رواية مستقبل الماضي الفصل الأول 1 بقلم حياة
رواية مستقبل الماضي الجزء الأول
رواية مستقبل الماضي البارت الأول
رواية مستقبل الماضي الحلقة الأولى
زينب : ايه يا ولية يا خرفانه مش ناوية تودعي وتريحينا
كانت حماتها قدامها نايمة على السرير وسامعاها وعيونها بتنزل دموع ومكنتش قادرة ترد عليها لأنها مشلو*لة كليا
زينب : لا ومقعدينك ليا عشان ايه اخدمك ومش عارفة سا حرة ابنك ازاي مش راضي يحطك في دار مسنين ولا رعاية….. وبتسيبها وبتمشي
زينب : خد كل يا حبيبي
محمد : ماما كلت
زينب بكدب فهي محطتلهاش اكل ليها يومين : ايوة اكلتها بعدين حطتلك الاكل
محمد بابتسامة وبيمسك ايديها : تسلمي يا زينب عارف انك مستحملة ماما الفترة دي كلها بس مهما يكون دي امي وانا ما عنديش حاجه في الدنيا أغلى منها
زينب اتغاظت انه قال إن امه أغلى حاجه عنده بس سكتت
محمد وطلع من جيبه سلسل الماس : خدي ياريت يعجبك انا جيبته مخصوص عشانك
زينب خدته منه بفرحة ولبسته
محمد : ده تقديرا ليكي لأنك اعتبرتي امي زي امك وراعيتيها
زينب اختفت ابتسامة الفرحة من على وشها واتبدلت لتكشير
زينب في تفكيرها : يعني عشان راعيت امه جايبلي سلسل الماس مش عشاني طب تمام!!!
تاني يوم
زينب بخبث : مش جعانه وعايزة تاكلي يا ولية
حماتها بتغمض عينها بسرعة بمعنى ايوة
زينب وهي بتدخلها المعلقه في فمها : اطفحي
بعد ساعة
مهاب ببكاء وهو بيجري لأمه : ماما ماما جدتي عماله تكح جامد اوي وبيطلع من بوقها د.. م وشكلها تعبانه اوي
زينب وهي بتبص على السلسلة اللي في رقبتها في المرايا : امممم ابعد عنها بس عشان متتعديش منها تعال اقعد هنا
مهاب : بس انا بحبها اوي مش عايزها تبعد عني تعالى شوفيها المرة اللي فاتت سمعت كلامك وبعدت عن جدي عشان قولتي لي هتتعدي منه بعدها جدي راح عند ربنا
زينب : مهاب اسمع الكلام واقعد عشان ممدش ايدي عليك وازعلك!!!
بيقعد الطفل الصغير اللي عمره 7 سنين وقلبه عايز يطلع من مكانه من الخوف على جدته
زينب : انا نازلة عند جارتنا تحت شويه ماشي
مهاب : تمام
بيقفل الباب وراها وأول ما بيدخل يقعد بيلاقي الباب بيدق بيروح وبيفتحه
مهاب بسرعة وخوف اول ما بيلاقيه ابوه : بابا تعالى بسرعة جدتي تعبانه اوي وبيطلع من بوقها د… م كتير اوي
محمد بصدمة : اييييييييييه….. وبيجري عند اوضة أمه وهو خايف اللي يكون في باله صح..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مستقبل الماضي)
