رواية لست أنا الفصل الخامس 5 بقلم غادة أشرف
رواية لست أنا الجزء الخامس
رواية لست أنا البارت الخامس
رواية لست أنا الحلقة الخامسة
مازن بخوف : حووووور .. حور ردي عليا حور ..
. ثم اخذ ينظر في جميع انحاء جسدها لعله يجد مكان الاصابه ولكن اين ؟؟!!
وائل وهو يتفحص نبضها : مغمي عليها بس .. اوعي اشيلها نوديها المستشفي
مازن : ابعد ايدك انا هشيلها .. ثم نظر خلفه وقال : وائل ابعت الحاج ابوها يستنانا ف القسم وتعالي معايا
ـــــــــــــــــــــــــــــ
بعد قليل في المستشفي
الدكتور : احنا اديناها حقنه مهدئه .. البنت ضعيفه جدا بالمناسبه .. اهتموا بأكلها شويه .
مازن بغموض : اقدر ادخلها ؟
الدكتور : ايوه اتفضل وانا شويه وهاجي اطمن عليها واكتبلها خروج .. هي كويسه .. بعد اذنك
غادر الطبيب ودخل كلا من مازن ووائل للداخل
مازن : حمدالله ع السلامه
حور بقلق : الله يسلمك
وائل بمرح: حمدالله ع السلامه ي بطل .. مكنش شويه ضرب نار يعملو فيكي كدا يعني ..
حور ببسمه: يعني .. اول مره اواجه الموضوع بس
مازن : اول مره ولا تاني مره .. افتكري كويسه
حور بخوف وهي تبلع ريقها : مش فاهمه .. اي العلاقه
مازن بهدوء : انسه حور .. احنا شوفنا كاميرات المراقبه بتاع المحل ف اليوم ال انتي اغمي عليكي فيه .. فاكراه!
حور برعب حقيقي : يعني .. شوفتو اي مش فاهمه
مازن: شوفنا ال حصل … الراجل ال كان ف المحل معاكي كان لابس قميص اسود وكاب اسود
حور بكدب : زبون .. كان عاوز يجيب هديه لاخته
وائل : تصدقي مخطرش ع بالي قبل كدا اني اجيب لاختي هديه من محل لانجيري .. هفكر فيها
مازن ببردو مخيف : هنلف وندور كتير ولا اي
وهنا دخلت حور في نوبه بكاء
حور وهي تبكي : يعني انتو عاوزين مني اي.. حرامي ورفع عليا السلاح وهددني لو اتكلمت يقتلني .. انا خوفت
مازن : وصف .. عاوز منك وصف … المجرم دا محدش يعرف شكله غيرك .. محتاجين نعرف شكله اي
كادت ان تتحدث حور ولكن صوت طرقات علي الباب تلاه دخول احدي الممرضات
الممرضه: ممكن استأذنكو ثانيه … محتاجه اسأل الانسه علي كام حاجه شخصيه علشان اقفل الملف
اومأ مازن ونظر لحور نظره اخيره ثم اتجهوا للخارج …
وائل : بقولك اي م تيجي نروح نجيب بيبس ع م تخلص
مازن : بيبس !!!
وائل : اه ياعم يلا … حور جميله واسمها اجمل .. عينيها تخطف القلب
مازن وقد شعر بشئ غريب يتحرك داخله : اها فعلا
وائل بجديه :مش هتنسي بقي ي مازن ؟ عدي علي الموضوع تلت سنين ولسه زي ما انت
مازن : زي ما انا ازاي .. انا كويس اهو
وائل : لا مش كويس … مبقتش تهزر وتضحك .. بقيت جد اكتر ..
