رواية معجزة من السماء الفصل الأول 1 بقلم عمرو على
رواية معجزة من السماء الجزء الأول
رواية معجزة من السماء البارت الأول
رواية معجزة من السماء الحلقة الأولي
طمنيني قوليلي ازيك عاملة ايه ، لسة اللي بيشتريكي بتبعيه
عرفت ان خطوبتها النهاردة ، ف كان لازم اعمل الواجب ، روحت تحت بيتها وندهت بأعلى صوتي ، يا خاااينة ، ياللي بعتيني عشان الفلوس ، اطلعي و وريني نفسك
” الناس كلها اتجمعت على صوتي ، وقفو معايا كأنهم مستنين انها تظهر
• يابني عيب كدا ، اعتبرها زي اختك
• النهايات أخلاق يابني
امشي من هنا يا رامي بدل ما ابلغ عنك البوليس
= بتبعيني انا عشان الفلوس
وانت عايزني اقعد معاك وانت معكش ولا جنيه
= كنتي استحملي طالما بتحبيني
احب مين يا رامي ، انت صدقت
= انا فعلا مقبلش اعيش مع واحدة زيك
خلاص بقا يابني ، ربنا يرزقك ب غيرها
” سمعت كلام الناس ومشيت ، مكنتش مستغرب من اللي حصل لاني اتعودت ، شخص غير محظوظ بالمرة ، مفيش حاجة كملت في حياتي للاخر ، ولحد الآن السبب مجهول ، فقري زي ما بيقولو عليا ، شخص بلا حظ وبلا شغل وبلا اي حاجة ، لكن انا راضي الحمدلله متأكد أن ربنا مش هيسيبني ، قابلت وليد صاحبي
برضو عملت اللي في دماغك يا رامي
= ومستريحتش
الحاجة اللي هتريحك لسة مجاش وقتها
= بقالك 5 سنين بتقولي مجاش وقتها
متقلقش يا رامي ، ربنا مش هيسيبك
” الجو كان بدأ يمطر ، بصيت للسما وقولت يارب ، كنت ماشي وسمعت واحدة ست كانت قاعدة على جنب الطريق
” ساعدني يابني
” بصيتلها بحزن ، مكنش معايا غير 50 جنيه في جيبي ، فكرت لثواني بيني وبين نفسي ، لكن كان القرار الأخير هو اني اديها الفلوس كلها
” اتفضلي يا أمي وقومي روحي بيتك من البرد دا “
= ربنا يخليك يابني ، ربنا يحققلك اللي بتحلم بيه ، ويكرمك ويرزقك من اوسع ابوابه “
” ابتسمتلها ومشيت ، روحت البيت ونمت ، كنت مرهق جدا ، صحيت الصبح وبما اني فقري لقيت المية قاطعة ، يعني يارب حتى المية مش موجودة ، دخلت ولبست عشان انزل
” يا سلام لو المية موجودة دلوقتي ، كان نفسي ااخد دش
” دي الجملة اللي قولتها قبل ما اسمع صوت المية وهي نازلة من الحنفية ، الحمدلله رجعت اهي يبقا العيب مش فيا ، لبست ونزلت ، قابلت صاحب الشقة اللي كان عايز مني الايجار عشان متأخر عليه بقالي شهرين
انا اسف يا استاذ عادل والله ، بس للاسف والله لسة ملقتش شغل ، ياريت كان معايا مبلغ الايجار كنت دفعته ليك عشان مبقاش محرج كدا
” بالصدفة حطيت ايدي في جيبي ، لقيت فلوس ، جات منين دي ، الغريبة انهم 2000 جنيه ، و دا نفس مبلغ الايجار بالظبط ، أنا متأكد ان مكنش معايا فلوس غير ال 50 جنيه ، الفلوس دي جات ازاي ، اسئلة كتير بدأت تراودني ، فكرت ان الموضوع متعلق بالعفاريت والاشباح ، بس عفريت ايه اللي هيحطلي فلوس في جيبي دا ، اكيد الموضوع فيه سر و لازم اعرفه ، كملت لف و تدوير على شغل لحد ما دخلت محل كبير لا داعي لذكر اسمه ، سألت
عندكوو شاامبو
” جملة دارت في بالي قبل ما افوق على صوت الراجل وهو بيقولي
اؤمر يا فندم
= مش محتاجين أي حد يشتغل
لا للاسف مفيش مكان فاضي
” يأست وكنت لسة همشي ، بس قولت اجرب حاجة وقولت في سري ” ياريت كنت اشتغل هنا عشان حتى اعرف اصرف على نفسي ” ، قولت الجملة في سري ولسة همشي ، سمعت صوت الراجل بيناديني
استني ، تقريبا في مكان فاضي ، النهاردة في عامل عندنا ساب الشغل وممكن تمسك مكانه
” طاقة القدر شكلها بدأت تفتح ، في حاجة غريبة بتحصلي ومش فاهمها لكن افتكرت
” اتفضلي يا أمي وقومي روحي بيتك من البرد دا “
= ربنا يخليك يابني ، ربنا يحققلك اللي بتحلم بيه ، ويفتحلك كل الأبواب المقفولة ويرزقك باللي تتمناه نفسك
معقول يكون دا السبب ، يعني انا دلوقتي عندي قوة خارقة ، دي هتحل حاجات كتير أوي ليا ، هخلص من الفقر اللي انا فيه بس بالخير وبالحلال وبدايتها كانت اني اشتغلت وبدأت الفلوس تكون موجودة اولها دفعت كل ديوني والاقساط المتأخرة ، تاني حاجة نقلت شقة جديدة ، تالت حاجة و دي كان لازم تحصل ، لازم تحصل بعد ما وليد قالي
على فكرة يا رامي ، ميار فرحها النهاردة
= لازم نودعها
ازاي
” لبست اشيك حاجة عندي و روحت الفرح ، استخبيت وسط الناس ، وليد كان واقف جنبي
هنعمل ايه
= يا سلام لو الفرح دا باظ دلوقتي والعريس ضربها في وسط الناس بالقلم
” ثواني معدودة بعد الجملة ، ولقيت العريس قام وضربها فعلا بالقلم ، وقالها في وسط دهشة و ذهول الناس كلها
أنتي طااالق طااالق!!
يتبع…
لقراءة الفصل التالي : اضغط هنا
الرواية كاملة اضغط على : (رواية معجزة من السماء)
