رواية مغرور ولكن وقع في حبي الفصل التاسع 9 بقلم ميرنا فواز
رواية مغرور ولكن وقع في حبي الجزء التاسع
رواية مغرور ولكن وقع في حبي البارت التاسع
رواية مغرور ولكن وقع في حبي الحلقة التاسعة
الراجل الكبير اتكلم بصوت مرعب وقال باستهزاء هتروح مني فين يا حازم ولا جواد ولا شاجر مش مهم كلهم مزيفين ولا اى يا حورس مش ده اسمك بردو اللي محدش عارفه غير أنا وانت وبعدين قرب عليه و وقف قصاده وحازم كان واقف في مكانه بخوف وقاله أنا كنت هجبها والله بس معرفتش اجبها العربيه خبطتها
الراجل الكبير باستهزاز : يااااا نفس السيناريو وتبرير تحب اسمعهملك وبعدين قلد صوته وقال اصل انا كنت اجبها والكلب جري ورايا اصل انا كنت هجبها وكسلت عشان مش قادر اجبها اصل صوباعي اتكس*ر وبعدين كمل بزعيق صح كدا ده العيل الصغير لو قولتلوا هات طنط اللي هناك والله هيجبها لحد عندي وفوقيها بوسه كمان وبعدين كمل بصوت واطي مخيف عارف لي عشان أنت خايب وجبان مبتعرفش تنيلها في حياتك وبعدين مد أيده و واحد من الجارد اداله مسد*س وحازم خاف ورجع لورا وبعدين من كتر خوفه صوب المسد*س في وش الراجل الكبير
الرئيس ضحك بشده وقاله باستهزار لا لا ونبي نزل المسد*س أنا خايف منك جدا ومرعوب حازم بزعيق وهو خايف وقاله لو مسبتنيش في حالي همو*تك وخدهم ومشي من هنا والا قبل ما تمو*ت هتقرا علي نفسك الفاتحه انت واللي معاك
الرئيس سقف وقاله برافو الفيلم عجبني اللي انت عامله ياتري الانتاج مين حازم ولا حورس وبعدين ضحك بص أنا زهقت من النقاش وأثناء وهو بيكلم ضرب طلق علي رجل حازم ..حازم وقع علي رجله بوجع والرئيس نزل مستواه وقاله عشان بعد كدا تتحداني وتقف قصادي يا ضعيف بقا واحد زيك يقلل من مقامتي وتعلي نفسك لمستويا وتهزق فيا وانت واثق من نفسك فعلا اللي اختشوا ماتوا وقاله ببرود طبعا ضربتك ع رجلك دي اقل حاجه عندي واديك شوفت العقاب عندي بيبقا عامل ازاي بس المره الجايه لو منفذتش وجبت البت عندي أنا هفقعلك عينك الجميله دي وبعدين لمس عينه بالمسد*س وقام وداس ع الجرح برجله وحازم صرخ من الوجع وبعدين الرئيس وهو ماشي وقاله بصوت عالي المره الجايه مفيش اعذار في مو*ت ع طول
_________________________________
نور كانت قاعده علي سرير في المستشفي وجنبها ميرا وقالت بتحذير متقوليش لبابا وماما يا ميرا هاا انا كويسه وبعدين كملت بهزار وثقه ده انا حتي عضمي حديد وناشف عمره ما يتكسر ميرا ضحكت وقالت بهزار عضم حديد مغشوش بيتكسر بسرعه وبعدين ضحكت نور اتغاظت منها ولسه هتشتم دخل مراد عليهم وعز
عز بلا مبالاة: مراد هيقعد يسالك في كام حاجه بس تجوبي عليهم من غير تحوير و هروب نور هزت راسها بالموافقه وبالفعل مراد قعد قدامها وبص علي ميرا وغمز لها وابتسم ميرا اتكسفت منه وبصت في الأرض نور لحظت عليهم بخبث ورفعت حواجبها باستنكار وقالت بصوت عالي نخششش في الموضوع مراد فاق علي صوتها وقال اى خرمتي طبله وداني وبعدين كمل بجديه وقال أحم احم المهم سألها في كام سوال وجوبت عليهم بصدق وقال يعني هو اسمه حازم وكان شغال هنا في المستشفي وكان بيرخم عليكي من زمان يعني افهم كدا الموضوع ده قديم مش حديث تفتكري لي كان عايز يقرب منك !
