رواية لعنة اختي والعقرب الفصل الأول 1 بقلم منة محمد
رواية لعنة اختي والعقرب الجزء الأول
رواية لعنة اختي والعقرب البارت الأول
رواية لعنة اختي والعقرب الحلقة الأولى
المنبه رن الساعه السابعه صباحا قامت جميله من نومها اتوضت وصلت ولبست وجهزت استعداد للكليه وراحت مسكت صوره المرحومه امها وكلمتها: امي ادعيلي النهارده امتحان ماده الانجليزي يارب يكون سهل
ذكي بصوت عالي: جمييييييله
جميله سابت الصوره واتحركت بتوتر: جايه يا بابا
ذكي حدف المشط وصرخ بصوت اعلي: جمييييله وبعدين
جميله قربت عليه: جيت يا بابا
ذكي بصلها بتهكم : جايه, جيت, هو انا لازم افضل انادي بصوت عالي لحد ما صوتي كل الحاره تسمعه وتعرف ان اسمك جميله
جميله بهدوء: يابابا اليوم امتحاني وكنت بطلب من امي تدعيلي
ذكي قلب شفته بقرفه وقال: قلتي لمين تدعيلك
جميله نزلت دماغها في الارض: امي
ذكي هز دماغه: اذا كان امك نفسها كانت نحس, وسيادتك بتطلبي منها الدعاء, سامحني وسامحها يارب
جميله ببتسامه: خلاص ادعيلي انت عشان ربنا يسهل عليا الامتحان
ذكي: انا بالعافيه وديتك الكليه, اعتبريه دعاء عشان يكون الامتحان سهل وطبعا فاكره اللاتفاق قوليه
جميله : اني مش هعمل حاجه غلط
ذكي: ايوه وهتتجوزي الي اختارهولك انا وتقولي بصوت عالي من قلبك امين
جميله حركت شفايفها وقالت بصوت عالي: امين
ذكي: يله هوصلك للكليه بلاش تركبي الاتوبيس نوفر الاشتراك , مرض امك غرقتي في الديون , احسن انها ماتت يله تعالي
جميله وقفت وعيونها رغرغت بالدموع وهو طلع شغل الموتسكل
ذكي بصوت عالي: تعالي ولا عايزه ونش يرفعك
جميله مسحت دموعها وقالت: جايه اهو يا بابا
ذكي: سنه والبنزين الي عمال يضيع, تعالي اركبي بسرعه , واقعدي براحه , يله قعدتي اتحرك
جميله حركت دماغها بـ اه بدون صوت
………..قصص منه محمد كاتب…………..
في بيت عائله اسير رباب اخته جابت الفطار وحطته بقرف
خيريه: عملتي فطار ايه
رباب : ايه مش شايفه سندوتشات
خيريه: شايفه كويس , بس انتي عارفه ان اخوكي مش بياكل سندوتشات , بياكل اربع بيضات بعيش بيتي
رباب حطت ايدها في وسطها: وهو مش هيموت لو ماكلهوش ليوم واحد
خيريه وسعت عيونها: اعوذ بالله من لسانك, فيه اخت تدعي ع اخوها اعوذ بالله
رباب قفلت ملامحها: ماهو انتي السبب ع طول الخط مفرقه ما بينا البيض واللحمه والفراخ من حق اسير وبس
خيريه بعناد: اه طبعا حقه, هو طول اليوم شقيان وتعبان عشان يكسب لقمه عيشه, ابني كان في المدرسه وسابها لما ابوه مات , وبيشتغل في الدكان و بيصرف ع البيت من شقاه, وشايل عبئ الدكان, وعبئ عدم جوازك, هو واخد باله من حاجات كتير
رباب زعقت فيها: لو كنتي امي الحقيقيه مستحيل تفرقي بيني وبين ابنك
اسير اتحرك بنزعاج من ع السرير وقال: لا يمكن انام ليوم واحد براحه في البيت ده ابدا, مين قال ان الست مظلومه
اسير فتح الباب وخرجلهم بيزعق: امي اختي وقفوا مش بتتعبوا مش بتزهقوا فتحت دكان تاني عشان الحال ميبقاش صعب في البيت لكن لما اقوم هنا اشوف حرب فلسطين مع امريكا
خيريه بصت لرباب بغيظ ورباب قلبت وشها
اسير طلع الموبيل واتصل : حمو اسمعني جيب كرتونتين بيض من السوق, وتعال بسرعه واحده لـ امي والتانيه لـ اختي (قفل السكه وبصلهم ) ها مبسوطين دلوقت
خيريه وسعت ابتسامتها : تعيش يابني
اسير بزهق: ازاي هقدر اعيش وانتم مبسوطين بعد ما خربتوا نومي
خيريه: يوه انت رايح فين
اسير: رايح البس عشان اشوف لقمه عيشي , ولازم اروح المنطقه بأسلوب اسير
خيريه: ربنا يحميك يا ابن عمري
رباب سحبت الكرسي وقعدت تاكل وخيريه بصتلها بقرف وسحبت كرسي هي كمان
………….قصص منه محمد كاتب…………….
