رواية ملك القاسي الفصل الخامس عشر 15 بقلم شيماء شاكر
رواية ملك القاسي البارت الخامس عشر
رواية ملك القاسي الجزء الخامس عشر
رواية ملك القاسي الحلقة الخامسة عشر
القمر بيحاول ينور ضلمة اليل…
وعد راحه جايه في اوضتها بتوتر…..هى عايزه تروح تقنع جدتها أنها تشتغل…
وعد أتشجعت وراحت لأوضة جدتها…وخبطت
الجده: أدخل…
نور دخلت بتوتر….
الجده أبتسمت : تعالي ياوعد
وعد راحت اعدت جنب جدتها على السرير…
الجده بصت لوعد
وعد بصت لجدتها… وأبتسمت بتوتر.. وبعدها بصت في الارض… فضلت دقيقتين على كده… ومش عارفه تفتح الحوار أزاي….
الجده بصه لوعد بأبتسامه… نفس حركات فيروز لما تكون عايزه حاجه….
الجده طبطبت عليها : عايزه اي يا حببتي..
وعد أتنهدت بتوتر : بصي ياجدتى… انا عايزه ويكون ليا كيان… وحس بوجودي… مش عايشه علشان أكل وأشرب…
الجده بأبتسامه : طيب انت عايزه أي وأنا أعملهولك…
وعد بتوتر : انا عايزه أشتغل…
الجده بصتلها بصدمه…
وعد بترجي : جدتي..ارجوكي..انا عايزه أشتغل…عايزه أخرج وأعتمد على نفسي بقا…
الجده أتنهدت بحيره : انا مكنتش أتوقع الطلب ده بصراحه…
الجده بصتلها شويه : انت عايزه تشتغلي عشان تعتمدي على نفسك…ولا عشان تصرفي على نفسك..
وعد بتوتر : لاء….عشان…عشان أعتمد على نفسي…
الجده بصتلها : هوافق لاكن بشرط….تشتغلى مع كامل أبني
وعد بتوتر : لاء… خالى كامل لاء… انا هشتغل مع هدير في شركةالمنياوي…
الجده هزت رسها : خلاص مفيش شغل…. ومتقلقيش انت مش تقيله عليا….
وعد محولتش حتى تقنع جدتها…. حست أنها ملهاش حق تحاول أصلآ….
وعد هزت رسها بحزن : بعد أذنك ياجدتي….
وقامت بهدوء…
الجده : وعد
وعد بصت لجدتها
الجده هزت رسها بيأس من نفسها : هتشتغلي مع هدير أي….
وعد أتصدمت…. وبعدها ضحكت وجريت على جدتها حضنتها : بجد ياجدتي….
الجده بصوت مخنوق : هتموتيني يابت… أبعدي….
وعد بعدت وضحكت
الجده خدت نفسها…وأبتسمت….. وحضنت وعد براحه… وطبطبت عليها : وكا العاده مقدرش أرفض طلب لفيروز… ودلوقتي لبنتها…
وعد بستها من خدها…
……………………….
وعد خرجت وهى فرحانه جامد… ولسه هتدخل أوضتها….
لقت أدهم دخل الشقه….
وعد تجاهلته… ولسه هتدخل أوضتها….
أدهم : وعد…
وعد بصتله بأستفهام
أدهم وقف قدامها…. رجع شعره لورا بأحراج : أتأكدت أنك بنت عمتى فيروز….
وعد بصت الناحيه التانيه بضيق..
أدهم بأحراج : أنا بعتذر
وعد بصتله شويه بضيق وبعدها أبتسمت :ولا يهمك…انا لومكانك كنت هعمل زيك…
أدهم أبتسم : هتنامى
وعد أبتسمت : لاء…شويه كده..
ادهم بأحراج : أي رئيك نعد شويه في البلكونه… علشان نصفي أي سوء تفاهم مابنا…
وعد بصتله بتردد
أدهم : يلا
وعد هزت رسها : يلا
أدهم ووعد دخلو البلكونه… وأعدو على الكراسي…
أدهم بص لوعد : طبيعت شغلى بتجبرني مثقش في حد بسهوله….. وكمان أحنا أتقرصنا كذا مرا….
وعد هزت رسها…
ادهم : أعذري بابا…. هو متعصب بس بسبب عمتى واللى عاملته….
وعد بضيق : علطول بتقولو بسبب عمتى
..هي ماما عملت اي… علشان كانت عارفه ان أبن عمها مش كويس…. وحولت تقول ولكن محدش سمع منها…. لو كان جدي مديها المساحه أنها تعبر عن رئيها ويسمعها….. مكنش ده حصل…..
