رواية محبوبة الفارس الفصل الثامن 8 بقلم أميمة عوض
رواية محبوبة الفارس الجزء الثامن
رواية محبوبة الفارس البارت الثامن
رواية محبوبة الفارس الحلقة الثامنة
انتٍ نجمتى
منى بعدم استيعاب لما سمعت كأنها تريد التأكد :بتقول ايه
فارس بتلاعب:ابدا مفيش بقولك تسلم ايدك على القهوه
أمال هقول ايه يعنى…سمعتى حاجه تانيه ولا ايه
منى بتوتر وحزن فى قلبها :ها ….لا ابدا مفيش شكلى سرحت شوية بس
وكمان يا فارس باشا دى مش اول مره اعملك قهوه
ما انا اللى بعمل فى الشركة
فارس بهدوء وهو ينظر إليها :
بلاش باشا احنا مش فى الشغل ،مش حابه تحكى عن نفسك وتتكلمى
منى بحزن ودموع تتهدد بالنزول :
هقول ايه ،هقول أن حياتى اتغيرت فى يوم وليله من طفله بتضحك وبتحب الحياه لطفله حزينه وحيده ملهاش حد … المفروض تواجه الحياه لوحدها والحياه مش راضيه تسبها فى حالها
أخدت منها اغلى ناس فى حياتها
واكملت بدموع :واحده يتيمه ملهاش سند ولا ظهر والكل بيستقوى عليها
مفيش حاجه فى حياتى حلوه انى احكيها
يشعر فارس بألم فى قلبه بمجرد رؤيتها تبكى هكذا
فارس بألم : اهدى خلاص
،اسف انى فكرتك اسف ممكن متبكيش
منى ببكاء : انا منستش علشان افتكر ،انا حزنى ودموعى معايا علطول بنام واصحى فيها
حتى اللى كانت بتخبط على باب شقتى وتسأل عليا راحت فى غيبوبه ،على الاقل لو كنت مت لوحدى كانت هتعرف ،انما دلوقتي مليش حد خالص
من طفله عايزه اللى ياخد باله منها وتلاقى الأمان والحنان فى بيتها لواحده عايشه بين أربع حيطان لوحدها
الموت اهون من اللى عايشه فيه دا
فارس بلهفه :بعد الشر عليكى ، اوعى تقولى كده تانى
وأكمل بحنيه لاحظتها:امال احنا فين لما انتٍ لوحدك ،اعتبرينا عائلتك ،ماما حبتك اوى
وانا موجود دايما اعتبرينى صديقك أو أخوكى
انت زى أختى الصغيره بالضبط
انا مش هسيبك أبدا
منى وهى تنظر فى اللاشئ مردده بحزن : انا حبيت ماما نرمين اوى ،ربنا يخليها ليك
،بس انا مش عايزه شفقه من حد ،انا عارفه ان حضرتك بتتعامل معايا كده علشان صعبت عليك
بس انا كفاية عليا أكمل شغل فى شركة حضرتك واسأل على ماما نرمين كل فتره والتانية
غير كدا ف كفايه كده اوى ،حضرتك مش مضطر تستحمل وجودى ولا تكون فى حياتى اللى كلها مشاكل وحزن
فارس بهدوء : شفقه !
مين قالك إن دا كله شفقه
لو شفقه زى ما بتقولى كنت وفرت ليكى شقة قريبه من هنا ،أو شغل زياده
انما ادخلك جوا قصرى وتقولى لوالدتى يا ماما وسايبك والآخر شفقه !
انا اعتبرتك زى أختى الصغيره
،ماما اعتبرتك بنتها وانا بساعدك علشان حابب دا ،اوعى تفكرى كده ابدا فاهمه
منى بطاعه فهى لا تجد الامان سوى بوجودهم :فاهمه
فارس بتركيز ؛صحيح انتٍ عامله ايه فى دراستك مع الشغل
منى بيأس من حياتها : الدراسة مش اوى يعنى
سنه وهتعدى لحد ما اشوف هعمل ايه في حياتى , بس لسه بدرى على الامتحانات اصلا يعنى
فارس بجدية : لا كده مينفعش واعتبرى نفسك فى اجازه من الشغل لحد ما تخلصى
منى برفض : بس يا فارس باشا..
