رواية لم تكن هي الفصل الخامس عشر 15 بقلم ياسمين الكيلاني
رواية لم تكن هي الجزء الخامس عشر
رواية لم تكن هي البارت الخامس عشر
رواية لم تكن هي الحلقة الخامسة عشر
” الكُل اتصدم من بينهم هي اللي كانت مش فاهمه حاجه واي سبب تغيره المفاجئ لكنه بلع كلامه بصعوبه لانه صعب انه يقوله وكمل كلامه بهدوء مليان وجع
: وف نفس الليله هيكون كتب كتابي علي مي….
” بانت الفرحة علي مي وبسرعة حضنته وابتسم عامر بهدوء وباركله ”
_انا مش مصدقه اخيرا يا زياد هنبقي مع بعض!!
” حضنته جامد بفرحة وسط ما هو مكنش مبسوط وطبطب عليها بهدوء لكنه افتكرها ساعتها ولقاها وقفه والدموع ملت عينيها وهي بتبصله بحزن كبير جواها ولوم علي اللي عمله…. ”
” كان مستغرب رد فعلها ودموعها اللي بتنزل بغزاره من غير شعور منها ”
” كانت أول مره تبكي ب الضعف دا.. ودا اللي خلاها تستغرب نفسها جدا وهي بتمسح دموعها وبتبص لنفسها بعتاب كبير لكنها هربت بسرعة من قصادهم كلها وطلعت علي فوق علي طول… ”
_زياد اي رايك نعمل الفرح ف احسن اوتيل فخم جداً أو ممكن ف السرايا هيبقي جنان اي رأيك؟؟….زياد…. زياد….!!
” مكنش مركز معاها علي قد ما كان مجروح جداً علي اللي عمله وحس انه اتسرع.. ”
_زياد أنت مش سامعني….؟
_بصلها بهدوء واتكلم بتعب
: اللي تشوفيه يا مي….
” طلع علي طول من غير ولا كلمه تاني ف اتكلم عامر بانتصار
: مبروك!! اظن كده كل حاجه مشيه صح!!
ــــــــــــــــــــــــــــــــــــــــــــــــــــــــــــــــ
” كانت ف اوضتها كتمه شهقاتها وعماله تعيط جامد لكن بتحاول محدش يسمعها ”
” كان حاسس بوجع كبير وهو سامع همساتها لكنه مقدرش يكسر الباب ويقولها بتبكي ليه لأنه بكي قبلها واتوجع!! ”
” احساسك إنك موجوع ومش عارف تروح تقول للي وجعك كفاية ف دا في حد ذاته انتقام كبير لنفسك لأنك مختارتش صح…. ”
ــــــــــــــــــــــــــــــــــــــــــــــــــــــــــــــ
” كانت قعده قصاده ومبسوطه جداً انها وياه وهو بيبادلها نفس الشعور ويمكن اكتر لحد ما جاله تليفون ب الخبر وملامحه اتغيرت ف اتكلمت اسيل بشك وقلق
: مالك يا ادهم ف حاجه حصلت؟
” اتنهد واتكلم بحيره ودهشه كبيره
: امل!
” قلقت جداً واتكلمت بخوف
: مالها امل حصلها حاجه؟!!
_امل كتب كتابها علي عامر الاسبوع الجاي!
” اتصدمت اسيل واتكلمت بنفي كبير
: لا اكيد مش صح امل وعامر!! ازاي دي رفضته ومش بتحبه هي قالتلي كده…
_يمكن بعدين حبيته بس الغريبه إن مي وزياد ف نفس اليوم! وانا عارف زياد كويس اي هيخليه يقرر فجأة أنه يتجوز!! وكمان مي!! ف حاجه مش مفهومه!
_طيب ما نرجع يا ادهم ونشوف اي اللي حصل انا قلبي مش مطمن…!
” اتنهد ادهم ووافق اسيل علي رايها وجهزوا عشان يرجعوا السرايا من تانى… ”
ــــــــــــــــــــــــــــــــــــــــــــــــــــــــــــ
” تاني يوم علي الفطار كان الكُل مجتمع ومبسوطين إلا هما لانهم منموش طول الليل من التفكير… ”
_امل انتِ منمتيش كويس…! باين عليكي مُرهقه
لو تحبي اطلعك اوضتك تستريحي….!
” خبط زياد جامد علي السفرة من غيظه لكنها اتكلمت بهدوء ل عامر
: لا يا عامر مش مرهقه انا كويسه….