ادهم بصصلها بصدمه من أنفعالها
وعد كملت بضيق : وكمان ماما رجعت لجدي…. وهى حامل فيها…. وطلبت الرضا منو…. ولاكن هو رفض… بابا حكالى ده كله… وتأكدت من الكلام ده لما جيت هنا….. بعد مكبرت وبقا عندي عشر سنين… وبابا خدني وجينا هنا…. جدي طردنا…. وكان جبروت اووي…. وقال لبابا….. ان لو جه هنا تاني…. هيقتله وهدده بيا…..
أدهم بصصلها بأسف : وعد….
وعد قاطعته بضيي : بعد أذنك…
ودخلت أوضتها
…………………………
تاني يوم…
باب أوضة وعد بيخبط…
وعد صحيت بنعاس : مين..
سندس : أاناا
وعد قامت فتحت..
سندس أبتسمت وغمزتلها : أيوا ياسطا…المدير وافق على الشغل….
وعد بصدمه : بجد…طيب…ازاي…مين قالك…هدير كلمتك…
سندس ضحكت : يابنتي أهدي…اه ياستي..هدير كلمتني..وقالت انها أقنعت المدير بصعوبه..
وعد بحماس : هبدأ أمتي؟…
سندس بصت في ساعتها لقتها ٧ : هتبدئي كمان ساعه كده..
وعد بصدمه : مين؟!!!!..
سندس ضحكت : يلا أجهزي…هدير كلها ساعه وتجيلك……
هدير رنت عليا أمبارح بليل… وحاكتلي اللى حصل….وانا قولت هعرفك النهارده
وعد بحماس قفلت الباب في وش سندس وجريت على دولابها..
سندس رفعت حاجبها بغيظ…وبصوت عالي : كده يابنت فيروز…ماشي ياوعد…
وعد خبطت رسها بأديها وجريت فتحت الباب بضحك : أسفه.. الحماس بقا….
سندس ضحكت : أوك يا قلبي يلا أجهزي..
وعد لبست أشيك حاجه جابتها… وميك أب خفيف جدآ….
راحت خبطت على جدتها….
الجده بنعاس : أدخل
وعد دخلت بهدوء وبأحراج : سوري ياجدتي قلقتك…
الجده أعدت بأبتسامه ونعاس : ولا يهمك…. تعالى…
وعد دخلت بأبتسامه : هدير رنت عليا أمبارح بليل… وقالتلي المدير وافق… وكون جاهزه على ٨….
الجده أبتسمت : ربنا معاكي ياحببتي…. خدي بالك من نفسك….. وخدي الفلوس اللى على التسريحه…
وعد بأحراج : ياجدتي معايا
الجده: يلا ياوعد… قبل مغير رأيي
وعد بسرعه : خلاص خلاص
وعد راحت خدت الفلوس وحطتها في شنتطها….
وعد بتردد : طيب وخالي
الجده بأبتسامه : متقلقيش…
وعد.هزت رسها….خرجت لقت هدير مستنياها برا…ركبت معاها وأتجهو لشركة المنياوي….
عدي نص ساعه…
وعد وهدير وقفو قدام الشركه…
وعد نزلت وبصت على الشركه بأنبهار وأعجاب….
هدير بصتلها بأبتسامه : اي….
وعد بأعجاب : الشركه فوق الخيال…
هدير ضحكت : هتحسدي الشركه في أول يوم؟!…..يلا…
وعد وهدير دخلو الشركه وطلعو الدور الاخير تحت أعجاب وعد….
وقفو قدام مكتب المدير..
هدير خبطت ودخلت بوعد…
وعد بصت لهدير بتوتر..
هدير بصت للمدير : مستر جلال…دي وعد اللى كلمتك عنها أمبارح…
جلال بص لوعد وهز راسه : تمام….شغليها في الطباعه…
هدير بأبتسامه : شكرآ جدآ..
هدير ووعد خرجو من مكتب المدير..
وعد خدت نفسها براحه :انا قولت هيدخلني في س و ج…معقول في أستلام شغل بسهوله دي…..
هدير : لاء…هو عنده….. الشغل حلو..يديكي فلوس…ملوش هو في حوار السي في والكلام ده…..
وعد بستغراب : الشركه دي بتعته…
هدير هزت رسها لاء : لاء طبعآ..
وعد لسه هتتكلم…
هدير قطعتها : تعالي أعرفك هتشتغلي أزاي….
هدير بقت تعلم وعد على الطباعه الاوراق….
………………………………..
أدهم كان واقف في البلكونه بيشرب قهوه….. شاف وعد ركبت عربيه…
أدهم دخل الشقه ونزل جري دخل شقت جدته… وخبط على أوضتها…
الجده حطت المخده على رسها بتذمر : انا عارفه انى مش هعرف أنام النهارده…
الباب خبط تاني…
الجده قامت بتذمر : مين…
أدهم من ورا الباب : انا يا جدتى…
الجده : أستغفر الله العظيم يارب….. ادخل يا أدهم….
