رواية معاناة الحب الفصل الأول 1 بقلم أمل أحمد

رواية معاناة الحب الجزء الأول

رواية معاناة الحب البارت الأول

رواية معاناة الحب الحلقة الأولى

_ هو أنا وحشه؟؟
= ليه بتقولى كده؟!
_ مش عارفه بس انا طول الوقت حاسه انى وحشه ومفيش حد بيحبنى
= طب ازاى وانا اهو!
_انت اهو ايه؟
=انا اهو بحبك
_ههههه بس يا عصام بقى أنا بتكلم جد
= طب منا كمان بتكلم جد
_ هوووف عصام انت عارف أنى بعتبرك اخويا من زمان فبلاش بقى الكلام دا
= ماشى يا دينا الى انتى شايفاه!
_ اهوو بص مش بحب اتكلم معاك عشان كده كل ما نتكلم وتيجى سيره الموضوع دا تتضايق وتزعل وفى الآخر مبتسمعنيش
= عايزه ايه يا دينا؟
_ عايزاك تنسى موضوع الحب دا وتركز معايا
= والله ؟ وهو زرار هدوس عليه هنسى انتى معندكيش دم يابتت؟!
_ تصدق أنا غلطانه انى كلمتك أصلاً
= وانتى كنتى هتكلمى مين أن شاء الله غيرى؟!!
_ هكلم عادل !
= ديناااااااا اتلميييى الكلام دا مفيهوش هزاااار!
_ بس بس وطى صوتك احنا فى مكان عام يخربيتك
= طب اتهدى كدا واعقلى الكلام عادل مين الى تكلميه !
_ ما انت اهو مش بتسمعنى !
= تقومى تقوليلى اتكلم مع عادل احنا هنستعبط
_ طب خلاص اسكت اسكت
= هووووف قومى عشان نروح
_ اى دا انا ملحقتش اقعد ولا حتى اكل ولا أشرب حاجه!
= ما هو دا الى انتى فالحه فيه ، تطفحى ايييه؟
_ اي دااا؟! فى حد يعزم حد يقوله تطفح ايه!!
= اخلصى يا دينا عشان أنا على اخرى منك !
_ لا اله الا الله وانا عملت ايه يا عم انت؟
= طب هتخلصى وتقولى عايزه ايه ولا اقوم اسيبك وامشى
_ ما تستنى يا عم وتهدى عليا شويه أنت بتتلكك!
= اااه أنا بتكلك وعايز امشى اصلا
_ طيب اصبر اطلب إلى هطلبه وحاسب وامشى
= ايييه ؟!!!
_ اااااه…بقول أنا بفكر نطلب محشى
= ايييه ؟!!!
_ أنا بقول تطلبلنا اي حاجه عشان أنا بعك الدنيا !
= بتنهيده ..صبرنى يارب على ما بليتنى ، جرسون ..
: احم نعم يا فندم تطلب ايه
= هاه هاتشربى ايه؟
_ عايزه مانجا
= بهمس ..مانجا اي أنا معيش غير ٦٠ج فى جيبى اتنيلى اطلبى حاجه تانيه!
_ يخربيت النتانه هو فى حد يخرج فى جيبه ٦٠ج بس
= ملكيش فيه أنا نتن !
_ خلاص حيث كدا اطلبلنا كوبايه شاى بقاا
= احم كوبايتين مانجا لو سمحت
: تحت امرك يا فندم
_ بصدمه …اي ! انت مش قولت معكش غير ٦٠ج ياض؟!
= ياض؟؟! منك لله يا بعيده اه معايا ٦٠ج و أزيد عادى يعنى
_ ده انت رخمم
= بردو مفيش فايده فى طوله لسانك دي
_ هيحححح ..
بعد دقايق وصل العصير وشربوا وفضلوا يتكلموا كتير والكلام خدهم وفضلوا يطلبوا كل شويه مشروب مختلف وبعد ٣ ساعات تقريباً من الحكاوى والوقت اللطيف بينهم ..
_ ههههه ..فا أنا بقى قومت قايلالها دا عندهاااا يا سكرر مين دى إلى تيجى معاكى من ال** ل** مشييي ليه هو أنا كنت شاريه رجلى
= بتثاوب ..اااه كملى
_ عصام أنت نعست ؟
= أنا ؟ لا لا أنا معاكى
_ اممممم اشك
= بنوم أكثر ..لا لا سامعك كملى بس مش حاسه أننا اتأخرنا شويه
_ وهى بتطلع فونها ..ليه هى الساعه كاا؟! نهار اسوووح !!
= ايييه؟!
_ الساعه ١٠.٥ احنا قاعدين بقالنا يجى ٤ ساعات فى الكافيه !
= اممممم ولسه واخده بالك ؟
_ وانا اقول الجرسون رايح جاي يبصلنا ليه ولا ال نكون محتكرين المكان!
= مثلاً؟!
_ جرا اي يا عم انت معاه ولا معايا ؟
= معاكى يختى اتلهى
_ اخويااا والله
= بعصبية ..شوف بردوو هاتقولى اخوهاااا !!
_ لا اله إلا الله روحنى يا عمم أنت كل شويه تقعد تشخط فى إلى جابونى
= أنتى إلى بنى ادمه مستفزههه ايه مبتحسييييش !
: لوسمحت يا فندم بس الصوت عشان عالى
= احم بعتذر جداً ..يلا قومييى عشان اكتر من كده هيطردوناا وهما هيموتوا ويعملوا كده من الصبح أصلاً
_ بضحك ..حسيت كده بردو يلااا
= بابتسامه ..يلا يا اخره صبرى
بعد دقائق
وصلوا قدام بيت دينا بعربيه عصام
= ديناااا ديناااا يلا قومى وصلنا
_ امممممممم بس يا عادل بقى بلاش رخامه عايزه اناااام
_ بصدمه وعينه اتسعت ..عااااااادل ..ومسكها من ياقه التيشيرت ..دا انا هخلى ليلتك شبه لون التيشيرت إلى لابساه أن شاء الله
= فاقت لما لقته بيتكلم بعصبية وماسكها ..ااه.. ااه.. ليه كده بس وربنا ما اقصد أنا نايمه اصلا ياا
_ عادل عادل
= هههههه لا عصومى
_ بتتتت متثبتنيش انتى قولتى عادل وانتى نايمه معنى كدا أن الجحش ده فى دماااغك انتى بتستعبطى ولا اييييه
_ يوووه ياعم كنت نايمه واحده نايمه وبتهلس
= طب انزلى بقا من عربيتى يا ديناا
_ بقا كدا يعنى مش هتقفلى لحد ما تطمن انى طلعت زى ما بتعمل
= لاء واقولك ابقى خلى عادل يقفلك
_ عصاااام
= بلا عصام بلا زفت يلاااا أخرجى من العربيه
_ على فكره انا زعلت بجد
= بعصبية شديده ..مش فارق معايا
_ اتكسرت اوى من الكلمه دى مكنتش متوقعاها منه أبداً وخاصه أنهم عشره ٧ سنين وردت بدموع نزلت غصب عنها ..هى بقت كده ؟ مش فارقه معاك ! تمام يا عصام بس انا من اول إلى اللحظه دى عايزاك تنسى انك تعرف واحده اسمها دينا ..وفتحت بابا العربيه ونزلت بسرعه
= اتضايق اوى من نفسه وفضل يخبط فى دركسيون العربيه بغلّ ..غبي غبييييي ازاى تقولهاا كداااا ..وبص عليها يشوفها لقاه حاجه مكنش متوقعها ؟!