مازن بجديه : خدت اي من الهزار ؟؟ انا مش عاوز اعيش التجربه دي تاني
وائل : صوابعك مش زي بعض … مازن نظرتك لحور مختلفه لتكون مفكر اني مش ملاحظ
مازن : مفيش الكلام دا كلهم زي بعض … واقفل ا السيره دي بقي ويلا خلينا نشوف شغلنا
بعد قليل عاد كلا من مازن ووائل لغرفه حور وكانت مازالت الممرضه معها ولكن ما هذا
وائل باستفهام : انسه حور !!! حضرتك معيطه ؟
صمت ونظرات غير مفهومه من حور لمازن
مازن للممرضه : اي ال حصل ؟؟ بتعيط لي
الممرضه بخبث : ابره الكانيولا وجعتها شويه ..انسه حور فرفوره خاالص بس نصيحه مني ي جميله .. جمدي قلبك كدا دي حقنه بسيطه امال بقي بعد الشر لو حد عورك بسكينه هتعملي اي .. استأذنكو انا بقي
خرجت الممرضه للخارج فأشار مازن لوائل وهمس له في اذنه فخرج وائل من الغرفه وتركهم لوحدهم
مازن : احسن دلوقتي ؟
حور بايماء : الحمد لله
مازن : تمام .. انا مش هضغط عليكي دلوقتي تقدري تنامي تستريحي وبعدين نتكلم .انا هخرج اقعد برا ف اي مكان وانتي نامي براحتك
حور وهي تمسك يده بسرعه وتبدأ في البكاء : متسيبنيش .. انا محتاجاك جمبي بلاش تسيبني وتخرج ..
نظر مازن ليده ثم وضع يدها بين كفيه وهو يطمئنها : تمام .. انا جمبك مش هخرج .. لو عاوزه تحكيلي مالك انا سامعك
حور بدموع : ممكن تسيبني ف حالي .. وخليك متأكد اني معرفش اي حاجه انت عاوز تعرفها مني
مازن : لي بتقولي كدا ؟ لو خايفه من حاجه خليكي واثقه انك ف امان معانا
حور : علشان كدا كانو عاوزين يموتوني وانا خارجه معاكو مش كدا؟؟ انا كان زماني ميته دلوقتي انت مش واخد بالك ؟
مازن : علشان كدا لازم تساعدينا .. هما عملوا كدا علشان عارفين انك خطر عليهم
حور وهي تنام بدموع : لو سمحت سيبني لوحدي
خرج مازن للخارج ورن هاتفه في هذا الوقت
مازن : ايوه ي وائل .. عملت اي .. طب حلو تعالي دلوقتي علي اوضه حور
ـــــــــــــــــــــــــــــــــــــــــــــــــــــــــ
في مكان اخر في منزل والد حور ..
شهد : لو سمحتي ي طنط .. عمو صابر فين
سماح : وانتي تبقي مين ياختي وبتسألي علي جوزي لي
شهد : انا شهد صاحبه حور وكنت عاوزه اسأله عنها
سماح : يادي ام السيره الزفت دي ال مش هنخلص منها … غوري يابت منها انا ما صدقت خلصت من اللي ما تتسمي
شهد : جرا اي يوليه يجربوعه انتي .. ما تقفي معووج وتتكلمي عدل .. دا اي الاشكال دي
سماح : اقول اي .. صاحبتها اكيد هتوقع منك تبقي بنت ناس يعني .. ثم اغلقت الباب في وجهها .
شهد ؛: اباااا .. دي قفلت الباب ف وشي .. يومك اسود ي سماح الكلب
ثم امسكت الهاتف واتصلت بتردد علي رقم ما
شهد : مساء الخير
وائل : مساء النور !! اتفضلي
شهد : اتفضلي ؟! طب ما حضرتك عندك زوق اهو امال كان مالك كدا نافخلي ريشك ورافعلي مناخيرك لي
وائل : افندم ؟! اي الهبل دا
شهد : احم بعتذر … انا شهد صاحبه حور .. ممكن تطمني علييها لاقتوها ولا اي
وائل بخبث : ااه انسه شهد .. لقيناها بس للاسف .. اتمني تدعيلها ..
شهد بخوف : يعني اي ادعيلها
وائل : لما لقيناها عند خالها في الشرقيه خدناها وواحنا نازلين من العماره ناس هاجمونا بأسلحه وحور دلوقتي ف المستشفي … انا اسف ع الخبر دا بس كان لاز…….
وائل : ألو .. ألو .. البت قفلت !!! ولا يكون اغمي عليها او حصلها حاجه !!
مازن من الخلف : وائل
وائل بانتباه : ها عملت اي
مازن : خلصت عليها
وائل بصدمه : انت بتقول اي … !!!!!!
ـــــــــــــــــــــــــــــــــــــــــــــــــــــــــ
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لست أنا)
2 تعليقات