رواية مثلث العشق الفصل السادس 6 بقلم سولييه نصار
رواية مثلث العشق الجزء السادس
رواية مثلث العشق البارت السادس
رواية مثلث العشق الحلقة السادسة
-كارم رد عليا بقولك موافقة اني اتجوزك …
كنت بقولها بعصبية وانا شايفة عينيه باهتة مفيهاش اي حب ليا …
-مسك أنا …
-انت ايه ..انت ايه هترفضني دلوقتي ..
قولتها بجنو.ن ودموعي بتنزل …مكنتش مصدقة …لا لا. ..ده مبيحصلش هو مش هيرفضني …هو بيحبني …
مسكت ايده جامد وقولت :
-انت بتحبني مش كده …بتحبني يا كارم …
شال كارم ايديه وقال وهو بيتنفس بعمق:
-يمكن يكون ده صح ويمكن يكون لسه فيه شوية مشاعر ليكي بس انا مقدرش اتجوزك …
كلامه خلاني اتصدم …حسيت روحي بتتسحب …معقول كارم اللي حفي عليا سنين واتقدم كتير واترفض يرفضني …معقول يرفضني بعد ما أنا وافقت عليه ….
عينيا بدأت تدمع ودموعي تنزل وقولت:
-انت بترفضني ..
بص للأرض شوية …كان عايز يقول حاجة بس متردد …بس اخيرا بصلي وقال:
-من يومين شوفتك معاه …جوز صاحبتك …كنتوا خارجين من السينما وماسكين ايد بعض وبتضحكوا ..
وشي بهت وبصيت للأرض وانا مكسوفة فكمل هو :
-ده جر.حني اووي يا مسك …وعرفت اخيرا ليه بعد ما وافقتي عليا سيبتيني …عرفت أن عمرك ما حبتيني وحتي دلوقتي انتي جاية تطلبي مني اتجوزك لغرض في دماغك مش عشان بتحبيني ..معرفش اي الغرض ده بس سامحيني مقدرش اكون لعبة تحركيها زي ما انتي عايزه …أنا حبيتك يا مسك …حبيتك اووي واكتر مما تتخيلي …
سكت وابتسم بحزن وكمل ؛
-صحيح ممكن ميكونش شكلي احسن حاجة بس اتمنيتي تبصي لقلبي اللي حبك ..
هز رأسه وقال :
-انا مش بلومك علي فكرة … حقك تختاري حد متقبلاه شكليا بس مش من حقك تلعبي بيا وبمشاعري ..لما شوفتك معاه اخدت قرار اني انساكي وفعلا هنساكي يا مسك واتجوز واحدة تحبني وانتي ربنا يكرمك بواحد يحبك …ونصيحة مني ابعدي عن الراجل ده لانه مش بيحبك …دي مجرد نصيحة مني .. .
كانت الإها.نة قاسية منه …صعب ان الشخص اللي حفي ورايا يرفضني بالطريقة دي …دموعي نزلت وانا بزعقله واقوله:
-لا شكرا يا اخويا وفر دعواتك ونصايحك لنفسك ….انت فاكر نفسك مين عشان ترفضني …مين اصلا هتقبلك.بشكلك ده …انت كمان هتتكبر …أنا اصلا اللي غلطانة اللي رضيت اديلك فرصة !!
حسيت أن كارم اتجر.ح من كلامي فقال ببرود؛
-اطلعي لو سمحتي يا مسك …اطلعي برا !!!
….
روحت البيت وانا بعيط …مكنتش مصدقة أنه عمل كده. مش مصدقة أنه رفضني …قلبي وا.جعني لما كارم رفضني …معرفش ليه حسيت بالحزن …
…..
في اليوم التاني ….
قررت اسيب الشغل وقدمت استقالتي …
……….بقلم سولييه نصار
بعد يومين …
-حرام عليكي اللي بتعمليه ده يا حور قولتلك كانت نزوة وانتهينا وهي اللي لفت عليا وانا ضعفت ومش هعمل كده تاني بس متسبنيش …
قالها أيوب وهو ماسك ايديها. في اوضتهم..المأذون كان برا مستنيهم مع اهلها عشان تطلق …رفضت حور تقول علي اي سبب للطلاق واهلها حاولوا معاها بس هي رفضت …بس الكل فهم أنه احتمال كبير أنه خا.نها لأن حور تتحمل اي حاجة الا الخيا.نة …
بصتله حور وقالت:
-تعرف.كان ممكن اسامحك يا أيوب بس للاسف انت لسه بتكد.ب مش هتتغير. أنا عارفة مين اللي لف علي مين ومش مسك خالص اللي لفت عليك ….أنا مبقتش حاسة بأي آمان معاك…مش هعيش مع واحد كدا.ب زيك !!!
……….بقلم سولييه نصار
بعد أسبوع …
عرفت ان حور اتطلقت من أيوب رغم.انه حاول كتير يرجعها بس هي رفضت تماما!!
….
كنت قاعدة في اوضتي حزينة كالعادة اهلي حاولوا كتير يعرفوا مالي بس مكنتش بقولهم حاجة …حاسة أن قلبي و.اجعني والموضوع مش متعلق بأيوب بتاتا…
دخلت امي وقالت بتريقة :(بقلم سولييه نصار)
-قال ابن عمتك كارم خطوبته بكرة …تخيلي اخيرا لقي واحدة ترضي بخلقته دي !!!
بهت وانا ببصلها ودموعي نزلت لوحدها…فضلت اعيط بصوت عالي وانا بقر بالحقيقة جوايا..أنا بحبه …بحب كارم !!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مثلث العشق)