فارس بصرامة : مش قولت فارس بس وكمان انا حاليا زى أخوكى الكبير يعنى تسمعى كلامى
طالما هتكونى فى مسئوليتى يبقى الكلام اللى اقوله يتسمع
منى بافتقاد الشعور بالحنية : انا حبيتكوا اوى ،حسيت معاكوا بالحنان اللى مفتقداه رغم أن يوم واحد بس كنت محتاجه الجو دا اوى
فارس محاولا أن يجعلها تشعر بالاطمئنان:
هتحسيه معانا علطول واحنا مش هنسييك
انتٍ خلاص جزء من حياتنا
يلا بقى اطلعى نامى علشان اوصلك الصبح ل الجامعه
منى بابتسامه وهى تنهض :تمام
تصبح على خير يا فارس
فارس بحب : ابتسامتك حلوه اوى يا منى
بلاش تحرمينا منها ،خليكى علطول مبتسمه
،وانتى من اهل الخير
تخجل منى من حديثه وتهز برأسها وتجرى من أمامه بسرعه
فارس بهيام : يا جمال اسم فارس منها ،طفله صغيره وقعتك ولا ايه يا فارس
كان لازم يعنى تقولها اعتبرينى أخوكى الكبير يعنى
#أميمة_شوقى
_____________________________________
تذهب منى لغرفتها وهى سعيده ،تشعر أن العالم يضحك فى وجهها مره اخرى
ولاول مره بعد وفاه أهلها تخلد للنوم بارتياح
فارس ظل ينظر إلى النجوم وهو شارد فيها حتى سرقه الوقت وسمع اذان الفجر
فأدى صلاته وذهب إلى والدته
فارس وهو يقبل يدى والدته : ست الكل زعلانه منى
نرمين بحب : مقدرش ازعل منك يا فارس
انت ابن الوحيد اللى مليش غيره
بس انت عارف ان البنت ملهاش ظهر وانا اعتبرتها بنتى وانك تحضنها كده حتى لو صعبت عليك ف دا حرام يا فارس
فارس بتفهم واعتذار لوالدته :
عارف يا ست الكل وانتٍ عارفه ابنك استحاله يحب الحرام ،انا فعلا مش حسيت بنفسى اول ما شوفتها منهاره كده واوعدك مش هتتكرر تانى
المهم متزعليش منى…حقك عليا
نرمين برضى : الله يرضى عنك يا ابنى يلا روح نام
فارس وهو يقبل رأسها : تصبحى على خير يا ست الكل
نرمين بحب /وانتى من اهل الخير يا حبيبى
#روايات_أميمة_شوقى_عوض
✨✨✨✨✨✨✨✨✨✨✨✨✨✨
يوم جديد عليهم منهم من تجدد الامل ليه وأصبح يشعر بالأمان ومنهم من الحقد والطمع ملأ قلوبهم
✨✨✨✨✨✨✨✨✨✨✨✨✨✨
فارس :صباح الخير يا ماما
نرمين : صباح النور يا حبيبى ،رايح الشغل
فارس وهو ينظر حوله يبحث بعينيه عنها منذ نزوله : هوصل منى الاول للجامعه وبعد كده اروح الشركه
هى لسه منزلتش ولا ايه
نرمين /لا لسه ،هخلى سماح تشوفها
سماح باحترام : نعم يا هانم
نرمين : صحى منى من فوق
سماح : حاضر يا هانم
قبل أن تصل سماح لها ،كانت منى تنزل من على السلم وهى مبتهجه
بتطلع سماح تصحى منى بس منى بتكون نازله على السلم وتقابلها
منى وهى تنظر إلى : صباح الخير
سماح :صباح النور يا هانم ،دا نرمين هانم قالتلى اصحيكى
منى بابتسامة: لا انا صاحيه من بدرى ،بس ايه هانم دى بس انا اسمى منى
تقولى لهم كده ، انما انا منى بس
منى بمرح :صباح الخير، مستنينى ولا ايه
فارس ونرمين فى صوت واحد : صباح النور
نرمين بسعاده وهى تراها بدأت تأخذ حريتها معهم :نمتى كويس يا حبيبتى
منى وهى تقترب منها وتقبلها من خدها :اه يا ماما نمت كويس اوى
يقطع حديثهم صوت فارس :يلا علشان اوصلك للجامعه
نرمين بحزن مصطنع: هو انا هفطر لوحدى ،يعنى حتى منى هتخليها تمشى من غير ما تفطر
