رواية ملاك في عالمي الفصل الثالث عشر 13 بقلم ندى صابر
رواية ملاك في عالمي الجزء الثالث عشر
رواية ملاك في عالمي البارت الثالث عشر
رواية ملاك في عالمي الحلقة الثالثة عشر
دخلت هبه وبعدين اتفاجى بسوزى الي قربت من ملاك: انتى الشغاله وإلا ايه، شكلك كده الشغاله
شهاب كان جاي يرد وقفته ملاك وردت عليها بكل بهدوء: وايه يعني لو كنت الشغاله، هيا مش بنى أدم زيك وإلا جايه من الفضاء
سوزى وشها احمر واضايقت جدا: انتي إزاى تتكلمي معايا كده طالما انتى الشغاله
ضحكت ملاك بإستفزاز: شوف بقول ايه وتقولى ايه، انتى بتحبي تعيدي كلامك ليه معلش، وبعدين ماسمهاش الشغاله اسمها بشر زيك فاهمه
سوزى كانت جايه ترد عليها بعصبيه وقفها شهاب: دي مش الشغاله ياسوزى، اسمها ملاك ودى ضيفه هنا زيك كده بالظبط لا وكمان ضيفه مميزه عنك كمان.
بصتله وهيا مخنوقه جدا، ماهيا عارفه كل حاجه شبه ماعمها المعز قالها بس مكنتش تتوقع إن شهاب بيدافع عنها كده بس هيا قدها عادي: اوك حبيبي
دخلت عفاف بتضحك هيا وهبه واول ماشافت سوزى الضحكه اختفت: اي ده، سوزى بنفسها عندنا
جريت عليها سوزى حضنتها بخبث: وحشتيني اوى ياطنط
بصتلها عفاف وهيا مش مرتاحه ليها نهائي: نورتى الأقصر ياحبيبتي
سوزى بدلع: الاقصر منوره بيكم طبعاً ياطنط
بصت لشهاب وهيا عارفه انه اكيد مخنوق لانه طول عمره مش بيحب سوزى ولا بيطيقها: ادخل ياحبيبي ريح شويه عقبال لما اجهز الغدا
شهاب: حاضر ياماما
لسه داخل على اوضته جريت عليه سوزى ولازقت فيه: انا عاوزه اشوف اوضتك
ملاك اضايقت جدا وكانت واقفه مخنوقه ومش طايقه البت دي
اتكلم شهاب بإعتراض: انا مصدع ومش عاوز إزعاج لو سمحت ياسوزى
لسه جايه تتكلم لاقت شهاب دخل اوضته وقفل الباب في وشها: اوك خلاص هسيبك ترتاح النهارده عشان انا كمان عاوزه ارتاح
ملاك بصت لعفاف بخنقه: تعالى يلا يماما عفاف نحضر الغدا مع بعض
هبه سحبتها: يلا ياحبيبتي نروح مع بعض نساعدها وبالمره نتعرف على بعض اكتر(بصت لسوزى تسالها) تحبي تيجي معانا ياسوزى
سوزى رفعت حاجب وبصت لملاك بتكبر: أنا مش بقعد مع الأشكال دي، حابه اقعد اريح في اوضتى…. ممكن تقوليلي هيا فين
ابتسمت هبه وبصت لملاك بأسف: امشي كده علطول هتلاقيها اول اوضه على الشمال.
سوزى وهيا ماشيه: اوك… شكرا حبيبتي
بصت هبه لملاك الي كانت باصه للارض وزعلانه: متزعليش منها ياحبيبتي هيا اسلوبها كده، حاولى تتجاهليها عادي
ملاك ابتسمت: لا عادي انا مش زعلانه خالص بالعكس انا فرحانه جدا علشان شوفتك
مشيت هبه واخدتها معاها المطبخ وهيا بتضحك وبتهزر معاها: انا اكتر والله، قوليلي بقا انتى إزاى قمر كده
قعدوا في المطبخ يحضرو الأكل ويتكلمو مع بعض كتير وكل واحده حبيت التانيه جدا، بعد ساعه ونص خرجت عفاف وراحت تخبط على شهاب وسوزى علشان ياكلو.
