رواية عشقني فحطمت غروره الفصل الثالث 3 بقلم الشيماء ممدوح

رواية عشقني فحطمت غروره الجزء الثالث

رواية عشقني فحطمت غروره البارت الثالث

رواية عشقني فحطمت غروره الحلقة الثالثة

محمد وصل لقي آدم غرقان في دمه طلبله الإسعاف بسرعه …
في المستشفي …
كانوا كلهم في المستشفى قلقانين وابوه مش قادر يوقف علي
رجله من الخوف عليه ومامته وقعت من طولها وليلي واقفه
مصدومة
الدكتور خرج وقالهم انه الحمدلله عدى مرحله الخطر وانه لازم
يرتاح في سريره واداهم تعليمات وكتبلهم علي أدوية يدوهاله
وبعدين
ليلي راحت تطمن مامته عليه وانه خلاص بقي كويس ويقدر
ياخدوه معاهم
في البيت بعد ماروحوا كلهم ليلي راحت تحضر الاكل لآدم
عشان تديله العلاج :
آدم كان تعبان وموجوع في اوضته فجأة لقي ليلي داخله
عليه بصنية مليانة اكل وعصير …
آدم كان متفاجئ ومحرج في نفس الوقت من اللي ليلي
بتعمله معاه ده رغم تعامله الوحش معاها بس هي طلعت
طيبه فعلا
ليلي: يالا بقا يا آدم عايزاك تخلص الاكل ده كله
آدم : بس انا مش هقدر اكل ده كله وبعدين مليش نفس اكل
ليلي: تؤ تؤ لازم تاكل عشان تاخد العلاج عشان تتحسن
وتخف بسرعه يالا بسم الله
وأكلته حته فراخ مسلوقه بس كبيره ملت بوقه وآدم مفتح
عينه وباصصلها بصدمة عايز يقولها ان دي كبيره ومش قادر
ياكلها قالتله
يالا يا آدم امضغ بسرعه عشان أأكلك حته الفرخه دي
آدم مش عارف يتكلم وهو بيقولها مش لما اخلص اللي في
بوقي الاول!
قامت ليلي حاطه الحته التانيه في بوقه
وآدم عمل ريإكشن عياط
ليلي: لو مخلصتش اللي في بوقك هحطلك واحده تانيه
آدم فتح عينه بصدمه وقعد يمضغ جامد وليلي قعدت تضحك
على منظره وتقوله ايوه كده شاطر شاطر
وآدم ابتسم على منظر ضحكتها وهو بيقول في باله يااه أد
ايه ضحكتها جميله
ليلي: يالا بقاا خود دي.. وبتفضل تأكله لحد ماخلص أكله كله
آدم : بس بجد مش قادر تاني كفايه كده شبعت بطني هاتنفجر
ليلي ضربته على ايده وقالتله مسمهاش بطني هاتنفجر اسمها
الحمدلله
آدم اتفاجئ من ردة فعلها دي و قالها انا حاسس انك بتعامليني
على اني طفل
ليلي :هههه حاسس مش متأكد يعني.. وبعدين انت لو بتعمل
اللي انا بقول عليه من غير ماتتعبني كنت هعاملك زي الكبار
عشان هتبقى عارف مصلحتك
آدم : خلاص مش هتعبك تاني
ليلي طيب يالا بقا اشرب كوباية العصير دي
آدم : ليييه مانا اكلت اهو بعدين دي كبيره اووي لا انا مش
هقدر اشرب ده كله!!
ليلي : آدم انت قولت انك مش هتتعبني بعدين ده عشان
تعوض الدم اللي انت نزفته وبعدين مش كتير ولا حاجه لسه
في كوبايه عصير تاني
آدم : نااااعمممم!! لا انا مش هقدر اشرب ده كله انا كفايه عليا
كوبيه العصير دى بس
ليلي : طيب يلا اشربها
آدم وبنبره صوت كأنه بيفكرها :ماشي ومش هشرب غيرهااا
ليلي: ايوووه
آدم بعد ماشرب كوباية العصير: اااه بجد مش قادر احط حاجه
تاني في بطني
ليلي ضربته للمرة التانيه بس المره دي قالتها بصوت عالي كأنها
بتزعق: قول الحمد لله
آدم : الحمدلله.. خلاص كده مفيش غير العلاج
ليلي: لأ فيه
آدم : نعم في ايه تاااني!!
