رواية لست ملك لك الفصل الأول 1 بقلم سحر خالد
رواية لست ملك لك الجزء الأول
رواية لست ملك لك البارت الأول
رواية لست ملك لك الحلقة الأولى
كنت قاعده مع اولادي في البيت بعد يوم شغل في البيت ومذاكره للعيال كتير كنت حاسه التعب كبير فجاه دخل علي جوزي ..ابتسمت وكنت هاقوم اقابله بس وقفت لما لقيت احد جاي وراءه وكانت بنت قمت وانا بقول…. مين دي يا ادم
بصي وهو بيقول……. ده مراتي الجديده ..
اتصدمت وعيوني دمعت وانا بقول….. انت اتجوزت علي يا ادم
….هو انتي فاضيه لي يا هانم خليك انتي مع العيال واجيب واحده تحس بيه وتخلي بالها مني عشان انا زهقت
دموعي نزلت وانا باقول ……..انت اتجننت يا ادم انا مش مصدقه انت تعمل كده انا .
ادم ببرود….
لا صدقي ومن النهارده خلي بقى شغلتك تربيه العيال وتخلي بالك منهم عشان انا مش فاضي لك دلوقت طالعه شهر عسل مع مراتي الجديده
قال كلامه واخذها ودخل الاوضه اللي كانت مفروض اوضتنا
اتصدمت ومابقتش عارفه اعمل ايه ودموعي نازله زي الشلال وانا بابص للاوضه اللي دخلوها وبابص لاولادي اللي بيعيطوا هم كمان جريت بسرعه على التليفون ومسكت وانا باتصل باخوه الكبير يجي يشوفه هو اللي يقدر يقف قصاده
وبعد فتره كان جرس الباب بيرن رحت فتحت بسرعه بصلي فارس وهو شايفني بعيط وقال بقلق…… مالك يا رنين ايه اللي حصل الاولاد فيهم حاجه ولا ادم
عيطت اكثر اما اتكلم فدخل جوه وقال….؟ تعالى بس تعالى اهدي واحكي لي ايه اللي حصل..
قعدت معه وحكيت له كل حاجه لحد ما قام واقف بغضب شديد وهو بيقول…….. ازاي ازاي ده يحصل وادم اتجنن ولا ايه
بعد شويه خرج ادم مع امراته الجديده رايحين شهر العسل بص لهم بيقول…….. جرى ايه يا ادم اتجننت تتجوزي على مراتك
ادم ببرود ……والله ده اللي عندي مش عاجبها اطلقها عادي
بص له فارس بغضب وهو بيقول………. الظاهر انت تجننت فعلا والمخدرات اللي بتاخذها اثرت على دماغك
قال كلامه وكان هيضرب ادم بالكف بس ادم مسك يده وقال…….
لا فوق كده يا فارس ده انت الكبير العاقل بس كان زمان اللي كنت بتمد ايدك علي وبتقول الكلمه واسمعها دلوقتي لا انا راجل وحر نفسي واللي عنده قلته
بص له فارس بغضب كبير وهو بيقول……. تمام بس ما يجيش تندم يا ادم
ادم ببروده وهو طالع من البيت…….. ما فيش حاجه اندم عليها
قال كلامه وطلع بص لي فارس وقال لي لمي هدومك هدومك انتي و الاولاد وتعالي معي يلا
قلت …..على فين
فارس…..ظ على البلد مش هتقعدي معي ولا ثانيه واحده الا اما يعرف قيمتك
وفعلا اخذت الاولاد واخذت شنطه هدومنا ورحت مع فارس البلد اللي استقبلتني حماتي بحب شديد
ليه لا انا بنت عم فارس وعشت معهم سنين بعد ما اهلي ماتوا اتربيت معهم وكنت دايما بعامل حماتي زي ماما بالضبط عمري ما اشتكيت ولا اشتكيت مني حضنتني وهي بتقول ودموعها في عينيها……………….. معلش يا ضنايا صدقيني هيرجع لك تاني وما تعيطيش يا قلبي….
عدى شهر على ده الحال ومستنيه ادم يرجع عن اللي في دماغه يرجع ونعيش حياه سعيده زي الاول ويرجع قصه حبنا اللي داس عليها كنت مستعده ارجع لي لو راجع وقال لي انه طلقها هارجع له عادي بس جاء يوم ودخل فارس
وقال ادم رجع
فرحت جدا اكيد اما عارف ان انا سبت البيت اتصل بفارس بس اتصدمت لما خرج فارس وراق من جيبه وقال وابعت لك ورقه طلاقك ..
هنا كانت الصدمه اسودت الدنيا في عيني خلاص سابني وباعني انا والعيال عشانها
وهنا جاء فارس وقال……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لست ملك لك)
تعليق واحد