رواية كيد النساء وقهر الرجال الفصل الحادي والعشرون 21 بقلم منى محمود

رواية كيد النساء وقهر الرجال الجزء الحادي والعشرون

رواية كيد النساء وقهر الرجال البارت الحادي والعشرون

رواية كيد النساء وقهر الرجال الحلقة الحادية والعشرون

الشيخ أسامة سمع احلام للاخر بدون مقاطعه وبعدها سألها اسئله كتير جدا وسط صمت من كل الموجودين
الشيخ اسامه
تمام يا احلام انا كدة خلصت كل اسئلتي انتي في حاجة لسه مقلتهاش ؟ في اي حاجة افتكرتيها وحابه تقوليها قبل ما اتكلم أنا ؟
احلام بصوت ضعيف
لا انا قلت ل حضرتك كل حاجة
الشيخ أسامة لسه هيرد اتفاجاؤ كلهم بشريف واقف قدامهم والغضب ماليه
اول حد اتحرك كانت نوال
نوال بصدمة وهي بتقرب منه
شريف .. ا انت جيت امتي ؟
شريف بسخريه
لسه واصل اهو إنما ايه الاجتماع الحلو دا ؟ محدش قالي عشان احضر يعني
امير قرب منه
تعالي معايا يا شريف في الصاله وانا هفهمك تعالي
شريف زق ايديه
انت تستني كدة علي جمب عشان حسابك لسه مجاش … ( شاور علي احلام بقرف ) البتاعه دي ايه جابها هنا يا ماما ؟؟؟
نوال بحسم
شريف احترم نفسك واهدي شويه روح مع اخوك وهو هيفهمك كل حاجة يلا
اسماء بتوتر
طنط احنا ممكن نمشي و
نوال قاطعتها
استني يا اسماء محدش هيمشي الشيخ أسامة مخلصش كلامة لسه .. يلا يا أمير خد شريف برة دلوقتي
شريف بعند
مش هخرج من هنا يا ماما قبل ما افهم في ايه
نوال
براحتك … اتفضل يا شيخ معلش اسفه علي اللي حصل … كمل كلامك يا ابني
أسامة
محصلش حاجة يا ام امير … احم بصي يا احلام .. مبدئيا انتي هتفضلي زي ما انتي مواظبه علي الصلاة وقراءة القرآن وطبعا طبعا مش محتاج أكد عليكي انك هترفضي عرضهم رفض قاطع
شريف ضم حواجبه بتفكير لانة بيحاول يفهم ايه بيحصل حواليه الشيخ اسامه كمل
❈-❈-❈
أسامة
هيحاولو يضغطو عليكي كتير اول كام يوم بعد الرفض هيكونو صعبين جدا جدا عليكي هنا هيجي دور اختك … حضرتك مطلوب منك متسيبهاش نهائي ولا لحظة وتنامي جمبها كمان هتجيبو مسك من عند اي عطار وهتحطي منه انتي وهي وولادك القرآن ميتقفلش من البيت يكون عندكم كشافات عشان لو النور قطع تشغولها قيام الليل تقومي وتعمليه معاها ومهما تكون تعبانة أو تقول مش عايزة تقوميها وتخليها تصلي وتقرا قرآن باب البيت ميتفتحش لاي حد الا لما تعرفو مين مفيش اكل ولا شرب من برة نهائي
وفضل أسامة يقول لاسماء واحلام يعملو ايه وطلب منهم حاجات كتير يجبوها وطلع من جيبه ورق فيه سور معينه من آيات قرآنية وادعيه وقالهم يتقالو امتي وكام مرة
كل دا وشريف بيسمع وساكت تماما للحظة عينيه جت علي احلام وحس بالاختلاف اللي هي فيه دموعها اللي نازله وجعته لكنه فضل ساكت ومبينش اي اهتمام وبعد ما الشيخ أسامة خلص كلامه
نوال
تمام يا شيخ أن شاء الله هينفذو كل اللي قولت عليه مش كدة يا بنات
اسماء