في المنطقه يوم الافتتاح وصل اسير ع الموتسكل ووقف يتابع العمال وهما شغالين للزينه
حمو الصبي للعامل: يابني اربط فرع نور كمان هنا
اسير: حمو بعت البيض ع البيت ده كان فيه حرب في البيت
حمو بضحكه: ايوه بعت كرتونتين
اسير: ها طمني الشغل ماشي ازاي
حمو: لسه حالا بنعلق النور, وع بالليل كل حاجه هتبقي جاهزه
اسير: اسمع الدكان لازم يبقي متوفر فيه كل حاجه, وتعرف اهل المنطقه انه ده دكان جديد
حمو: متقلقش المنطقه كلها هتسمع بس فيه مشكله صغيره
اسير بهتمام: ايه هي؟
حمو: الصنايعيه عايزين ياكلوا بس الاكل برد
اسير: يعني دي مشكله ما تسخنه
حمو: اسخنه فين بس يا معلم
اسير: خبط ع اي بيت واطلب يسخنه
حمو: ازاي يعني اخبط ع اي بيت واقولهم يسخنوا الاكل
اسر: وفيها ايه لو هتطلب بطريقه محترمه , ولا اقولك هات الاكل انا هخبط واطلب بكل ادب والاكل يتسخن
حمو: ماشي هجيبه وانت سخنه
اسير: يله بس بسرعه
حمو جاب كيس الاكل وعطاه لـ اسير الي حط عينه ع بيت قريب من المحل ورايح يبخبط كان في نفس الوقت جميله بتفتح الباب للاطفال لحفظ القرأن
اسير: يا ابله
جميله لفت وبصتله وهو سهم في جمالها الطفولي ورقتها الي خطفت عقله وسلبت قلبه
جميله: نعم
اسير: كنت بقول سخني الاكل
جميله: متأسفه
اسير مسك الباب: اسمعي شايفه الدكان الجديد انا صاحبه والعمال شغالين هناك والاكل برد من السقعه وجلد, وعايزين ياكلوا معلش لو فيها اساءه ادب تسخنيه, لو اهل المنطقه مش هيساعدوه بعض مين يساعد
جميله: يا اخ شوف بنفسك انت عايش فين فمتاخدش راحت اوي وفيه بيوت تانيه في الحته روح اطلب من اي حد يساعدك
اسير: ايوه فيه بس بيتك قريب للدكان
جميله: وانا مقدرش اخدمك مع السلامه
اسير مسك الباب: اسمعي بس
جميله بصتله بغضب وقفلت الباب في وشه
اسر لنفسه: اهل المنطقه بجد ملهمش منفعه البدايه غلط يا اسير امشي
………….قصص منه محمد كاتب………………
بدء الاحتفال واسير عمل هيصه بالصاوريخ مع ولاد المنطقه والكل مهيص مع الفرقه الشعبيه وفجأه النور قطع في المنطقه وجميله بتخاف جدا من الضلمه فضلت تدور ع شمع ملقتش الا حته صغيره ولعتها بالعافيه وراحت انكمشت في السرير بخوف والشمعه شويه وطفت وبقت ترتعش لحد ما اسير شغل نور عن طريق مولد كهربا اطمنت شويه لحد ما لقت الباب اتفتح
جميله قامت جري ومسكت ايده: بابا الحمد لله انك جيت
ذكي شد ايده منها بزهق: سبيني انا تعبان خليني اقعد الاول
جميله: اصل النور قطع حوالي ست ساعات وانا بخاف, والي فاتح محل عامل دوشه وانت كمان اتأخرت اوي وتلفوني فصل شحن خفت كتير
ذكي بملل: وقفي عياط : الموتسكل اتعطل وروحت اصلحه وملقتش الميكانيكي والمقاطيع دول لازم طبعا يحتفلوا, انا هتكلم مع كبير المنطقه الصبح , واخليه يمشي البلطجي ده , قومي ناوليني بؤء ميه وبطلي عياط
…………قصص منه محمد كاتب…………
يوم جديد ذكي لم رجاله المنطقه وراح لدكان اسير
اسير: حمو شايف
اسير اخد كياس البامبرز وطلع رصهم وهو عمال يبتسم ع منظر ذكي والرجاله الي معاه
اسير: انتهيت ايه الموضوع كل اهالي المنطقه جايه لستقبالي
ذكي بعصبيه وشوحله: ايه الي حصل مممم , وبعدين احنا مش جاين نستقبلك احنا جاين نطردك
