك مسهراني 🤨
جنه…بقت كده ماشي يا ست فروحه يلا تصبحي على خير.
فرح…بأبتسامه وأنتي من أهل الخير ♥️
…………….
في غرفه داوود كان نايم ورايح في النوم فجأه صحي علي صوت
موبايله قام مسك الموبايل وأول ما لمح اسم ليلى أبتسم بحب وبسرعه فتح الخط
داوود….ليلى♥️
ليلي…بدموع ألحقني يا داوود مامي مش بترد عليا
داوود….قام مفزوع اول ما سمع صوتها في ايه ياليلى حصل ايه
ليلي….داوود تعالى بسرعه ارجوك أنا مش عارفه اتصرف🥺
داوود…طيب طيب حاضر يا حبيبتي أهدي انا جاي حالاً وهجيب معايا الدكتور مسافه السكه وهبقى عندك
ليلي….ارجوك متتأخرش🥺
داوود …مش هتأخر عليكي يا حبيبتي خليكي جمبها وأنا جايلك فوراً
ليلي…حاضر.
داوود….سلام
قام داوود بسرعه لبس في خمس دقايق وبسرعه كان طالع من القصر كله وبمجرد ما لمحه الجارد بتاعه مشي وراه من غير أي كلام.
…………..
في أوضه صبا وأيمن.
أيمن كان قاعد بيلعب في موبايله
خرجت صبا في الوقت ده من الحمام بعد ما خدت شاور أول ما جت عينها في عينه أبتسمت بهدوء وبسرعه بعدت عينها عنه وراحت على التسريحه تسرح شعرها.
أبتسم أيمن و قفل الموبايل قام بهدوء راحلها وقف وراها وهي قاعده على كرسي التسريحه وبصلها في المرايه بحب
ابتسمت صبا بتوتر وكملت تسريح شعرها
حست بأيد أيمن بتاخد منها الفرشه وبدأ هو يسرحلها شعرها
كملت صبا في أبتسامه التوتر وهي ساكته و بتفرك أيدها في بعض لحد ما وقف أيمن تسريح مره واحده ومسكها من كتفها بهدوء قومها ولفها ليه
وقفت صبا قدامه وهي منزله وشها في صدره مش قادره ترفع عينها في عينه.
قرب أيمن من خدها باسها بهدوء
وبدأ ينزل بنفس الهدوء على رقبتها يطبع قبلاته الحاره و يمرر أيده بجرأه عليها
غمضت صبا عينها بقوه وهي كل جزء فيها بيتنفض.
رفع أيمن وشه ليها أبتسمت صبا غصب عنها مسكها أيمن من أيدها وراح بيها على السرير.
…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مملكة الطوبجي)