اكيد أن شاء الله … طيب بس ممكن سؤال يا شيخ
أسامة
اه طبعا اتفضلي
اسماء
هو الموضوع دا هيفضل كتير ؟ يعني اصل الست اللي جتلي قالتلي لو رفضتو أن حاله احلام هتسوء عن ما هي بكتير مهما عملنا
أسامة ببتسامة
بصي حضرتك اهم حاجة في كل اللي قولناه دا الإيمان … لازم كل حاجة تتعمل تتعمل بإيمان قوي جدا … لازم يكون في يقين وثقه أن ربنا هيكون معاكم مهما مر وقت ومهما تعبتم ومهما حصل … ربنا غفور رحيم لازم ايمانكم يكون قوي قصاد اي حاجة هتحصلكم فهمني ؟
اسماء
فاهمين … حاضر أن شاء الله خير متشكرة اوي لحضرتك
أسامة
الشكر لله وحدة … مدام احلام في اي حاجة حبه تسأليني فيها قبل ما امشي ؟
احلام هزت راسها بنفي لكن متكلمتش من اول ما دخل شريف وهي منزله راسها لتحت ودموعها نازله ومش بتنطق
أسامة كمل
تمام عموما انا رقمي مع ام امير تقدرو تاخدوه منها وتكلموني اي وقت لو حبيتم تستفسرو عن اي حاجة … استأذن انا بقا
نوال
شكرا يا شيخ تعبناك معانا يا ابني
أسامة
العفو. علي ايه بس انا معملتش اي حاجة السلام عليكم
امير وهو بيوصلو للباب
وعليكم السلام يا شيخ أسامة تسلم
اسماء قامت وقفت وشدت احلام سندتها ووقفتها
طب هنستاذن احنا كمان بقا والف شكر يا طنط علي استقبالك ومساعدتك لينا بجد مش عارفه اقولك ايه
نوال
لا شكر ولا حاجة يا اسماء انا معملتش حاجة يا بنتي المهم تنفذو كلام الشيخ اسامه بالحرف الواحد مفهوم
اسماء
مفهوم حاضر
نوال
وانا بردو مش هسيبكم هبقي اجي ازروكم من وقت للتاني واطمن عليكم
شريف
نعم !! تزوري مين ؟ انتي مش هتروحي لحد يا ماما
نوال وهي بتجز علي سنانها
يا واد اسكت بقا اسكت
شريف
لا مش هسكت انا احترمت إن كان في ضيف في البيت وسكت ومرضيتش اضايق حضرتك لكن مرواح هناك مش هيحصل اذا كنتي انتي صدقتي الشويتين اللي هي عملتهم دول انا مصدقش دول ناس كدابه الكدب والخداع بيجري في دمهم يا ماما صدقيني
اسماء وهي بتحاول متنفعلش
طيب يا طنط شكرا مرة تانيه وعن ازنك احنا لازم نمشي دلوقتي
شريف وهو بيشاور ع باب الشقه
مع السلامة يا ستي في داهيه
نوال لسه هتزعق ل شريف لاقت اسماء شدت احلام وخارجين بسرعه من الشقه حاولت تروح وراهم ملحقتهمش رجعت وقفت ادام ابنها ونظراتها كلها غضب
لسه هتتكلم قاطعها هو
شريف
بقولك ايه انا اللي مفروض اكون غضبان وعلي أخري دلوقتي مش حضرتك انا عايز افهم ايه اللي حصل دا هه ازاي تسمحيلها تيجي هنا ؟ وبتخبو عليا كمان ؟ وبعدين حضرتك بجد بجد من كل عقلك وقلبك مصدقه الهبل اللي هي بتقوله دا ؟ مش فاهم حضرتك كنتي بتفكري ازاي لما وافقتي تساعدي واحدة زي دي نسيتي هي عملت ايه ؟
نوال بغضب
