رواية مجنونه ولاكن اعشقها الفصل الأول 1 بقلم دودي صالح
رواية مجنونه ولاكن اعشقها البارت الأول
رواية مجنونه ولاكن اعشقها الجزء الأول
رواية مجنونه ولاكن اعشقها الحلقة الأولى
عااااااااااااااا ياماماااااااااعا
كان صوت وعد وهيا بتصرخ لما زين دلق عل وشها ميه بارده عشان يصحيها زي كل مره
زين.. قومي يا حيو. انه ساعدي ماما انتي مش عارفه ان عمك جاي نهارده هوا واخواتك وهنقضي اليوم سوا؟ قومي يبت خلي عندك دم شويه قالها بزعيق هزار
فجاه نطت وعد من مكانها ومسكت انتيكه كانت جمب السرير وطلعت تجري وراه بيها
وعد.. ابو شكلك يا شيخ منك لله هتقطعلي الخلف بسبب عمايلك اولع فنفسي عشان ترتاح وبعدين الساعه لسه عشره انت صاحي دلوقتي لييه انت عايز تشلني
زين… مقدرش اشيلك يجيلي غضروف وأنا لسه شباب
وعد كانت لسه هتخرج من باب الاوضه تكمل جري وراه سمعت صوت تلفونها بيرن رجعت تاني و رزعت الباب وراها وراحت عالفون لقتها عهد
عهد.. صباح الفلل يا دودو
وعد.. نعم عايزه اي عالصبح
عهد.. طب قولي صباح النور ردي رد عدل مش رد زي وشك تك نيله فشكلك
وعد… ببرود معلش
عهد.. مالك يبت شكل زين مروقك نيهههه 
وعد…بقولك اي انا مش فيقالك عالصبح عايزه ايه
عهد… اهدي بس يا شبح احسن يجيلك شوجر
وعد قفلت الفون فوشها
قالت لنفسها…. هيا ناقصه قرف عالصبح مش كفايه عليا الشحط اللي عندو طفوله متاخره بره داه
طلعت من الاوضه وهيا بتقول بصوت عالي صبرنننيي ياااااارب
راحت عالمطبخ كانت سميره واقفه بتحضر للغدا الجماعي بتاع يوم الجمعه زي كل مره
وعد… صباح الفل يا امي
سميره… قولي مساء الخير صحيالي الضهر وكمان صوتك كان جايب اخر الشارع ليه يا زفته
وعد… هوا مش انتو اللي سهرتوني امبارح لنص الليل نحضر حجات للاكل وعيزاني اصحي بدري كمان دا ظلم عل فكره وبعدين اللي عندها اخ زي زين لازم مصر كلها تسمع صوتها كل يوم
سميره.. افصلي بقي وغو. ري من وشي يلا روقي اوضتك وتعالي ساعديني فالغدا
وعد.. ثواني بس غدا اي أنا لسه مفطرتش
سميره.. مش لازم يلا امشي من وشي
طلعت وعد من المطبخ بتهبد وبتبرطم لقت باب اوضه عمر مفتوح شويه دخلت من غير م تخبط او تستاذن
كان عمر بيلعب ضغط نزلت قصاده وقعدت تلعب معاه وتعد
عمر.. نفسي مره تستاذني قبل متدخلي الاوضه زي الجموسه كده
وعد.. جموسه راحت تقابل جموسه جموسه راحت تقابل جموسه يعيني ملقتهاش جموووسه يا عيني لقتها بقره يا عييييين
عمر.. ابو تفاهتك
. اطلعي بره يا وعد عشان مزعلكيش
وعد وهيا خارجه تلقني لو مش عاجبك تلقني
عمر.. امشي يا هبله
دخلت وعد الاوضه عل ياسمين برضو من غير م تخبط
ياسمين.. يارب توب عليا من الجمو سه اللي قاعده معاها فالبيت
وعد… اتلمي يا ديل المعزه وانتي بتكلمي اختك الكبيره
ياسمين… ماشي المره الجايه.اطلعي بقا وخدي الباب ف ايدك
بطلي رزاله وسيبي اخواتك ف حالهم بقا
قالها احمد والد وعد
لفت وعد وقالت حتي انت يا حج د أنا بقول عنك الحنين تقوم تقول اني رزله الله يسامحك
احمد.. بطلي لك وروحي شوفي امك بتعمل اي ساعديها
كانت لسه هترد لقت اللي نزل عل قفاها عمل صدا طوت وشها احمر من الغيظ ولفت ملقتش حد غير زين اللي بيجري عل اوضته طارت وراه قعدو يهزرو ويضحكو شويه لحد جرس الباب م رن
زين.. روحي افتحي الباب
وعد.. ياسمين افتحي الباب.
ياسمين.. عمر شوف مين عالباب
عمر… مش قادر تعبان عندي زغته
كل ده والباب بيخبط ومحدش بيفتح منهم
جه احمد شتمهم وراح يفتح هوا
دخل محمد اخوه سلم عليه
وبعده احلام
وبعدين ادم وخالد و كريم وعهد.
جت سميره من المطبخ سلمت عليهم
وطلعو زين وعمر وعد وياسمين عالصوت سلمو كلهم عل احمد واحلام
وفضلو يهزرو مع بعض
دخل محمد واحمد يقعدو واحلام مع سميره تساعدها فالمطبخ
فضل التمانيه وافقين فالصاله
عهد لوعد.. بتقفلي السكه فوشي يا حيوا.. نه يا خنفسه
وعد.. انتي اللي بتستظرفي عالصبح اعملك اي
عهد.. تقومي تقغلي فوشي
وعد كانت هتتكلم بس لقت اللي بيمسكها من قفاها
روحي هاتلي اشرب عشان عطشان
وعد.. هوا حد كان قالك اني هنا مديحه الخدامه روح هات لنفسك البيت بيتك يا اخ خالد
خالد.. حد يجبلي مقص اقصلها لسانها اللي اطول منها بمترين داا
وعد.. لي كده بس د حتي بحبك يا زميل
خالد..