،طب فارس ومبيفطرش وانتٍ يا منى
منى وهى تجلس : لا انا بفطر وجعانه جداا ، بس كده هعطل فارس وبالذات أن كنت عايزه اروح شقتى الاول اغير هدومى
لابسه دول من امبارح واجيب كتبى
ممكن تروح انت يا فارس الشركه وانا هاخد تاكسى
فارس برفض لحديثها : لا عادى مش متأخر وكمان مش هسيبك تروحى الشقه تانى لوحدك ،انتٍ ناسيه اللى حصل
تنظر نرمين بسعاده عليهم ،ترى فارس لا يريد تركها
ومنى تحاول الاعتياد على وجودهم
تتابع حديثهم وهى بابتسامه سعاده
_يلا افطرى وبعد كده نمشى
تشعر منى بالخجل وهى ترى فارس يأخذ القهوه من سماح : مينفعش قهوه من غير فطار ،
افطر معانا الاول طيب
فارس وهو يرتشف قهوته : انا متعود على كده
نرمين : بلاش تحرجها يا فارس وافطر اى حاجه معانا
فارس وهو ينظر إلى منى بحب واضح : لا انا مقدرش احرجها هفطر معاكوا حاضر
فتخجل منى أكثر وتنظر إلى الأسفل وفارس يبتسم عليها
#أميمة_شوقى
_______________________________
فارس وهو يقبل راس والدته : هنمشى احنا بقى يا ست الكل عايزه حاجه
نرمين بسعاده لأجلهم : سلامتكوا يا حبايبى
عند خروج منى من القصر مع فارس وترى كميه الحراسه
فتنظر إليه بذهول وهى تقول : ليه دا كله
بيطلع فارس ومنى علشان يمشوا
فارس بإبتسامة على هيئتها : دا تأمين للقصر
،وأكمل بغرور : مش اى قصر بردو ….دا قصر فارس الملك
لتقهقه منى على غروره : مغرور اوى انت
فارس وهو ينطلق بالسيارة: ماشى يا ستى مقبوله منك
صحيح عايزك تحكيلى كل حاجه عن جارك دا ومراته
وازاى أهلك ماتوا ،أو بمعنى أصح ليه شاكه أن حاجه حصلت لأهلك
منى بخوف : لا ….لا انا مش عايزه اعرف حاجه ،طنط سماح وحصل فيها كده وأهلى وماتوا يبقى هيعملوا فيا ايه
واكملت بتعجب : ..بس عرفت منين إن شاكه ان فيه حاجه مش طبيعيه حصلت
فارس بإطمئنان : مش عايزك تخافى طول ما انا معاكى
وانما عرفت ازاى فأنا فارس شاهين الملك مفيش حاجه تخفى عليا
فتضحك منى على غروره الذى لا ينتهى : ماشى يا مالك
يصل إلى العماره ومنى تاخد جميع ما تريد من شقتها
ويذهب بها إلى الجامعه
فارس بصرامة : خلى بالك من نفسك واى حاجه ترنى عليا عادى من غير احراج
ويكمل بأمر صارم فهو خائف عليها : كلامى كله يتنفذ يا منى
صحيح معاكى رقمى
تنفى منى برأسها
فارس: طب هاتى تليفونك
يقود فارس بتسجيل رقمه على الهاتف الخاص بها
وبمجرد دخول منى الجامعه
ينطلق فارس إلى الشركة الخاصه به
#روايات_أميمة_شوقى_عوض
______________________________________
بعد مرور أسبوعين
منى اعتادت على وجود فارس ونرمين ، تشعر أنها تعيش مع اهلها
فارس لا يتركها ابدا ، يقوم بتوصيلها إلى الجامعه ويسهر معاها ليلا فى الحديقه وتقوم بإعداد قهوه له
فهو أصبح مدمن لوجودها ولقهوتها
نرمين تشعر بالسعاده لرؤيتهم هكذا وتعاملها كابنتها
وفى يوم كانت منى ونرمين يجلسون ويضحكون ويتحدثون بحب وسعاده
يقطع سعادتهم صوت فارس وهو يصرخ باسم منى
فارس بصوت عال مرعب : منى …..منى
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية محبوبة الفارس)