يظهر اني لو نسيت حاجة هي اني نسيت اربيك يا شريف اييييه واقف تحاسبني ولا ايه انا حرة اساعد اللي انا عايزاه وأصدق اللي أصدقه لا طلبت منك تساعدها ولا طلبت منك تصدقها ولا البنت جابت سيرتك اصلا باي حاجة حرام عليك مشفتش شكلها عامل ازاي ؟ انت لو كنت سبقت شويه وسمعت اللي كلنا سمعناه واللي هي بتعيشه كانت هتصعب عليك دي حالها يصعب علي الكافر يا مؤمن وكل اللي طلبته نصحيه مش اكتر ملهمش حد يلجاؤ ليه عشان ينصحهم وكلموني و لولا أني شفت وسمعت بنفسي مكنتش هصدق ارحم يا شريف ارحم يا بني عشان ربنا يرحمك لما تحتاج رحمتة
خلصت كلامها ومشيت من قدامه دخلت اوضتها ورزعت الباب وراها كان امير واقف علي باب اوضه الصالون بيسمعهم من غير ما يدخل ولما نوال مشيت قرب هو من شريف
امير
هتصدقني لو قلتلك اني كنت زيك مصدق أنها بتكدب وأنها حيلة منها عشان ترجع ل حياتك تاني بس محبتش ازعل ماما .. بس يا شريف لما شوفتها وسمعت كلامها والله العظيم صعبت عليا استحاله تكون بتمثل يا شريف استحاله … علي فكرة هي هنا عشان
قاطعه شريف
مش عايز اعرف
امير بقوة
لا هتعرف هتعرف غصب عنك … هي هنا عشان
وحكاله امير كل اللي سمعه من اسماء واحلام شريف كان حاسس أنه مقسوم نصين نص مصدق أنها في مشكلة ولازم يكون جمبها هو مكانة دلوقتي معاها وجزء بيفكرة باللي عملته وأنها كدابه ومخادعه بدرجة امتياز وان دا كله فيلم عشان تعرف ترجعله تاني ومش بعيد تكون متفقه مع الدجال اصلا علي كدة لعبه جديدة منها عشان يكون معاها مش حقيقي اللي امير بيقوله أيوة مش حقيقي
امير خلص كلامة ولاحظ أن ملامح شريف جامدة زي ما هي اتنهد بحزن وسابه ومشي هو كمان وشريف اقنع نفسه أنها بتمثل ونزل من البيت رجع شغله بعد ما كان هياخد اليوم دا إجازة ويكون مع امير عشان ميكنش لوحدة
❈-❈-❈
عدي شهر كامل علي ابطالنا شهر غير حياتهم كلها للابد
احلام واسماء مكملين رغم أن حاله احلام فعلا ساءت جدا مش بتاكل ولا بتشرب علي طول سرحانه كأنها في عالم تاني
اسماء كانت معاها ديما باعت اخر دهب معاهم وسابت الشغل وفضلت في البيت مع اختها مش بتفارقها ابدا ومهما حالت احلام ساءت إلا أن اسماء بتخليها تصلي بس كانت ديما صلاتها فيها شرود رغم كدة اسماء كانت مصممة أنها تصلي والقرآن مش بيتقطع من البيت الكاشافات ديما مشحونة البخور والمسك مالي الشقه
نوال من وقت للتاني بتروح تشوفهم وتبص عليهم وكتير كانت بتاخد معاها تيا تلعب مع ولاد اسماء علي ما هي تساعدهم في اي حاجة من شغل البيت صعبت عليها احلام جدا والحاله اللي وصلت لها
حاولت كتير مع شريف عشان يروح معاها ويشوف بنفسه احلام لكنه كل مرة كان بيرفض تماما ويقولها دي تمثيله خايبه وهتلخص قريب اول ما تصدق اني استحاله ارجعلها
نوال لما فقدت الامل في شريف أنه يصدق بقت تروح هي بانتظام مرتين في الاسبوع عشان تكون جنبهم علي قد ما تقدر
❈-❈-❈
جودي حملها ثبت وجلال كان طاير من الفرحة ومن كتر خوفه رفض انها تروح شقتهم طول فترة حملها عشان يكون مطمن عليها ونقل هو اقامتة معاها عند نوال اللي كانت مرحبه جدا بالقرار دا عشان تقدر تراعي الكل جودي وولادها الاتنين وحفيدتها واحلام كمان