شهاب طلع وراح قعد على السفره قدام ملاك: عامله ايه دلوقتي
بصتله ببسمه: كويسه جدا الحمدلله
خرجت هبه وهيا شايله ملك الي صحيت وبتعيط جامد: هششش خلاص ياحبيبتي بتعيطي ليه بس
بصتلها ملاك وهيا زعلانه جدا على ملك الي كانت بتعيط جامد: هيا مالها ياهبه بتعيط جامد ليه كده
قعدت هبه جمب ملاك وهيا بتحاول تسكت ملك بس مفيش فايده: مش عارفه والله ياملاك كانت نايمه ولاقيتها صحيت بتعيط كده، ممكن تكون خافت علشان كانت نايمه في الاوضه لوحدها
بصتلها ملاك بحنان وكانت عاوزه تشيلها وتضمها علشان تبطل عياط: طب ممكن اشيلها ياهبه
مصدقت هبه ملاك تطلب منها كده وراحت عطياها ملك بسرعه: خودى ياحبيبتي خودى
بصلها شهاب وضحك: لاحظى انك لسه شايفه ملاك من كام ساعه بس
هبه ضحكت: يعني ايه يعني
شهاب: يعني بلاش ترمى عيالك للبت كده وتريحى دماغك
هبه بصت لملاك وهيا بتضحك: انا وملاك بقينا صحاب اطلع انت منها ،مش صح ياملاك
ملاك كانت مركزه مع القمر الي في ايديها وكانت حاسه بشعور جميل اوي: صح ياحبيبتي
بصلها شهاب وركز معاها ومفيش كام دقيقه اتفاجى بملك سكتت ونامت في حضن ملاك وهيا مبتسمه،في الوقت ده اتخيل ملاك شايله بنتهم وهما الاتنين قاعدين في بيتهم مع بعض وحياتهم كلها حب وسعاده، حس بشعور جميل اول مااتخيل كل ده وبعد بسرعه افكاره المجنونه دي عن دماغه وبص لعفاف الي كانت بتكلمه من زمان: كنتى بتقولي حاجه يماما
بصتله عفاف وضحكت عليه: انت بتحب وإلا ايه، طول الوقت مش معانا وسرحان كده
اتوتر شهاب لما بصتله ملاك وكأنها هيا كمان عاوزه تعرف الاجابه: احب ايه بس، انا مليش في الكلام الفاضي ده
ملاك اتصدمت من الرد: هو الحب كلام فاضي بالنسبالك
شهاب متوتر ومش عارف يكدب ولا عارف يهرب منهم فين دلوقتي: ايوه عادي يعني مفيش مشكله
لاحظ في عيونها حزن بس حاول يبعد تفكيره عن كل حاجه لانه كده هيتكشف، جت سوزى وقعدت جمبه بكل بجاحه: هاا بقا عاملين ايه يتاكل
شهاب ابتسملها بإستفزاز: أنا شايف إن الأكل ده ممكن ميعجبش سيادتك فااطلبي اكل من برا افضل
عفاف بصتله بتحذير لأن مهما كان هيا في بيتهم: شهاب، حط لسوزى الأكل تاكل يمكن يعجبها ياحبيبي
هو فاهم نظرات عفاف واستسلم علشان ميزعلهاش، حط قدامها رز وبطاطس وفراخ: اتفضلى بالهنا
بصت لكميه الأكل الي حطها قدامها وهيا مصدومه وقرفانه جدا من الفراخ لأنها نباتيه: يععع، شيل كل ده من قدامي
طلعت تجرى على الحمام وشهاب قعد يضحك: مش قولتلك يماما تطلب أكل احسن
عفاف اتكلمت بصوت واطي علشان سوزى متسمعش: شهاب اتلم بقا وافتكر انها ضيفه في بيتنا ومينفعش الي انت بتعمله ده حتى لو مش بتحبها بس حاول تعاملها كويس طول ماهيا في بيتنا
شهاب اعتذر لعفاف: اسف ياماما بس هيا بتستفزنى بصراحه وانا مش بطيقها
عفاف ضحكت: عارفه يااخويا عارفه، نستحمل بقا ونتعامل كويس تمام
جاي يرد سوزى خرجت من الحمام وابتسمت بإحراج: اسفه يجماعه بس أنا مش باكل اي لحوم لانى نباتيه
بصتلها ملاك وهيا مش فاهمه حاجه وبعدين بصت لشهاب: يعني هيا مش بتاكل غير جرجير بس شهاب؟!
