رواية ماسة النوح الفصل الأربعون 40 بقلم ريتاج محمد

رواية ماسة النوح الجزء الأربعون

رواية ماسة النوح البارت الأربعون

رواية ماسة النوح الحلقة الأربعون

كان ماشي وفي بنت خبطت فيه والايس كوفي اتدلق علية
البنت برقة_انا آسفة جدا والله مكنتش اقصد و..
سليم بسرحان فجمالها قال ببسمة:خلاص مفيش حاجة
رؤى من غير ماتبصلة بسرعة
فتحت شنطتها وطلعت مناديل كلينكس وبتلقائية بدأت تمسحلة بليزر البدلة
بسرعة
سليم وهو بمركز معاها:خلاص مش مشكلة انا هبقى امسحة
رؤى برقة وهي مكملة مسح من غير ماتبصلة:لا لو سمحت انا بهدلتلك بدلتك جدا ولازم اتصرف
وخصوصا ان باين على خضرتك جاي فحاجة ضرورية،لالا مش هينفع لازم امسحها
وبدأت تمسح وبعد ما خلصت ابتسمت بفرحة وهي بترفع راسها وبتبصلة:هيييييح خلصت
بس اتفاجئت انة اصلا كان مركز معاها جامد وكان على وشة ابتسامة جميلة
رؤى بتوتر:اي في حضرتك بتبصلي كدة لية؟
سليم بنفس الابتسامة:لا مفيش..
رؤى عدلت شنطتها وجت تمشي
سليم بسرعة:استني ..
رؤى وقفت باستغراب
سليم :احم اسمك اي؟
رؤى ببلاهة:رؤى !
سليم ببسمة:شكرا يارؤى
رؤى:العفو ومشيت
سليم وقف لحظات وهو بيردد اسم رؤى فدماغة
وبعدين افتكر هو جاي لي فراح على مكتب المدير
☆☆☆☆☆☆☆☆☆☆☆☆☆
عند فريدة وفهد كانوا وصلوا المستشفى
وقابلوا الدكتور الي هيتابع حالة فهد وكان اسمة. يوسُف
وعملوا شوية فحوصات واشعة وحددوا معاد العملية وهي بعد يومين
وروح فهد وفريدة وهما فرحانين وبيدعوا ربنا
ان العملية تنجح
…..
بعد يومين !!
كان فهد ف المستشفى مع فريدة ومهرة وكانوا مجهزينة لاوضة العمليات
فريدة ومهرة راحوا وقفوا جنبة وكل واحدة فيهم ماسكة ايد من ايدو
وقالت فريدة لما لمحت الخوف فعين فهد:اهدى ياحبيبي خير ان شاء الله
وبتقوم منها وهتبقى زي الفل وهتمشي من تاني
مهرة بحب:ايوة صح زي مافريدة بتقول بالظبط…خلص بقى العملية بسرعة عشان نلعب
فريدة:وكمان عشان تنزل تشتغل وتسددلي القرض
فهد ابتسم بحب وحضنهم
وقالهم:ادعولي
وبعدها الدكاترة جم خدوة وطلعوا ف الاسانسير
ووصلوا عند الطابق الي فيه اوضة العمليات
ودخلوة وابتدوا يبنجوة
وبعد ربع ساعة من تبنيجة ابتدوا شغلهم ….
☆☆☆☆☆☆☆☆☆
عند سليم كان فالبيت عشان دي اجازتوا
وكان بيفكر ف رؤى وقد اية هي جميلة وان اليومين الي فاتوا دول مقدرش يبطل تفكير فيها
وشكلة كدة والله اعلم بيحب 🤫
دخلت علية ماسة عشان بردك دي اجازتها
هي وعبد الرحمن كمان
ماسة وهي بتقعد جنبة:مالك يادوك ..ابه واخد عقلك؟
سليم بسرحان وبسمة:رؤى
ماسة بصدمة:رؤى؟!!!
رؤى مين يلا
سليم فاق من سبحانة وبصلها بصدمة وقال:رؤى؟…مين قال رؤى!
ماسة:انت قولت رؤى!!