أما جودي ف في الاول اعترضت عشان تخف الحمل شويه من علي امها لكن مع إصرار الكل حواليها وافقت في النهايه بشرط انها مش لازم تفضل طول اليوم في السرير خصوصا انها زهقت جدا من النومة دي ووافق جلال
❈-❈-❈
امير لاقي المكان المناسب وعجب جودي وشريف وجلال وبدء امير في تحضيرات خصوصا بعد ما اطمن علي حمل جودي وشريف من وقت للتاني بيكون معاه وجلال كمان بيحاول يكون موجود معاهم مكان جودي وهو حاسس أنه طاير من الفرحة المشروع وبدء حمل مراته وثبت حمد ربنا كتير علي النعم اللي ربنا غرقه بيها
أما امير حياتة كانت بين تيا والشغل وبس حاولت نوال تفتح معاه موضوع الجواز خصوصا بعد موت منار وان تيا هتفضل معاه في كل الأحوال إلا أنه رفض تماما أنه يخوض تجربه الجواز مرة تانيه وأنه اكتفي كدة بحياته بين شغله وبنته وبس
❈-❈-❈
الحياة في بيت هناء اتغيرت تماما في شهر واحد بس
من حياة في بيت بارد مش مترابط فيه صراعات كتير
ل حياة كلها حب ودفا وتضحيه
هناء قدرت تخلي محمود يقف تاني علي رجله عرفت بالمشروع الاستثماري اللي بدء فيه وشجعته جدا فضلت تتعامل معاه بهدوء وذكاء لحد ما رجع محمود حبيبها اللي تعرفه من سنين طويله
علاقته ب بناته اتغيرت تماما
هند لسه مش بتنزل الجامعه بتزاكر من البيت من الملخصات اللي الاء بتجبها و بتشغل وقت فراغها كله في المطبخ وبقت شيف شاطرة جدا في وقت صغير من وصفات اليوتيوب وكانت ديما تصمم أنهم يتلمو كلهم علي الغدا أو العشاء ويتكلمو سوا عن يوم كل واحد فيهم وكلهم رحبو بالتغير دا
أما الاء
دارت حزنها جواها محدش كان يعرف حاجة عن حبها ل عاصم غير اميرة وبس التزمت في دراستها و وقت فراغها بتروح تحضر مع اميرة سكيشن يوجا أو جيم أو اي فكرة تاني تطق في دماغهم
ويوم ما عاصم قري فتحته اميرة اتظهرت بالتعب الشديد عشان محمود وهناء يوافقو أن الاء تفضل معاها ومتحضرش خطوبه عاصم ولحد دلوقتي بتحاول تتخطي حكايتها معاه اللي انتهت من قبل ما تبدء اصلا
أما عاصم كان عايش جسد من غير روح بقي بارد جدا في كل تصرفاته مش قادر ينهي خطوة خطوبته ومش واثق في حب الاء له فقرر الهروب وعدم اتاخذ اي قرار في حياته حاليا
❈-❈-❈
ياسين كان عايش فترة هاديه جدا في حياتة شال الحب والارتباط من تفكيره تماما بطل يندم أو يتوجع علي ماضي عدي وقرر يكمل ويعيش حياتة اللي جايه بكل هدوء بين شغله واخواتة والهوايه الجديدة اللي اكتشف عشقه ليها وهي السفر في الأماكن الجبيلة والإقامة هناك بين الصحراء والجبال
❈-❈-❈
وفي يوم الجمعه كالعادة اتجمع الكل علي السفره عند نوال شريف وامير وجودي وجلال والجميله تيا
امير
تسلم ايديك يا ماما المحشي يجنن
نوال
تسلم يا حبيبي بالهنا والشفا