شهاب فطس ضحك ومبقاش قادر يبطل ضحك: ههههههه، جرجير هموت هههههه
عفاف بتحذير: احمممممممم، معلش ياحبيبتي ملاك متقصدش حاجه هيا بس مش فاهمه، تعالي اقعدي
سوزى اضايقت منهم وراحت على اوضتها تجرى: لا بجد كده اوفر اوى اوى
شهاب مش قادر يبطل ضحك: هههههه، احنا اوفر ياملاك ههههههه
ملاك مش فاهمه حاجه ومش فاهمه ليه سوزى اضايقت كده وراحت اوضتها: هيا اضايقت من ايه وانتو بتضحكو على ايه
هبه كانت ميته من الضحك شبه شهاب: من الجرجير ياحبيبتي هههههههه
بصتلهم عفاف بشر: بس انت وهيا، مسمعش لحد صوت فيكم انتو الاتنين
سكت شهاب وهبه بسرعه، وعفاف بصت لملاك الي كانت قاعده مش فاهمه هما بيضحكو على ايه: يحبيبتى نباتيه يعني مش بتاكل اي لحوم وبتاكل سلطه.. خضار… اي حاجه ماعدا اللحوم بس مش شرط الجرجير يعني فهمانى
بصتلها ملاك: اسفه يماما عفاف بس انا مجاش في بالى غير الجرجير لانى بحبه اوى
ضحكت عفاف على برائتها: والله انتى خساره في الناس دي (كانت بتشاور على هبه وشهاب) يلا ياحبيبتي كملى اكلك علشان تاخدى علاجك
هبه ضحكت: والله العظيم انا شكلى هحب الجرجير انا كمان ده حتى مفيد للشعر، انتى يابت ياملاك قمر والله خليكى هنا معانا علطول وفكك من امي عادي
ضربتها عفاف على قفاها: يابت اتلمى حتى لسانك نسخه من لسان استاذ شهاب
شهاب ضحك وهو بياكل: ماتسبونى اطفح بقا في اليوم الي كل جرجير ده
بصتله ملاك وهيا بتضحك: هو انت مش بتحب الجرجير
بصلها وهيا بتضحك وياريته مابص: هحبه قريب اوى
هبه كانت مركزه معاه: هو مين ده ياحبيبي
حط وشه في الأكل وندم انه بص لملاك، هو لما بيبصلها بينسى نفسه وبينسى هو كان هيقول ايه اصلا: احمممم… الجرجير طبعاً ياهبه اومال هحب ايه يعني
عفاف غمزتله: هو انت مش كنت بتقرف منه، اشمعنا هتحبه دلوقتي يعني
شهاب غمزلها وضحك: علشان مفيد طبعاً لشعري ياماما
هبه ضحكت بكل صوتها وكملو أكل، بعد شويه جت هبه تقوم ولاحظت إن ملاك لسه شايله ملك الي كانت نايمه في حضنها: هاتى ملك ياحبيبتي اكيد تعبتى
ملاك اعترضت وكانت مبسوطه انها نامت على ايديها: لا بالعكس انا مبسوطه جدا وحبيتها اوى، ممكن تسبيها معايا لحد ماتصحى
ابتسمت هبه: براحتك ياحبيبتي بس مترجعيش بعد كده وتندمى، ملك لما بتتعلق بحد مش بتسيبه في حاله
ملاك فرحت اكتر: ياريت تتعلق بيا ونبقا اصحاب انا حبيتها اوى.
ابتسمت هبه وسابتها مع ملاك ودخلت المطبخ تساعد عفاف .