أدهم دخل بضيق : هي وعد راحه فين.. شوفتها وهى ركبت عربيه…
الجده بسخريه : صباح النور يا حبيبي….
أدهم بص الناحيه التانيه بضيق… وبعدها بص لجدته : صباح الخير ياجدتى…
الجده : اه بتقول اي بقا….
أدهم بضيق : بقول وعد راحت فين يا جدتى..
الجده بلامبالاه : راحت شغل…
أدهم بصدمه : نعم؟!… شغل!!….
الصدمه أتحولت لضيق : شغل اي ده بقا ان شاء الله… وزاي تروح أساسآ من غير متعرفنا….
الجده : دي حاجه متخصكش… علشان توافق او لاء… هى حره في حياتها…
أدهم بضيق : هي مين دي اللى حره…..دي عايشه معانا…وملزومه مننا…ولازم أعرف كل تحركاتها…
الجده بضيق : انا اللى مسؤوله عن حفدتي… مش انت ياحضرت الظابط…. وانا وفقت أنها تشتغل في شركة المنياوي….
أدهم لسه هيتكلم بضيق…
الجده قاطعته بضيق : أدهم…وعد هتشتغل في الشركة دي….. لغايط متقول انا زهقت يا جدتي من الشغل…. ولو انت مفكر انك تقدر تمنعها… ورينا شطرتك يا حضرت الظابط… انا هنا المسؤوله عن وعد…. لغايط مسلمها لجوزها….. قبل كده انا اللى أوافق او لاء…. وتفضل بقا أطلع بره….
أدهم قبض أيده بضيق…. وداس على سنانه بغيظ…. وخرج ورزع الباب وراه
الجده بضيق وصوت عالى : يترزع في وشق باب جهنم….
أدهم لبس لبس الشغل وخرج بضيق : انا هوريكي هرجعها أزاي…
الجده شافت أدهم وهو خارج من البيت بنرفزه….
رنت عليه بضيق….
أدهم طلع تلفونه اللى بيرن…. لقه جدته رد بضيق : أيوا يا جدتى
الحده بضيق : قسمآ عظمآ لو روحت لوعد الشركه… او أحرجتها…. او غصبتها على أي حاجه…. هتبرا منك طول حياتى….
ادهم بنفعال : ياجدتى
الجده بحده : اللى عندي قولته… وانت حر….
ادهم قفل….ورمه التلفون جنبه بعصبيه
…………………………….
الساعه دقت ٣ العصر..
هدير خرجت من مكتب المدير وراحت لوعد….
هدير : أمسكي ياوعد..أمضي..
وعد بصت على الورق بستغراب : أمضي أي…
هدير بأبتسامه : ده ورق تعين لمدة ٤ شهور….لو شغلك كويس هيجدد العقد…يلا أمضى وأبصمى كمان…
وعد أبتسمت ومضت وبصمت….
هدير أبتسمت : انا هدخل للمدير أديله الورق ده..ويلا جهزي نفسك عشان هنروح….
وعد هزت رسها…
وهدير دخلت للمدير…
وعد بصت حوليها…وبعدها راحت الحمام…وقفت قدام المرايه وعدلت طرحتها..وغسلت أديها…وخرجت…
لقت حد مسكها من درعها وشدها….. ودخل اوضة مكتب…
قفل الباب….. سند ضهرها على الباب…. وحط ايده على بؤها….. وهو قصادها…..
كل ده في ثواني معدوده…. ملحقتش تصرخ فيهم…
وعد غمضت عيونها برعب… وبتصرخ…بس صوتها مبيطلعش….
فتحت عيونها بخوف…..
أتصدمت… والصدمه نزلت عليها كاالصاعقه…. لما لقت قاسم قدمها…. ومبتسم بجانبيه….
وعد فتحت عيونها على وسعها بصدمه…. وبخوف….. ونفسها بقا داخل خارج بعنف….
قاسم أبتسم بجانبيه : كنت مفكره أنك هتقدري تهربي مني… ومعرفش أجيبك….
وعد بلعت رئها… وبصاله برعب….
قاسم بأبتسامه جانبيه…. نزل أيده من على بؤها…. قرب من ودنها…. وبصوت خافت : تبقي بتحلمى…..
قاسم بعد…. وباصص على رأكشنتها بأبتسامه جانبيه….. قرب وشه من وشها…. وباصص في عيونها…. وبصوت خافت : هو أنا مش قولتلك قبل كده…. أنك ملك القاسم…. وكمان قولتلك لو حولتي تهربي منى… هتشوفي منى عذاب…
الدموع اتجمعت في عيونها…. ونزلت برعب….
قاسم قرب من ودنها وقال بصوت كافحيح الافعي : شهر….هو شهر واحد ياوعد…وهنرجع أسكندريه…..فأشبعي من عيلتك في الشهر ده….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملك القاسي)