” اتكلمت مي بدلع عشان تغيظ امل
: زياد تحب بعد الاكل نخرج شويه بيقول فيه فيلم رومانسي نزل اي رايك….؟
” بص زياد علي امل لقاها مركزه معاهم وباين عليها انها مضايقه لكنه اتكلم بهدوء
: اسف يا مي ورايا شغل كتير خليها مره تانيه….
” خلص زياد فطاره واتكلم بهدوء
: اعملوا حسابكم إن ادهم راجع انهارده بليل مش عايز اي مشاكل لحد ما يرتاح فاهم يا استاذ عامر…!
_متقلقش يا زياد المشاكل خلصت خلاص وكلها ايام واتجوز انا وامل ونسيب السرايا خالص ونسافر بره نقضي اجمل ايام عُمرنا…..
” ضغط زياد علي ايده جامد وحاول يهديٰ وخرج بسرعة من غير ولا حرف فستأذنت امل بهدوء
_ اي مش هتكملي فطارك…؟
_لا يا عامر شبعت يدوب ارتاح شويه عقبال ما رنا ترجع…..
” جي معاد رجوع اسيل وادهم كانت امل مبسوطه جدا لان اسيل هتشيل عنها شويه ف اتكلم زياد ببرود
: ادهم اتصل وعايز استقبله من المطار بس….
” اتكلم عامر بشك
: بس اي….؟!
_رنا حبه تشوف امل و…..
_انا جيه معاك…. ” اندفعت امل ذي عادتها لكن من عشمها ف صحبتها وافقت انها تروح معاه.. ”
_خلاص روح انت ومي وانا هاخد امل و….
_لا ادهم قال انا….ورنا عايزه امل انت ومي تستنوا هنا تجهزوا للاستقبال ومش عايز اي معارضه تاني لو هي مش حبه تيجي خلاص انا هروح لوحـ….
_لا انا هاجي معاك انا عايزه اشوف رنا وحشتني…!
_خمس دقايق وتجهزي عشان لو اتاخرتي همشي…
” كانت مخنوقة جدا من معاملته الباردة لكنها حاولت تستحمله لحد ما تقابل اسيل.. ”
” ركبت العربية بهدوء ف اتكلم ببرود
: ياريت متنسيش ان اسيل تبقي رنا ومش عايزين لخبطه ف الكلام قصاد ادهم مفهوم!!
” سكتت وبصت قدامها ومفتحتش بوقها فتغاظ جدا ودار ب العربية بسرعة ”
” وقفوا عند المطار وهي جنبه لكنها بدات الدموع تظهر ف عيونها أول ما شافت اسيل وهي نازله مع ادهم وحضناه بحب… ”
” لاحظ تغيرها فجأة والدموع اللي ظهرت عليها ف اتكلم بضيق
: انتِ بتعيطي ليه!!
” اتكلمت ببراءة وحب وهي بتمسح دموعها
: عشان اخيرا اسيل رجعت ومش بس كده راجعه مبسوطة مع ادهم طول عمري بتمني اشوف اسيل وهي فرحانه مع الشخص اللي بتحبه وهو كمان بيحبها…
” استغرب جدا كلامها لكنه اتكلم ببرود عكس اللي جواه
: دا كلام فارغ مفيش حاجه اسمها حُب….
” بصتله باندهاش من طريقته وكلامه اللي اتغير قبل سابق رغم أنه قاللها أنه جرب معني الحب لكنه بينكر دلوقتي وجوده ف اتكلمت ببرود وحزن
: الحب موجود مهما حاولنا ننكره مش هنعرف لأن احساسنا بيكدبنا ف كل مره…
” سرح ف كلامها جدا ورجع الشعور اللي جواه من تاني وهي بصتله بعتاب كبير ودموع علي اللي عمله معاها لكنها فاقت بسرعة اول ما سمعت صوت اسيل وهي بتنادي عليها… ”
” مستنتش امل وجريت بسرعة حضنتها وبدات تعيط جامد لانها مش بس صحبتها هي اختها اللي ربتها بعد وفاة ابوها وامها…. ”
” حس زياد انه بيتعلم تاني درس منها وهو الوفاء والاخلاص اللي مفهمش معناه غير دلوقتي… ”
” فاق من شروده علي صوت ادهم وهو بيتكلم بغموض
: اي يا زياد واقف كده ليه مش هنمشي….؟
” ركبوا كلهم العربية كانت اسيل وادهم جنب بعض وزياد وامل قدامهم… ”
” المرايا كانت واضحه وصريحه إن الحُب موجود عندهم كلهم لكن بينهم اللي الحُب كان واضح من اول يوم ودق عليهم فسمحوله ب الدخول؛
وبينهم اللي لسه مش لاقي مفتاح النجاه لقلبه…))
” وصلوا السرايا والكل رحب بيهم لحد ما اجتمعوا كلهم ف اتكلم عامر بهدوء
: وطبعاً بعد اذنك يا ادهم انا قررت انا وامل نكتب كتابنا الأسبوع الجاي…
” كملت مي باندفاع
: اه وانا وزياد برضو اتفاقنا اننا…..