اسير: تطردني ده حتي العقاب ده مأخدتهوش في المدرسه , كنت دايما اروح قبل ما الجرس يضرب مش كدا ياحمو
حمو بصلهم وضحك وذكي انفعل عليه: بطل عبط مفيش داعي للضحك , وبعدين الحاج قال انك هتعمل الدكان مخزن مش هتفتحه مول , وبيتي قدامه ورجاله رايحين جاين كدا هيبقي وكر للعواطليه وصعب حريمنا يخرجوا
اسبر: انت طيب جدا , هو معقول حد يتجرء يبص بعينه بره الدكان ع الي رايح والي جاي الا لو هما حبوا كده
ذكي اتعصب وشده من الياقه: يا قليل الادب بتتهم حريمنا وانت في منطقتنا
اسير مسك ايده ونزلها بعصبيه وقاله: مجاش اليوم الي يتجرء حد يمسك رقبه اسير الدين فهمت
واحد من الاهالي: هنروح نرفع عليك شكوه , والدكان هيتقفل
اسير: عمي انت كمان طيب جدا , الدكان انا فتحته بأذن من كبير المنطقه
ذكي: ايوه كمل
اسير: و اشتريته ملك, حتي رئيس الجمهوريه بنفسه ميقدرش يعمل معايا اي حاجه وانتهت الاجرائات وكله بالقانون
راجل ما: خليت حياتنا صعبه طول الليل نازل رقص وغني وبحجه الافتتاح
راجل تاني: ايوه وصدع دماغنا دي طريقه محترمه
اسير: ما تقول كدا ليه مكسوف ايوه صحابي حضروه واحتفلنا واحنا شباب ايه الي حصل يله ميهمش بعتذر لاني غلطت ومش هيحصل مره تانيه يله اتكلوا
ذكي لف هو والرجاله الي معاه ماشين
اسير وقفهم: بس اسمعوا الدكان ده اتفتح وهيفضل مفتوح ولو حد فيكم اتجرء يحركه من هنا
حمو: يارب تكونوا فهمتوا
اسير: الي حابب يقرب ويجرب حظه
ذكي بغيظ: هتعمل ايه مفيش فايده من كل ده يله يارجاله نمشي
حمو بسخريه لاذعه :عمو ذكي جاي بثقه ياخساره اتحطم بثقته
…………قصص منه محمد كاتب…………….
في الكليه بعد الامتحان قاعده تكتب الحاجات المهمه استعداد للماده التانيه
ميرفت صحبتها قربت عليها: يابنتي مش هتاكلي
جميله رفعت عيونها وبصتلها: كلي انتي انا لازم ادون لمراجعه بكره
ميرفت: بعد الامتحان تعالي بيتي وصوريها ع الكمبيوتر براحتك
جميله سابت الكتابه وبصتلها: انتي نسيتي ده لو ابويا عرف مستحيل يسمحلي اجي الكليه ده بيطلعني ليها بالعافيه
ميرفت بغرور وكيد: انا بقي عكسك ابويا دائما بيدعمني بس قوليلي سمعت ان اسير اتخانق مع عمي ذكي امبارح
جميله ضمت حواجبها: مين اسير؟
ميرفت: صاحب المحل الي فتح قدام بيتكم
جميله قلبت وشها بقرفه واستهجان: اه
ميرفت: عارفه كان عامل افتتاح ضخم اوي وعمل يومها خصم 25 % ولما كنت اروحله دكانه القديم كان بيديني الي نفسي فيه وببلاش اظن كده معجب بيا
جميله بصتلها: وانتي كنتي بتخدي منه , ده وقح وبيتكلم بطريقه واحد بلطجي وصايع
ميرفت: بس وسيم ودمه زي الشربات
جميله بصتلها وبتحذير: البنت المؤدبه لازم تهتم بحترام ذاتها ونفسها
ميرفت: اسلوب ابوكي معاكي خلاكي صعبه اوي
جميله: الي اعرفه ان الشجره حتي لو مش بتطرح الناس بتقعد تحت ضلها ومهما كان ابويا صعب وشديد لازم احترمه واحبه لانه ابويا
ميرفت قلبت شفتها بستياء: تمام هروح اكل ووقفي خطبه لحد هنا للان دماغي من جنانك هتنفجر
جميله أأعدت تكتب لحد ما خلصت وقامت كملت يومها وخرجت للباب
جميله: انا ليه مش شايفه الاتوبيس هو جه الصبح
ميرفت لبست النضاره الشمسيه وقالت: ايوه ناوليني موبيلك اتصل بالمشرف اسأله اصل رصيدي خلص
جميله: للاسف رصيدي انا كمان خلص
ميرفت: كدا مفيش الا ادخل اسأله جوه