سليم بارتباك:لا انا مقولتش رؤى هتلاقيكي بتتخيلي
ماسة بخبث:ياولاا…..سليممممم!! مين رؤى دي وتعرفها منين
سليم بتنهيدة:هييح اختى الي قفشاني دي المهم بصي ياستي رؤى دي ملاك لا ملاك اي داماك دي كلمة قليلة عليها
رؤى دي تقول القمر قوم ونا اقعد مكانك
شغر اصفر وعيون زرقة وبيضة
البت قمررر قمرر
ماسة بهيام زائف وهي ساندة وشها على ايدها :ياسلام
واي كمان ياعم روميو
سليم بصلها وكدة وقال:والله !
طب غوري مش قايلك مين رؤى
ماسة بضحك:لا خلاص والله بجد قول
سليم:بصي انا هقولك اتعرفت عليها ازاي انا كنت رايح ……………وحكالها شاف رؤى امتي
ماسة باستنكار:مرة واحدة ؟..شوفتها مرة واحدة بس وبتقول فيها قصايد امال لما تشوفها تاني هتعمل اي هتكتب فيها بيت شعر
سليم:ملكيش فية
الا صح قوليلي عاملة اية ف الشغل
ماسة :مية فل يروحي
عارف انا امبارح البت الحيزبونة دي ضربتني بالق……سكتت وهي بتفتح عينها بصدمة انها اتكلمت قدام سليم وخاصتا انة قال لو اي حاجة حصلتلك مش هتروحي الشغل تاني
سليم بدهشة:نعم …بت مين الي ضربتك؟
ماسة بارتباك:ها مفيش
سليم :…..
☆☆☆☆☆☆☆☆☆☆☆☆☆☆عند نوح كان اجازة بردك ..
وقاعد فالبيت وهو بيتفرج.على مسلسل
شاف ريان داخل علية وهو ماسك كتب
نوح ببسمة:ضكتور العيلة جة يولاه
ريان بخنقه:خفة ياخويا
نوح بضحك:اي في اي وبعدين اي الكتب دي انت ناوي تذاكر عندي ف الاوضة ولا ايه ؟
ريان وهو بيبربش بعينة كذا مرة الي هو لطافة وكدة:تؤ
نوح باستغراب:امال
ريان:جاي لاخويا حبيبي الي بيسد عشان يذاكرلي
نوح بضحك:هههههه ضحكتني والله ….روح يبابا شوف انت رايح فين ..العب بعيد ياشاطر
ريان بمسكنة:والله انا بكلمك بجد مفيش قدامي غيرك حرفيا انت الي هتنجدني
انا عندي بكرة برزنتيشن
ولازم اكون حافظ المادة عشر مرات عشان مؤحرجش قدامهم بكرة
نوح :مؤحرجش !…هات يخويا هات يا يرب يطمر بس
وعشان نبقى على نور انا معرفش المادة بتتكلم عن اية فلو فهمت هفهمك مفهمتش الله يكون فعونك بقى وبعدين يلا تعالى هنا انت جاي تذاكر قبل البرزنتيشن بيوم؟؟.