وعد.. مش مصدقني
قعدو يضحكو كتير ويهزرو بعد فتره
الباب خبط طارت وعد تفتح الباب عشان عارفه ان ادهم هوا الي بيخبط
وعد بفرحه… دووومه وحض. نته
ادهم.. قلبو عامله اي يا اميرتي
وعد.. الحمدلله يقلب أنت اي اخبارك
ادهم.. بقيت كويس لما شفتك يا قلبي
زين من وراهم.. خلصنا من جو العشق الممنوع دا ولا لسه شويه كمان والله لو مراتك مش هتبقا كده
ادهم و وعد ف صوت واحد.. اللي يغير مننا يعمل زينا وكمل ادهم باستفزاز يلا يا دودو ومسك ايدها ودخلو البلكونه وهوا بيضحك وعارف ان زين دلوقتي شايط عشان بيغير عل وعد وخصوصاا من ادهم
دخل الشباب كلهم البلكونه وكانت واسعه وفيها ترابيزه وكراسي بعددهم هما التسعه ودا مكانهم اللي بيجمعهم علطول
قعدت وعد وسط ادهم وزين
اتكلمو وضحكو كتير وبعد شويه احلام وسميره ندو عل وعد وعهد وياسمين عشان يساعدوهم
بعد وقت كانو الرجاله كلهم نزلو عشان يصلو الجمعه والبنات مع احلام وسميره بيصلو فالشقه
بعد الصله طلعو الرجاله ورجعو الشباب قعدو فالبلكونه تاني بس المرادي كانو بيقرأو سوره الكهف بصوت عالي مع بعض وكانو كلهم حافظينها ودي عاده عندهم كل يوم جمعه بيعملوها علطول
جه معاد الغدا وقعدو كلهم عالسفره وابتدو يكلو في جو ميخلاش من مشاغبه وعد وضحكها معا اخواتها وكان الكل مبسوط
اتكلم أحمد وقال
بمناسبه ان كلنا متجمعين كنت عايز اقولكم عل خبر
ادم.. خير يا عمي وعد جالها عريس وهنرتاح اخيرا
وعد.. متخفش مش عريس يادومي قاعده عقلبك
أحمد.. افصلو شويه عشان عايزة اتكلم ممكن يا ابله انتي وهوا
وعد.. اتفضل ياحج سامعينك
احمد..جالي قرار إن شغلي هيتنقل وانا بصراحه مرحب جدا بالفكره
محمد.. فين
أحمد.. اسكندريه قولت نغير جو
وعد.. هنفضل هناك علطول
احمد.. لأ فتره مش كبيره يعني
ياسمين.. قد اي الفتره دي يابابا
احمد.. سنتين
زين.. بس دول كتير وكمان شغلي ودراسه العيال دي
عمر.. ايوه وكمان كليتي ومدرسه جاسي
أحمد .. هما هناك محهزين كل حاجه البيت جاهز اللي أنا هقعد فيه وبالنسبه ليا انا مش عايز حد فيكم ولا عايز اشوف وشكم ومش هاخد معايا غير سميره
وعد.. تؤتؤتؤتؤتؤتؤ مينفعش تبعاا رجلينا علي رجلك ومطرح متروح هنروح وراك ولو عالدراسه لسه شويه عقبال م تبدا وممكن اجي هنا شهر مثلا للكليه ومنين منفضي نبقا نرجع اسكندريه
اي رايك والعيال دول برضو يعملو كده ونفضل عل كده طول السنتين رايكم يا جماعه
كلهم ايدو راي وعد ورحبو بيه واتفقو كلهم وبقيت العيله اتفقو برضو انهم يزروهم هناك كل فتره أو اجازه
بعد كلام كتير خلصو اكل
سميره.. اي يا هانم انتي وهيا وهيا الاطباق هتتشال لوحدها وهتغسل نفسها ولا اي
عهد… لأ طبعا وعد وياسمين هيشلوها ويغسلوها أنا ضيفه عندكم
كانت سميره هتتكلم قاطعتها وعد
سبيلي الطلعه دي يا امي
ضيفه مين يا شمبانزي د انتي قعدتي فالبيت دا اكتر مني قدامي عالمطبخ بدل م اجرك من شعرك ويكون فعلمك انتي اللي هتغسلي الموعين
عهد بصدمه… واااات
وعد بتريقه… زغط بط يا روحمك لامؤخذه يا طنط احلام
انجري عالمطبخ
احلام…انتي خليتي فيها طنط
وعد.. مهي بنتك اللي بتخرجني عن شعوري
كملت لعهد انتي لسه واقفه يا زفته
ياسمين بضحك.. اسمعي الكلام يا عهد احسن تلاقيها اتحولت ل هولاكو وتجيلك
عهد… والله دا زولم
وعد… معلش بقا متبقيش تيجي عندنا تاني يا عهدي
احلام من بعيد.. واحده فيكم تتلحلح وتعمل الشاي انجزو
دخلو البنات كل واحده فيهم تعمل حاجه وطبعااا كالعاده الشباب قعدو ف اوضه زين مستنين القهوه والشاي يجي لحد عندهم
بعد فتره كبيره مبين هزار وضحك بينهم وسهره طويله رجع كل واحد بيته ودخلت وعد اوضتها اترمت عالسرير نامت زي القتي