ليلي مفتحه عنيها وبتشاورله بيها على ناحيه كوبايه العصير
التانيه وهي ضامة شفايفها لجوه وبتبتسم بلئم
آدم : لا لا يا ليلي متقوليش.. مش هشربها. لااا لاا لااا
ليلي مسكت كوبايه العصير عشان تشربه وهي بتقوله يالا يا آدم
متغلبنيش بقا
وآدم قافل بوقه ومودي وشه للناحية التانيه..
آدم يالا انت قولت مش هتتعبني.. طيب لو شربت هجبلك حاجه
حلوه.. ياد هات وشك كده الكوبايه هتتكب..آاادااام.. طاب بوق
واحد واحد بس بكلمك جد
آدم وهو مودي وشه الناحيه التانيه : واحد بس
ليلي: بترجي ايوه واحد بس
آدم: ماشي خلاص هاتي بوق واحد بس
ليلي: شاااطر.. يالا واحد تاني تاني وبس كده مش هديك غيره..
يالا..شطووور.. طيب خود بوق كمان
آدم اتزمر ووده وشه الناحيه التانيه
ليلي بقله حيله:طيب خلاص خود العلاج يالا وياريت متتعبنش
وتاخده عالطول…
آدم بعد ما اخد العلاج اللي ليلي ادتهوله : اااه الواحد بطنه هاتنفجر
ليلي بصتله بنظرة كلها غضب وقالتله نعم احنا قولنا ااايه
آدم : الحمدلله
ليلي : شاااطر.. يالا قول ورايا ربنا يدومها علينا نعمه ويحفظها من
الزوال
آدم : لا مش معقوول انتي كده بتعامليني زي الطفل الصغير!! عالفكره
انا هقولها في سري
ليلي: آدم بطل لماضه وقول ورايا يالا.. اللهم دومها علينا نعمة واحفظها
من الزوال
آدم :اللهم دومها علينا نمعة واحفظها من الزوال
ليلي صقفتله صقفه صغيره سريعه وقالتله شطووور يالا انا هشيل
الصنيه بقا تصبح على خير
آدم : انتي هتسيبيني لوحدي وبعدين أنا مش جاييلي نوم دلوقتي
خليكي معايا شويه لحد مانام
ليلي: متخافش انا هشيل الصنيه واجيلك تاني
ومشيت ليلي
وآدم قاعد بيفتكر حنيتها معاه وهي بتأكله ويضحك كل مايفتكر
الطريقه اللي هي كانت بتعامله بيها وابتسم لما افتكرها وهي
مفتحة عنيها وبتشاور بيها على كوبايه العصير وسرح فيها وهو بيقول
في باله أد ايه عنيها جميله عامله زي مايكون القهوه انصبت في عينها
ورموشها سودا اوي و كثيفه وطويله وبشرتها الخمرية الصافية وملامحها
البريئة.. سرح في جمال عنيها وفي اسلوبها معاه..وهو بيبتسم
لحد ماليلي رجعت لقيته نايم عالمخده وهو بيبتسم ابتسمت على شكله
وعدلت نومته وغطته كويس …
في مكان آخر:
راضي =انا مش قولتلك خلص عليه
…_ ي فندم مقدرتش أخوه وصل هو والشرطة ومقدرناش نخلص عليه
احنا هربنا بأعجوبة
راضي بعصبية= غور من وشيييي فورااا بدل ما خلص عليك
…_ حححاضر ي فندم
رؤوف: ايه ي راضي حتة واد زي ده مقدرناش نخلص منه!!ايه احنا هنسيبه
يكوش علي كل حاجة
راضي: لا طبعا كده يبقي كل اللي عملناه وخططناله راح هدر
رؤوف ب غل وحقد: ده حتي شركتهم من وقت ما مسك ادارتها
وهي بقت أكبر من شركتنا بكتير وحطت عليها في السوق
راضي :الواد ده طلع أخطر من ابوه
رؤوف :فعلا…بس عارف هما لعبوها صح كان لازم نتصرف قبلهم مكنش كل
ده حصل
راضي بتفكير خبيث : عندك حق ..بس ملحوقة..