نور اتوترت وقالت عشان قالي أن هو عايزني في مكان أنا مطلوبه في كتير مفهمتش كلامه الصراحه حسيت أن في غموض مراد فهم وقالها بعد الحفله كان مهددتك شوفتيه تاني في المستشفي نور هزت راسها بالنفي وقالت اختفي مره واحده ولسه ظاهر دلوقتي مراد كمل كلامه وقال معاكي صورته نور هزت راسها وقالت ايوه بس مش لوحدي كل الدكاتره اتصورو بس هو كان واقف بعيد نور طلعت التليفون ومراد شاف الصوره وحازم مكنش تفاصيل وشه باينه وكان واقف بعيد مراد خد منها الصوره وقال احاول اكتشف هويته المهم بص علي عز و نور وقال انتي دلوقتي هدف بنسباله يعني ممكن في اى وقت يطب عليكي تاني عز قطع كلامه وقاله أنا قولتلها اللي فيها وهي فاهمه من هنا ورايح هتمشي معايا و وانا اللي هروحك ومفيش خروج غير بالاذن مني نور اضايقت من كلامه ومن التحكم فيها وقالت بضيق اى اسلوب المؤامرة ده وقالت أنا بعرف احمي نفسي كويس ومش مستنيه منك تحميني عز ضحك بسخريه وقال ممم ما باين فعلا انك بتعرفي تحمي نفسك احمي ضلك الاول وبعدين احمي نفسك نور اتعصبت وقالت عززز لم نفسك بدل مهما محدوفين عليا
عز باستغراب: اى يا ماما بتقولي اى عيدي كلامك بس عشان مجيش الطشك قلمين يعدلو بوقك المعوج ده
نور بثقه وغرور: والله ولا هتقدر تعمل حاجه
عز بغضب: طيب أنا هوريكي مش هقدر ازاي قرب عليها بتعصب مراد قاطعهم و وقف قدام عز وقاله بسرعه اى يمعلم اهدا بس عز وهو بيزقه اطلع منها يا مراد عشان أنا ع أخري من البت دي نور باستفزاز عارف لي ع اخرك عشان كلامي وجعك وطعنك في قلبك ميرا ضربتها بخفه وقالت لها اهدي ولمي الدنيا .. عز بضيق : لا اوعي كدا دي عايزه تتربي ولسانها يتقطع انتي ي بت اقسم بالله لو مسمعتيش كلامي هكسر عضمك
نور بتكشير في وشها : لا مش هسمع كلامك أنا همشي مع ميرا انهارده وأبقا اجي معاها ع طول مش عايزين نتعب جنابك ميرا اتكلمت بسرعه وقالت مش هينفع احنا بنات وانتي محتاجه ضهر تسندي عليه يعني المفروض عز اللي يوصلك نور اضايقت وقالت بغيظ اااه يا غداره ماشي ميرا اتكلمت وقالت مش قصدي والله بس انا مش هقدر احميكي عشان احنا بنات هيجي يخدنا احنا الاتنين كدا مش لوحدك انتي محتاجه راجل نور قامت من مكانها واضايقت وقالت يعني انتي خايفه ع نفسك!! ماشي اللي تشوفيه أنا ماشيه عشان الوقت اتاخر ميرا لسه هتفهمها بس عز سابقها
عز بجديه وضيق : يلا هوصلك أنا كدا كدا مروح ومش عايز كلام كتير نور وقفت قدامه وقالت بخنقه وانا هروح لوحدي
عز بثقه: طيب روحي لوحدك والساعه دلوقتي بص ع الساعه وقال اتنين بليل ومفيش موقف دلوقتي ولا عربيه هتوقفلك يلا اتفضلي نور اضايقت وخرجت و وقفت في الشارع و مستنيه اى عربيه تيجي تخدها وعز خرج من المستشفي ومعاه مراد و ميرا واستاذن وبص علي نور بتحدي وركب العربيه نور اتجهلته
ميرا بخوف : ما نخدها يا مراد معانا نوصلها
مراد ابتسم : عز مش هيسبها متقلقيش عليها أنا عارفه وبعدين في مفجاه ضرب نار هتحصل بكرا او بعده
ميرا بفضول: اى ده اى هي ونبي
مراد بهزار: لا عشان هتروحي تفتني وهتخليها اذاعه محليه ميرا بترجي وبليز قول أنا عمري ما بطلع سر حد قول بقا مراد هز رأسه بالنفي: لا هقولك قبلها
ميرا بزعل : يعني انت مش واثق فيا خلاص مش عايزه اعرف مراد أبتسم بحب وقالها خلاص متزعليش الموضوع عن نور وعز وبعدين قالها المفاجئه ميرا اتصدمت بفرحه وقالت انت بتتكلم بجد
مراد ضحك بشده: اومال هضحك عليكي بس اعوديني متقوليش لنور ميرا بفرحه هو أنا أقدر يقطعني لو فتنت
مراد بغضب مزيف : بعد شر عليكي متقوليش كدا بضايق عليكي يلا بينا نوصلك..
