رواية لن أستسلم الفصل الثالث 3 بقلم آلاء محمود

رواية لن أستسلم البارت الثالث

رواية لن أستسلم الجزء الثالث

رواية لن أستسلم الحلقة الثالثة

نور: يالهوي لين بتصوت يا بابا الحق
حلمي: ياساتر يارب تعالي نلحق نشوف
نور: نهار أبيض
لين: بردوا مش عايز تعترف
حازم: يارب اللهم أني صائم أعترف ايه يابنت الناس
حلمي: أنتا جيت أمتا يا حازم
حازم: والله أنا من ساعة ما الهانم صوتت وأنا علي الحال ده مين دي يا بابا
حلمي: دي لين
حازم: ياااه يا حج تصدق مكنتش أعرف فجأتني
لين: بابا هو هو ده
حلمي: اه يا حببتي ده أبني حازم نسيت أقولك أني عندي ولد
لين: اه طب أستأذن أنا بقا
حازم: تستأذني فين بابا مش هتفهمني ولا ايه
حلمي: نام يا بني والصباح رباح
حازم: وأنا هيجلي نوم بعد ما أتفضحت عن أذنكوا وبطلي ضحك أنتي كمان وسعوا كده
نور: ههههههههههه ايه الي أنتي عملتيه ده يا لين ده أنتي شلفطي الولد
لين: يا نور أنا لقيت حد بيفتح الباب أتخضيت أسكت يعني
حلمي: لا جدعة أنتي ميه ميه يا لين يا بنتي تعالي ننام والصباح رباح
…………………………………….
دنيا: حرام عليك أنا عملت ايه لكل ده
حسام: هو ده قدرك ولا تكونيش طمعتي في فلوسي زي أبوكي
دنيا: أنا أنا
حسام: أنتي تخرصي خالص ولحد ما ألاقي أختك هتفضلي تتعذبي كده فاهمة
…………………………………………
أياد: يعني متعرفش عنها حاجة يا عمي
أحمد: زي ما بقولك كده يا أياد يا بني
أياد: وليه مقولتليش من بدري ورفضتني أنا عشان حسام باشا صح
أحمد: مش وقته يا أياد دور عليها الله يكرمك أنا مليش بعد ربنا غيرك
أياد: حاضر يا عمي ليه كده بس يا لين يااارب تكون كويسة
……………………………………………
حلمي: ايه الشطارة دي يا لين
لين: ولسا يا عمي أنتا شوفت حاجة
حلمي: طيب يا ستي هاتي بقا البلح ده عشان المغرب خلاص
لين: ياااه يا عم حلمي حضرتك كمان بتوزع بلح
حلمي: طبعا يا بنتي أنا لو عليا ابيع للناس من غير فلوس والله بس الحال يا بنتي بس ربنا بيدينا الثواب مش كده
لين: طبعا يا عموا
حلمي: طيب كده أحنا يعتبر خلصنا كل حاجة جهزت الترابزات وحاجة الفطار خلصت
لين: طيب ناولني بقا المواعين ديه أغسلهم
حلمي: كتير عليكي يا بنتي
لين: هههه لا متقلقش أنا متعودة علي كده عن أذنك ياااه تقال أوي
ناهد؛ عنك يا بنتي
لين: شكرا مين حضرتك
ناهد: أنا مرات عمك حلمي وأم نور وحازم
لين: أهلا وسهلا أتشرفت بحضرتك
ناهد: الشرف ليا يا حببتي تعالي يالا كفايا عليكي كده ونور وحازم هيوزعوا مع عمك وأحنا بقا نقف نجهز الفطار صح
لين: صح توكلنا علي الله هو أنا ليه مبسوطة كده يمكن عشان حسا بدفا غريب بس أنا مكنش ينفع أكدب عليهم سامحني يارب سامحني
……………………………………
أياد: أنا هجنن يا ماما هما أذوها لدرجة دي
صفاء: أهدا يا أياد يا بني عشان تعرف تلقيها يا حبيبي
أياد: يارب مش كان زمنها معايا دلوقتي يا ماما
صفاء: معلش يا بني الله يسامحه أبوها خلاص المغرب اذنت اه أفطر يا حبيبي وأهدي عشان تعرف هتعمل ايه
………………………………..
حلمي: المغرب أذن يا ولاد أفطروا
لين: اللهم أني لك صمت وعلي رزقك أفطرت ذهب الظمأ وأبتلت العروق وثبت الأجر إن شاء الله
حلمي: ألف هنا يا بنتي بس عندي تعليق بسيط
لين: أتفضل
حلمي: مش بنقول كده بنقول ذهب الظمأ وأبتلت العروق وثبت الأجر إن شاء الله بس
لين: مكنتش أعرف يا عموا
حلمي: وأديكي عرفتي يا ستي اي خدمة بس الشكر يعني لي حازم أبني
حازم: العفو يا حبيبي
لين: أحم أنا متأسفة علي الي حصل مني أمبارح يا أستاذ حازم
حازم: حصل خير بابا حكالي كل حاجة ربنا يعينك وبتنا مفتوح ليكي الحمد لله
نور: أنتا لحقت
حازم: اه يا دوب عشان الصلاة ولا عيزا الناس تصلي متأخر عن أذنكوا
لين: هو يقصد ايه بكلامة ده
ناهد: أصل حازم هو الي بيصلي صلاة العشاء والتراويح
لين: بجد
ناهد: اه والله شفتي بقا
لين: ماشاء الله ربنا يثبته
ناهد: ما أنتي هتنزلي تصلي معانا ولا ايه
لين: ايوه بإذن الله عم حلمي بعد أذنك كنت هنزل أدور علي شغل
حلمي: ليه يا بنتي ما أنتي مونساني
لين: تسلم يا عموا بس لازم أشتغل
حلمي: خلاص يا بنتي حازم بكرة أجازة ايه رأيك يروح معاكي أنتي متعرفيش حاجة في القاهرة هنا
لين: لا لا مفيش داعي
نور: هو ايه الي مفيش داعي هنيجي معاكي بكرة أحنا كده كده فضين
لين: شكرا بجد شكرا نزلت أصلي التراويح معاهم مكنتش مصدقة أن ده صوته بجد سبحان الله كنت حسا بدفا العيلة الي أتحرمت منه لسنين أنا ضميري مش مستريح لازم أقولهم علي كل حاجة خلصنا وطلعت نمت
تاني يوم
نور: ااااه ده المطعم ١٥ الي نسأل فيه يا حازم
حازم: هنعمل ايه طيب أنا مش فاهم أشمعنا المطاعم يعني يا لين
لين: أصل نفسي أطور نفسي وأشتغل فيها يعني عسا يكون في يوم من الأيام ليا مطعم خاص بيا يمكن كنت مستنيا أنهم يضحكوا أو حتي يتريقوا بس ردة فعلهم كانت غريبة
حازم: وليه لا يمكن ربنا يكرمك لكل مجتهد نصيب
نور: فعلا أهم حاجة بس تبدأي
لين: شكرا
أياد: لين