رواية كيان الزين الفصل الثاني 2 بقلم ايمي محمد
رواية كيان الزين البارت الثاني
رواية كيان الزين الجزء الثاني
رواية كيان الزين الحلقة الثانية
الدكتور: الصراحه هي عندها غيبوبه سكر وده اللي خلاها يغمي عليها
زين: طيب هي كويسه يا دكتور دلوقتي اقدر ادخل اشوفها
الدكتور: متخفش هي كويسه هي دلوقتي نايمه ساعه او ساعتين وهتفوق تقدر تدخلها لما تفوق
زين: شكرا يا دكتور
الدكتور: ده واجبي عن اذنك
ذهب الدكتور وتنهد زين بأرتياح لانه كان خائف علي امه
نرجع للبطله
بعد ان انهت طعامها مع حبيبه ذهبت الي البيت وعندما وصلت الي البيت دقت علي الباب فتحت لها امها بقلق
ليلي:(امها) كنتي فين قلقتيتي عليكي واتصلت بيكي كتير مردتيش
كيان: متقلقيش يا ماما انا كويسه كنت بتغدا مع حبيبه ومعلش تلفوني كان فاصل شحن
امها: بعد كده تطمنيني عليكي كل شويه انتي عارفه انا ماليش غيرك
كيان: عارفه يا ست الكل ربنا يخليكي ليا ونبقي مع بعض دايما وميحرمنيش منك ابدا يا ست الكل انا داخله انام بقي عشان عندي كليه الصبح
امها: روحي يا بنتي تصبحي علي خير
كيان: وانتي من اهله يا ست الكل
ذهبت كيان الي غرفتها واسبدلت ملابسها وذهبت الي سريرها وهي كانت تخلد الي النوم تذكرت الذي خبطها قصدها علي (زين)
كيان: تصدقي حبيبه عندها حق الواد مزززز اوي بس لاء ده كان بيهددني وظلت كيان تفكر فيه حتي غرقت في نومها
نرجع للبطل
بعد حوالي ساعتين افاقت امه
زين جري اليها بلهفه: ماما انتي كويسه حمدلله علي سلامتك
يسرا(امه)بتعب: انا فين
زين: انتي في المستشفى اغمى عليكي وسماح الخدامه اتصلت بيا وجيت علطول وجبتك هنا انتي كويسه
يسرا: متخافش يا حبيبي انا كويسه هو انا ممكن اخرج
زين: حاضر هطلع اكلم الدكتور هخليه يكتبلك علي خروج
وبالفعل كتب لها الدكتور علي خروج بعد ان اطمئن علي صحتها واخذها الي البيت وعندما وصلوا حملها الي غرفتها كي تستريح
زين: ارتاحي دلوقتي يا امي عايزه حاجه
امه: لاء يا حبيبي روح نام انت كمان شكلك تعبان اوي
ذهب زين الي غرفته ودخل الي الحمام كي يأخذ شاور وبعد ان طلع ابدل ملابسه وذهب الي سريره وفرد جسمه وعندما ينام تذكر تلك البنت التي اطلقت عليه اسم الحمار
زين: بقي كل البنات بتحبني وبتجري ورايا وحته بنت تقول عليا حمار ماشي لما اشوفها هوربها مين فينا اللي حمار
انا ككاتبه خوفت علي كيان من زين ربنا يعينك يا كيان ده لو شافت هيعمل منك بوفتيك😂😂
مع بدايه يوم جديد
كالعاده صحيت كيان علي صوت امها اللي صحي العماره كلها وهي لسه مصحيتش😂😂
وعندما استيقظت ذهبت الي الحمام كي تأخذ شاور وعندما انهت ابدلت ملابسها بنطلون اسود علي هايكول اسود وعليه جاكيت اسود وطرحه سوداء وكوتشي ابيض ولم تضع ميكاب لانها مقتنعه ان جمل المراه ليس بالتزين ولكن بجملها الطبيعي (وده اللي انا مقتنعه بيه جمال المرأه الطبيعي مش بالميكاب عشان كده انا مبحطش ميكاب وياريت كل البنات كده)
نرجع للروايه
خرجت كيان من غرفتها وذهبت الي امها
كيان: صباح الخير يا ست الكل
امها: صباح النور يا عين امك تعالي عشان تفطري ومفيش اعذارات
كيان: عشان خاطرك يا ست الكل هفطر معاكي وجلست كي تفطر مع امها
نروح للبطل
استيقظ زين مبكرا وذهب كي يأخذ شاور وخرج ولبس بدله سوداء مبينه مفاتن جماله (مش بقولكوا مزززز😂)
وذهب زين الي غرفه امه كي يطمئن عليها دق زين علي غرفه امه وفتح الباب
زين: صباح الخير ياست الكل عامله ايه دلوقتي
امه: الحمدلله يبني احسن بكتير
زين: يارب دايما ياست الكل فطرتي ولا لسه
امه: مليش نفس يا زين
زين: ازاي يا ماما انتي تعبانه لازم تتغذي انا هنزل هخليهم يعملولك الفطار عايزة حاجة تانية يا ست الكل
امه: لاء يبني
زين: طيب انا رايح دلوقتي الشغل
امه: ربنا معاك يابني
قبل زين امه ونزل طلب من سماح تطلع لامه الفطار وخرج برا الفيلا وركب سيارته وقاد الي الشركه
نرجع للبطله
كيان: الحمدلله يا ست الكل انا نازله بقي لحسن حبيبه
هتقتلني وفجأه التلفون رن
كيان: يانهار اسود
امها بخضه: في ايه يا بت
كيان: ده حبيبه بتتصل
امها: وفيها ايه ردي عليها
كيان بخوف: ده لو عرفت اني لسه منزلتش هتعمل مني بطاطس محمره انا ماشيه
امها بضحك: روحي يا بنتي
كيان قبلت امها بسرعه ونزلت ردت
كيان: ايوا يا حبيبه انا في التاكسي خمس دقائق وهتلاقيني قدام الكليه وبينما كنت تتحدث مع حبيبه نزلت لقت الصدمه لقت حبيبه واقفه قدامها (ايوة يا جماعه كل واحد عنده الشخص اللي بيقول انه وصل وهو لسه منزلش اصلا)
حبيبه: ايه مش كنتي في التاكسي ولا ركبتي التاكسي وانتي نازله من سلم بيتك
كيان: خلاص يا بيبه انا اسفه اني اتأخرت بس ماما اصرت اني افطر معاها وانتي عارفه رضا الوالدين اهم حاجه يلا بينا عشان نلحق المحاضره
حبيبه بنفاذ صبر: يلا يا اخرت صبري
وبالفعل ركبوا تاكسي حقيقي وكان الطريق زحمه وهما في الطريق يوجد عربيه خبطت التاكسي وقف نزل سواق التاكسي ونزل منها ونزل الراجل اللي خبطوا وفضل سواق التاكسي يتخانق معاه
كيان وحبيبه بنفاذ صبر احنا كده هنتاخر تعالي نشوف في ايه
وبالفعل كيان وحبيبه نزلوا وقالوا لسواق التاكسي انهم متأخرين
كيان: معلش ممكن حضرتك توصلنا عشان احنا متأخرين
السواق بغضب: انا مليش دعوة انا عايزه حق تصليح التاكسي
كيان خبطت علي ضهر الراجل: ما تديله يا عم حق تصليح التاكسي
التف لها الرجل
كيان بصدمه: انت…………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كيان الزين)