جلال
صحيح يا جودي هند بقت شيف صغنن كدة في نفسها ومصممة أنها تدوقك حاجة من ايديها عشان تقولي رايك وتقييمها بما انك الشيف المفضل ليها
جودي بفرحة
بجد !! حبيبتي يا نودة
نوال
طيب بقولك ايه خليها تيجي بكرة تقضي معانا اليوم وتعمل هي صنف بايديها وتدوقه جودي ايه رايك
جودي كشرت
وليه مرحش انا هه انا مش هفضل محبوسه في الشقه تسع شهور يعني انا بقيت كويسه خلاص
جلال بحب
معلش يا حبيبي شهر بس كمان زيادة اطمئنان وبعدها انا بنفسي هخرجك والله معلش شهر كمان عشان خاطري ممكن
جودي بغيظ
ممكن يا اخويا لما اشوف اخرتها في ام الحبسه دي ايه هه … قولها تيجي هي بكرة عشان انا مش بتنيل أخرج حلو كدة
ضحكو علي طريقتها كلهم
جلال
ممكن حاضر هقولها
شريف
طب ما تقولهم كلهم يجيو عشان هند متتحرجش تيجي لوحدها
نوال
أيوة صح فاتت عليا دي بيني كبرت وخرفت ولا ايه
جلال
مين دي اللي كبرت دي انتي اللي يشوفك يقول عليكي اصغر من العيال دي يا نونا قلبي انتي
امير بضحك
دلع يا اخويا دلع
جلال
غيور اوي يا نونا الواد دا
نوال ضحكت
سيبك منه بجد قولهم كلهم يجيو وياسين كمان خلينا نقضي اليوم سوا حتي جودي تحس بتغيير بدل ما هي زهقانة كدة
جلال
تمام حاضر هقولهم
شريف
ماما مش مفروض تعزميهم انتي ممكن يتحرجو لو جلال بس اللي قالهم
نوال هترد جلال قاطعها
لا طبعا هناء وياسين مش من الناس دي خالص مجرد ما انا اقولهم أن طنط عازماهم الموضوع هيبقي خلص هيظبطو بس يوم يكونو كلهم فاضيين فيه وهيجو
نوال
طيب كلمهم بعد الغدا وانا كمان هكلم هناء ااكد بس عليها أن مفيش اي اعذار
جلال
عيوني يا نونا حاضر
امير
مالك يا جودي سكتي مرة واحدة يعني
جودي بحيرة
مش عارفه يا أمير مرة واحدة حسيت قلبي انقبض اوي من غير سبب
نوال
اعوذ بالله من الشيطان الرجيم… تلاقه من الزهق والتوتر بس يا حبيبتي متحطيش بالك
جودي
حاضر يا ماما … انا تمام يا جماعه مالكم بتبصولي كدة ليه كملو اكل يلا
كمل الكل اكله وكلام جودي مش رايح من بالهم من زمان جدا وجودي مجرد ما تقول قلبي مقبوض بعدها بتحصل حاجة وحشه لحد سواء منهم أو من حد هما يعرفوه وعلي مقربه منهم
بعد الغدا كلم جلال هناء وياسين واتفقوا أن العزومة تكون يوم الثلاث عشان ياسين كان مسافر سفاري ومش هيرجع منها إلا يوم الاثنين ف العزومة هتكون الثلاث عشان يقدر يكون موجود معاهم
امير بعد ما اتغدي وشرب القهوة معاهم استأذن وخد تيا ونزل يشتري ليها شويه حاجات ويخرجها شويه
جلال كمان بعد زن والحاح من جودي وافق أنهم ينزلو يشربو اي عصير في الكافيه اللي علي اول الشارع ويقعدو فيه شويه ويرجعو
وفضل في البيت نوال وشريف وبس
❈-❈-❈
في البيت عند احلام الوضع كان بيسوء اكتر واكتر واسماء كمان كانت بدأت مقاومتها تنهار تماما من قله النوم والتركيز مع البيت والأولاد واحلام
