رواية مالك وجميلة الفصل الأول 1 بقلم سلسبيل أحمد
رواية مالك وجميلة الجزء الأول
رواية مالك وجميلة البارت الأول
رواية مالك وجميلة الحلقة الأولى
_ ياخبر؟؟ انت اية الى جابك دلوقتي يا مالك مش عندك معاد مع اهل سارة؟
= ………
– الاه الاه هو انا صرفه ومكلفه ورشتلك برفيوم مخصوص وانت جاي زعلان كدا حصل اية مع المزة ياض؟
= جميلة مش قادر اتكلم
قلبي كان بيدق فا قولت بعفويه: اهلها موافقوش ولا اي؟
ابتسم بسخرية: ياريت
– طيب حصل اية قولي
= معرفش
– حد يكلم بنت عمه القمر كدا بردك جرا اية
= لو سمحتي سبيني لوحدي
– طب علفكره هما الخسرانين بقي هاه اية رأيك
– انت الكسبان اصلا مكنتش حلوة ولا مزه
– دا انت دكتور قد الكوكب كله
كنا فالبلاكونه وهوا عالكرسي فجأه قام
= بقي انا مستويا مش مناسب ليهم!!! انا شغلانه ابويا مش مناسبه ليهم واخييي؟؟ وهي كمان بتتفق معاهم على دا بعد ما كنا بنحب بعض ! وانا عشان اجبلها شبكه مفروض اجبها كلها اللماظ ليه هجيب شبكه للملكه ديانا ؟! لا وكمان عاوزة فيلا تميلك بأسمها وازاي معنديش عربيه!!!! وشهادتي مش مهمه خالص اهم حاجه المستوي بتاعها ميقلش واعيشها قال اية زي الهوانم ايييه! هما بيشتروا بني ادم ولا فلوس هاه !!!!
بدء يهدي بعد ما خرج الى جواه بزعيق وطاقه كانت مكبوتة ومسح على وشه بأيده وهوا متعصب
كان في بلاكونته فا خرجت من عندي روحت شقته الى قدامنا ودخلت بالمفتاح وروحتله البلاكونه
وقعدته عالكرسي تاني وقعدت قصاده
– خلصت؟
= انا مكنش عندي مشكله يطلع عيني عشان خاطرها وكنت هشتغل لحد ما اجيب كل الى اقدر عليه بس واحده واحده عمري ما كنت هبهدلها زي ما قالولي او اعيشها في مستوي وحش وبعدين انا ابويا موظف عقاري عند الحكومه فين الوحش في شغله دا حتي لو شغال اي ! اهم حاجه انها شغلانه محترمه وبيتعب فيها عشاني
عيونه بدأت تدمع ونزل راسه وانا عمري ما شوفته مكسور كدا
رفعت راسه وبصتله: عمي دا احسن حد فالدنيا وانت احسن حد فالدنيا راسك دي تفضل مرفوعه انت دكتور وهتبقي اكبر واهم دكتور فالمستقبل وانا واثقه من ده و دموعك دي متنزلش عشان حد بيبص للناس على قد فلوسها
طبطبت على ضهر: متزعلش خساره فيها البرفيوم والله والبدله الجامده دي
– انا حتي مترفضتش بطريقه كويسه انتي فهماني
= فهماك يا مالك داهيه تاخدها البومه دي هي واهلها
_ جميلة انا مش زعلان عليها انا زعلان عشان قليت من نفسي اوي حسسوني اني قليل كرامتي وجعاني
خبطته على راسه: شغلي مخك دا كدا وخلي افكارك السودا دي تريحلها شوية هوا مين الى قليل دا انت جايب 98 فى ثانوي دا انت وحش يالا
وبعدين هي حتت الشخه دي فارقه معاك؟
– لاء
= يبقي وسع كدا خليني اعملنا قهوه بلا قرف
ابتسم واخيرا قلبي رجع فرحان..
روحت ورجعت بسرعه
– فين القهوه؟
= انت ولابس ومتشيك كدا خليني اخطفك قوم ننزل نشتري قهوه هعزمك انا لسه قابضه
– لاء
= لا هتنزل
– لاء
سكت بزعلي فا بصلي وهو بيزقني عشان ابصله: هنضرب اتنين عصير قصب وانا الى هدفع
_______________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مالك وجميلة)