جميله: يله وارجعي بسرعه
ميرفت مشت وجه ايمن ووقف قدامها بالعربيه ونزل النضاره وفتح الباب ونزل وقف قدامها
جميله اتعصبت: ايه قله الادب دي امشي غور من هنا
ايمن ابتسم: دي مش قله ادب سميه عرض يا حبيبتي بالمناسبه هتتعبي من الوقفه شايفه الشمس وشك الجميل هيتحرق ( مسك كف ايدها) تعالي اوصلك وبالحجه دي نتكلم سوي
جميله سحبت ايدها منه وبتحاول تتحرك: سيب ايدي
ايمن شدها بالقوه: رايحه فين قلت يله
جميله صرخت فيه: سيب ايدي يا قذر
ايمن عيونه اتحولت للغضب: قذر , تمام الغبي الي يسيب ايد بنت جميله
جميله اتعصبت اكتر: سيب ايدي والا
ايمن: والا ايه اتكلمي قولي يله
جميله اتكت ع اسنانها: سيبني
جميله فلتت ايدها ولطشته بالقلم وطلعت تجري من الخوف وهو دمه اتحرق والغضب مسكه لما شاف كل البنات بتبص عليه ولبس النضاره وركب العربيه واتحرك بسرعه البرق
……………قصص منه محمد كاتب……………
في بيت جميله رجعت هي وميرفت ومنهاره من البكاء وصحبتها دخلت المطبخ جابت كوبايه ميه
ميرفت: اشربي ميه ووقفي عياط
جميله بتشهق: عاوزه مني اعمل ايه, لو مش هعيط, خايفه اوي, انتي عارفه لو ابويا عرف هيمنعني اروح الكليه يا ميرفت
ميرفت: كان لازم تفكري قبل ما ترفعي ايدك وتضربيه
جميله بحده وغيظ : امال كنت اعمل , ايه بدل ما اضربه, شاب قليل الربايه وقف بالعربيه قدامي , اتجاهلته مرتين
ميرفت بغيره مخفيه: وفي الثالثه مديتي ايدك
جميله بعياط: لما مسك ايدي
ميرفت: انتي دايما بتقولي ان البنت المؤدبه بتهتم بحترام ذاتها كان لازم تتجاهليه في المره الثالثه , انتي لازم تخافي من دول ممكن يعملوا اي حاجه في اي وقت مش بتتفرجي ع التلفزيون ولا بتقريه جرايم
جميله بشخط: بس اسكتي انتي بتخوفيني اكتر انا عندي صداع ومش عارفه ايه الي حصل او انا عملت ايه
ميرفت: انا مش بخوفك انا بوريكي لو عم ذكي عرف الموضوع بطريقه غلط عارفه ممكن يحصل فيكي ايه هيجوزك لـ اي واحد ويودعك للابد نصيحتي ليكي اليومين دول متجيش الكليه وبراحتك انا ماشيه سلام
جميله لنفسها: ميرفت عندها حق اي كلمه هتوصل لبابا هتخليه يشك ويفهم الموضوع غلط يارب خليك جنبي
………….قصص منه محمد كاتب………….
في بيت اسير ع السفره
خيريه: اسير انت فتحت دكان تاني والعيشه هتبقي معدن ليه متتجوزش
اسير ساب اللقمه وسهم
خيريه زقت دراعه: سرحت فين انا بسألك شوف صور بنات حلوين اوي شوفهم
اسير بعد الصور عنه وقال: امي انا مش هتجوز من غير حب ومش هتجوز قبل اختي
خيريه قلبت وشها: انت مستني رباب تتجوز الي بقي عمرها 30 سنه وايه هو الحب اي اتنين بيحبه بعض بعد الجواز
اسير: امي انا مستني اقع في حب بنت كويسه
خيريه: وايه البنت الكويسه خليني اسمع
اسير ابتسم: الي احبها , و احس معاها براحه وسلام , مش زيك انتي واختي تحوله البيت لميدان التحرير
خيريه: بقي يا ولا بتتريق ع امك
اسير: انا بقول الحقيقه انا بقي صعب اقعد يوم واحد في البيت , وبعدين انتي مش عايزه تطمني وتشوفي بنتك سعيده في بيت جوزها , وتقوليلي روح اتجوز عشان يتخانقوا تلات ستات مش اتنين , وبلاش تتكلمي معايا وقت الاكل , خليني اتهني ع اللقمه مش هيبقي صبح وليل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة اختي والعقرب)
