رواية ملاك الجاسم الفصل الأول 1 بقلم جهاد محمود
رواية ملاك الجاسم الجزء الأول
رواية ملاك الجاسم البارت الأول
رواية ملاك الجاسم الحلقة الأولى
ست: مش دي اللي خطيبها سابها يوم فرحها وخلع
ست اخري: اه ياختي شكله عرف عنها حاجه كده ولا كده الا مكنش سابها بالفستان الأبيض ومشي
ست: اه ياختي بنات اخر زمن بس نقول ايييه تربيه مرا برضو
ست الاخري: يلا ربنا يسترها علي ولايانا
كنت نازله رايحه الكليه وسامعه كلام الستات دول وانا مدمره نفسيا برضو مش سهل افضل قويه بعد اللي مريت بيه بس يلا هقول اي غير الحمد لله
اعرفكم انا مليكه وعايشه مع اختي كيان وماما بابا متوفي من وانا عندي ست سنين حاليا عندي ٢٢ سنه اخر سنه في كليه الصيدلة مختمره ومتدينه علي قدر كبير من الجمال بس مش مهتمه بنفسي عشان كده الكل شايفني وحشه حتي خطيبي سابني في ليله فرحي وخلع
______________
كيان: ماما قومي عشان تفطري وتاخدي علاجك
امها(زهره): لا مش عايزه
كيان: لا يا ماما مينفعش لازم تاكلي وتاخدي علاجك زي ما قال الدكتور
زهره بعصبيه: انا قولتلك لا خلاص
كيان: بالله عليكي يا ماما عشان خاطري بالله عليكي
زهره بزهق: ماشي هاتي وخلصيني من زنك
كيان: حبيبتي يا زهرتي هههه
كيان أحضرت الكل لامها وبقت تأكلها بايدها: ماما مش عايزاكي تزعلي علي مليكه ده واحد وا* طي ميستهلش ضفرها
زهره بحزن: انا مش زعلانه انها سبته انا زعلانه عليها هي من كلام الناس دلوك محدش بيرحم حد وصعب حد يتقدم لها بعد الحصل لها وكمان خايفه عليكي انتي كمان
كيان: قل لن يصيبنا الا ما كتب الله لنا
زهره: صدق الله العظيم معاكي حق يا بنتي انا سبتها علي ربنا
_______________________
ميرا: جاسم يلا قوم جدو عايزك تحت وشكله متعصب انت عملت له حاجه
جاسم بنوم: في ايه يا ميرا علي الصبح
ميرا: بقولك جدو متعصب تحت وانتي تقولي في اييه قوم شوفه عايز اييه
جاسم: جدو؟! حاضر اغسل وشي وجاي
بعد عشر دقايق
الجد سليم الأنصاري: ميرا فين جاسم
جاسم من وراه: اديني يا جدو صباح الخير وميل علي ايده باسها
الجد: صباح النور يا حبيبي اقعد عايزك
جاسم: نعم يا جدو
الجد: انا قررت انك تتجوز
جاسم: نفس الموضوع يا جدو
الجد: اه يا جاسم وخلاص انا اخدت قراري وهسيب اختيار العروسه لك
جاسم: بس يا جدو
ميرا ضربته في كتفه: تمام يا جدو انا هقنعه متخفش
الجد: تمام يا بنتي وندا علي الخدامه: يا ام احمد
أم احمد: نعم يا بيه
الجد: هاتي لي الاكل علي اوضتي لاني حاسس نفسي تعبان شويه
جاسم: تعبان؟!! مالك يا جدو انت كويس اطلب لك الدكتور
الجد: متقلقش يا حبيبي انا كويس بس دايخ شويه هأكل وابقي تمام
جاسم: تعالي هوصلك الاوضه
الجد: تسلم يا حبيبي
جاسم اخد سليم علي اوضته وهو اللي اكله ايده
( جاسم الأنصاري ممثل مشهور جدا عنده ٢٥ سنه جدو وميرا اخته كل حياته مستعد يعمل اي حاجه عشانهم شاب مهمل يحب فتاه تدعي شيري عارضه ازياء جميله جدا تحب الفلوس اكتر من حياتها )
ميرا بتتكلم في التلفون: زي ما بقولك كده يا شيري جدو فتح موضوع الجواز تاني وقال لجاسم يختار العروسه بنفسه
شيري: وجاسم قال اييه
ميرا: مقلش حاجه ما انتي عارفه جاسم مش بيرفض اي طلب لجدو
شيري: يعني هيتقدم ليا
ميرا: اكيييد
شيري: دا احلي خبر اسمعه في حياتي انا جايه لك حالا نحتفل انا وانتي
ميرا: تمام مستنياكي
___________________
عند مليكه في الكليه
مليكه: ازيك يا مروه
مروه بقرف: اهلا
مليكه باستغراب من طريقه كلام صديقتها: ايه في ليه بتكلميني بالطريقه دي