عز كان راكب العربيه وعمل نفسه مشي قدام نور
نور خافت جدا ع نفسها و ف نفس الوقت مفيش عربيه تخدها وبعدين مشيت في الشارع بقله الحيله وكانت مرعوبه وهي ماشيه وعز كان بعيد عنها مستنيها بس حب يخوفها ويربيها عشان تسمع الكلام بعد كدا نور كانت ماشيه بخوف لحد لما مشيت جنب عز..وعز لحقها وبص في الشباك وقالها هتيجي ولا همشي واسيبك نور اتنفضت وبصت عليه بضيق اى ده يعم خضيتني ممشيتش لي بعدين شكرا أنا همشي لوحدي معايا ربنا
عز بنفاذ الصبر: طيب غوري أنا غلطان نور بصت عليه بقرف كتك غوره وبعدين عز مشي نور مشيت وخافت لأن الشارع فاضي ومره واحده سمعت صوت كلا*ب ولفين حواليها نور صرخت بخوف وجريت وقالت باعلي صوتها يا عزززز استني يا عز ونبي استني يا عززز عز وهو ماشي سمع صوت نور وبص عليها من مرايه باب العربيه ولف ورحلها وبعدين فتح شباك العربيه وقالها اسيبك دلوقتي للكلا*ب يكلوكي نور بخوف افتح الباب ونبي هيجوا عندي
عز ببرود : اعتذري نور بصت عليه بخوف وقالت ماشي افتح الباب طب
عز باستفزاز : لا اعتذري وافتح الباب قولي أنا اسفه يا عز ومش هغلط فيك تاني وهسمع كلامك في اى حاجه نور اضايقت وزفرت بضيق وقعدت ثواني وبعدين عز كمل برود وقالها يبقا خلاص سمعت جوابي همشي أنا بقا عشان هم*وت وهنام وبعدين لسه هيمشي نور رديت عليه بسرعه وقالت خلاص يا عز اسفه ومش هعمل كدا تاني و هسمع كلامك عز باستفزاز كملي باقي الجمله نور بضيق وهسمع كلامك في كل حاجه
عز بانتصار شطوره يا نونو وبعدين فتحلها الباب ونور دخلت بسرعه وقفلت الباب و زفرت براحه وعز اتحرك بالعربيه
عز ببرود: ما كان من اول لازم يعني تقلي ادبك وتعملي فيها اللي مفيش منك اتنين و شبح ع الكل وعليا فعلا ناس مبتجيش غير لما بتتقرص من ودنها نور اضايقت وقالت عشان انت مستفز في بتخليني اطلع عن طوري
عز باستغراب من كلمه : ط اى ي اختي قصدك يعني أنك حيو..ان التور ماشي ي ستي اللي شيفاه مادام شايفه نفسك توره نمشيها تور وبعدين ضحك بشده
نور اضايقت وقالت باستنكار طبعا ليك حق تضحك جاهل واثق من نفسه في حكمه تنفع اللي زيك قاله اى بقا لا تجادل مع الجاهل لكي لا يغلبك في جهله وكلمه طوري معناها أن أنا طلعت عن شعوري
عز ضحك بضيق وقالها أنا جاهل !! وبعدين ضربها بالقلم علي وشها بس بخفه ي بت انتي مش هتبطلي اللماضه اللي فيكي ازحلقك دلوقتي من العربيه نور مسكت وشها بصدمه وزقته وضربته عز مسك ايديها الاتنين بايد واحده وقالها برخامه احسن تستاهلي وبعدين وصل للبيت وساب ايديها الاتنين وقالها ببرود يلا انزلي يا بت ومفيش شغل بكرا ليكي عشان لو جيتي هفصلك ومتنزليش من البيت غير أما تقوليلي اديني حذرتك نور نزلت من العربيه وقالت بغضب في ستين داهيه يا عز ينعل ابو معرفتك وبعدين مشيت عز ضحك جامد وقال من نفسه استني بس هجننك أنا هربيكي يا سوق زبا*له وبعدين مشي