ريان:مهو الواد سمير والله لسة معرفمي حالا
وخاصتا بقى انها هتبقى عن مادة انا اطيق العمى ولا اطيقها عشان كدة قولت اجي لأحسن واجدع واحن
والطف واجمل اخ ف العالم عشان يذاكرهالي …
نوح بقتناع:امم اقنعتني فعلا هات
يارب بس المعلومات تثبت فدماغك
ريان بضحكة بلهاء:متقلقش هلزقهالك بأمير
بس انت اشرحلي بس
وفعلا نوح فتح الكتاب والقى علية نظرة وبعدها جاب ورقة وقلم وابتدا يشرح لريان
☆☆☆☆☆☆☆☆☆☆☆☆☆☆☆
بعد ٦ سعات
عند فهد
كانت مهرة وفريدة قاعدين قدام اوضة العمليات كل واحدة فايدها مصحف وبتقرا فية
وبتدعي لفهد انة يقوم بالسلامة
مهرة بقلق لفريدة وهي بتصدق وبتقفل المصحف:فريدة هو مش فهد كدة اتأخر دابقالة يجي ست ساعات ف العمليات
فريدة صدقت هي كان وهي بتقول :متقلقيش يامهرة خير بازن الله …وان شاء الله فهد يقوم بالسلامة
فريدة بتأكيد على ملامها:ان شاء الله
……
بعد ساعة لقوا الدكاترة طالعين من اوضة العمليات وهموا بيخلعوا الماسك
فريدة ومهرة جريوا على دكتور وقالو بقلق :لو سمحت يادكتور فهد عامل ايه والعملية اي نظامها
الدكتور بعملية وبسمة:الحمد لله العملية نجحت
فريدة بفرحة:الحمد لله يارب الف حمد وشكر ليك يارب
ططب هو ينفع ندخلة
الدكتور بعملية:لما ننقلة لاوضة عادية الاول ويقعد ساعة ولا حاجه تقدروا تدخلولة ساعتها عشان البينج بس
فريدة بتفهم:تمام يادكتور
وفعلا نقلوا فهد اوضة عادية
وعدى الساعة وكان فهد بيخترف بسبب البينج لحد ما فاق
فريدة وهي ماسكة ايدو:الف حمد لله على السلامة يا حبيبي
فهد بتعب:الله يسلمك
هي العملية نجحت؟
مهر باست راسة وقالت:الحمد لله يلا بقى قوملنا بسرعة
فهد ابتسم
وهو بيقول بعطش:انا عطشان اوي عايز ماية
فريدة:طيب يحبيبي وراحت صبتلة ماية
وابتدت تشربة براحة
هنا الدكتور دخل الدكتور ببسمة:لا دحنا حلوين خالص اهو الحمد لله
فهد ابتسملة
الدكتور لفريدة:هاتيلوا يابنتي عصاير وشربيهالوا عشان الدم الي نزفة ف العملية
فريدة:حاضر يادكتور
وراحت عند شنطتها وطلعت فلوس وراحت لمهرة
وادتها وقالت:روحي بسرعة هاتي اي عصير
مهرة اماءت لها ونزلت تشتري
والدكتور قال:طيب هو كدة هيقعد معانا هنا تلت ايام
وهيحتاج مرافق
فريدة بسرعة:انا هبقى معاة يادكتور
الدكتور بجدية:بصي هو مش من اول مرة هيعرف يمشي هيبقى محتاج جلسات علاج طبيعي
غشان بس ميتخضش تمام
فريدة:تمام يادكتور
الدكتور بعملية:تمام استأذن انا ومشي
وفريدة كانت قاعدة جنب فهد
فهد بعدم تصديق:انا مش مصدق اني هرجع امشي من تاني!!
فريدة بفرحة :لا صدق ياحبيبي
خلاص هترجع تمشي من تاني ومش هشوف فعنيك نظرة الحزن تاني
فهد:انا بحبك اوي يافريدة
فريدة:ونا بحبك اوي ياعيوني فريدة
وحضنتة
مهرة بمرح :انا جيت
وراحت حضنت فهد هي كمان
وفريدة خدت العصير الي كانت جايباة
وصبتلة فكوباية
وراحت تشربة
فهد:مش عايز
فريدة بحدة:هو اي الي مش عايز الدكتور قال لازم عصير يبقى لازم عصير لا بلاس دلع بقى
فهد بصلها بقلة حيلة ولسة هياخد منها الكوباية يشرق هو فريدة بعدت ايدها وقالت:انا الي هشربك
فهد:طب انا فيا ايد علفكرة
فريدة بعند:بردو انا الي هشربك
☆☆☆☆☆☆☆☆☆☆☆☆
عدى اليوم وتاني يوم ريان راح الكلية
وعمل البرزنتيشن
واتفاهم انهم عندهم تدريب مفاجئ
ريان لسمير بغيظ:بقى عندنا تدريب ها ومتقوليش
سمير بخوف منة:والله لسة عارف امبارح
ريان:ولما انت عارف امبارح مقولتليش لية يلا
سمر بغباء:نسيت
وبعدين يعني فيها أي
ريان:فيها محشي
ياحيوان …..