قرب منها شهاب وقعد قصادها وهو ماسك وحيد وخديجه: اهى دي يعيال طنط ملاك، يلا روحو سلمو عليها
اتعرفت ملاك على وحيد وخديجه وكانت فرحانه اوى: قولو ملاك عادي بلاش طنط دي
وحيد بطفوله: بس انتى كبيره وكمان لابسه طرحه شبه ماما يعني لازم نحترمك، صح ياخالو
غمزله شهاب: صح ياقلب خالك، وبعدين يابنتي العيال عاوزين يحترموكي افرحي كده مش تكشري
ملاك: الي انت شايفه
بص شهاب لملك: هاتى ملك شويه، ايديكى اكيد بتوجعك دلوقتي
اخدتها اكتر في حضنها: لا خليها انا كده مبسوطه
شهاب ابتسم: شكلك بتحبي الاطفال
ملاك بصت لملك بحب وبعدين بصت على وحيد وخديجه الي كانو بيلعبو مع بعض: انا حبيتهم جدا ومبسوطه اوى، حسيت بإحساس لطيف اوى لما ملك بطلت عياط ونامت في ايديا
شهاب كان مبسوط: عقبال لما تشيلى عيالك بقا وتفرحى اكتر
بصتله ومعرفتش تحدد من ملامحه دي دعوه ليها وإلا يقصد ايه: وعقبالك برضو
هرب من نظراتها: مش بفكر دلوقتي
ملاك بصت لملك الي صحيت: مش فاهمه دماغك بتفكر إزاى والله، ايه ده ملك صحيت
قام ياخدها يوديها لامها لانها اكيد هتكون جعانه وهتبدء تعيط: طب هاتيها اوديها عند هبه لانها دلوقتي اكيد جعانه
وطى ياخد منها ملك وكان قريب جدا منها وفي لحظه اتقابلت عيونهم وفضلو الاتنين باصين لبعض لحد ماملك عيطت: احممم… تعالي ياملك نروح يلا لماما
اخدها ومشي وملاك فضلت قاعده مش فاهمه ليه قلبها بيدق دلوقتي بسرعه وليه متوتره جدا من ساعه مابصلها، طلعتها عفاف من افكارها وهيا بتسالها: هتنزلى مع هبه النهارده ياحبيبتي
___________________________________________________________________________________________
_
“في بيت سليم ”
دخل سليم البيت تعبان جدا: ياسميره
طلعت سميره من المطبخ تجري عليه: انت فين ياسليم بقالك يومين مختفى وبتصل عليك كل يوم مش بترد
سليم اترمى على السرير:كنت بدور عليها
سميره بتمثيل: تقفل تليفونك كل ده وتقلقنى عليك يعني كده
بصلها بحب وإمتنان: معلش ياحبيبتي حقك عليا، بس انا كنت تعبان ومكنتش بقعد اصلا
سميره بقلق مزيف: مالك ياحبيبي، وعرفت عن جميله حاجه طيب
سليم بيأس: لفيت عليها كل الفنادق ومفيش ليها اي أثر، انا هتجنن هتكون راحت فين دي،ده كأن الارض انشقت وبلعتها
سميره بشر: بكره تظهر ياحج وبعدين انت ليه متاكد كده انها مش مع وليد
سليم مسك دماغه من التعب والصداع: لانى سالت كذا واحد قريب من وليد ومحدش شافها معاه خالص
سميره بخضه: بس انا سمعتها بودانى دى وهيا بتكلمه
سليم: والله مبقيت عارف اعمل ايه، انا خلاص هتجنن
سميره بمكر: بعد الشر عليك ياحبيبي ارتاح انت دلوقتي لما اقوم اجهزلك الأكل
سليم: لا انا مش عاوز أكل انا عاوز كوبايه قهوه بس لان دماغى هتتفرتك من الصداع.
قامت سميره تعمل القهموه، وخديجه كانت راجعه من المحاضره ودخلت اطمنت علي ابوها وبعدين دخلت اوضتها تذاكر وهيا قاعده دخلت كريمه وهيا بتكلم وليد في الموبيل شبه كل يوم:انت بتقول اييييببه
=………………………………………….
: لا لا مش هينفع ياوليد
=………………………………………..
: لا خلاص متزعلش هحاول اطلع كمان شويه مع إن بابا في البيت بس هعمل اي حجه وهاجي
قفلت معاه وهيا بتبص ناحيه خديجه الي كانت بتبصلها بقرف: ايه مالك بتبصيلى كده ليه
خديجه: انتى رايحه تقابلى وليد صح
كريمه اتعصبت منها: وانتى مالك انتى، علفكره انا اختك الكبيره والمفروض انا الي احقق معاكي كده مش انتى
خديجه ببرود: ده لو انا كنت بعمل حاجه غلط حقكك طبعاً تعملي معايا كده، بس انا الحمدلله فاهمه الصح من الغلط والحرام من الحلال مش شبه ناس كده
هجمت عليها علشان تضربها قلم على وشها لكن وقفتها سميره: في ايه صوتكم عالى كدا ليه
كريمه كانت متعصبه جدا من خديجه: الاستاذه بتحقق معايا ولما قولتلها انا اختك الكبيره قلت ادبها عليا وكلمتنى بإسلوب زباله
بصتلها سميره بشر وراحت ضربها قلم على وشها:………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ملاك في عالمي)