مروه: يعني مش عارفه ليه
مليكه: لا مش عارفه ليه
مروه: عشان سيرتك بقت علي كل لسان وانا ميشرفنيش ان وحده زيك تبقي صحبتي سلام
مليكه مش مستوعبه مروه قالت ايه
واحد معاها في الكليه: لا وعامله فيها الشريفه الخضره
واحد آخر: لو فعلا الشريفه الخضره ليه خطيبها سابها يوم فرحها بالفستان وهرب اكيد عرف عنها حاجه كده ولا كده
واحد آخر: كانت بتمثل علينا دول الشريفه الخضره بمهاره بجد
رد عليه زميله: انا اصلا مش عارف خطيبها كان شايف اي حلو فيها عشان يبص لها
رد زميله عليه: والله ما عارف بس اكيد صعبت عليه
الكل بقي يضحك عليها حتي صاحبتها
مليكه مقدرتش تستحمل كلامهم وطلعت بره الجامعه خالص وهي بتجري راحت قعدت علي البحر
مليكه: ليه يارب يحصل معايا كله دا انا تعبت مش قادره منك لله يا سيف منك لله حسبي الله ونعم الوكيل
____________________
جه الليل ومليكه لسه مرجعتش
زهره بقلق: كيان اتصلي علي مليكه تاني قلبي مش مطمن
كيان بخوف وقلق علي اختها: بتصل والله يا ماما بس مش بترد
زهره: يارب استر واحمي بنتي لا انا مش هستني اكتر من كده هنزل ادور عليها
كيان: تنزلي فين بس يا ماما دلوقتي
زهره: امال استني حد ما يحصل لها حاجه
زهره كانت ماشيه بس حست بدوخه واغمي عليها
كيان: ماماااا
___________________________
مليكه لسه قاعده علي البحر
مليكه في نفسها: كفايه حد هنا تعبت وماما جالها القلب بسببي انا هقتل نفسي عشان ارتاح واريح الكل من همي
قامت وبقت تمشي ناحيه البحر وهي بتفكر في كل الحصل لها
شخص: يا أنسه يا أنسه انتي رايحه فين البحر خطر
مليكه لا رد ووصلت لمكان عميق في البحر وهي مش بتعرف تعوم في نزلت تحت الميه وهي مستسلمة تماما للموت
الشخص عرف انها عايزه تنتحر ف قل*ع التي شيرت وجري يلحقها
مليكه خلاص بدأت تقطع النفس بس فجأه حد سحبها لفوق وطلعها
الشخص بقي يدوس علي صدرها عشان يطلع الميه اللي بلعتها ويعمل لها تنفس صناعي
مليكه فاقت وفتحت عينيها بصعوبة وغمضت تاني وبدأت تنزف من مناخيرها
الشخص: مالها دي بتنزف ليه لازم اخدها المستشفي حالا لبس التي شيرت وشال مليكه وحطها في عربيته واتحرك متجه الي المستشفي
الشخص وصل المستشفي: دكتوور عايز دكتور حالا
الإستقبال: جاسم بيه
جاسم: عايز دكتور بسرعه
الممرضين جابو ترولي واخدوا مليكه العمليات
جاسم للدكتور: مش عايزها تموت
الدكتور: حاضر بس ممكن اخد معاك صوره
جاسم: نعم؟! البنت بتموت جوا وانت عايز صورة
الدكتور باحراج: اسف وراح غرفه العمليات
جاسم قاعد بيفكر في مليكه لما فتحت عينيها بلونهم الفيروزي قطع تفكيره رنه تلفونه
جاسم: الو
شيري بدلع: الو يا حبيبي فينك انا في البيت عندكم
جاسم: انا في المستشفي في وحده حاولت تنتحر ف جبتها هنا
شيري: وجبتها ليه
جاسم بغضب: امال اسيبها تموت
شيري بتفكير ودلع: احم مش قصدي بس انا بغير
جاسم هدي: أممم بتغيري عليا
شيري بدلع : اوي وحشتني اوي
جاسم: وانتي كمان خلاص اخلص وجاي لك علي طول
شيري: مستنياك باي
جاسم: باي وقفل معاها
عند مليكه في العمليات كانت بتحلم ب باباها
باباها : ليه عملتي كده يا يا مليكه
مليكه ببكاء: تعبت اوي يا بابا اخدني معاك عايزه ارتاح
باباها: حاضر هخدك
مليكه قلبها وقف
الدكتور بصوت عالي: هاتي الصاعق الكهربي بسرعه القلب وقف
الدكتور بقي يدي مليكه صدمات كهربية مره ورا التانيه مافيش فايده
الممرضه: البقاء لله
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية ملاك الجاسم)