رؤوف : يعني هنعمل ايه
راضي : اسمع احنا……………..
رؤوف بانبهار : يابن الجنية تسلم دماغك هو ده الكلام…بس هنفذ امتى
راضي:استنى اما أرسي الواد حسام علي كل حاجة عشان هو بطل الموضوع
ونده علي حسام
راضي : اسمع ي حسام احنا عايزينك…………………
حسام: دانتو جيتولي في ملعبي هي دي المواضيع ولا بلاش..دانا هخلص عليها
في صباح يوم جديد في فيلا ابراهيم.. ليلي صحيت وعملت روتينها اليومي وجه موعد
الفطار وراحت المطبخ تحضره وتعمل اكل لآدم..بعدين لقت ميرفت حماتها نزلت
ميرفت: صباح الخير ي حبيبتي
ليلى : صباح الخير ي ماما انا حضرت الفطار فين عمو عشان ياجي يفطر معانا
ميرفت: عمك ده مراضيش يصحى كل شويه يقفل المنبه لما يرن ولا كأن كانت وراه سهرة
.. معلش روحي صحيه ي حبيبتي انتي هتقدري تقوميه انا متأكده معلش تاعبينك معانا ي
حبيبيتي ربنا يكرمك ويجبر بخاطرك ي بنتي
ليلى : ولا تعب ولا حاجه ي ماما تعبكم راحه انا هروح اصحيه
ليلى بتخبط على باب اوضه عمها ابراهيم
ليلي: عمو عمو افتح انا ليلي
ليلي فتحت الباب ودخلت تصحيه: عمو حبيبي اصحى يالا عشان تاكل.. عموو
ابراهيم : سيبيني انام شويه يا ليلي
ليلى : قوم يالا عشان تفطر.. كده ياعمو بتحط المخده على وشك يعني مش هتقوم..
طييب ماشي انا هزغزك
ابراهيم بخوف طفولي😂 : لا لا خلاص ي ليلى مبحبش حد يزغزني اديني قومت اهو
ليلى بضحك : هههههههه وانا اقول آدم طالع طفل لمين
ابراهيم: طفل.. انا طفل يا ليلي ماااشي.. انا لما يفوق ابوكي ان شاء الله هقوله
وهو يقولك اللي بتقولي عليه طفل ده الناس كانت بتخاف منه ازاي
ليلى كانت بتضحك بس اول لما سمعت كلمه ابوكي قعدت تعيط صعبت على ابراهيم
..حضنها وقلها متخافيش يا حبيبتي ان شاء الله هيخف وهيبقي كويس وهيرجعلك تاني
ليلي: وحشني اووي ياعمو عايزه اشوفه وحشني حضنه اوووي
ابراهيم: يا حبيبتي هنبقى نروح نزوره في المستشفى ان شاء الله بس اديكي زي ماشايفه
آدم تعبان ومش هينفع تسيبيه لوحده… واحنا حاطينله حراسه جامده في المستشفى وانا
بطمن عليه كل يوم وخلاص وعد ياستي هخليكي تروحيله بعد مايخف آدم ان شاء الله
عشان تروحوا مع بعض
ليلى مقالتله انا بحبك اوي ياعمو انتي طيب وحنين اوي شكراا علي كل
حاجه عملتها مع بابا انت عاملته زي مايكون اخوك بالظبط
ابراهيم هو فعلا اخويا واكتر كمان ده صاحب عمري اللي مليش غيره وأحسن
انسان شفته في حياتي ربنا يقومه بالسلامه ويرجعلنا سالم معافى ان شاء الله
ليلى : يارب ياعمو
وهنا دخلت ميرفت وشافتهم في الوضع المزري ده😂نورا كانت بتعيط وإبراهيم
حاضنها وعنيه مدمعه وهو بيدعي لمصطفي
ميرفت: انتو بتخونوني جوزي وَمرات ابني لا لا مش قادره لا مكنتش اتوقع منكو كده
اااه ومثلت انها تعبانه
ابراهيم وليلي بيضحكوا
ابراهيم : استنى يا ليلي دانتي متعرفيش حماتك ممثله شاطره اووي شوفي هتقلب
نفسها امينه رزق دلوقتي
ليلى وهي بتضحك : هههههه لأ هي قلبت أمينه رزق مش لسه هتقلب
ليلي : بقاا كده يعني انتو الاتنين بقيتو عليا مااشي طاب انا زعلانه منكم ومش
هتكلم معاكم تاني ومثلت انها زعلانه 😹
ابراهيم وليلى في صوت واحد وهو احنا نقدر على زعلك يا مرمر وليلى قامت
تزغزغها نزلوا فطروا وقعدوا يضحكوا ويهزروا عالفطار وبعدين
ليلى راحت تجهز الاكل لادم عبال مايكون صحي
آدم صحي من النوم لقى نفسه متغطي كويس
وليلي مش قاعدة في الاوضة بعدين قال ايه ده فين ليلي راحت فين!