_مفيش الكلام دا…..
” بصوا لبعض بعدم فهم حتي امل وزياد مفهموش حاجه لحد ما كمل ادهم بهدوء
: انتوا لسه محتاجين تعرفوا بعض اكتر عشان كده انا شايف انها تكون خطوبه احسن….
” جي عامر يتكلم ف قطعه زياد ببرود
: خلاص يا ادهم واحنا موافقين واللى مش عجبه يبقي يشوفله سرايا تانيه يمشي كلمته فيها….
” الكل سكت بهدوء ومحدش اعترض ف اتكلمت مي بدلع
: خلاص اللي تشوفه يا ادهم بس لو سمحت انا اتفقت مع زياد إن الخطوبة هتكون مختلفة شويه يعني هتبقي حفلة تنكوريه محدش هيعرف فيها حد ف الأول ودا هيكون احسن…..
” اتكلم ادهم بهدوء
: براحتكم دي حياتكم وانتوا حُرين يلا يا رنا….
” اندفعت امل واتكلم بحب
: لا رنا اي…! انا محتاجاها اقعد معاها شويه ممكن!
_وانا كمان امل وحشتني اوى يا ادهم لو سمحتلي اقعد معاها انهارده….
” ابتسم بهدوء وباس ايدها واتكلم بحب
: ذي ما تحبي يا حبيبتي عن اذنكم….
” مشي ادهم وبعديه زياد ومي وعامر وقعدت اسيل مع أمل ف اتكلمت اسيل باندهاش كبير وهزار
: انتِ بجد هتتجوزي عامر! انتِ مش قولتيلي قبل كده إنك رافضاه والموضوع خلص…!
_لا مهو انا فكرت ولقيت إن عامر شخص مناسب ليا وبيحبني….
_المهم انتِ بتحبيه!!
” شردت امل وبان عليها حزنها ف اتكلمت اسيل بشك
: مالك يا أمل حساكي متغيره!
_أبداً انا تمام المهم احكيلي انبسطي مع ادهم!
” ابتسمت اسيل بحب وحكتلها كل حاجه حصلت ما عدا الوعد اللي قالته ل ادهم وكملت السهره مع امل… ”
” عدت ايام وجي يوم كان مرعب جدا علي ادهم لأن اسيل اختفت من السرايا وملقهاش
: يعني اي مش موجوده و انتوا كنتوا فين!!!
” اتكلمت امل بخوف وقلق عليها
: انا خايفه عليها دي عُمرها ما خرجت بره السرايا ومتعرفش حد هنا انا لازم اروح اشوفها فين….
” اتكلم زياد بانفعال
: استني عندك هتشوفيها فين…
أنتِ تعرفي حد هنا انتِ كمان…!!
” اتكلمت بغيظ وغضب
: مش مهم أنت عايزني افضل كده وصحبتي مش موجوده أنت اتجننت…
” كان زياد هيرد عليها ف اتكلم ادهم بعصبية كبيرة عليهم كلها
: مش عايز ولا نفس اللي هيتكلم فيكم تاني هطرده بره انا مش ناقصكم….
” حاول ادهم يرن عليها كذا مره مردتش وقفلت تليفونها نهائي ”
” قلق اكتر عليها ف اتكلم بخوف
: لا كده مش خير ف حاجه مش مفهومه انا هطلع اغير واروح اشوفها….
_خدني معاك يا ادهم انا محتاجه اطمن عليها….
” اتكلم زياد بهدوء
: خليك انت يا ادهم انا هروح اشوفها وهطمنك….
_لا….
” قالها ادهم بغيظ كبير جواه منه وكره مليه لأنه شاكك أنه يكون هو وراء الموضوع دا…. ”
” طلع ادهم عشان يجهز بسرعة لكنه وقف فجأة لما سمع صوت امل بتتكلم بفرحة
: رنااااااا…..
” انتبه ليها بسرعة وف لحظه تعابير وشه اختفت والدم جري من عروقة من اللي شافه…… ”
ـــــــــــــــــــــــــــــــــــــــــــــــــــــــــــــــ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لم تكن هي)