________________________
نور دخلت البيت وامها وأبوها كانوا قلقانين عليها واتصدموا من وشها عايده جريت على بنتها بخوف وقالت اى اللي حصل في وشك عزمي قطع كلامها وقال أنا كنت حاسس ان في حاجه عشان كدا اتاخرتي نور حاولت تهديهم وقالت بكذب ده انا وقعت علي وشي في شارع فا اتعورت دي خربوشه مش مستاهله نعمل ضجه عليها وقالت أنا هطلع هنام أنا تصبحوا ع خير
عايده بحزم: استني هنا ي بنت يعني بتقلقينا عليكي وانتي بارده مش عايزه تطمنينا وبتقولي عايزه انام فهمينا الموضوع وبعدين روحي نامي نور بزهق مفيش حاجه والله ما زي الفل اهو زي ما قولتلك كدا انا وقعت ع وشي بس يلا هروح هنام مش قادره بجد عزمي اتكلم وقال خلاص سبيها تروح نام وبعدين نعرف منها اى اللي حصلها
نور بنبره فاكهه: فل ي حج ابويا ده بيكلم كلام كبير عندك حق يا بابا يلا تصبحوا ع خير نور طلعت تنام
عايده باستغراب: بص البت ماشي يا نور ….. الصبح صبح وعايده دخلت على بنتها بفرحه و سرور وفتحت الستاير والضوء دخل علي نور خلت نور تصحي وفتحت عينيها بنعاس وقالت بصوت نايم في اى يا ماما علي الصبح معنديش شغل انهارده اجازه اقفلي بقا خليني انام عايده قربت عليها بفرحه وقالت قومي بس ليكي خبر مفرح نور قامت بزهق : اممم اى بقا الخبر المفرح بقا اللي هيخليني اطير زي الحمام الطاير
عايده بابتسامه مفرحه: جايلك عريس انهارده
نور باستغراب: عريس وجاي كمان هو أنا مبقاش ليا رايي في البيت ده ولا اى مش المفروض اعرف قبلها بردو عايده اتكلمت بسرعه وقالت لا ما الموضوع جيه مره واحده و ده ابن صاحب ابوكي هيجي يشوفك
نور بضيق : وانا مش عايزه اشوف حد و مش حاطه في دماغي حوار الجواز ده دلوقتي
عايده : لا بقولك اى الواد جاي هو عيلته مفيش حاجة اسمها مش عايزه اتجوز عايزه افرح بيكي بقا ي شيخه
نور ببرود : ايوه مانتوا عايزين تخلصوا مني بدري طب قولو لو تقيله عليكوا هروح اشوفلي شقه اقعد فيها واخلصلكوا من نفسي عايده ضربتها بخفه وقالتلها بس يا بنت أنا عايزه افرح بيكي زي كل الامهات اخلص منك لي يعني هو ليا كام نور في الدنيا دي غيرك عايده فضلت تقنع بنتها لحد لما نور زهقت وقالت خلاص هشوفه لو مدخل دماغي هرفضه
عايده: بس انتي اتكلمي معاه وبعدين ابقي قولي رايك نور هزت راسها بالموافقه وقالت ماشي نور جهزت دخلت خدت شور وبعدين فطرت لحد لما جيه الوقت اللي هيجي في العريس عشان يشوف عروسته نور كانت جاهزه في الاوضه ولبسه فستان مجسم عليها و لونه ابيض وسايبه شعرها وحطت مكياج برز جمالها عايده دخلت عليها وقالت لها قمر يا روحي ربنا يصلح حالك ويسر امورك يارب يلا تعالي خدي المشروبات للناس قاعدين بره نور بلا مبالاة ماشي نور دخلت المطبخ وخدت المشروبات وطلعت للناس واتصدمت وبرقت عيونها وبلعت ريقها بصعوبه و الصينيه كانت هتقع من ايد نور وبالفعل وقعت وقالت بصدمه في نفسها عززز!!!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مغرور ولكن وقع في حبي)