بعد الفطار دخلت احلام عشان تنام شويه لأن تقريبا طول الليل بتكون صاحيه بتعيط وبس وفضلت برة اسماء بتخلص في شغل البيت … عدي حاولي ساعتين كانت اسماء روقت الشقه وغسلت ونشرت وقررت تطمن علي احلام قبل ما تدخل تبدء في الاكل دخلت عليها الاوضه كانت احلام نايمة بعمق شديد
اسماء
احلام …. احلام حبيبتي…. احلام اصحي بقالك كتير نايمة ومفطرتيش كويس قومي يلا …. احلام
بدأت تهز فيها لكن مكنتش بتستجيب ليها جابت برفان بسرعه ورشتة علي وشها مفيش فايدة … بدأت اسماء تتوتر ومكنتش عارفه تعمل ايه ولسه هتجري علي التلفون تكلم نوال سمعت احلام من وراها بتقول
احلام بصوت قووي
متتصليش بحد يا اسماء واخرجي من الاوضه واقفلي الباب وراكي
اسماء ايديها اترعشت وبصت بهدوء رواها وهي حسه أن قلبها من شدة ضرباته هيقف لاقت احلام قاعدة علي السرير وشعرها نازل علي وشها وبصلها بصه رعبتها واللي رعبها اكتر الابتسامة اللي اترسمت علي وش احلام وهي بتقول
احلام بصوت مختلف
خلاص الوقت التنازلي بدء وانهاردة احلام هتكون بتاعتي … بتاعتي انا وبس اطلعي بره … برررررررررررررره
اسماء جريت برة الاوضة والباب اتقفل في وشها لوحدة ودموعها نزلت برعب من اللي بيحصل ومش عارفه تتصرف ازاي وفي وسط كل دا جرس الباب رن وسمعت اخر صوت كانت تتخيل تسمعه في الوقت دا
مندوه
افتحي يا اسماء … لو عايزة تلحقي اختك افتحي الباب دا دلوقتي حالا والا البيت هيولع بيكم كلكم دلوقتي … افتحي
اسماء بقت تترعش و كل اللي هداها ليه تفكيرها أنها تتصل تسال نوال تعمل ايه اتصلت واستنت نوال ترد
نوال
السلام عليكم يا حبيبتي عا
قاطعتها اسماء ببكاء وانهيار
الحقيني يا طنط الحقني والنبي بسرعه
نوال بخضه
في ايه يا اسماء انتم كويسين في ايه ؟
اسماء بلخبطة وتوتر
ا احلام احلام بتتكلم بصوت مش مش صوتها والله مش صوتها و و مندوه واقف قدام باب الشقه ب بيقولي الشقه هتولع بينا كلنا هتولع بينا الحقيني يا طنط ولادي ياطنط ولادي أمانة في رقبتك لو حصلنا حاجة ولادي يا طنط والنبي ما تسيبهم ابدا ابدا
نوال بصوت عالي لفت نظر شريف
متفتحيش الباب سامعه يا اسماء سامعه ولا لا اووووووعي تفتحي الباب واقفلي باب الاوضة علي احلام بالمفتاح وانا هجيب الشيخ اسامه وهجيلك حالا مسافه السكة وهكون عندك تماسكي يا اسماء عشان خاطر ولادك تماسكي واعملي اللي قولتلك عليه فهماني ولا لا ؟
اسماء ببكاء
حاااضر حاضر بس بسرعه بالله عليكي بسرعه
نوال
حاضر يا حبيبتي واقفلي علي ولادك يا اسماء هما كمان بسرعه وأنا هنزل علي الجامع اهو يلا سلام يا حبيبتي في حفظ الله ورعايته يارب يارب
شريف بقلق فشل يداريه
ماما في ايه ؟
نوال وهي بتحط عليها عبايه وطرحة
مفيش وقت تعالي معايا بسرعه البنات في خطر والدجال دا في اي لحظة هيتهجم عليهم يلا بسرعه مراتك بتموت يا شريف
شريف اتجمد مكانة وفجأة