= راحت تحضر الفطور لاشطر كتكوت اللي هيخلص اكله كله عشان يخف
ويبقى زي الحصان..
ليلي طبعا كانت داخله وفي ايدها صنيه مليانة بقا اكل وعصير
آدم اتفاجئ وقال بفرحة: ليلي
ليلي :ايوه ليلي اللي مش هتغلبها وهي بتأكلك وهتسمع كلامها صح
آدم : بس ده كتير اووي يا ليلي مش هقدر اكل ده كله تااني
ليلي معلش عشان تخف بسرعه وتقوم بالسلامة لازم تاكل ده كله عشان
بعدها تاخد العلاج اللي بعد الأكل
آدم: بس..
كالعاده ليلي مستنيتهوش يكمل كلمته وحطت في بوقه اللحمة
آدم افتكر اللي عمله معاها امبارح وهي بتأكله وضحك ضحكه خفيفه
ليلي :آدم متضحكش وانت بتاكل
آدم :عالفكره انا مش صغير بقا وبطلي تعامليني على اني طفل صغير طاب
مش واكل ووده وشه الناحيه التانيه
ليلي: الله بقا كده يعني انت بتتلكك عشان متكولش طاب انا هأكلك غصب عنك
واملالك بوقك اكل وهخليك تاكل ده كله وتشرب العصير كله.. يالا افتح بوقك..
ايووه.. حطيتها يالا إياك ترميها
يا آدم حرام امضغ يالا عشان لو اكلت من غير ماتتعبني هأكلك لحد ماتشبع بس
آدم بفرحه : بجد.. بس انتي بتقولي كده وفي الاخر بتأكليني ده كله
ليلي: لا بكلمك بجد.. يالا بقا خود دي.. ايووه شاااطر.. يالا الحته دي كمان
..ودي كمان.. يالا الحته دي وبس
آدم: كفايه كده شبعت يالا هاتي العلاج
ليلي: نااعمم علاج ايه انت لسه مخلصتش اكلك
آدم: ااااااايه؟!! انتي مش قولتي لو شبعت هتديني علاجي عالطول
ليلي: نعمم!! انا قولت كده مفيش الكلام ده يالا ياض خلص اكلك كله
آدم بصدمة وعمل نفسه زعلان: اكمني انا تعبان يعني ومش قادر اقوملك تعملي
فيا كده ماشي يا ليلي طاب لما اقوملك
ليلي ضحكت: طب يالا كل بقا عشان تقدر تقوملي وتسند طولك
آدم افتكر منظر ليلي وهي بتقوله يالا ياض خلص اكلك كله وقعد يضحك جامد ..
ليلي بتزمر: آااادم بطل ضحك ويالا بقا كمل اكلك
وآدم بيضحك اكتر
ليلي كمان قعدت تضحك علي منظره…
دخلت عليهم ندى وشافتهم وهما الاتنين بيضحكوا مع بعض