رواية معاناتي الفصل الثامن عشر 18 بقلم يارا
رواية معاناتي الجزء الثامن عشر
رواية معاناتي البارت الثامن عشر
رواية معاناتي الحلقة الثامنة عشر
قفل عمر المذكرات وهو مبسوط من جمال النهايه ومبسوط اكتر أنو هيقابل نور ولو أقنعها انها تكون في حياته ……….. حياته هتكون افضل ……….
عند هناء الساعه 7 ………..
هناء: ممكن ادخل يا فندم ؟!
آدم: اتفضلي ……
هناء: انا محتاجه توقيع حضرتك على الورق دا ………
آدم: اقعدي يا هناء عايز اتكلم معاكي شويه ………
هناء: وقت تاني معلش عندي شغل كتير ……….
آدم: اقعدي يا هناء مش مهم الشغل المهم الكلام اللي هنقوله ……. اقعدي يا هناء ……..
هناء: اهو اتفضل اتكلم ……..
الظاهر انها هتكون ليله مليانه مفاجئات سواء ل ادم و هناء أو ل عمر و نور ……..
على البحر الساعه 7 ………
عمر جاي ينهج ……. كان جاي جري خايف لحسن نور تزهق وتمشي ………
نور: متقلقش كنت جيت براحتك بالنسبه ليا الليله دي مهمه جدا فكنت هستناك للصبح عادي ………
عمر: انا اسف على التاخير
نور: من تاخيرك اقدر اخمن انك خلصت المذكرات ……..
عمر: فعلا خلصتها وبجد فرحت اوي انك خلصتي من سجنك ومعاناتك ……. انتي قويه جدا عشان تقدري تتحملي كل دا فعلا انا فخور بيكي وفخور انك في حياتي ………
نور: انا فعلا عشت حياه صعبه بس انا دلوقتي زي الطير الحر محدش هيقدر يعذبه أو يتملكه تاني ………
عمر: انا فعلا مبسوط اوي اني معاكي ……..
نور: طب وهناء؟!
عمر: هناء اختي وصحبتي لكن مظنش أن ممكن يكون فيه حاجه ما بينا وخصوصاً بعد اللي حصل معانا ……..
نور: انت بتكدب على مين؟! عليا ولا على نفسك ……..
عمر بصدمه: ايه؟! اي اللي انتي بتقوليه دا انا عمري ما كنت بحب الكدب ………
عند هناء ………..
آدم: بصي انا عارف اني غلط ومفيش انسان معصوم من الغلط انا اسف جدا اني جرحتك وحكمت عليكي من ماضي ملكيش اي ذنب فيه ……. وارجوكي متقطعنيش ……. انا غلط مره لما سبتك ل عمر لما خطبك وعشت اسوء ايامي …… وغلط واتخليت عن أقرب صديقه ليا في اكتر وقت كانت محتاجاني فيه …… وغلط لما سبتك في اليوم إياه واني اخدتك بذنب مش ذنبك وملكيش اي علاقه باللي حصل ……. ف انا بترجاكي تسامحيني وترجعيلي ……. والله انا مش هزعلك تاني ولا هكسر قلبك خليني اصلح غلط واحد على الأقل من اغلاطي ……….
سكتت هناء فتره طويله كان باين من ملامحها أنها بدأت تحن له ……….
عند عمر ………..
نور: انت اه مش بتحب الكدب بس دا ميمنعش انك ممكن تكدب حتى تخبي ……. بس عن الناس كلها لأنك قولت مره اني فهماك وعلطول هفضل افهمك من غير متتكلم ……..
عمر: نور انا يمكن كدبت لما قولت اني محبتش هناء ويمكن هكدب لو قولتلك مكانتها هتقل عندي مع الوقت …… انا اسف اني صريح معاكي كدا بس دي الحقيقه بس المتاكد منه اني فعلا حبيتك وعايزك في حياتي ومش عايز غيرك ……..
نور بسخريه: عايزني؟! اسفه يا عمر بس انا مقدرش اكون في حياتك وانا عارفه أن فيه واحده مشاركاني قلبك …….. انا عشت معاناه واتحملت ومقدرش اعيش معاناه تانيه ………
عمر: ومين قالك اني هعيشك في معاناه مع الوقت كله هيكون تمام اوعدك ……..
نور: انا منكرش انك تاني حب حقيقي في حياتي ويمكن حبي الاول كان مجرد اعجاب زي ما انت معجب بيا كدا بس انا حبيتك وعلى فكره انا اتحملت معاناه جسديه لكن اني اعيش مع شك وخوف انك ممكن تروح مني دي مستحيله صعبه عليا اوي انا اسفه ……….
عمر: انتي ليه بتصعبي الأمور كدا في فتره خطوبتنا تكون هناء اتجوزت وانا وانتي هنعيش في سعاده ……..
نور: سعاده؟! الكلمه دي صعبه اوي الوصول ليها ……. بس ……. بس لو انت فعلا عايزني يبقى نسافر ……..
عمر بصدمه: نسافر؟!
نور: اه نسافر انا كان نفسي اسافر باريس وادرس موضه لاني بحبها وباريس بلد الرومانسيه خلينا نروح هناك ونبدأ حياتنا بعيد عن الكل دا لو فعلا بت ………..
عمر بعصبيه: ايه؟! اي اللي انتي بتقوليه دا واسيب هناء لمين وخالتو لا لا مستحيل اعمل كدا ……….
نور: وانا بخيرك انا أو هما؟!
عند هناء ……….
هناء: آدم انت لما سبتني فكرت في نفسك وشئ حلو انك حاسس بغلطك لكن مع الأسف انا مش بقع في نفس الحفره مرتين …….. انا بقيت بخاف منك …… اه بخاف وهخاف بعد كدا احكيلك حاجه القيك سبتني ومشيت زي ما عملت بس زي ما قولتلك حاجه حلوه انك تعترف بغلطك وتحاول تصلحه ………
آدم: بس يا هناء اديني بس فرصه ……. فرصه واحده اعرف اعوضك بيها وأثبت حبي ……….
هناء: اسفه بس انا مش بدي فرص تانيه وزي ما قولت مش بقع في نفس الحفره مرتين ………
قامت هناء وكانت ماشيه ……..
آدم: طب لو كان عمر اللي طلب الفرصه دي كان الوضع اختلف صح؟!
سكتت هناء ومعرفتش ترد …….
هناء لنفسها: ياترى فعلا كان الوضع اختلف لو عمر هو اللي طلب الفرصه دي ولا كنتي هترفضيه؟! ……….
يتبع…
لقراءة الفصل التالي : اضغط هنا
الرواية كاملة اضغط على : (رواية معاناتي)
