رواية لم تكن خادمتي الفصل الثالث والثلاثون 33 بقلم الفتاة الخجولة
رواية لم تكن خادمتي الجزء الثالث والثلاثون
رواية لم تكن خادمتي البارت الثالث والثلاثون
رواية لم تكن خادمتي الحلقة الثالثة والثلاثون
نورا ابتسمت:اه فعلا
ساره:انا عايزه اشوفه
نورا:تعالي اقعدي معايا وشوفيه
ساره:انتي عارفه انتي فين اصلا
نورا:بصراحه لا كنت سرحانه ومركزتش في الطريق
ساره:خلاص لما يجي اسأليه واستأذنيه اني اجيلك
نورا:اسر مش هيقول لا
ساره:معلش استأذني بردو وكمان انتي بتقولي البيت فيه كل حاجه قومي جهزيله اكل
نورا:امممم خلاص تمام هبقي اكلمك بليل
___________
آسر راح عند حازم المستشفى،كان حازم قاعد بره راسه بين ايديه وخديجه جوه عند بابها الفاق ،آسر راح براحه قعد جنبه حط ايديه علي ظهره
اسر:حازم انت كويس
حازم بص جنبه:انت جيت بردو
اسر:آمال هسيبك يعني
حازم ابتسم:ربنا يخليك انا كويس
اسر:في ايه الحصل؟!
حازم حكي لآسر
اسر بدهشه:وهو عرف منين
حازم:ده الأنا وخديجه بنفكر فيه من الصبح
خديجه جت في اللحظه دي وسمعتهم
خديجه بعصبيه:محدش كان يعرف غير احنا ونورا وبما أن احنا الثلاثه متكلمناش يبقي مفيش غير ن…
اسر بحزم:خديجه حاسبي علي كلامك واحترمي انها مراتي
خديجه:انت هتفضل واحده تعرفها من يومين علي صحاب عمرك
اسر:انا مفضلتش حد والف سلامه علي والدك ع اذنكو
اسر مشي متضايق وحازم نده عليه بس اسر مشي
حازم بصلها بعتاب:ليه كده؟
خديجه دمعت:معرفش بقي
حازم محبش يضغط عليها لأنه عارف هي قد ايه تعبانه
حازم:هو قالك ايه جوه
خديجه:رافض والدكتور قالي ممكن يطلع بكره وانا هروح معاه
حازم:مفيش مشكله تمام انا همشي عشان ميزعلش وهبقي اكلمك
خديجه:هتوحشني
حازم باس راسها وروح ينام لأنه تعبان جدا
_______________
في بيت يوسف جرس الباب رن وقام يفتح لأنه منتظر اسر وحازم
يوسف فتح الباب:انت
مالك:ايوه انا وهدخل
دخل مالك وسط غضب من يوسف
يوسف بزعيق:انت مين سمحلك تيجي هنا اصلا اهو حتي سمحلك تكلمني
مالك:انا سمحت لنفسي ووطي صوتك عشان ملوش لازمه الزعيق
مالك قعد بثقه وكان يوسف مستغرب منه اوي
يوسف:انت ايه البرود ده
مالك:مبتردش علي ندي ليه هي ذنبها ايه
يوسف:وانت مالك؟
مالك:يوسف احنا اصحاب وإخوات انا تجاوزت الحصل
يوسف:انا ماتجاوزتش
مالك:هتتجاوز عشان احنا ملناش غير بعض انا غلطت وآسف ،وانت قلبك طيب ومش هترفض أسفي
يوسف:….
مالك:عشان خاطري بقي بلاش انا عشان يارا
يوسف بصله:تمام ماشي
مالك ضحك وفرح جدا
مالك:قوم يلا كلم ندي بقي
يوسف:ماشي
_______
عند نورا حضرت الأكل و……
عند نورا حضرت الأكل ولبست بجامه لونها اسود نص كم كانت بسيطه وحلوه جدا مع بشرتها البيضاء وفردت شعرها وقعدت مستينه آسر وأول ما جرس الباب رن قلبها دق اوي واتوترت بس راحت تفتح كان آسر واقف ساند علي الحيطه وشايل الهم ومتضايق وأول مافتحتله وشافها بصلها وابتسم
آسر مبتسم:بسم الله ماشاء الله ايه القمر ده
نورا اتحرجت:مش هتدخل
آسر:هدخل طبعا
دخل اسر قعد وهي كانت واقفه قدامه وهو مركز معاها اوي كأنه أول مره يشوفها
نورا:انا حضرت الأكل تاكل
اسر:تسلم ايديك تعبتي نفسك ليه كنت هطلب من بره
نورا:تعبك راحه يارب يعجبك بس
اسر:اكيد طبعا بس تعالي اقعدي شويه معايا الأول
نورا راحت قعدت جنبه وهو كان لسه مركز معاها
نورا:انا أسفه
أسر كشر بعدم فهم:علي ايه يا حبيبتي؟!
نورا:عشان انا سألتك ع حازم وانا حسيت انك اتضايقت
اسر:امممم وانا زعلي بيفرق معاكي
نورا:اكيد طبعا
اسر:وكلامك ده عندي بالدنيا بس هو مش فكره اتضايقت انا بغير وجدا لكن عارف ان حازم بالنسبه ليكي اخ وكمان لولاه مكنتش عرفتك ولا ايه
نورا:اكيد انا كنت عايزه طلب منك
اسر:أؤمري
نورا بتوتر:كنت عايزه صحبتي تبقي تيجي تقعد معايا شويه لو ممكن لكن لو مش موافق ولا كأني نطقت
اسر:انتي هبله يا حبيبتي ده بيتك وأي حد من طرفك علي رأسي طبعا وادم بتحبيها هاتيها طبعا
نورا من فرحتها نطت عليه وحضنته
نورا بفرحه:ربنا يخليك ليا
اسر بضحك:انا لو اعرف ان صاحبتك هتخليكي كده ممكن اعملها اوضه معانا هنا
نورا استوعبت هي عملت ايه وبعدت
نورا:اسفه مقصدتش انا بس…
اسر ضمها ليه بس ايه انتي مراتي ومفيش أي مشكله المهم تتقبليني وانا متفائل خير إن شاء الله
نورا ابتسمت:إن شاء الله بس انا عايزه العنوان عشان ابعته ليها
اسر:بس كده من عيني طبعا هبعتهولك
اسر بغمزه:بس اي القمر ده بردو
نورا:انا هدخل احضر الأكل
اسر:نورا
نورا:نعم
اسر:هو انا ممكن اغير البدله دي عشان مخنوق
نورا:انت ليك هدوم هنا انا شوفتها
اسر:انا عارف اني ليا بس بسأل عشان لو انتي مش حابه
نورا:لا طبعا غير لحد ما احضر الأكل
قعدو ياكلو سوا واسر سألها عن صاحبتها مين وفضل يتكلم معاها لحد ما خلصو الأكل فضلو سوا يتكلمو او أدق هي فتحت قلبها لي وحكيت كل حاجه براحه جدا وده كان مفرحه لحد مانامت وهي سانده علي كتفه وبيتفرجو علي فيلم اسر فضل يبص لملامحها البريئه وحمد ربنا عليها…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لم تكن خادمتي)
تعليق واحد